کھیل

اسپرنٹر ہیما داس: سپر سونک کارکردگی سے تاریخ رقم کرنے والی پہلی ہندوستانی خاتون

Published

2 years ago

January 8, 2025

یوم پیدائش9 جنوری پر خاص

نئی دہلی، ہیما داس جنہیں ڈھنگ ایکسپریس کے نام سے بھی جانا جاتا ہے، ایک ہندوستانی اسپرنٹر ہے، جنہوں نے آئی اے اے ایف ورلڈ انڈر-20 ایتھلیٹکس چیمپئن شپ میں اپنی سپر سونک کارکردگی سے تاریخ رقم کی ہے۔ وہ اس ایونٹ میں گولڈ میڈل جیتنے والی پہلی ہندوستانی خاتون ہیں۔ہمارے ملک میں بیٹیوں کو بے انتہا عزت دی جاتی ہے۔ یہ شاید کسی دنیا کے اور ملک میں نہ ہو اور یہی وجہ ہے کہ ہمارے ملک کی بیٹیاں ہر شعبے میں نام کما رہی ہیں ، کھیلوں کی بات کی جائے تو جب ملک کی بیٹیاں نہ صرف اونچی اڑتی ہیں بلکہ پورے آسمان کو پروں سے ڈھانپ لیتی ہیں تو یہ ان کی بلند ہمت کو ظاہر کرتا ہے۔ جب دنیا بھر کے لوگ اس بیٹی کی اڑان کو دیکھتے ہیں اور ان کی تعریف کرتے ہیں تو یہ پورے ہندوستان کے لیے فخر کی بات بن جاتی ہے۔ ایسی ہی ایک آسام کی وادیوں سے نکلی ایک بیٹی نے ہے، جو آج بہت اونچی پرواز بھر چکی ہے ، اس ہونہار بیٹی کا نام ہیما داس ہے، جو ایک معروف اسپرنٹر ہیں۔ ہیما داس نے صرف 20 برس کی عمر میں جو کارنامہ انجام دیا ہے وہ ہر کسی کے بس میں نہیں ہے۔ ایک ماہ میں پانچ گولڈ میڈل جیتنے والی ہیما داس کی کامیابی پورے ہندوستان کی کامیابی اور شہرت کا باعث بن گئی ہیں۔ ہیما داس ہندوستان کی اڑن پری کے نام سے مشہور ہیں۔

ہیما داس کی پیدائش 9 جنوری 2000 کو ان کی آبائی ریاست آسام کے ڈھنگ شہر کے قریب کندھولیماڑی گاؤں میں رونجیت داس اور جونالی داس کے ہاں ہوئی۔ان کے والدین پیشے سے کسان ہیں۔ ہیما نے ابتدائی تعلیم ڈھنگ پبلک ہائی سکول سے مکمل کی۔ وہ پانچ بہن بھائیوں میں سب سے چھوٹی ہیں۔ آسام کی اس نوجوان لڑکی نے اپنے سفر کا آغاز ایک چھوٹے سے شہر ڈھنگ سے کیا تھا اور انہوں نے ثابت کر دیا ہے کہ آپ کی ثابت قدمی آپ کو بلند ترین مقام کی طرف لے جاتی ہے۔ شروع میں، داس فٹ بال کھیلا کرتی تھیں، وہ ہمیشہ فٹ بال میں اپنا کیریئر بنانا چاہتی تھی۔ تاہم، انہیں ہندوستان میں خواتین کے فٹ بال میں اپنے لیے کوئی امکانات نظر نہیں آئے۔ قریبی جواہر نوودیا ودیالیہ میں منعقد ہونے والے ایک انٹر اسکول کیمپ میں، وہ پریکٹس شروع ہونے سے پہلے اور کبھی کبھی گیٹ کھلنے سے پہلے گراؤنڈ پر پہنچ جاتی تھیں۔ ودیالیہ میں فزیکل ایجوکیشن کی ایک ٹیچر ان کے عزم اور وقت کی پابندی سے بہت متاثر ہوئیں۔ ان کے اسکول کے استاد نے ایک انفرادی کھیل میں جانے کا مشورہ دیا جس کی وجہ سے وہ اسپرنٹ کے لیے چلی گئیں۔ اپنے استاد کے اصرار پر ہیما نے ایتھلیٹ بننے موقع فیصلہ کیا ۔۔ ایک دن اسکول میں ان کی ٹیچر نے ان کی رفتار دیکھی اور اس کے بعد سے ہیما کے لیے سب کچھ بدل گیا۔ انہوں نے اپنے استاد کے فیصلے کا احترام کرتے ہوئے ایتھلیٹ بننے کے لئے جی توڑ سے محنت کی۔ ان کو ایک بہترین ایتھلیٹ بننے کے لئے حقیقت میں سخت محنت کرنا پڑی ۔ انہوں نے اپنی رفتار کو بہترین حد تک لے گئی۔ تبھی انہیں ‘ڈھنگ ایکسپریس’ کے نام سے بھی جانا جاتا ہے۔

