لیپا وادی میں پاکستانی فوج کاملٹری ڈھانچہ مکمل تباہ
تعمیر نو میں مہینوں لگیں گے،دہشت گردی کے 9 کیمپ زمین بوس : فوجی حکام
ٹنگڈار :جے کے این ایس: پہلگام دہشت گردانہ حملے کے جواب میں آپریشن سندورکے تحت مسلح افواج کی جانب سے پاکستانی زیرانتظام میں قائم پاکستانی فوج کے ٹھکانوں اوربالخصوص لیپا وادی میں بنیادی ملٹری ڈھانچے کومکمل تباہ کرنے کا دعویٰ کرتے ہوئے فوجی کمانڈروںنے کہاکہ پاکستان کو تباہ شدہ ڈھانچے کی تعمیرمیں8سے12ماہ لگیں گے ۔جے کے این ایس کے مطابق پرنٹ اور الیکٹرانک میڈیا کے نمائندوں کو ٹنگڈار سیکٹر کادورہ کرانے کے دورا ن فوج کے افسران نے نامہ نگاروں کواپنی کارروائیوں کے بارے میں بتایا۔فوج کے حکام نے کہاکہ ہندوستانی فوج کی چنار کور نے پاکستان کے زیر قبضہ جموں و کشمیر کی وادی لیپا میں پاکستانی فوج کے انفراسٹرکچر کو مکمل طور پر تباہ کر دیا ہے ۔بھارتی فوج کے حکام کا اندازہ ہے کہ پاکستان کو انفراسٹرکچر کی تعمیر نو میں8 سے 12 ماہ لگیں گے۔جموں و کشمیر کے ضلع کپواڑہ کے ٹنگڈار سیکٹرمیں ایل اﺅسی کے نزدیک ایک سرحدی گاﺅں کے دورے کے دوران نامہ نگاروںنے دیکھاکہ آپریشن سندورکے دوران مئی کے دوسرے ہفتے میں جنگ بندی کی خلاف ورزیوں پر ہندوستانی فوج کے ردعمل کے نتیجے میں پاکستانی فوجی انفراسٹرکچر کی تباہی واضح تھی۔ہندوستانی فوج کے ایک سینئر اہلکار نے نامہ نگاروں کو بتایاکہ ہم نے ٹنگڈار سیکٹرمیں سرحدپار دیگر اہداف کے علاوہ کم از کم پاکستانی فوج کی3 چوکیوں، ایک گولہ بارود کا ڈپو، ایندھن ذخیرہ کرنے کی سہولت، اور توپ خانے کو مکمل طور پر تباہ کر دیا۔انہوںنے کہاکہ ہماری جوابی کارروائی اتنی تباہ کن تھی کہ پاکستان کوتباہ شدہ ڈھانچے کو دوبارہ تعمیر کرنے میں کم از کم 8سے12 ماہ لگیں گے،یا ممکنہ طور پر اس سے زیادہ۔ایک فوجی کمانڈر کا کہنا تھا کہ پاکستانی فوج نے بھاری ہتھیاروں کا استعمال کیا، جس میں فضائی پلیٹ فارم بھی شامل تھے، بھارتی پوزیشنوں کو نشانہ بنانے کےلئے استعمال کیے گئے لیکن کوئی نقصان پہنچانے میں ناکام رہے۔انہوںنے کہاکہ ہمارے مقامی طور پر تیار کردہ آکاش دیپ ریڈار سسٹم نے شاندار کارکردگی کا مظاہرہ کیا جبکہ ہماری فضائی دفاعی بندوقوں نے ان کے فضائی پلیٹ فارم کو بے اثر کر دیا۔حکام نے کہاکہ ہمارا فوجی انفراسٹرکچر برقرار ہے، جبکہ دشمن کے انفراسٹرکچر کو تباہ کر دیا گیا ہے ۔حکام نے مزید بتایا کہ وادی لیپا میں کئی خالی فوجی ڈھانچے موجود تھے لیکن بھارتی فوج نے صرف ان کو نشانہ بنایا جہاں زیادہ سے زیادہ نقصان پہنچایا جا سکتا تھا۔مختلف ذرائع سے حاصل ہونے والی معلومات کی بنیاد پر،حکام نے کہا کہ مئی کے دوسرے ہفتے میں چنار کور کے جوابی حملوں کے دوران کم از کم64 پاکستانی فوجی اہلکار ہلاک اور96 زخمی ہوئے۔فوج کی چنار کور کے ایک اعلیٰ افسر نے کہاکہ ہماراپیغام واضح تھا ، ہماری جوابی کارروائی1:3کے تناسب سے ہوتی ہے، یعنی ہندوستانی فوج ہر پاکستانی جنگ بندی کی خلاف ورزی پر 3 گنا زیادہ سخت حملہ کرے گی۔22 اپریل کو پہلگام دہشت گردانہ حملے پر ہندوستان کے ردعمل کے تحت7 مئی کو پاکستانی زیرقبضہ کشمیر میں مظفر آباد کے قریب 25 منٹ تک کی کارروائی کے بارے میں تفصیلات فراہم کرتے ہوئے، فوجی حکام نے کہا کہ مربوط حملے اتنے شدید تھے کہ پاکستانی زیرقبضہ کشمیر میں75 ویں انفنٹری بریگیڈ کے کمانڈر نے فوجیوں پر زور دیا کہ وہ جانوں کی حفاظت کو ترجیح دیں۔چنار کور کے ایک سینئر اہلکار نے کہاکہ ریکارڈ ہونے والی بات چیت سے پتہ چلا کہ کس طرح ایک پاکستانی آرمی کمانڈر، ایک مسجد کے اندر چھپا ہوا، فوجیوں کو پہلے جانیں بچانے کی ہدایت کر رہا تھا۔پاکستانی آرمی کمانڈر کاایک پیغام تھا’پہلے جانیں بچائیں، دفاتر بعد میں کھل سکتے ہیں‘۔آپریشن سندور کے تحت، بھارت نے 7 مئی کو پاکستان اور پاکستانی زیرقبضہ کشمیرمیں دہشت گردی کے9 کیمپوں کو مسمار کر دیا۔ جواب میں پاکستان نے 8، 9 اور 10 مئی کو بھارتی فوجی اڈوں پر حملہ کرنے کی کوشش کی۔دونوں ممالک نے 4 دن کی جھڑپوں کے بعد 10 مئی کو دشمنی روکنے یعنی جنگ بندی پر اتفاق کیا۔