نئی دہلی، بالی ووڈ سال 2026 میں نئی توانائی، جرات مندانہ تجربات ، واضح تبدیلیوں اور تازہ کہانیوں کے ساتھ داخل ہوگیا ہے۔غیر یقینی باکس آفس رجحانات، ڈیجیٹل پلیٹ فارمز کے بڑھتے اثرات، بدلتے ناظرین کے ذوق اور سلیبریٹی کلچر میں تبدیلی کے ساتھ 2025 کا اختتام ہوا۔ گزشتہ برس بالی ووڈ کا جوش صرف بڑی فلموں تک محدود نہیں رہا ۔اس برس سپرڈوپر ہٹ فلموں کے ساتھ ساتھ درمیانے درجے کی فلمیں بھی اسکرین پر آئیں۔ سینکڑوں فلمیں بنیں، ان فلموں نے شاندارکاروبار کیا ، پردہ سیمیں پر ان کو خاطر خواہ کامیابیاں بھی ملیں اور انہیں ناظرین نے بے انتہا پسند بھی کیا۔

جہاں سال2025 میں تجربہ کار اداکاروں کی مضبوط واپسی اور نئے فنکاروں کا اعتماد ایک ساتھ نظر آ یا، وہیں ہائی کانسیپٹ فلموں کی مضبوط قطاربھی نظر آئی۔ یہی نہیں بالی ووڈ موسیقی، دوبارہ اصل تخلیق کی طرف لوٹ آئی ۔کلاسیکل امتزاج،معنی خیز شاعری، روح کو چھو لینے والی دھنیں،جن کا سامعین نےبھرپور خیر مقدم کیا۔

اس سال فلموں میں جرات مندانہ خیالات، غیر روایتی بیانیہ اور ایسے موضوعات شامل رہے جو ماضی میں کم ہی دیکھے گئے۔فلم سازوں نے اس برس اپنے تجربات مختلف انداز میں پیش کئے ۔قیاس اور تصوراتی کہانیاں،کردار پر مبنی ڈرامے،گہرے نفسیاتی تھرلرز،جدید نقطۂ نظر کے ساتھ تاریخی کہانیاں،ایکشن، سائنس فکشن اور ڈراموں کا امتزاج دیکھ کر ناظرین کو تازگی محسوس ہو ئی۔ مختلف انڈسٹریز کے درمیان ریکارڈ توڑ اشتراک بھی دیکھے گئے۔

2025 کی نمایاں خصوصیت مختلف فلمی صنعتوں کے درمیان تعاون ہے۔ جنوبی ہند، بنگالی اور ہندی سنیما کے اداکار اور ہدایت کار اب بڑے ہندی منصوبوں کا حصہ بنے۔2025 میں خواتین مرکزی کرداروں والی فلموں کا غلبہ رہا۔ بایوپکس، تھرلرز اور جذباتی ڈرامے بڑی سطح پر پسند کئے گئے۔

سینئر اداکار چیلنجنگ کرداروں میں نظر آئے تو نئے چہرے متاثر کن اداکاری کے ساتھ پردہ سیمیں کی رونق بنے۔ یا یوں کہا جائے کہ سال 2025 میں ستارے زیادہ حقیقی اور کھلے انداز میں نظر آئے۔ بالی ووڈ اب مصنوعی چمک دمک کے بجائے حقیقت کے قریب آ چکا ہے۔جس میں حقیقی شہری زندگی،چھوٹے شہروں کی کہانیاں،متوسط طبقے کے مسائل، ثقافتی درستگی پر مبنی فلمیں پیش کی گئیں۔

نئے اداکاروں اور ہدایت کاروں کو او ٹی ٹی کے ذریعے پہچان ملی۔جہاں کچھ سینئر ستاروں نے مضبوط کم بیک کیا تو نئی نسل کے اداکاروں نے بھی مواد پر مبنی فلموں سے اپنی جگہ بنائی جبکہ خواتین مرکزی کردار والی فلموں کی تعداد میں اضافہ دیکھا گیا۔جہاں تک نغموں کی بات ہے ،ری مکس گانوں کے ساتھ ساتھ اصل اور سادا دھنوں کو بھی سامعین نے پسند کیا۔

