خبراردو:
بورڈ آف اسکول ایجوکیشن کے خلاف شہر سرینگر سے تعلق رکھنے والے گیارہویں جماعت کے سینکڑوں طلاب نے پریس کالونی میں جمع ہوکرامتحانات کو مؤخر کرنے اور بورڈ سے غیر منسلک کرنے کے خلاف احتجاج کرنے کی کوشش کی تاہم یہاں تعینات پولیس اہلکاروں نے انہیں اس کی اجازت نہیں دی جس کے بعد پولیس نے کئی طلبا کو گاڑیوں میں بھر کر بورڈ آف اسکول ایجوکیشن کے دفتر واقع بمنہ پہنچادیا اور طلبا کو احتجاج سے قبل اجازت نامہ حاصل کرنے کو کہا۔ طلبا نے بتایا کہ طالب علموں کا نصاب ابھی نامکمل ہے اور ایسی حالات میں امتحان منعقد کرنا طلبا پر اپنی من مانی ٹھونسنے کے مترادف ہے۔ محکمہ تعلیم نے حال ہی میں رواں مہینے کے آخری ہفتے میں گیارویں جماعت کے امتحانات منعقد کرنے کا فیصلہ کیا ہے تاہم ابھی طلبا کا نصاب مکمل نہیں ہوا ہے جس کے لیے ہمیں مزید وقت درکار ہے۔ طلبا نے بتایا کہ محکمہ تعلیم کو چاہیے تھا کہ وہ پہلے اسکولوں میں زمینی صورتحال کا جائزہ لیتی اور اس کے بعد ہی آگے کا لائحہ عمل طے کرتی تاہم بدقسمتی کی بات ہے کہ محکمہ تعلیم یہاں کے طلبا کے مستقبل کے ساتھ کھلواڑ کررہی ہے اور اپنی مان مانی کے ذریعے امتحانات کو پوری طلبا برادری پر ٹھونس رہی ہے۔

انہوں نے کہا کہ ہمارا مطالبہ ہے کہ ہمیں مزید وقت فراہم کیا جائے تاکہ اسکولوں میں نصاب کو مکمل کیا جائے جس کے بعد ہی امتحانات منعقد ہونے چاہیے۔ اس دوران احتجاج کے نتیجے میں کئی گھنٹوں تک ہندوارہ مین بازار میں گاڑیوں کی نقل و حرکت مسدود ہوکر رہ گئی جس کے نتیجے میں لوگوں کو سخت مشکلا ت کا سامنا کرنا پڑا۔ ادھر پولیس نے طلبائی احتجاج میں مداخلت کرتے ہوئے انہیں یقین دلایا کہ ان کی جائز مانگوں کو بھر طریقے سے اعلیٰ حکام تک پہنچایا جائے گا جس کے بعد ہی احتجاج اختتام پذیر ہوا۔

ادھر شمالی کشمیر کے قصبہ سوپور میں بھی طلبا نے محکمہ تعلیم کے اعلیٰ حکام کے خلاف اپنے غم و غصے کا اظہار کرتے ہوئے امتحانات کو نومبر کے وسط تک مؤخر کرنے کا مطالبہ کیا۔ اطلاعات کے مطابق گورنمنٹ بائز ہائر اسکینڈری اسکول کے سینکڑوں طلبا نے اقبال نگر مارکیٹ میں جمع ہوکر احتجاجی مظاہرے کئے۔ طلبا مانگ کررہے تھے کہ رواں مہینے میں طے شدہ امتحانات کو وسط نومبر تک مؤخر کیا گیا۔ اس موقعے پر طلبا نے بتایا کہ ابھی تعلیمی اداروں میں نصاف مکمل نہیں ہوا ہے لیکن دوسری طرف محکمہ تعلیم کی طرف سے امتحانات کے حوالے سے ڈیٹ شیٹ اجرا کردیا۔ انہوں نے کہا کہ محکمہ تعلیم ریاستی طلبا کے مستقبل کو داؤ پر لگارہی ہے جس کی قطعی طور پر اجازت نہیں دی جائے گی۔ اس موقعے پر یہاں کچھ دیر تک تجارتی سرگرمیاں معطل ہویر رہ گئی جبکہ ٹریفک بھی بری طرح سے متاثر ہوا۔

ادھر پولیس نے احتجاجی طلبا کو منشتر کرنے کے لیے لاٹھی چارج کیا جس دوران فورسز نے آنسو گیس کے کئی گولے داغے جس کے بعد یہاں بڑے پیمانے پر افرا تفری کا ماحول پیدا ہوا۔ احتجاجی طلبا نے بھی فورسز پر کئی اطراف سے پتھراؤ کیا۔ادھر بورڈ آف اسکول ایجوکیشن کے خلاف شہر سرینگر سے تعلق رکھنے والے گیارویں جماعت کے سینکڑوں طلبا نے پریس کالونی میں جمع ہوکر احتجاج کرنے کی کوشش کی تاہم یہاں تعینات پولیس اہلکاروں نے انہیں اس کی اجازت نہیں دی جس کے بعد پولیس نے کئی طلبا کو گاڑیوں میں بھر کر بورڈ آف اسکول ایجوکیشن کے دفتر واقع بمنہ پہنچادیا اور طلبا کو احتجاج سے قبل اجازت نامہ حاصل کرنے کو کہا۔ معلوم ہوا ہے کہ شہر کے ٹنڈل بسکو اسکول، گرین ویلی، ایس پی ہائر اسکینڈری اسکول سمیت درجنوں تعلیمی اداروں سے وابستہ گیارویں جماعت کے طلبا نے امتحانات کو مؤخرنہ کرنے کے خلاف پریس کالونی میں جمع ہوکر احتجاج کرنے کی کوشش کی جس دوران یہاں تعینات پولیس اہلکاروں نے انہیں ایسا کرنے کی اجازت نہیں دی۔

پولیس اہلکاروں نے اس موقعے پر بضد طلبا کو گاڑیوں میں بھرکر بورڈ آف اسکول ایجوکیشن کے دفتر واقع بمنہ بائی پاس پہنچایا جہاں طلبا کو احتجاج سے قبل اجازت نامہ حاصل کرنے کو کہا گیا۔یاد رہے بورڈ آف اسکول ایجوکیشن نے گیارہویں جماعت کے امتحانات کوگزشتہ مہینے بورڈ سے منسلک کردیا جس پر طلاب میں کافی غم و غصہ پایا جارہا ہے۔ طلبا کا کہنا ہے کہ آج بھی گیارہویں جماعت کے امتحانات اسکول انتظامیہ ہی منعقد کراتی تھی اور وقت پر ہی نتائج نکلنے کے ساتھ ساتھ طلبا کا وقت ضائع ہونے سے بچ جاتا تھا لیکن جونہی بورڈ نے امتحانات کو اپنے ساتھ منسلک کردیا ہمیں خدشہ ہے کہ اس عمل سے طالب علموں کا کافی سارا وقت ضائع ہوگا جس کے طلبا برادری پر منفی اثرات مرتب ہوں گے۔