وزیر اعظم نریندر مودی نے کہا ہے کہ کورونا وائرس کے خلاف پورا ملک جس طرح متحد ہوکر پوری طاقت سے لڑ رہا ہے، اس سے وہ بہت زیادہ پرجوش ہیں اور ہم وطنوں کے جذبے کو سلام کرتے ہیں ۔ من کی بات میں اتوار کو انہوں نے کہا کہ رمضان میں مسلمان خوب عبادت کریں ،تاکہ عید تک کورونا وائرس سے آزادی ملے ۔

کشمیر نیوز سروس مانیٹرنگ ڈیسک کے مطابق وزیر اعظم مودی نے ریڈیو پر اپنے ماہانہ پروگرام ’من کی بات‘ کے دوسرے ایڈیشن کی 11 ویں قسط میں اہل وطن سے خطاب کرتے ہوئے کہا کہ وزیر اعظم مودی نے رمضان کی اہمیت کا بھی ذکر کیا اور کہا کہ رمضان خیرسگالی، حساسیت اور خدمت خلق کی علامت ہے اور اس مہینہ پہلے سے بھی زیادہ عبادت کریں ۔ انہوں نے کہا کہ کوورونا وبا کا قہر دنیا کے سامنے ہے تو اس موقع پر رمضان کو صبر و تحمل، خیر سگالی، حساسیت اور خدمت کے جذبے کی علامت بنایا جانا چاہئے ۔ انہوں نے کہا کہ جب پچھلی بار رمضان منایا گیا تھا تو کسی نے سوچا بھی نہیں تھا کہ اس بار رمضان میں اتنی بڑی مشکلات کا بھی سامنا کرنا پڑے گا ۔

انہوں نے کہا’’اس بار ہم، پہلے سے زیادہ عبادت کریں تاکہ عید آنے سے پہلے دنیا کورونا سے آزاد ہو جائے اور ہم پہلے کی طرح امنگ اور حوصلہ جوش و جذبے کے ساتھ عید منائیں ۔ مجھے یقین ہے کہ رمضان کے ان دنوں میں مقامی انتظامیہ کے ہدایات پر عمل کرتے ہوئے کوروناکے خلاف چل رہی اس جنگ کو ہم مزید مضبوط کریں گے ۔

سڑکوں پر، بازاروں میں ، محلوں میں ، جسمانی فاصلے کے ضابطوں پر عمل اب بہت ضروری ہے ۔ ان کا کہناتھا کہ کوروناوائرس کیخلاف جس طرح ملک کے لوگوں کو انہوں نے متحد اور پوری طاقت کے ساتھ لڑتے ہوئے دیکھا ہے، اس سے وہ انتہائی پرجوش ہیں اور ہم وطنوں کے جذبے کو سلام کرتے ہیں ۔ انہوں نے کہا کہ وہ کورونا وائرس کے خلاف جاری جنگ کے درمیان’من کی بات‘ کرتے ہیں ۔ ان کا کہناتھا کہ کہ کورونا وائرس کو شکست دینے کی جنگ ملک کے عوام لڑ رہی ہے اور ملک کا ہر شہری اپنی طاقت کے مطابق اس جنگ میں شامل ہے ۔

وزیر اعظم نے کہا ’یہ لڑائی ہر شہری اورانتظامیہ لڑ رہی ہے، ملک کا عام آدمی اس جنگ میں شامل ہے، گلی محلوں میں یہ لڑائی لڑی جا رہی ہے، لوگ ایک دوسرے کی مدد کر رہے ہیں اور پورا ملک ایک ساتھ کوورونا وائرس سے جدو جہد کررہاہے‘ ۔ انہوں نے کہا کہ کوورونا کے خلاف اگر تالی، تھالی(پلیٹ) یا گھنٹی بجی ہے یا دیا جلا ہے تو اس نے بھی لوگوں کواس جنگ میں متحد کرنے کا احساس پیدا کرکے سب کو ایک ساتھ شامل کیا ہے ۔ کورونا وائرس کے خلاف جاری جنگ کو دیکھتے ہوئے ایسا لگتا ہے، جیسا پورا ملک ایک مہا یگیہ کر رہا ہے، ہر آدمی اپنی قوت سے اس کا سامنا کر رہا ہے، کوئی کرایہ دار سے کرایہ نہیں وصول رہا ہے، کوئی اپنی پنشن اور زندگی بھر کی کمائی اس جنگ کے لئے وزیر اعظم کیئر فنڈ میں جمع کر رہا ہے ۔ کوئی ماسک بنا رہا ہے تو کوئی بھنڈارا لگا رہا ہے، یہی امنڈتا جذبہ ہندوستان کی اس جنگ کو آگے بڑھا رہا ہے اور ہر آدمی کورونا وائرس کو شکست دینے میں مصروف ہے۔

