وادی کشمیر میں سنیچر کو مزید14افراد کے کورونا وائرس ٹیسٹ مثبت آئے جن کا تعلق کپوارہ ،بانڈی پورہ ،بارہمولہ اور پلوامہ سے بتایا جاتا ہے جبکہ صوبہ جموں کے ضلع ادھمپور سے تعلق رکھنے والے مزید3افراد کے کورونا ٹیسٹ مثبت آئے ہیں ،جن کے بارے میں بتایا جاتا ہے کہ وہ پہلے سے وائرس میں مبتلاء افراد کیساتھ رابطے میں رہے جنکی ٹرول ہسٹری بیرون ممالک ہے ۔ جموں وکشمیر میں اب کورونا وائرس سے متاثرہ افراد کی تعداد92ہوگئی ۔ اس دوران سرینگر کے امراض چھاتی یا سینہ کے اسپتال (سی ڈی اسپتال) میں زیر علاج کورونا وائرس کے7مریضوں کے ٹیسٹ آب منفی آئے ،جو اس مرض میں مبتلاء مریضوں کیساتھ ساتھ اہلیان کشمیر کےلئے باعث راحت ہے ۔ کشمیر نیوز سروس کے مطابق جموں وکشمیر میں کورونا وائرس مریضوں کے ٹیسٹ کرانے کا عمل تیزی سے جاری ہے ،جس دوران کووڈ ۔ 19مریضوں کی تعداد میں بھی مسلسل اضافہ ہورہا ہے ۔
جموں وکشمیر میں سنیچر کو متاثرین کی92ہوگئی ،کیونکہ کشمیر میں 14اورصوبہ جموں میں 3افراد کے کورونا ٹیسٹ مثبت آئے ۔ معلوم ہوا ہے کہ جی ایم سی بارہمولہ میں داخل8افراد کے ٹیسٹ مثبت آئے ہیں جبکہ5افراد صورہ میڈیکل انسٹی چیوٹ اور ایک مریض سی ڈی اسپتال سرینگر میں زیر علاج ہے ۔
معلوم ہوا ہے کہ14نئے کیسز میں سے 6کا تعلق کپوارہ ،4کا تعلق بانڈی پورہ ،3کا تعلق بارہمولہ اور ایک کا تعلق سرینگر سے ہے ۔ ادھرصوبہجموں میں کئی مشتبہ افراد کے کورونا نمونے حاصل کئے گئے تھے ،جن کے نتاءج سنیچر کی صبح آگئے ۔ معلوم ہوا ہے کہ نار سو ادھمپور سے تعلق رکھنے والے 3افراد کے یہ ٹیسٹ مثبت آئے ہیں ۔
سرکاری ترجمان روہت کنسل نے اسکی تصدیق کی ہے ۔ انہوں نے کہا کہ نارسو ادھمپور کے تین افراد کے ٹیسٹ مثبت آئے جو پہلے سے پازیٹیو افراد کیساتھ رابطے میں رہے ہیں ۔ ان کا کہناتھا کہ اُنکی ٹرول ہسٹری بیرون ملک ہے ۔ جموں وکشمیر میں کل مریضوں کی تعداد73ہوگئی جن میں کشمیر سے تعلق رکھنے والے افراد کی تعداد54ہے جبکہ 19کا تعلق جموں سے ہے ۔ منصوبہ بندی اور اطلاعات محکموں کے پرنسپل سیکرٹری اور حکومتی روہت کنسل نے کہا تھا کہ قومی سطح پر کووڈ ۔ 19 کے معاملات میں اضافہ کے ساتھ ساتھ جموں وکشمیر میں بھی ان کیسوں میں اضافہ ہورہا ہے ۔ روہت کنسل نے کہاتھا کہ حکومت لوگوں کے خدشات سے باخبر ہے ۔ تاہم انہوں نے کہا کہ حکومت ایسے اَفراد کی نشاندہی میں سرگرم عمل ہے جو متاثر ہ افراد کے رابطے میں آئے ہیں ۔ انہوں نے کہا کہ اب تک کئی مثبت اَفراد کی نشاندہی کی جاچکی ہے ۔
