مرکزی وزارت داخلہ نے آج یعنی سوموار سے ملک میں جو اقتصادی سرگرمیاں شروع ہوں گی،کی پہلی فہرست جاری کی،جس کے تحت پھل۔سبزی کے ٹھیلے، صاف۔صفائی کا سامان بیچنے والی دکانیں، کریانہ اور راشن کی دکانیں، دودھ اور دودھ کے بوتھ، پولٹری، گوشت، مچھلی اور چارہ بیچنے والی دکانیں بھی کھلی رہیں گی۔

اس کے علاوہ الیکٹریشن، آئی ٹی کی مرمت، پلمبر، موٹر میکینک، کارپینٹر، کورئیرز، ڈی ٹی ایچ اور کیبل خدمات شامل ہیں جبکہمختلف مرکزی اسکیموں کے تحت ہونے والے تعمیراتی کا م بھی ہوں،تاہم ریڈ زونز میں کسی طرح کی سرگرمی بحال نہیں ہوگی۔ کشمیر نیوز سروس مانیٹر نگ ڈیسک کے مطابق عوام کی پریشانیوں کو دیکھتے ہوئے کچھ چنندہ سرگرمیوں کو20 اپریل یعنی آج (سوموار) سے چالو کرنے کی منظوری دی گئی ہے۔ یہ راحتیں ریاست/یونین ٹریٹر ی سرکاروں یا ضلع انتظامیہ کے ذریعہ موجودہ احکامات پر سختی سے عمل کرتے ہوئے دی جائیں گی۔

مرکزی سرکار نے کو رونا وائرس کی وجہ سے3 مئی تک کے لیے لگائے لاک ڈاؤن کے دوسرے مرحلے کیلئے نئے احکامات جاری کرتے ہوئے اس مدت میں سبھی طرح کے پبلک ٹرانسپورٹ اور عوامی مقامات کو کھولنے پر روک لگائی ہے۔وزارت داخلہ کی جانب سے جاری احکاما ت کے مطابق، عوام کی پریشانیوں کو دیکھتے ہوئے کچھ چنندہ سرگرمیوں چالو کرنے کی منظوری دی گئی ہے۔یہ راحتیں ریاست/یونین ٹریٹر ی سرکاروں یا ضلع انتظامیہ کے ذریعہ موجودہ احکامات پر سختی سے عمل کرتے ہوئے دی جائیں گی۔سرکار نے اس دوران سبھی طرح کی کھیتی اور باغبانی کی سرگرمیوں کو چھوٹ دی ہے۔

یہ چھوٹ ماہی پروری اور پولٹری فارم کے لیے بھی رہیں گی۔سوشل ڈسٹنسنگ اور حفاظتی آلات کو پہن کر منریگا مزدوروں کو بھی کام کرنے کی چھوٹ ملے گی۔ سرکار نے کہا کہ منریگا کے تحت سینچائی اور آبی تحفظ کے کام کو ترجیح دی جائیگی۔اس کے ساتھ ہی دیہی علاقوں میں کام کرنے والے چنندہ کام کو بھی چھوٹ دی گئی ہے۔ حالانکہ، یہ ڈرگس، فارماسوٹیکلس، میڈیکل ڈیوائس اور ان کے کچے پروڈکشن سمیت ضروری سامانوں کی پروڈکشن اکائیوں تک محدود ہیں۔وہیں، فوڈ پروسسنگ اور آئی ٹی ہارڈویئر بنانے والوں کو بھی چھوٹ دی گئی ہے۔حالانکہ، لوگوں کی بین ریاستی، بین ضلعی آمدورفت، میٹرو، بس خدمات پر 3مئی تک روک جاری رہے گی۔

اس دوران تعلیمی اداروں، کوچنگ سینٹر، گھریلو اور انٹرنیشنل ہوائی آمدورفت اور ٹرین خدمات بھی رد رہیں گی۔سنیما گھر، مالس، شاپنگ کمپلیکس، جم، کھیل کیمپس، سوئمنگ پول، بار جیسے عوامی مقامات بھی 3مئی تک بند رہیں گے۔نئے احکامات کے مطابق، سبھی سماجی، سیاسی، کھیل، مذہبی تقاریب، مذہبی مقامات، عبادت گاہیں 3 مئی تک عوام کے لیے بند رہیں گے،خاص طور سے چھوٹ دی گئی سرگرمیوں کے علاوہ دوسرے سبھی کاروبار اورکامرشیل سرگرمیاں، ہاسپٹلٹی سروسز بند رہیں گی۔ وہیں، ٹیکسی و کیب خدمات بھی بند رہیں گی۔اس کے ساتھ ہی کسی بھی آخری رسومات کی ادائیگی میں 20سے زیادہ لوگوں کے جمع ہونے پر بھی پابندی رہے گی۔مرکزی وزیر لاء اینڈ ٹیلی کام روی شنکر پرساد نے ایک ٹویٹ کرتے ہوئے فہرست کی اشتہاری تصویر جا ری کی۔تاہم ریڈ زونز میں کسی بھی طرح کی سرگرمی کی اجازت نہیں دی جائیگی۔