انہوں نے کہا کہ انہیں لگتا ہے کہ کچھ سالوں سے ملک کا ہر شہری ایک ہوکر زیادہ جوش و جذبے کے ساتھ ملک کی خدمت کرنے میں مصروف ہے ۔ یہ کام چاہے سوچھ بھارت کا ہو یا بیت الخلا بنانے کا ہو، سب نے مل کر اس کام کو آگے بڑھایا ہے ۔ وزیر اعظم نے کہا’ دوستو ، رمضان المبارک کا مقدس مہینہ بھی شروع ہو گیا ہے ۔ اب وقت آگیا ہے کہ اس رمضان کو اعتدال ، خیر سگالی ، حساسیت اور خدمت کی علامت بنایا جائے‘ ۔ انہوں نے کہا کہ انہیں لگتا ہے کہ کچھ سالوں سے ملک کا ہر شہری ایک ہوکر زیادہ جوش و جذبے کے ساتھ ملک کی خدمت کرنے میں مصروف ہے ۔ ان کا کہناتھا کہ یہ کام چاہے سوچھ بھارت کا ہو یا بیت الخلا بنانے کا ہو، سب نے مل کر اس کام کو آگے بڑھایا ہے۔

وزیر اعظم نے کہا کہ اگر آپ کہیں بھی نظر ڈالیں گے تو آپ کو اندازہ ہوگا کہ ہندوستان کی لڑائی پیپلز ڈرائیون ہے ۔ اس وقت پوری دنیا اس وبا ء کے بحران کا سامنا کر رہی ہے ، جب مستقبل میں اس کے بارے میں تبادلہ خیال کیا جائے گا ۔ اس سے نمٹنے کے طریقہ کار پربحث ہوگی تو مجھے یقین ہے کہ ہندوستان کی اس’’ پیپلز ڈرائیو‘‘(عوامی مہم ) جنگ پر ضرور بات چیت ہوگی ۔ ہندوستان میں ، لوگ کورونا کے خلاف جنگ لڑ رہے ہیں ، آپ بھی لڑ رہے ہیں ، حکومت اور انتظامیہ عوام کے ساتھ مل کر لڑ رہے ہیں ۔ ہم خوش قسمت ہیں کہ آج پوری قوم ، ملک کا ہر شہری ، اس لڑائی کا ایک سپاہی ہے اور اس لڑائی کی قیادت کررہا ہے ۔

وزیر اعظم نے کہا ’دوستو ، رمضان المبارک کا مقدس مہینہ بھی شروع ہو گیا ہے ۔ اب وقت آگیا ہے کہ اس رمضان کو اعتدال ، خیر سگالی ، حساسیت اور خدمت کی علامت بنایا جائے ۔ اس بار ہم پہلے سے زیادہ دعائیں مانگتے ہیں تاکہ عید آنے سے پہلے ہی دنیا کورونا سے آزاد ہو ۔ مجھے یقین ہے کہ رمضان المبارک کے ان دنوں میں ، مقامی انتظامیہ کی ہدایات پر عمل کرتے ہوئے ، ہم کورونا کے خلاف اس لڑائی کو مضبوط بنائیں گے‘ ۔ وزیر اعظم نے کہا ’ ہمارے ہاں بیہو ، بیساکھی ، پوٹھنڈو ، ویشو اور اوڈیا نئے سال میں ایسے بہت سے تہوار ہوتے ہیں ، ہم نے دیکھا کہ گھر میں رہ کر لوگوں نے کس طرح ان تہواروں کو سادگی کے ساتھ منایا اور لوگوں نے لاک ڈاوَن کے قواعد پر عمل کیا ۔ اس بار ہمارے عیسائی دوستوں نے بھی گھر میں ایسٹر منایا ہے ۔ اس عالمی وبا ء کے بحران کے درمیان آپ سبھی میرے اپنے خاندان کے ارکان ہیں اور اسی لیے تب میری ذمہ داری ہے کہ آپ کے لیے کچھ نکات بناؤں اور آپ کو کچھ مشورے دوں ۔ وزیر اعظم نریندر مودی نے کہا کہ دوسری مرتبہ اقتدار میں آنے کے بعد من کی بات کا 11 واں پروگرام تھا ۔

انہوں نے امید ظاہر کی ہے کہ و ہ جب ہم اگلے ماہ من کی بات تک پوری دنیا کو اس عالمی وبا سے آزادی ملنے کی خبر آسکتی ہے ۔

انہوں نے کہا کہ بنی نوع انسان ان پریشانیوں سے نکل آئیں ۔