اُنہوں نے کہا کہ متاثرہ اَفراد کے رابطے میں آئے لوگوں کی نشاندہی لازمی ہے اور اس طرح سے وائرس کے مزید پھیلاءو کو روکا جاسکتا ہے ۔ روہت کنسل جو کہ انتظامیہ کے ترجمان بھی ہے ،نے کہا کہ متاثرہ افراد کے رابطے میں آئے 2000لوگوں کی نشاندہی کی جاچکی ہے ۔ روہت کنسل نے بتایا تھاکہ جموں وکشمیر میں ٹیسٹ کرنے کا عمل تیزی کے ساتھ جاری ہے اور یہاں مقامی چار مراکز پر ٹیسٹ کئے جاتے ہیں ۔
اُنہوں نے کہا کہ جموں وکشمیر میں ٹیسٹوں کی شرح 77;46;5فی دس لاکھ ہے جو کہ ملک میں کریلا کے بعد سب سے زیادہ ہے ۔ اُنہوں نے کہا کہ اِنتظامیہ نے ٹیسٹ کے عمل میں مزید اضافہ کرنے کا فیصلہ کیا ہے ۔ اس دوران سی ڈی اسپتال میں زیر علاج کورونا وائرس کے 7مریضوں کے ٹیسٹ اب منفی آئے ہیں ۔
اس اچھی خبر کی اطلاع سی ڈی اسپتال کے سربراہ ڈاکٹر نوید نذیر شاہ نے سماجی رابطہ ویب ساءٹ ٹویٹر پر ٹوئیٹ کرتے ہوئے دی ۔ انہوں نے کہا کہ اسپتال میں کورونا وائرس میں مبتلاء زیر علاج مزید6مریضوں کے ٹیسٹ منفی آئے ۔ ان کا کہناتھا کہ دوران علاج مثبت نتاءج برآمد ہوئے اور زیر علاج مریض روبہ صحت ہورہے ہیں ۔ یاد رہے کہ اسپتال میں گذشتہ روز ایک مریض صحتیاب ہوا تھا ۔ کے این ایس کیساتھ بات کرتے ہوئے وادی کے مشہور معالج ڈاکٹر نوید نذیر شاہ نے کہا کہ درگجن ہسپتال میں داخل کووڈ ۔ 19کے سبھی مریض روبہ صحت ہو رہے ہیں ۔ انہوں نے امید ظاہر کی کہ جموں وکشمیر میں کووڈ ۔ 19کے مریضوں کی تعداد میں کمی آئے گی ۔
اُنہوں نے کہا کہ سی ڈی ہسپتال میں کووڈ ۔ 19کے کل 19مریض داخل ہے جو آہستہ آہستہ صحتیاب ہو رہے ہیں ۔ ڈاکٹر موصوف نے کہاکہ ہسپتال کا طبی اور نیم طبی عملہ مریضوں کے لئے دن رات کام کر رہا ہے ۔ کورنٹین سہولیات کے تعلق سے اُنہوں نے کہا کہ یہ سہولیات سی ڈی ہسپتال میں بھی قائم کی گئی ہے تاہم لوگوں کو ہرطرح کی احتیاط برتنی چاہیئے ۔
اُنہوں نے کہا کہ بیشتر مریضوں کو مکمل طور صحت یاب ہونے کے بعدہسپتال سے رخصت کیا جائے گا ۔ ڈاکٹر نوید نذیر نے غیر معمولی کام کرنے پر مائیکروبیالوجی شعبے کے ڈاکٹر وں اور دیگر اہلکاروں کی سراہنا کی ۔ اُنہوں نے باہر سے آئے اُن سبھی افراد سے اپیل کی کہ وہ اپنی سفری تفصیلات ظاہر کریں تاکہ اُن کو ضروری طبی سہولیت فراہم کی جاسکے ۔
اُنہوں نے کہا کہ کورونا وائرس کی کڑی کو اسی طرح توڑا جاسکتا ہے ۔ ڈاکٹر موصوف نے کہاکہ کورونا وائرس کے پھیلاءو پر قابو پانے میں عام لوگوں کا ایک اہم رول بنتا ہے ۔ اُنہوں نے کہا کہ ہسپتال میں لازمی سازو سامان وافر مقدار میں دستیاب ہے ۔