خبراردو:

26جنوری سے قبل شہر سرینگر کے راجباغ علاقے میں دستک دیتے ہوئے پولیس پارٹی پر ایک ہتھ گولہ داغا جو زور دار دھماکے کے ساتھ پھٹ گیا جس کے نتیجے میں اسسٹنٹ سب انسپکٹر سمیت ٹریفک پولیس کے 2پولیس اہلکار شدید زخمی ہوگئے جنہیں فوری علاج و معالجہ کی خاطر سرینگر کے ایس ایم ایچ ایس ہسپتال منتقل کیا گیا۔ ادھر فورسز اہلکاروں نے دھماکے کے فوراً بعد راجباغ، زیروبرج، ٹی آر سی اور ڈلگیٹ کے کئی علاقوں کا سخت محاصرہ عمل میں لاتے ہوئے حملہ آور جنگجوؤں کی تلاش بڑے پیمانے پر شروع کردی تاہم آخری اطلاعات ملنے تک کسی بھی شخص کو گرفتار نہیں کیا گیا۔
ادھر ایس ایس پی سرینگر امتیاز اسماعیل پرے نے حملے کی تصدیق کرتے ہوئے کہا کہ جنگجوؤں کی طرف سے داغے گئے ہتھ گولے سے پولیس کے اے ایس آئی سمیت ٹریفک پولیس کے 2اہلکار زخمی ہوگئے۔

26جنوری سے ایک ہفتہ قبل نامعلوم جنگجوؤں نے جمعرات کی دوپہر شہر سرینگر کے راجباغ علاقے میں موجود فورسز پارٹی پر ہتھ گولہ داغا جو زور دار دھماکے کے ساتھ پھٹ گیا۔معلوم ہوا ہے کہ جمعرات کی دوپہر لگ بھگ1:30کے آس پاس جنگجوؤں نے راجباغ زیروبرج پر موجودفورسز پارٹی پر ہتھ گولہ داغا جو زور دار دھماکے کے ساتھ پھٹ گیا۔ عینی شاہدین کے مطابق اس موقعے پر یہاں موجود لوگ اپنی سلامتی کو لے کر محفوظ مقامات کی طرف بھاگ گئے جبکہ یہاں موجود تجاری و کاروباری اداروں نے اپنے دوکانات کے شٹر گراکر محفوظ راہ اختیار کی۔ معلوم ہوا ہے کہ ہتھ گولہ اس قدر زور دار آواز کے ساتھ پھٹ گیا کہ آس پڑوس موجود رہائشی مکانات اور تجاری اداروں کے در و دیوار ہل گئے۔

پولیس ذرائع نے حملے سے متعلق تفصیلات فراہم کرتے ہوئے بتایا کہ جمعرات دوپہر ڈیڑھ بجے کے قریب جنگجوؤں نے فورسز پارٹی پر حملہ کرتے ہوئے ایک ہتھ گولہ داغا جس کے نتیجے میں پولیس کا ایک اسسٹنٹ سب انسپکٹر اور ٹریفک پولیس کے دو اہلکار بری طرح سے زخمی ہوگئے۔ انہوں نے زخمیوں کی شناخت اے ایس آئی اقبال سنگھ(جے کے اے پی 14بٹالین)، ایس پی او حارث منظور اور ہیڈکانسٹیبل ثناء اللہ کے بطور کی۔ پولیس نے بتایا کہ حملے کے فوراً بعد زخمی اہلکاروں کو سرینگر کے ایس ایم ایچ ایس ہسپتال منتقل کردیا گیا جہاں اُن کا علاج و معالجہ جاری ہے۔ادھر حملے کے فوراً بعد پولیس، سی آر پی ایف اور دیگر سیکورٹی ایجنسیوں کے اعلیٰ حکام نے جائے حادثے کا دورہ کرتے ہوئے یہاں صورتحال کا جائزہ لیا جبکہ حملے کے فوراً بعد ہی پولیس اور سی آر پی ایف کی بھاری کمک یہاں پہنچ گئی جنہوں نے راجباغ، جواہر نگر، ڈلگیٹ، ٹی آر سی، پولو ویو، ریذیڈنسی روڑ سمیت کئی علاقوں میں سیکورٹی کو الرٹ کرتے ہوئے حملہ آوروں کی بڑے پیمانے پر تلاش شروع کردی۔

معلوم ہوا ہے کہ جائے حادثہ کے مضافات میں فورسز اہلکاروں نے حملے کے فوراً بعد راہ گیروں کی جامہ تلاشی لینے کے علاوہ راہ گیروں کے شناختی کارڈ چیک کئے تاہم آخری اطلاعات ملنے تک کسی بھی شخص کی گرفتاری کی کوئی اطلاع نہیں ہے۔ادھر ایس ایس پی سرینگر امتیاز اسماعیل پرے نے حملے کی تصدیق کرتے ہوئے بتایا کہ جنگجوؤں نے جمعرات کی دوپہر زیروبرج راجباغ میں موجود فورسز پارٹی پر ہتھ گولہ داغا جس کے نتیجے میں 3پولیس اہلکار زخمی ہوگئے ۔ انہوں نے بتایا کہ زخمی اہلکاروں کو ہسپتال منتقل کردیا گیا ہے جبکہ حملہ آوروں کی تلاش بڑے پیمانے پر جاری ہے۔ دوسری طرف جیش محمد نے حملے کی ذمہ داری قبول کی ہے .

یاد رہے 11جنوری 2019جمعہ کی شام دیر گئے جنگجوؤں نے لعل چوک میں واقع پلیڈیم گلی پر قائم 132بٹالین کے سی آر پی ایف بنکر پر ایک ہتھ گولہ داغا تاہم اس میں کوئی جانی نقصان نہیں ہوا۔ ادھر جیش محمد نامی عسکری تنظیم نےحملے کی ذمہ داری قبول کی تھی۔