انڈی میوزک اور فلمی موسیقی کے درمیان فاصلہ کم رہا۔بعض فلموں کو موضوعات، مکالموں یا کاسٹنگ کی وجہ سے تنازعات کا سامنا رہا۔نیپوٹزم اور مواد کے معیار پر بحث سال بھر جاری رہی۔لب و لباب یہ رہا کہ بالی ووڈ تبدیلی کے دور سے گزرا۔ جہاں ناظرین نے صرف اسٹار پاور نہیں بلکہ مضبوط کہانی اور معیار کو ترجیح دی۔ناظرین کو یہ امید ہے کہ آنے والا سال تجرباتی سنیما اور نئے چہروں کے لیے اہم ثابت ہو سکتا ہے۔

سال کے اختتام پر بالی ووڈ فلم انڈسٹری میں کئی اہم رجحانات، کامیابیاں اور چیلنجز دیکھنے کو ملے۔ جن میں بڑی ، درمیانے اور اوسط درجے کی فلمیں باکس آفس پر آئیں۔بلاشبہ گزشتہ برس بڑے بجٹ کی فلموں نے سینما گھروں میں شاندار واپسی کی۔کچھ فلمیں ریکارڈ توڑ کامیابی حاصل کرنے میں کامیاب رہیں، جبکہ چند بڑے ناموں کی فلمیں توقعات پر پوری نہ اتر سکیں۔ساؤتھ انڈین سنیما کے اثرات بدستور بالی ووڈ پر غالب رہے، کئی فلمیں پین انڈیا سطح پر ریلیز ہوئیں۔نیٹ فلکس، ایمیزون پرائم اور دیگر او ٹی ٹی پلیٹ فارمز پرویب سیریز اور براہِ راست او ٹی ٹی ریلیز فلمیں خاصی مقبول رہیں۔سال 2025 کی کامیاب فلموں میں دھرندرکو سرفہرست فلموں میں جگہ ملی ہے۔ رنویر سنگھ کی اسپائی تھرلر فلم جس نے 2025 میں سب سے زیادہ بزنس کیا اور باکس آفس پر بہترین مقام حاصل کیا۔فلم چھاوا ، وکی کوشل کی تاریخی فلم جو ناظرین اور باکس آفس دونوں میں بلاک بسٹر رہی۔ تو وہی سیارہ موہت سوری کی رومانوی ڈرامہ فلم ہے، جس نے مضبوط بزنس کیا اور خاص طور پر نوجوانوں میں مقبول ہوئی۔مہاوترا نرسمہا ایک اور بڑی ہٹ فلم جو باکس آفس پر اچھا بزنس کرنے میں کامیاب رہی۔ وار-2 ایکشن فلم جس نے سال بھر اچھی کمائی کی، لوگوں کی پسند یدہ فلم رہی جبکہ ہاؤس فل 5، مشہور کامیڈی فرنچائز کا نیا حصہ تھی۔ اس فلم نے بھی اچھی مقبولیت حاصل کی۔ ریڈ -2 ایکشن تھرلر سیکوئل جس نے باکس آفس پر مضبوط پرفارمنس دی اور لوگوں کو اپنی طرف متوجہ کیا۔ ستارے زمیں پر کو فلموں میں اچھا خاصا ریسپانس ملا۔ عامر خان کی جذباتی فلم جس نے ناظرین کے دل جیتے اور اچھی کمائی کی۔ فلم کنٹارا چیپٹر 1 جو ساؤتھ فلم کا ہندی ڈب ورژن ہے، بالی ووڈ میں بھی شاندار بزنس کیا۔ فلم تھما جو ایک مقبول فیملی/ڈرامہ ہے۔ یہ فلم بھی کامیاب فلموں میں رہی۔ مختصراً یہ کہ ایکشن، تاریخی، رومانوی اور کامیڈی فلمیں سب سے زیادہ مقبول رہیں، جس سے پہ چلتا ہے کہ ناظرین متنوع مواد پسند کر رہے ہیں۔