جاری یواین آئی۔ ایم جے،

کھیل

سروچی سنگھ اور کمل جیت سنگھ نے ہندوستان کو ایشیائی کھیلوں میں دوسرا طلائی تمغہ دلایا

Published

4 days ago

September 25, 2026

Online Desk

آئیچی-ناگویا (جاپان)، ہندوستان کی سروچی سنگھ اور کمل جیت سنگھ کی جوڑی نے جمعہ کو ایشیائی کھیلوں کے نشانہ بازی مقابلے میں 10 میٹر ایئر پسٹل مکسڈ مقابلے میں جنوبی کوریا کو پیچھے چھوڑتے ہوئے طلائی تمغہ حاصل کیا۔ یہ ایشیائی کھیلوں میں ہندوستان کا دوسرا تمغہ ہے۔

آج یہاں ہوئے مقابلے میں ہندوستانی جوڑی نے مجموعی طور پر 484.6 اسکور کے ساتھ سرفہرست مقام حاصل کیا۔ کمل جیت اور سروچی نے شروعات سے ہی اچھی برتری بنا لی تھی، لیکن جنوبی کوریا مسلسل ہندوستانی نشانہ بازوں پر دباؤ بنائے ہوئے تھا۔ تاہم ہندوستانی جوڑی نے دباؤ میں کوئی غلطی نہیں کی اور جنوبی کوریا کو 6.6 پوائنٹس کے فرق سے شکست دے کر طلائی تمغہ اپنے نام کرلیا۔ جنوبی کوریا 478 اسکور کے ساتھ دوسرے جبکہ ایران 415.8 اسکور کے ساتھ تیسرے مقام پر رہا۔

یو این آئی۔ ایم جے

کھیل

سلطان واریئرز بارہمولہ نے افتتاحی چنار پریمیئر لیگ کا خطاب جیت لیا

Published

2 weeks ago

September 15, 2026

Online Desk

سری نگر، سلطان واریئرز بارہمولہ نے افتتاحی چنار پریمیئر لیگ (سی پی ایل) کرکٹ ٹورنامنٹ 2026 کا خطاب جیت لیا۔ اس نے بارہمولہ کے جنرل بپن راوت اسٹیڈیم میں کھیلے گئے شاندار فائنل میں رمزی اسپورٹس سری نگر کو شکست دی۔

پہلے بلے بازی کرتے ہوئے سلطان واریئرز نے مقررہ اوورز میں 9 وکٹوں کے نقصان پر 182 رنز بنائے، جس کے جواب میں رمزی اسپورٹس سری نگر کی پوری ٹیم 142 رنز پر آؤٹ ہوگئی۔ اس طرح سلطان واریئرز نے شاندار کامیابی کے ساتھ خطاب اپنے نام کر لیا۔

سلطان واریئرز کے عاقب کھانڈے کو میچ جیتنے والی کارکردگی پر ’مین آف دی میچ‘ قرار دیا گیا، جبکہ ان کے ساتھی کھلاڑی عاصم بشیر کو پورے ٹورنامنٹ میں مسلسل عمدہ کارکردگی پر ’مین آف دی سیریز‘ کا اعزاز دیا گیا۔

فوج کی سری نگر چنار کور کی جانب سے منعقد کیے گئے اس ٹورنامنٹ میں ریکارڈ تعداد میں ٹیموں نے شرکت کی۔ مقابلے کے لیے 130 ٹیموں نے رجسٹریشن کرائی تھی، جن میں سے کشمیر وادی کے مختلف علاقوں سے 79 ٹیموں کا انتخاب کیا گیا۔

تقریب میں جموں و کشمیر کے چیف سیکریٹری اتل ڈلو کے علاوہ بارہمولہ میں تعینات ڈیگر ڈویژن کے جنرل آفیسر کمانڈنگ اور مقامی برادری کی ممتاز شخصیات نے شرکت کی۔

منتظمین نے کہا کہ سی پی ایل 2026 نے پوری کشمیر وادی کے کرکٹ ٹیلنٹ کو اپنی صلاحیتوں کے اظہار کا موقع فراہم کیا اور خاص طور پر نوجوانوں کے درمیان ہندوستانی فوج اور مقامی برادری کے تعلقات کو مضبوط بنانے کے لیے ایک پلیٹ فارم کے طور پر کام کیا۔

