کھیل

سوریہ کمار نے دکھایا کہ وہ الگ طریقے سے کھیل سکتے ہیں: روہت

Published

2 years ago

June 13, 2024

نیویارک، ہندوستانی کپتان روہت شرما نے کہا کہ سوریہ کمار یادو نے امریکہ کے خلاف میچ میں ایک تجربہ کار کھلاڑی کی طرح کھیل کی الگ طرز کا مظاہرہ کیا میچ کے بعد نامہ نگاروں سے بات کرتے ہوئے روہت نے سوریہ کمار کی بلے بازی کے بارے میں کہا “انہوں نے دکھایا کہ وہ الگ انداز کے ساتھ بلے بازی کر سکتے ہیںتجربہ کار کھلاڑیوں سے آپ یہی توقع رکھتے ہیں۔ میدان میں آنے کے بعد آپ اکثر حالات کے مطابق بیٹنگ کرنے کی کوشش کرتے ہیں۔ سوریہ کمار نے آج کچھ ایسا ہی کیا۔ سوریہ کمار اور شیوم دوبے کے درمیان 67 رن کی شراکت ہمارے لیے اہم تھی۔ آخر میں وہ ہمیں جیت تک لے گئے اور یہ ایک بہترین کوشش تھی۔‘‘

انہوں نے کہا “ہم جانتے تھے کہ یہ 111 رن ہمارے لیے ایک مشکل چیلنج ہے، لیکن اس کا کریڈٹ ہمیں جاتا ہے۔ آخر میں ہم نے صبر کا مظاہرہ کیا اور شراکت داری بھی قائم کی۔ ہم نے شروع میں وکٹ گنوائے لیکن اس کا سہرا سوریہ کمار اور شیوم کو جاتا ہے جنہوں نے پختگی کا مظاہرہ کیا اور ہمیں فتح تک پہنچادیا۔

روہت نے دوبے کی آل راؤنڈ کارکردگی پر کہا ’’ہماری خواہش ہے کہ ہمارے پاس بھی ایسے ہی متبادل موجود ہوں۔ تاہم، ایک چیز ہے جس کے بارے میں ہمیں معلوم ہونا چاہیے کہ ہم انہیں کہاں استعمال کر سکتے ہیں۔ آج میں نے سوچا کہ ہم اسے استعمال کر سکتے ہیں کیونکہ پچ اسی طرح ہی کی تھی۔

انہوں نے کہا “ہم جانتے تھے کہ گیند بازوں کو ہماری ٹیم کو آگے سے قیادت کرنی ہوگی۔ ہم جانتے تھے کہ اس پچ پر رن بنانا مشکل ہے۔ میں پھر کہوں گا کہ ہمارے گیند بازوں نے بہت اچھا کام کیا۔ جس طرح سے انہوں نے انہیں رن بنانے سے روکا وہ دیکھنا شاندار تھا۔ یہاں کرکٹ کھیلنا آسان نہیں ہے۔ یہ کسی بھی میچ میں کسی کے ساتھ بھی ہو سکتا ہے۔‘‘

انہوں نے کہا کہ یہاں کے تینوں میچوں میں ہمیں آخر تک ڈٹے رہنا تھا اور کھیل کو گہرائی تک لے جانا تھا۔ ہم تینوں میچ جیتنے میں خوش قسمت تھے، جس سے ہمیں بہت زیادہ اعتماد ملا ہے۔‘‘

انہوں نے کہا “کئی لڑکے ہیں جن کے ساتھ ہم نے کافی کرکٹ کھیلی ہے۔ لیکن میں انہیں دیکھ کر بہت خوش ہوں۔ پچھلے سال ہم نے ان کو میجر کرکٹ لیگ میں بھی دیکھا تھا، وہ طاقت کے ساتھ آگے بڑھ رہے ہیں اور میں امید کر سکتا ہوں کہ اس کے لیے اس سے بہتر کوئی اور نہیں ہے۔ وہ سخت محنت کرکے ہی امریکہ میں اپنی شناخت بنانے میں کامیاب ہوئے ہیں۔‘‘

