نئی دہلی، انڈین کونسل آف میڈیکل ریسرچ (آئی سی ایم آر) اور آل انڈیا انسٹی ٹیوٹ آف میڈیکل سائنسز (ایمس) کی مشترکہ تحقیق کی بنیاد پر یہ دعویٰ کیا گیا ہے کہ ملک میں اچانک ہونے والی اموات کورونا ویکسین کی وجہ سے نہیں ہیں۔

مرکزی وزارت صحت نے بھی تصدیق کی ہے کہ نوجوانوں میں کورونا ویکسین اور ہارٹ اٹیک کے درمیان کوئی تعلق نہیں ہے۔

کرناٹک کے وزیر اعلیٰ سدارامیا نے ہاسن ضلع میں دل کا دورہ پڑنے سے ہونے والی اموات کا ذمہ دار کووڈ ویکسین کو قراردیا۔ اس کے ایک دن بعد، بدھ کو مرکزی وزارت صحت نے ان کے دعووں کی تردید کی اور کہا کہ آئی سی ایم آر اور اے آئی آئی ایم ایس کے ذریعے کئے گئے وسیع مطالعے میں ایسا کوئی تعلق نہیں ملا ہے۔

مسٹر سدارامیا نے کل کہا تھا کہ عوام میں کووڈ ویکسین کی ‘جلد بازی سے منظوری اور تقسیم’ بھی ان اموات کی ایک وجہ ہو سکتی ہے اور ہر ایک پر زور دیا کہ اگر انہیں سینے میں درد یا سانس لینے میں دشواری جیسی علامات نظر آئیں تو وہ فوری طور پر قریبی صحت مرکز کا دورہ کریں اور اگر اپنا معائنہ کروائیں۔ ان علامات کو نظر انداز نہ کریں۔

تاہم، وزارت نے ان کے تبصرے کو مسترد کرتے ہوئے کہا کہ ملک میں کئی ایجنسیوں کے ذریعے اچانک اموات کے معاملات کی چھان بین کی گئی ہے اور ان مطالعات نے حتمی طور پر یہ ثابت کیا ہے کہ کووڈ 19 کی ویکسینیشن اور اچانک اموات کی رپورٹوں کے درمیان کوئی براہ راست تعلق نہیں ہے۔

وزارت نے آئی سی ایم آر اور نیشنل سینٹر فار ڈیزیز کنٹرول (این سی ڈی سی) کے ذریعہ کئے گئے مطالعات کا حوالہ دیتے ہوئے کہا کہ انہوں نے اس بات کی تصدیق کی ہے کہ ملک میں کووڈ 19 کی ویکسین محفوظ اور موثر ہیں، سنگین سائیڈ ایفیکٹس کے بہت کم واقعات رپورٹ ہوئے ہیں۔ بیان میں کہا گیا ہے کہ اچانک دل سے ہونے والی اموات متعدد عوامل کی وجہ سے ہو سکتی ہیں، جن میں جینیات، طرز زندگی، پہلے سے موجود بیماریاں اور بعد از کووڈ پیچیدگیاں شامل ہیں۔

آئی سی ایم آر اور این سی ڈی سی اچانک ہونے والی اموات بالخصوص 18 سے 45 سال کی عمر کے نوجوانوں کی پیچھے کی وجوہات کو سمجھنے کے لئے مل کر کام کررہے ہیں۔ یہ معلوم کرنے کے لیے، مختلف تحقیقی طریقوں کا استعمال کرتے ہوئے دو تکمیلی مطالعات کیے گئے۔

بیان میں کہا گیا ہے کہ پہلا مطالعہ آئی سی ایم آر کے نیشنل انسٹی ٹیوٹ آف ایپیڈیمولوجی (این آئی ای) نے کیا تھا، جس کا عنوان تھا ‘ہندوستان میں 18-45 سال کی عمر کے بالغوں میں اچانک اموات سے منسلک عوامل – ایک ملٹی سینٹرک میچڈ کیس کنٹرول اسٹڈی۔ یہ مئی سے اگست 2023 تک 19 ریاستوں اور مرکز کے زیر انتظام علاقوں کے 47 کیئر اسپتالوں میں منعقد کیا گیا تھا۔

وزارت نے کہا کہ اس میں ایسے افراد کا مطالعہ کیا جو بظاہر صحت مند تھے لیکن اکتوبر 2021 اور مارچ 2023 کے درمیان اچانک ان کی موت ہوگئی۔ نتائج سے پتہ چلتا ہے کہ کووڈ-19 ویکسینیشن سے نوجوان بالغوں میں اچانک موت کا خطرے نہیں بڑھتا ہے۔

تحقیق کے مطابق زیادہ تر غیر واضح موت کے معاملات میں جینیاتی تبدیلیوں کو ان اموات کی ممکنہ وجہ سمجھا جا رہا ہے۔ مطالعہ مکمل ہونے کے بعد حتمی نتائج کا اشتراک کیا جائے گا۔ساتھ میں یہ دونوں مطالعات ملک میں نوجوان بالغوں میں اچانک ہونے والی اموات کے بارے میں مزید معلومات فراہم کرتے ہیں۔ بیان میں کہا گیا ہے کہ یہ بھی پتہ چلا ہے کہ کووڈ-19 ویکسینیشن سے خطرے میں اضافہ نہیں ہوتا ہے، جب کہ صحت کے مسائل، جینیاتی رجحان اور خطرات سے دوچار طرز زندگی متبادل کا کردار غیر واضح اموات کی وجہ ہوسکتی ہے۔

ویکسین کی افادیت پر شکوک پیدا کرنے والے ایک بیان میں کسی کا نام لیے بغیر، کرناٹک کے وزیر اعلیٰ نے کہا، “سائنسی ماہرین نے اس بات کا اعادہ کیا ہے کہ کووڈ ویکسینیشن کو اچانک اموات سے جوڑنے والے بیانات غلط اور گمراہ کن ہیں، اور اس میں کوئی سائنسی اتفاق رائے نہیں ہے۔”

وزارت نے کہا، “بغیر حتمی ثبوت کے قیاس آرائی پر مبنی دعوے ویکسین پر عوام کے اعتماد کو مجروح کرنے کا خطرہ رکھتے ہیں، جنہوں نے وبائی امراض کے دوران لاکھوں جانیں بچانے میں اہم کردار ادا کیا ہے۔ ایسی بے بنیاد رپورٹس اور دعوے ملک میں ویکسین کی تذبذب کو بڑھا سکتے ہیں، جس سے صحت عامہ پر منفی اثر پڑ سکتا ہے۔”

مسٹر سدارامیا نے کہا کہ صرف ہاسن ضلع میں ہی گزشتہ ماہ میں 20 سے زیادہ لوگوں کی دل کا دورہ پڑنے سے موت ہوئی ہے۔ وزیر اعلیٰ نے سوشل میڈیا ‘ایکس’ پر ایک پوسٹ میں لکھا، “حکومت اس معاملے کو بہت سنجیدگی سے لے رہی ہے۔ ان اموات کی اصل وجہ جاننے اور اس کا حل تلاش کرنے کے لیے، جے دیوا انسٹی ٹیوٹ آف کارڈیو ویسکولر سائنسز اینڈ ریسرچ کے ڈائریکٹر ڈاکٹر رویندر ناتھ کی قیادت میں ماہرین کی ایک کمیٹی تشکیل دی گئی ہے اور انہیں 10 دن کے اندر مطالعہ کی رپورٹ پیش کرنے کی ہدایت دی گئی ہے۔”

یواین آئی۔الف الف