وزیر اعظم ہند نے 130 کروڑ ہندوستانیوں سے گزارش کی کہ 5اپریل کی رات9 بجے گھر کی سبھی بتیاں بند کر کے گھر کے دروازے پر یا بالکنی میں کھڑے رہ کر9 منٹ کے لیے موم بتی، دیا، ٹارچ یا موبائل فلیش لاءٹ جلائیں ۔

کشمیر نیوز سروس کے مطابق کورونا وائرس کو ختم کرنے کے لیے ہندوستان میں لاک ڈاوَن چل رہا ہے اور اس لاک ڈاوَن کے 9 دن گزر چکے ہیں ۔ آج یعنی جمعہ کی صبح 9 بجے اس سلسلے میں وزیر اعظم نریندرمودی نے ایک ویڈیو پیغام کے ذریعہ پورے ملک کے سامنے کچھ باتیں رکھیں ۔

اس درمیان انہوں نے کورونا کے خلاف لڑائی میں 130 کروڑ ہندوستانیوں سے مل رہے ساتھ کے لیے شکریہ ادا کیا اور لوگوں سے اپیل کی کہ اس مہلک وبا سے پیدا تاریکی کو شکست دینے کے لیے 5 اپریل یعنی اتوار کی رات9 بجے اپنے گھروں کی سبھی لاءٹیں 9 منٹ کے لیے بند کر دیں ۔
بعد ازاں روشنی کی طاقت کا احساس کرانے اور اجتماعیت کا مظاہرہ کرنے کے لیے اپنے اپنے گھروں کے دروازوں یا بالکنی میں کھڑے ہو کر موم بتی، دیا، ٹارچ یا فلیش لاءٹ جلائیں ۔
انہوں نے تقریباً 12 منٹ کے اپنے ویڈیو میں جو باتیں کہیں ،وہ اس طرح تھیں ۔ ’کورونا کو ختم کرنے کے لیے لاک ڈاوَن کے آج9 دن ہو رہے ہیں ۔ اس درمیان آپ سبھی نے جس طرح ڈسپلن اور خلوص کا مظاہرہ کیا ہے وہ قابل تعریف ہے ۔
حکومت، انتظامیہ اور عوام نے مل کر اس حالت کو بہتر طریقے سے سنبھالنے کی پوری کوشش کی ہے ۔ آپ نے جس طرح 22 مارچ (اتوار) کے دن لڑائی لڑنے والے ہر کسی کا شکریہ ادا کیا ہے ۔ وہ بھی آج سبھی ملک کے لیے ایک مثال بن گیا ۔ آج کئی ملک اس کو دہرا رہے ہیں ۔ جنتا کرفیو ہو، گھنٹی اور تھالی بجانے کا پروگرام ہو، انھوں نے اس چیلنجنگ وقت میں ملک کو اس کی اجتماعی قوت کا احساس کرایا ۔ یہ جذبہ سامنے آیا کہ ملک ایک ہو کر کورونا کے خلاف لڑائی لڑ سکتا ہے ۔ اب لاک ڈاوَن کے وقت میں ملک کی، آپ سبھی کی یہ اجتماعیت ظاہر ہو رہی ہے ۔
آج جب ملک کے کروڑوں لوگ گھروں میں ہیں ، تب کسی کو بھی لگ سکتا ہے کہ وہ تنہا کیا کرے گا ۔ کچھ لوگ یہ بھی سوچ رہے ہوں گے کہ اتنی بڑی لڑائی کو وہ تنہا کیسے لڑ پائیں گے;238; یہ سوال بھی ذہن میں آتے ہوں گے کہ کتنے دن ایسے اور کاٹنے ہوں گے;238; ۔ ساتھیو یہ لاک ڈاوَن کا وقت ضرور ہے ۔
ہم اپنے اپنے گھروں میں ضرور ہیں ۔ لیکن ہم میں سے کوئی تنہا نہیں ہے ۔ 130 کروڑ ملک کے باشندوں کی اجتماعی قوت ہر شخص کے ساتھ ہے ۔ ہر شخص کی طاقت ہے ۔ وقت وقت پر ملکی باشندوں کی اجتماعی قوت کی عظمت کا احساس کرنا ضروری ہے ۔ ساتھیو، ہمارے یہاں مانا جاتا ہے کہ عوام ایشور کی ہی ایک شکل ہوتی ہے ۔
اس لیے جب ملک اتنی بڑی لڑائی لڑ رہا ہو تو ایسی لڑائی میں بار بار عوام جیسی بڑی طاقت سے بات چیت کرتے رہنا چاہیے ۔ یہ بات چیت ہ میں طاقت دیتا ہے، ہدف دیتا ہے اور اس کے حصول کے لیے توانائی بھی دیتا ہے ۔ ہماری رہ کو مزید واضح کرتا ہے ۔ ساتھیو، کورونا وبا سے پھیلے تاریکی کے درمیان لگاتار روشنی کی طرف جانا ہے ۔ جو اس کورونا بحران سے سب سے زیادہ متاثر ہیں ، ہمارے غریب بھائی بہن، انھیں کورونا بحران سے پیدا ہوئی مایوسی سے امید کی طرف لے جانا ہے ۔ اس کورونا بحران سے جو تاریکی اور غیر یقینی پیدا ہوئی ہے اسے ختم کر کے ہ میں روشنی اور یقین کی طرف بڑھنا ہے ۔
اس تاریک کورونا بحران کو شکست دینے کے لیے ہ میں روشنی کی طاقت کوچہار جانب پھیلانا ہے ۔ اس لیے اس اتوار یعنی 5اپریل کو ہم سب کو مل کر کورونا کے بحران کی تاریکی کو چیلنج پیش کرنا ہے ۔ اسے روشنی کی طاقت دکھانی ہے ۔
اس 5 اپریل کو ہ میں 130 کروڑ ملکی باشندوں کی عظیم طاقت کو ظاہر کرنا ہے ۔ 130 کروڑ باشندوں کے عزائم کو نئی اونچائیوں پر لے جانا ہے ۔ 5 اپریل، اتوار کو رات9 بجے میں آپ سب کے 9منٹ چاہتا ہوں ۔ 5اپریل، اتوار رات 9 بجے گھر کی سبھی بتیاں بند کر کے گھر کے دروازے پر یا بالکنی میں کھڑے رہ کر 9منٹ کے لیے موم بتی، دیا، ٹارچ یا موبائل فلیش لاءٹ جلائیں ۔
اور اس وقت اگر گھر کی سبھی لاءٹیں بند کریں گے ۔ چاروں طرف جب ہر شخص ایک ایک دیا جلائے گا تو روشنی کی اس عظیم طاقت کا احساس ہوگا جس میں ایک ہی مقصد سے ہم سب لڑ رہے ہیں ، یہ ظاہر ہوگا ۔ اس روشنی میں ، اس اجالے میں ہم اپنے ذہن میں یہ عزم کریں کہ ہم تنہا نہیں ہیں ۔ کوئی بھی تنہا نہیں ہے ۔ ‘