دفاعی ترجمان نے کہا کہ سی پی ایل 2026 کا کامیاب انعقاد خطے کے کھیلوں کے کیلنڈر میں ایک اہم سنگِ میل ہے۔ اس کے ذریعے وادی کے مختلف علاقوں سے تعلق رکھنے والے باصلاحیت نوجوان کرکٹرز کو اپنی صلاحیتیں دکھانے کا موقع ملا۔

یواین آئی۔ ظ ا

کھیل

بابر اعظم کی سات سال بعد ڈومیسٹک فرسٹ کلاس کرکٹ میں واپسی

Published

2 weeks ago

September 15, 2026

Online Desk

اسلام آباد، پاکستان کے ٹیسٹ کپتان بابر اعظم موجودہ پریذیڈنٹس ٹرافی گریڈ ون فرسٹ کلاس ٹورنامنٹ میں آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کی نمائندگی کریں گے۔ انہیں ٹیم نے بطور گیسٹ کھلاڑی شامل کیا ہے۔

ذرائع کے مطابق بابر نے پاکستان کرکٹ بورڈ (پی سی بی) سے درخواست کی تھی کہ انہیں کسی ٹیم میں شامل کیا جائے تاکہ وہ طویل فارمیٹ میں اپنی فارم بہتر کرسکیں۔ اس کے بعد بورڈ نے انہیں او جی ڈی سی ایل کے ساتھ جوڑ دیا۔ بابر نے دسمبر 2022 کے بعد سے ٹیسٹ کرکٹ میں کوئی سنچری نہیں بنائی۔ اس کے بعد سے 39 اننگز میں وہ صرف آٹھ نصف سنچریاں بناسکے ہیں، جبکہ 2023 کے آغاز سے ٹیسٹ میں ان کی اوسط 30.43 رہی ہے۔

ان کی خراب فارم پاکستان کرکٹ میں مسلسل بحث کا موضوع بنی ہوئی ہے۔ حالیہ انگلینڈ دورے میں پاکستان کو تین ٹیسٹ کی سیریز میں 0-3 سے شکست ہوئی، جبکہ لارڈز اور ایجبسٹن ٹیسٹ میں انگلینڈ کے تیز گیندبازوں نے شارٹ گیند کے خلاف بابر کی کمزوری کا فائدہ اٹھایا۔ تاہم گزشتہ پانچ ٹیسٹ میں وہ چار نصف سنچریاں بناچکے ہیں اور گزشتہ ماہ ویسٹ انڈیز کے خلاف دوسرے ٹیسٹ میں ان کا اسکور 88 رنز رہا، جس سے پاکستان نے جولائی 2023 کے بعد پہلی بار بیرون ملک ٹیسٹ جیتا۔

بابر نے آخری بار 2019 میں ڈومیسٹک فرسٹ کلاس ٹورنامنٹ کھیلا تھا، جب انہوں نے سینٹرل پنجاب کی کپتانی کرتے ہوئے فائنل میں ناردرن کو شکست دے کر قائداعظم ٹرافی جیتی تھی۔ حالیہ برسوں میں ٹیسٹ اور آئی سی سی ٹورنامنٹس میں پاکستان کی خراب کارکردگی کے بعد پاکستانی کھلاڑیوں کے ڈومیسٹک فرسٹ کلاس کرکٹ میں زیادہ حصہ لینے کا مطالبہ کیا جاتا رہا ہے۔ اس سیزن میں شاہین شاہ آفریدی اور سلمان آغا سمیت کئی دیگر بین الاقوامی کھلاڑی بھی پریذیڈنٹس ٹرافی میں حصہ لے رہے ہیں۔

پی سی بی کے سینٹرل کنٹریکٹ کے تحت اے کیٹیگری کے ٹیسٹ ماہر کھلاڑیوں کے لیے سالانہ کم از کم چھ، اے بی کیٹیگری کے ٹیسٹ اور ون ڈے ماہر کھلاڑیوں کے لیے چار، جبکہ بی سی کیٹیگری کے وائٹ بال ماہر کھلاڑیوں کے لیے کم از کم دو فرسٹ کلاس میچ کھیلنا ضروری ہے۔ پاکستان اس وقت آئی سی سی ٹیسٹ رینکنگ میں نویں نمبر پر ہے اور ورلڈ ٹیسٹ چیمپئن شپ کی نو ٹیموں کی جدول میں آخری مقام پر ہے۔ وہ گزشتہ چار آئی سی سی ٹورنامنٹس میں ناک آؤٹ مرحلے تک بھی نہیں پہنچ سکا ہے۔

یو این آئی۔ م س