یو این آئی۔ این یو۔

کھیل

سروچی سنگھ اور کمل جیت سنگھ نے ہندوستان کو ایشیائی کھیلوں میں دوسرا طلائی تمغہ دلایا

Published

4 days ago

September 25, 2026

Online Desk

آئیچی-ناگویا (جاپان)، ہندوستان کی سروچی سنگھ اور کمل جیت سنگھ کی جوڑی نے جمعہ کو ایشیائی کھیلوں کے نشانہ بازی مقابلے میں 10 میٹر ایئر پسٹل مکسڈ مقابلے میں جنوبی کوریا کو پیچھے چھوڑتے ہوئے طلائی تمغہ حاصل کیا۔ یہ ایشیائی کھیلوں میں ہندوستان کا دوسرا تمغہ ہے۔

آج یہاں ہوئے مقابلے میں ہندوستانی جوڑی نے مجموعی طور پر 484.6 اسکور کے ساتھ سرفہرست مقام حاصل کیا۔ کمل جیت اور سروچی نے شروعات سے ہی اچھی برتری بنا لی تھی، لیکن جنوبی کوریا مسلسل ہندوستانی نشانہ بازوں پر دباؤ بنائے ہوئے تھا۔ تاہم ہندوستانی جوڑی نے دباؤ میں کوئی غلطی نہیں کی اور جنوبی کوریا کو 6.6 پوائنٹس کے فرق سے شکست دے کر طلائی تمغہ اپنے نام کرلیا۔ جنوبی کوریا 478 اسکور کے ساتھ دوسرے جبکہ ایران 415.8 اسکور کے ساتھ تیسرے مقام پر رہا۔

یو این آئی۔ ایم جے

کھیل

سلطان واریئرز بارہمولہ نے افتتاحی چنار پریمیئر لیگ کا خطاب جیت لیا

Published

2 weeks ago

September 15, 2026

Online Desk

سری نگر، سلطان واریئرز بارہمولہ نے افتتاحی چنار پریمیئر لیگ (سی پی ایل) کرکٹ ٹورنامنٹ 2026 کا خطاب جیت لیا۔ اس نے بارہمولہ کے جنرل بپن راوت اسٹیڈیم میں کھیلے گئے شاندار فائنل میں رمزی اسپورٹس سری نگر کو شکست دی۔

پہلے بلے بازی کرتے ہوئے سلطان واریئرز نے مقررہ اوورز میں 9 وکٹوں کے نقصان پر 182 رنز بنائے، جس کے جواب میں رمزی اسپورٹس سری نگر کی پوری ٹیم 142 رنز پر آؤٹ ہوگئی۔ اس طرح سلطان واریئرز نے شاندار کامیابی کے ساتھ خطاب اپنے نام کر لیا۔

سلطان واریئرز کے عاقب کھانڈے کو میچ جیتنے والی کارکردگی پر ’مین آف دی میچ‘ قرار دیا گیا، جبکہ ان کے ساتھی کھلاڑی عاصم بشیر کو پورے ٹورنامنٹ میں مسلسل عمدہ کارکردگی پر ’مین آف دی سیریز‘ کا اعزاز دیا گیا۔

فوج کی سری نگر چنار کور کی جانب سے منعقد کیے گئے اس ٹورنامنٹ میں ریکارڈ تعداد میں ٹیموں نے شرکت کی۔ مقابلے کے لیے 130 ٹیموں نے رجسٹریشن کرائی تھی، جن میں سے کشمیر وادی کے مختلف علاقوں سے 79 ٹیموں کا انتخاب کیا گیا۔

تقریب میں جموں و کشمیر کے چیف سیکریٹری اتل ڈلو کے علاوہ بارہمولہ میں تعینات ڈیگر ڈویژن کے جنرل آفیسر کمانڈنگ اور مقامی برادری کی ممتاز شخصیات نے شرکت کی۔

