2جنگجو، سی آر پی ایف اہلکار ہلاک،ایک جنگجو زخمی
مضبوط سیکیورٹی گرڈ،بہتر تال میل اور پختہ خفیہ معلومات، کامیاب جنگجو مخالف آپریشنز کی ضمانت:ڈی جی پی

سرینگر: سرینگر کے مضافاتی علاقہ لاوے پورہ میں بدھ کو سکوٹی پر سوار مسلح جنگجوؤں اور فورسز کی خصوصی ناکہ پارٹی کے درمیان کے درمیان ’مختصر خونین جھڑپ‘ میں 2آئی ایس جے کے جنگجو اور سی آر پی ایف اہلکار ہلاک جبکہ ایک جنگجو زخمی ہوا،جو پولیس حراست میں زیر علاج ہے۔

سرینگر میں یہ گذشتہ4روز میں اپنی نوعیت کا دوسرا عسکری واقعہ ہے۔ڈائریکٹر جنرل آف پولیس(ڈی جی پی)،دلباغ سنگھ نے کہا کہ مضبوط سیکیورٹی گرڈ،بہتر تال میل اور پختہ خفیہ معلومات سے جنگجو مخالف آپریشنز میں کامیابیاں تسلسل کیساتھ حاصل ہورہی ہیں۔کشمیر نیوز سروس(کے این ایس) کے مطابق سرینگر کے مضافاتی علاقہ لاوے پورہ سرینگر میں بدھ کی صبح۱۱ بجکر45منٹ پر اُس وقت افراتفری،اتھل پتھل اور خوف وہراس کی لہر دوڑ گئی جب یہاں پولیس وسی آر پی ایف کی مشترکہ ناکہ پارٹی اور مسلح جنگجوؤں کے درمیان گولیوں کا تبادلہ ہوا۔

مختصرجھڑپ:آئی جی سی آر پی ایف،روی دیپ سہائے اور پولیس ترجمان نے بتایا کہ سیکیورٹی الرٹ کے پیش نظر پولیس تھانہ پارمپورہ کے حدود میں آنے والے علاقہ لاوے پورہ میں پولیس اور سی آر پی ایف نے مشترکہ طور خصوصی ناکہ لگایا تھا،جہاں سے گذر نے والے مشکوک افراد سے پوچھ تاچھ کی جاتی تھی جبکہ اس کے علاوہ شہر میں ممکنہ جنگجویانہ کارروائیوں کو قبل از وقت روکنے کیلئے گاڑیوں اور موٹر سائیکل سواروں کی چیکنگ کی جاتی تھی۔

انہوں نے کہا کہ یہاں تعینات خصوصی ناکہ پارٹی نے بغیر ہیلمنٹ ایک سکوٹی پر سوار3افراد کو چیکنگ کی غرض سے روکا اور جوں ہی مذکورہ افراد کو سکوٹی سے نیچے اتر نے کو کہا گیا،تو سکوٹی پر سوار بندوق برداروں نے ناکہ پارٹی پر اندھا دھند فائر نگ کی،جسکے نتیجے میں سی آر پی ایف اہلکار راجیو رنجن ازاجان ہوا جبکہ طرفین کے مابین مختصر گولیوں کے تبادلے میں میں 2جنگجو مار گئے اور ایک جنگجو زخمی ہوا،جسے حراست میں لیا گیا۔ان کا کہناتھا کہ پہلے ہی جنگجویانہ حملوں کی نسبت خفیہ معلومات تھیں،کہ محمد افضل گورو کی ساتویں برسی پر جنگجو شہر میں سیکیورٹی تنصیبات پر حملہ کرسکتے ہیں۔ان کا کہناتھا کہ اسی خفیہ معلومات کی بنا پر سرینگر کے خارجی و داخلی مراکز پر خصوصی ناکے قائم کئے گئے ہیں،تاکہ قبل از وقت جنگجویانہ حملوں یا منصوبہ بندی کو ناکام بنایا جاسکے۔ یہ گذشتہ ایک ہفتے میں دوسری معرکہ آرائی ہے۔