اس سلسلے میں وزیر دفاع راج ناتھ سنگھ کی سربراہی میں مرکزی وزراء کے ایک گروپ کی ایک میٹنگ بھی ہوئی،جس میں کئی امور پر تبادلہ خیال کیا گیا۔اس میٹنگ میں واضح کیا گیا کہ دوسرے مرحلے کے لاک داؤن کے دوران مرکزی وزارت داخلہ نے رہنما خطوط جاری کئے ہیں،اُسکے تحت لاک ڈاؤن کو سختی کیساتھ نافذ کیا جائیگا۔وزارت داخلہ نے کہا ہے کہ کوروناوائرس کے قہر کے مد نظر ملک گیر لاک ڈاؤن میں ای۔کامرس کمپنیوں کو غیر ضروری سامانوں کی سپلائی پر پابندی جاری رہے گی۔کووڈ۔19وبا کے پھیلاؤ کو روکنے کیلئے حکومت نے پورے ملک میں 3 مئی تک کیلئے لاک ڈاؤن بڑھا دیا ہے۔ حالانکہ حکومت نے 20 اپریل سے کچھ چیزوں میں رعایت دی ہیں۔سرکار کے اس فیصلے سے اب ای کامرس کمپنیاں ایمیزون اور فلپ کارٹ نے اپنے پلیٹ فارم پر غیر ضروری سامانوں کو نہیں بیچ سکیں گے۔

حکومت نے ای۔ کامرس کمپنیوں کو لاک ڈاؤن میں کام کرنے کی اجازت دی ہے لیکن وہ غیر ضروری سامان کی فراہمی نہیں کرسکیں گی۔ ریاست اور وسطی علاقوں کو جاری ایک نئے حکم میں حکومت نے واضح کیا ہے کہ ای کامرس کمپنیاں اور ان کی گاڑیاں صرف ضروری سامان کی فراہمی کے لئے استعمال ہوں گی۔ اس مدت کے دوران کسی بھی غیر ضروری سامان کی فراہمی پر پابندی برقرار رہے گی۔کل سے پھل۔سبزی کے ٹھیلے، صاف۔صفائی کا سامان بیچنے والی دکانیں کھلیں گی۔

کیرانہ اور راشن کی دکانیں، دودھ اور دودھ کے بوتھ، پولٹری، گوشت، مچھلی اور چارہ بیچنے والی دکانیں بھی کھلیں گی۔ اس کے علاوہ الیکٹریشن، آئی ٹی کی مرمت، پلمبر، موٹر میکینک، کارپینٹر، کورئیرز، ڈی ٹی ایچ اور کیبل خدمات شامل ہیں۔یہ خدمات بھی 20 اپریل سے شروع ہوں گی:ڈیٹا اور کال سینٹرز جو صرف سرکاری سرگرمیوں کے لئے کام کرتے ہیں۔آئی ٹی اور متعلقہ خدمات کے ساتھ دفتر۔ ان میں سے50فیصد سے زیادہ اسٹاف نہیں ہوگا۔ دفتر اور رہائشی احاطوں میں پرائیویٹ سکیورٹی اور مینٹیننس الی کی خدمات۔شاہراہ پر ٹرک کی مرمت کے لئے دکانیں اور ڈھابے کھلیں گے۔

یہاں کی سماجی دوری کی پیروی کرنا ریاستی حکومتوں کی ذمہ داری ہوگی۔غورطلب ہے کہ وزیر اعظم ہند نریندر مودی نے لاک ڈاؤن کو3مئی تک بڑھانے کا اعلان کیا تھا۔ریاست یایونین ٹریٹری سرکاریں ڈیزاسٹر مینجمنٹ ایکٹ، 2005 کے تحت جاری ان احکامات کونافذ کرنے سیکسی بھی طرح سے انکار نہیں کر سکتی ہیں۔ حالانکہ، مقامی علاقوں کی ضروریات کو دھیان میں رکھتے ہوئے وہ ان احکامات سے بھی سخت اصول نافذ کر سکتی ہیں۔

اس ملک گیر بند کا مقصد کو رونا وائرس پر لگام لگانا ہے جس کی وجہ سے ملک میں ابھی تک370 سے زیادہ لوگوں کی موت ہو چکی ہے اور11ہزار سے زیادہ لوگ متاثر ہو چکے ہیں۔