سیول سوسائٹی،فوج، سیاست دانوں کے وفود سے ملاقی،شکارہ کا بھی مزہ لیا
سرینگر/12فروری: غیر ملکی سفارتکاروں اور یورپی یونین کے قانون دانوں کا دوسرا قافلہ وادی کے دورے پر پہنچ گیا،جس کے دوران انہوں نے سیاست دانوں،سیول سوسائٹی ارکان اور میڈیا نمائندوں سے تبادلہ خیال کیا،جبکہ وہ مجموعی صورتحال کا احاطہ بھی کریں گے۔ غیر ملکی سفارتکاروں نے جھیل ڈل میں شکارہ کی سواری بھی کی۔اس دوران غیر ملکی سفارتکاروں کی وادی آمد کے خلاف احتجاج کر رہے کئی نوجوانوں کو پولیس نے گرفتار کیا۔ جے کے این ایس کے مطابق یورپی یونین سے وابستہ قانون دانوں اور سفارتکاروں کی ایک ٹیم بدھ کو وارد کشمیر ہوئی اور مختلف طبقہ ہائے فکر سے وابستہ لوگوں سے تبادلہ خیال کیا۔ ذرائع کا کہنا ہے کہ20ملکوں،جن میں جرمنی،کینڈا،فرانس،افغانستان، آسٹریا، ازبکستان، جمہوریہ سلواکیہ، ہائی لینڈ،نمیبیا،کرگز،بلغیاریہ،تاجکستان، ڈنمارک، اٹلی،نیو زی لینڈ،پولینڈ،رونڈا اور دیگر ممالک بھی شامل ہیں کے سفارتکار خصوصی طیارے کے ذریعے بدھ کو 11بجے صبح سرینگر پہنچے، تاہم نا مساعد موسمی حالات کی وجہ سے وہ شمالی کشمیر کے بارہمولہ نہیں جاسکے،جہاں پر انہیں جانے کا پروگرام تھا۔ مذکورہ وفدمرکزی حکومت کی طرف سے5اگست کو جموں کشمیر کو خصوصی حیثیت فراہم کرنے والے دفعہ370کی تنسیخ اور جموں کشمیر کو دو حصوں میں تقسیم کر کے مرکزی زیر انتظام والے علاقوں میں تبدیل کرنے کے فیصلے کے بعد پیدہ شدہ صورتھال کا جائزہ لینگے۔ افغانستان کے سفیر برائے بھارت طاہر قادری نے سماجی وئب سائت ٹیوٹر پر تحریر کیا”پہنچے کے بعد ہم سرینگر کے جھیل ڈل میں شکارہ سواری سے لطف اندوز ہوئے،خوبصورت جھیل اور مہمان نواز لوگ،میں نے ایک کشتی جو دکان کے طور پر کام کرتی ہے سے ایک خوبصورت انگوٹھی خرید لی“۔گزشتہ ایک ماہ میں یہ غیر ملکی سفارتکاروں کی طرف سے وادی کا دوسرا دورہ ہے۔ ذرائع کا کہنا ہے کہ غیر ملکی سفارتکاروں اور قانون دانوں نے جھیل ڈل میں شکارے کی بھی سواری کی اور قدرت کی خوبصورتی کا لطف اٹھایا۔اس دوران معلوم ہوا ہے کہ مذکورہ وفد نے بدھ کو ایک مقامی ہوٹل میں سیول سوسائٹی، سیاست دانوں اور دیگر طبقہ ہائے فکر سے وابستہ لوگوں سے ملاقی ہوکر مختلف معاملات پر تبادلہ خیال کیا۔ذرائع کا کہنا ہے کہ شمالی کشمیر کے فرور گرورس کے علاوہ میڈیا نمائندوں نے بھی غیر ملکی سفارتکاروں سے ملاقات کی۔ذرائع کا کہنا ہے کہ مذکورہ وفد ممکنہ طور پر فوجی افسران سے بھی ملاقات کریں گی،جس کے دوران انہیں جموں کشمیر میں پاکستان کی پشت پناہی سے انتہپا پسندی کے بارے میں تفصیلات فراہم کی جائں گی۔ ذرائع کا کہنا ہے کہ یورپی یونین کا وفد رات بھر وادی میں قیام کرین گا اور جمعرات کو جموں روانہ ہونگے،جہاں پر امکانی طور پر وہ جموں کشمیر کے لیفٹنٹ گورنر جی سی مورمو کے علاوہ سیول سوسائتی ارکان سے ملاقی ہوگئی۔ اس دوران ایک سفارتکار نے نامہ نگاروں کو بتایا کہ وکشمیر میں ایک سیاح کے طور پر آیا ہے۔ادھر سابق وزیر اعلیٰ محبوبہ مفتی کی دختر التجاء مفتی نے یورپی یونین اور غیر ملکی سفارتکاروں کے دورے پر ردعمل ظاہر کرتے ہوئے کہا کہ انہیں اس بات کو توقع ہے کہ دورے پر آئے سفارتکار حکام سے انٹرنیت کی عدم موجودگی اور سیاسی لیڈروں کی پی ایس ائے کے تحت نظربندی سے متعلق سوال پوچھے گے۔ گزشتہ ایک ماہ سے یہ غیر ملکی سفارتکاروں کو وادی کا دوسرا دورہ ہے،جبکہ9 جنوری کو امریکہ سمیت15ملکوں کے سفارتکار وادی کے دو روزے پر پہنچ گئے تھے،جہاں پر انہوں نے سیاسی لیڈروں،فوج اور سیول سوسائٹی سمیت کئی لوگوں سے ملاقات کرکے زمینی صورتحال کا جائزہ لیا تھا۔ کشمیر آنے والے سفارتکاروں میں جنوبی کوریا،مراکو،نائجریا،گیانا،آرجنٹینا، ناروئے،فلپین،مالدیپ، ٹوگو،فجی، پیرو اور بنگلہ دیش کے علاوہ ویتنام کے سفارکار بھی شامل تھے۔ مذکورہ سفارتکار حکومت ہند کی دعوت پر وادی کے دو روزہ دورے پر پہنچ گئے تھے۔جموں کشمیر میں 5اگست کو مرکز کی طرف سے دفعہ370کے خاتمے اور ریاست کو تقسیم کرکے دو مرکزی زیر انتظام والے علاقوں میں تبدیل کے بعد پیدہ شدہ صورتحال کا احاطہ کرنے کیلئے مذکورہ سفارتکاروں کا یہ گروپ وارد کشمیر ہوا تھا۔ یورپی پارلیمنٹ کے ارکان کی طرف سے گزشتہ دورے کی ہی طرح سفارتکاروں کے اس گروپ نے بھی وادی اور جموں میں مختلف طبقہ ہائے فکرس سے وابستہ لوگوں کے علاوہ فوج اور سیول سوسائٹی لیڈروں سے تبادلہ خیال کیا تھا۔۔ حکام کا کہنا ہے کہ جموں کشمیر میں 5اگست کو دفعہ370کی تنسیخ کے بعد کئی ملکوں نے جموں کشمیر کے دورے کی درخواست کی تھی تاکہ وہ وہاں کی صورتحال کا جائزہ لئے سکیں جموں کشمیر میں خصوصی حیثیت کے خاتمے کے بعد حکومت نے مواصلاتی بندشیں عائد کی تھی،جبکہ مین اسٹرئم سیاست دانوں کو بھی گھروئں اور جیلوں میں نظربند رکھا گیا،تاہم کچھ ہفتوں سے ان بندشوں کو ہٹانے سلسلہ بھی شروع ہوا،اور نظر بند لیڈروں کی بھی مرحلہ وار بنیادوں پر رہائی ہوئی،تاہم 3سابق وزراء اعلیٰ سمیت قریب10سیاست داں ابھی بھی نظربند ہے۔میڈیا رپورٹوں کے مطابق بین الاقوامی میڈیا،سیاست دانوں اور حکومتوں کی طرف سے انٹرنیٹ و مواصلاتی بندشوں اور لیڈروں کی مسلسل نظر بندی پر حکومت ہند کو تنقید کا نشانہ بنانے کو مد نظر رکھتے ہوئے مرکزی حکومت نے یہ فیصلہ لیا ہے۔ حکومت ہند نے گزشتہ برس29اور30اکتوبر کو یورپی پارلیمنٹ کے23ارکان کو وادی کا دورہ کرنے کیلئے سہولیات فراہم کی تھی،جبکہ ان میں بیشتر ممبران دائیں بازوں کی جماعتوں اور نظریات سے وابستہ تھے۔اس معاملے پر تنازعہ بھی کھڑا ہوا تھا کیونکہ حکومت ہند نے کچھ پارلیمانی وفود اور پارلیمنٹ ممبران کو کشمیر جانے کی اجازت نہیں تھی۔بھارت میں یورپی یونین کی طرف سے اس وفد کو سرکاری حیثیت کی نظر سے بھی نہیں دیکھا گیا تھا،جبکہ ان نمائندوں کے ذاتی دورے سے تعبیر کیا گیا تھا۔اس وفد نے وزیر اعظم ہند نریندر مودی اور قومی سلامتی کے صلاح کار اجیت ڈول سے بھی سرینگر دورے سے قبل ملاقات کی تھی۔ اس دوران سرینگر میں پولیس نے غیر ملکی سفارتکاروں کی کشمیر آمد کے خلاف احتجاج کر رہے 3نوجوانوں کو حراست میں لیا۔ ذرائع کا کہنا ہے کہ بدھ کو تین نوجوانوں نے غیر ملکی سفارتکاروں اور یورپی یونین کے قانون دانوں کی وادی آمد کے خلاف احتجاج کیا،جس کے دوران پولیس نے انہیں حراست میں لیا۔معلوم ہوا ہے کہ ان نوجوانوں نے ان سفارتکاروں کے وادی دورے کو رقومات کو ضائع کرنے سے تعبیر کرتے ہوئے کہا کہ یہ سفارتکار جھیل ڈل میں شکارہ سواری کا مزہ لے رہیں ہے۔ انہوں نے کہا کہ حکومت ان سفارتکاروں کی آؤ بھگت میں جو رقم ضائع کر رہی ہے اس کے بجائے اس کو کشمیر کی ترقی پر خرچ کیا جانا چاہے۔