سائنس و ٹیکنالوجی

حد سے زیادہ کام کی عادت بھی موت کا سبب بن سکتی ہے؛ نئی تحقیق میں انکشاف

Published

5 years ago

September 24, 2021

ویب ڈیسک — ایک نئی تحقیق کے مطابق طویل دورانیے تک مستقل کام کرنے کی عادت دفتری معاملات میں خطرے سے خالی نہیں۔

عالمی ادارہٴ صحت اور انٹرنیشنل لیبر آرگنائزیشن کی ایک مشترکہ تحقیق میں یہ بات سامنے آئی ہے کہ ہر برس دنیا بھر میں حد سے زیادہ کام کی وجہ سے پیدا ہونے والی بیماریوں اور زخموں کی وجہ سے 20 لاکھ افراد ہلاک ہوتے ہیں۔

عالمی ادارہٴ صحت کے ڈائریکٹر جنرل ٹیڈروس نے ایک بیان میں کہا کہ یہ بات حیران کن ہے کہ ہر برس اس قدر زیادہ افراد اپنی ملازمتوں کی وجہ سے ہلاک ہوتے ہیں۔

انہوں نے کہا کہ ملازمت سے متعلق ہر ہلاکت روکی جا سکتی ہے اگر صحت اور حفاظت سے متعلق درست اقدامات کیے جائیں۔

ان کا کہنا تھا کہ ملازمتوں سے متعلق 80 فی صد سے زائد اموات امراضِ قلب اور سانس کی بیماریوں کی وجہ سے ہوتی ہیں جن کی شدت ملازمتوں کی جگہوں میں بڑھ جاتی ہیں۔

انہوں نے انکشاف کیا کہ ان اموات میں لمبے دورانیے تک کام کرنے کی عادت کی وجہ سے ہر برس سب زیادہ افراد ہلاک ہوتے ہیں جن کی تعداد ساتھ لاکھ 50 ہزار کے قریب بتائی جاتی ہے۔

اس تحقیق میں ملازمتوں سے متعلق 11 مضر صحت وجوہات کو دیکھا گیا جن میں لمبے دورانیے تک ملازمت کرنا، ملازمت کی جگہ پر آلودگی سے متاثر ہونا، سرطان پیدا کرنے والے مادے سے متاثر ہونے کے علاوہ شور سے متاثر ہونا بھی شامل ہے۔

ان ہلاکتوں میں 80 فی صد تو بظاہر نہ نظر آنے والی بیماریاں ہیں جیسے امراض قلب یا سانس کی تکالیف۔ جب کہ باقی 20 فی صد ملازمت کی جگہ پر حادثہ پیش آنے سے ہونے والی اموات ہیں۔

عالمی ادارہٴ صحت میں ماحولیات، ماحولیاتی تبدیلی اور صحت کے محکمے میں ٹیکنیکل افسر کے طور پر کام کرنے والے فرینک پیگا نے کہا ہے کہ سب سے زیادہ خطرے میں 54 برس سے زائد عمر کے مرد ہیں۔

انہوں نے بتایا کہ سب سے زیادہ اموات افریقہ میں، پھر انڈوچائنا میں اور بحرلکاہل کے مغربی کنارے پر واقع علاقوں میں ہوتی ہیں۔

ان کا کہنا تھا کہ ان علاقوں میں بھی کم یا اوسط درجے کی آمدنی والے ممالک سب سے زیادہ متاثر ہیں۔

جموں و کشمیر

سکمز کے احاطے کے اندر ویڈیو گرافی اور فوٹو گرافی پر سخت پابندی عائد

Published

2 years ago

November 22, 2024

Online Desk

سری نگر، شیر کشمیر انسٹی ٹیوٹ آف میڈیکل سائنسز (سکمز) صورہ نے مریض کی تنہائی اور راز داری کو یقینی بنانے کے لئے ہسپتال کے احاطے کے اندر ویڈیو گرافی اور فوٹو گرافی پر سخت پابندی عائد کرنے کا اعلان کیا ہے۔

عام لوگوں سے ہسپتال کی سیکورٹی کے ساتھ تعاون کرنے کی درخواست کی گئی ہے۔

انسٹی ٹیوٹ نے جمعہ کو ‘ایکس’ پر اپنے ایک پوسٹ میں کہا: ‘عام لوگوں کو مطلع کیا جاتا ہے کہ مریض کی رازداری / تنہائی کو یقینی بنانے کے لیے ہسپتال کے احاطے کے اندر ویڈیو گرافی / فوٹوگرافی پر سخت پابندی عائد کی جاتی ہے’۔

انہوں نے کہا کہ اس میں تصاویر یا ویڈیوز کیپچر کرنے کے لیے موبائل فون یا کسی دوسرے آلے کا استعمال شامل ہے۔

حکام نے ایک اور پوسٹ میں عام لوگوں سے درخواست کی ہے کہ وہ ہسپتال میں موجودگی کے دوران ہسپتال کی سکیورٹی کے ساتھ تعاون کریں اور مریض کی رازداری اور ہسپتال کے پروٹوکول کا احترام کریں۔

یو این آئی- ایم افضل

جموں و کشمیر

سرکار نے ریزرویشن پالیسی پر نظر ثانی کی خاطر سب کمیٹی تشکیل دینے کو ہری جھنڈی دکھائی :کابینہ وزیر جاوید رانا

Published

2 years ago

November 22, 2024

Online Desk

جموںجموں وکشمیر کے وزیر اعلیٰ عمر عبداللہ کی سربراہی میں جموں میں جمعے کے روز کابینہ میٹنگ منعقد ہوئی جس دوران کئی اہم فیصلے لئے گئے۔