یہاں سال 2025 کی بالی ووڈ فلم انڈسٹری میں باکس آفس پر ناکام یعنی فلاپ فلموں کی ایک جامع فہرست ہے ۔ یعنی وہ فلمیں جو توقعات کے مطابق بزنس نہیں کر سکیں یا نقصان پر رہ گئیں۔ سلمان خان اور رشمیکا مندانا کی فلم سکندر،بڑی توقعات کے ساتھ ریلیز ہوئی لیکن باکس آفس پر کم ہی کمائی پائی اور اسے بڑے نقصان کا سامنا کرنا پڑا۔

فلم ایمرجنسی جس میں کنگنارناؤت کا اہم کردار رہا، سیاسی ڈرامہ فلم نے باکس آفس پر کمزور کارکردگی دکھائی۔ اسی طرح باغی-4 ٹائیگر شروف کی ایکشن سیریز کا یہ حصہ اپنی لاگت کے مقابلے میں بہت کم بزنس کر سکا۔سداشنت چتور ویدی اور تریپتی دِمری کی رومانوی ڈرامہ فلم دھڑک-2 بھی متوقع ردعمل نہیں پا سکی۔ دیگر فلمیں جو باکس آفس پر ناکام رہیں ان میں شاہد کپور کی ایکشن تھریلر فلم دیوا بھی تماشائیوں کو اپنے سحر میں نہیں لے سکی۔سونو سود اور جیکولین فرنینڈز کی فلم فتح توقعات کے مطابق کمائی نہیں کر سکی۔

اجے دیوگن اور دیگر کے ساتھ بننے والی تاریخی فلم آزاد بھی باکس آفس پر بہت کم کمائی کرپائی۔ فلم گستاخ عشق رومانوی ڈرامہ نے تماشائیوں تک اپنا رابطہ بنانے میں نا کام رہی۔

دوسری طرف اجے دیوگن کی فلم سن آف سردار-2 بھی متوقع بزنس حاصل نہیں کر سکی۔ ہوم باؤنڈ 26 ستمبر 2025 کو ریلیز ہوئی جس میں ایشان کھٹر، وشال جیتھوا، جھانوی کپور ، شالنی واتسا نے اہم کردار ادا کئے۔ ا س فلم کو ناقدین کی طرف سے پانچ پوائنٹ ملے۔ فلم حق جس کو ناقدین نے ساڑھے چار پوائنٹ دیئے، 7 نومبر 2025 کو ریلیز ہوئی۔ اس میں یامنی گوتم، عمران ہاشمی ، شیبا چڈھا اور دانش حسین نے شاندار اداکاری کی۔

خلاصہ یہ رہا کہ سال 2025 میں کچھ بڑی فلمیں بڑے بجٹ اور مشہور ستاروں کے ساتھ ریلیز ہوئیں، لیکن اسٹار پاور کے باوجود کئی فلمیں ناکام رہیں کیونکہ وہ کہانی، ردعمل یا مقابلے میں اچھا نہیں کر سکیں۔ سال 2025 میں بالی ووڈ فلم انڈسٹری میں تقریباً 231 ہندی فلمیں سینما گھروں میں ریلیز ہوئیں۔اس میں صرف بالی ووڈ فلمیں شامل ہیں، دیگر جنوبی ہندی ڈب/ہندی ریلیزز یا او ٹی ٹی خصوصی ریلیز شامل نہیں ہیں۔ سال 2025 میں کچھ ولن کرداروں نے فلموں میں اپنی اداکاری سے ولن کے تصور کو ہی بدل دیا، جس پر کافی گفتگو ہوئی۔

یو این آئی۔ ایم جے۔