31جنوری کو نگروٹہ جموں میں پولیس کی ناکہ پارٹی اور مسلح جنگجوؤں کے درمیان جھڑپ ہوئی تھی،جس میں جیش محمد کے تین جنگجو مارے گئے تھے جبکہ ایک پولیس اہلکار زخمی ہوا۔گذشتہ اتوار کو سرینگر کی مشہور پرتاپ پارک کے نزدیک ایک گرینیڈ حملے میں 7عام شہری اور دو فورسز اہلکار زخمی ہوئے تھے۔مزید جنگجویانہ حملوں کے پیش نظر سیکیورٹی الرٹ جاری کیا گیا،جسکے تحت پولیس وفورسز نے مشترکہ طور جگہ جگہ ناکے لگائے ہیں۔فورسز کو 8سے14فروری تک چوکس رہنے کی ہدایت دی گئی تھی۔9فروری2013کو محمد افضل گورو کو پار لیمنٹ حملے میں قصوار قرار دیکر دلی کی تہاڑ جیل میں خفیہ طور پھانسی دی گئی اور جیل کے احاطے میں ہی دفن کیا گیا جبکہ 11فروری1984میں جموں وکشمیر لبریشن فرنٹ کے بانی محمد مقبول بٹ کو تہاڑ جیل میں ہی تختہ دار دیا گیا تھا اور اُنہیں بھی یہی دفن کیا گیا ہے۔دونوں مرحومین کی باقیات لوٹانے کا مطالبہ کیا جارہا ہے،تاہم حکومت ہند اس سے صاف انکار کررہی ہے۔پریس کانفرنس:ڈائریکٹر جنرل آف پولیس،دلباغ سنگھ،ایڈیشنل آئی جی سی آر پی ایف اور آئی جی پی،وجے کمار نے پولیس کنٹرول روم سرینگر میں پارمپورہ شوٹ آؤٹ سے متعلق مشترکہ پریس کانفرنس دی۔ڈی جی پی نے کہا کہ جنوری2020میں پولیس،فوج اور فورسز نے مشترکہ طور پر جنگجومخالف آپریشنز میں شدت لائی،جسکے کامیاب ترین نتائج برآمد ہوئے۔

انہوں نے سیکیورٹی فورسز میں بہتر تال میل اور پختہ خفیہ معلومات کی بنا پر پولیس وفورسز کو جنگجو مخالف آپریشن میں کامیابیاں حاصل ہورہی ہیں جبکہ مضبوط سیکیورٹی گرڈ سے جنگجو اپنے منصوبوں میں کامیاب نہیں ہو پارہے ہیں۔انہوں نے کہا کہ سرینگر،بڈگام،کھریو اور ترال میں کامیاب جنگجو مخالف آپریشنز عمل میں لائے گئے،جس دوران جنگجو ؤں کو زندہ بھی پکڑا گیا اور جھڑپوں میں مارے بھی گئے۔ان کا کہناتھا کہ حال ہی میں ادھمپور جموں میں جیش محمد نامی عسکری تنظیم کے تین جنگجو مارے گئے،جو سرحد پار کرکے یہاں ایک بڑی واردات انجام دینے کا منصوبہ رکھتے تھے۔انہوں نے کہا کہ سیکیورٹی الرٹ کی بنیاد پر شالٹینگ پارمپورہ میں اسپیشل ناکہ لگایا گیا اور یہاں سے سکوٹی پر سوار گزر رہے جنگجوؤں نے ناکہ پارٹی کو نشانہ بناکر فائرنگ کی جس میں ایک سی آر پی ایف اہلکار ازجان ہوا جبکہ جوابی کارروائی میں 2جنگجو مارے گئے اور ایک جنگجو زخمی حالت میں گرفتار کیا گیا،جو پولیس کی نگرانی میں زیر علاج ہے۔سی آر پی ایف کے ایڈیشنل آئی جی نے کہا کہ خفیہ معلومات کی بنا پر سرینگر۔

بارہمولہ روڑ پر شالٹینگ پارمپورہ کے مقام پر ناکہ لگایا گیا تھا۔انہوں نے کہا کہ 3ملی ٹنٹ ایک سکوٹی پر سوار تھے،جوں ہی اُنہیں چیکنگ کیلئے روکا گیا،تو پیچھے بیٹھے ملی ٹنٹ نے ناکہ پارٹی پر فائرنگ کی،جس دوران یہاں تعینات ایک سی آر پی ایف اہلکار راجیو رنجن کے سر میں لگی اور اُسکی موت ہوگئی۔جوابی کارروائی میں دو ملی ٹنٹ مارے گئے اور ایک کو زخمی حالت میں گرفتار کیا گیا۔آئی پی کشمیر زون،وجے کمار نے مختصر جھڑپ میں مارے گئے جنگجوؤں کی شناخت ضیا الرحمان ساکنہ آرتھ بڈگام،خطیب احمد داس ساکنہ بجبہاڑہ اننت ناگ کے بطور کی جبکہ زخمی جنگجو کی شناخت عمر فیاض ساکنہ کے بطور ہوئی۔ان کا کہناتھا مہلوک جنگجوؤں کی تحویل سے اسلحہ اور ہینڈ گرینیڈ ضبط کئے گئے۔(کے این ایس)