کابینہ وزیر جاوید رانا نے کہاکہ میٹنگ کے دوران لیفٹیننٹ گورنر منوج سنہا کی اسمبلی تقریر کو منظور دی گئی ہے۔

جموں میں ایک پرہجوم پریس کانفرنس کے دوران کابینہ وزیر جاوید رانا نے کہاکہ جمعے کی صبح وزیر اعلیٰ عمر عبداللہ کی سربراہی میں کابینہ میٹنگ منعقد ہوئی جس دوران کئی اہم مسائل پر گفت شنید ہوئی۔

انہوں نے کہاکہ کابینہ میٹنگ کے دوران سردی کے ایام میں لوگوں کو راحت دینے کی خاطر کئی اہم فیصلے لئے گئے۔

جاوید رانا نے کہاکہ لیفٹیننٹ گورنر منوج سنہا کے اسمبلی خطاب کو بھی کابینہ میٹنگ کے دوران منظور کیا گیا۔

ان کے مطابق جموں وکشمیر میں بے روزگاری ایک بڑا مسئلہ ہے جس پر قابو پانے کی خاطر سبھی محکموں کو ہدایت دی گئی کہ وہ بھرتی ایجنسیوں کو اسامیاں ریفر کریں۔

انہوں نے مزید بتایا کہ وزیر اعلیٰ نے کابینی وزرا کو آنے والے دو مہینوں کے اندر اندر الیکشن منشور میں کئے گئے سبھی وعدوں کو عملی جامہ پہنانے کی بھی ہدایت دی۔

کشمیری پنڈتوں کی گھر واپسی کے بارے میں پوچھے گئے سوال کے جواب میں جاوید رانا نے کہاکہ نیشنل کانفرنس کا یہ اصولی موقف رہا ہے کہ کشمیری پنڈتوں کی گھر واپسی ہونی چاہئے اوراس پر بھی کام شروع کیا گیا ہے۔

ریزرویشن پالیسی کے بارے میں پوچھے گئے سوال کے جواب میں جاوید رانا نے کہاکہ وزیر اعلیٰ نے کابینہ سب کمیٹی تشکیل دینے کے احکامات جاری کئے جو تمام طبقوں کے ساتھ بات چیت کرکے عوام کے مفاد میں فیصلہ لے گی۔

ڈیلی ویجروں کی مستقلی پر جاوید رانا نے کہاکہ کابینہ میٹنگ میں اس اہم مسئلے پر بھی بات چیت ہوئی ہے اور ہم یقین دلاتے ہیں کہ الیکشن منشور میں نیشنل کانفرنس نے جتنے بھی وعدئے کئے انہیں ہر حال میں پورا کیا جائے گا۔

یو این آئی- ارشید بٹ

جموں و کشمیر

کشتواڑ واقعہ: ملوثین کے خلاف سخت کارروائی عمل میں لائی جائے :محبوبہ مفتی

Published

2 years ago

November 22, 2024

Online Desk

سری نگرپی ڈی پی صدر محبوبہ مفتی نے کشتواڑ میں پیش آئے واقعے کی سخت الفاظ میں مذمت کرتے ہوئے کہاکہ مستقبل میں اس طرح کے واقعات کو روکنے کی خاطر احتساب کو یقینی بنایا جائے۔

محبوبہ مفتی نے الزامات کا نوٹس لیتے ہوئے جمعہ کو ‘ایکس’ پر اپنے پوسٹ میں کہا: ‘کشتواڑ سے شدید تشدد کے الزامات سامنے آئے ہیں جو ہمیں اس سال کے شروع میں بفلیاز سرنکوٹ میں پیش آنے والے پریشان کن واقعات کی یاد دلا رہے ہیں’۔

انہوں نے کہا: ‘سجاد احمد، عبدالکبیر، مشتاق احمد اور معراج الدین جو سب کاتھ گاﺅں کے رہنے والے ہیں، کو پوچھ گچھ کے لیے فوجی کیمپ میں بلایا گیا جہاں ان پر مبینہ طور پر جسمانی تشدد کیا گیا’۔

ان کا پوسٹ میں کہنا ہے: ‘میں حکومت پر زور دیتی ہوں کہ وہ ملوث افراد کے خلاف فوری کارروائی کرے تاکہ احتساب کو یقینی بنایا جا سکے اور انسانی حقوق کی ایسی گھناونی خلاف ورزیوں کو مستقبل میں دوبارہ ہونے سے روکا جا سکے’۔

فوج کی وائٹ نائٹ کور نے گذشتہ شام ‘ایکس’ پر اپنے ایک پوسٹ میں کہا: ‘کشتواڑ سیکٹر میں دہشت گردوں کے ایک گروپ کی نقل و حمل کے بارے میں انٹلی جنس بنیاوں پر اطلاع موصول ہونے پر فوج کی راشٹریہ رایفلز نے 20 نومبر کو علاقے میں آپریشن شروع کیا’۔

انہوں نے کہا: ‘آپریشن کے دوران عام شہریوں کے ساتھ مبینہ نا روا سلوک کرنے کے کچھ رپورٹس سامنے آئے ہیں’۔

پوسٹ میں کہا گیا: ‘حقائق کو جاننے کے لیے تحقیقات شروع کی جا رہی ہیں اور ضروری اقدام کو یقینی بنایا جائے گا’۔

یو این آئی- ارشید بٹ