منتظمین نے کہا کہ سی پی ایل 2026 نے پوری کشمیر وادی کے کرکٹ ٹیلنٹ کو اپنی صلاحیتوں کے اظہار کا موقع فراہم کیا اور خاص طور پر نوجوانوں کے درمیان ہندوستانی فوج اور مقامی برادری کے تعلقات کو مضبوط بنانے کے لیے ایک پلیٹ فارم کے طور پر کام کیا۔

دفاعی ترجمان نے کہا کہ سی پی ایل 2026 کا کامیاب انعقاد خطے کے کھیلوں کے کیلنڈر میں ایک اہم سنگِ میل ہے۔ اس کے ذریعے وادی کے مختلف علاقوں سے تعلق رکھنے والے باصلاحیت نوجوان کرکٹرز کو اپنی صلاحیتیں دکھانے کا موقع ملا۔

یواین آئی۔ ظ ا

کھیل

بابر اعظم کی سات سال بعد ڈومیسٹک فرسٹ کلاس کرکٹ میں واپسی

Published

2 weeks ago

September 15, 2026

Online Desk

اسلام آباد، پاکستان کے ٹیسٹ کپتان بابر اعظم موجودہ پریذیڈنٹس ٹرافی گریڈ ون فرسٹ کلاس ٹورنامنٹ میں آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کی نمائندگی کریں گے۔ انہیں ٹیم نے بطور گیسٹ کھلاڑی شامل کیا ہے۔

ذرائع کے مطابق بابر نے پاکستان کرکٹ بورڈ (پی سی بی) سے درخواست کی تھی کہ انہیں کسی ٹیم میں شامل کیا جائے تاکہ وہ طویل فارمیٹ میں اپنی فارم بہتر کرسکیں۔ اس کے بعد بورڈ نے انہیں او جی ڈی سی ایل کے ساتھ جوڑ دیا۔ بابر نے دسمبر 2022 کے بعد سے ٹیسٹ کرکٹ میں کوئی سنچری نہیں بنائی۔ اس کے بعد سے 39 اننگز میں وہ صرف آٹھ نصف سنچریاں بناسکے ہیں، جبکہ 2023 کے آغاز سے ٹیسٹ میں ان کی اوسط 30.43 رہی ہے۔

ان کی خراب فارم پاکستان کرکٹ میں مسلسل بحث کا موضوع بنی ہوئی ہے۔ حالیہ انگلینڈ دورے میں پاکستان کو تین ٹیسٹ کی سیریز میں 0-3 سے شکست ہوئی، جبکہ لارڈز اور ایجبسٹن ٹیسٹ میں انگلینڈ کے تیز گیندبازوں نے شارٹ گیند کے خلاف بابر کی کمزوری کا فائدہ اٹھایا۔ تاہم گزشتہ پانچ ٹیسٹ میں وہ چار نصف سنچریاں بناچکے ہیں اور گزشتہ ماہ ویسٹ انڈیز کے خلاف دوسرے ٹیسٹ میں ان کا اسکور 88 رنز رہا، جس سے پاکستان نے جولائی 2023 کے بعد پہلی بار بیرون ملک ٹیسٹ جیتا۔

بابر نے آخری بار 2019 میں ڈومیسٹک فرسٹ کلاس ٹورنامنٹ کھیلا تھا، جب انہوں نے سینٹرل پنجاب کی کپتانی کرتے ہوئے فائنل میں ناردرن کو شکست دے کر قائداعظم ٹرافی جیتی تھی۔ حالیہ برسوں میں ٹیسٹ اور آئی سی سی ٹورنامنٹس میں پاکستان کی خراب کارکردگی کے بعد پاکستانی کھلاڑیوں کے ڈومیسٹک فرسٹ کلاس کرکٹ میں زیادہ حصہ لینے کا مطالبہ کیا جاتا رہا ہے۔ اس سیزن میں شاہین شاہ آفریدی اور سلمان آغا سمیت کئی دیگر بین الاقوامی کھلاڑی بھی پریذیڈنٹس ٹرافی میں حصہ لے رہے ہیں۔

پی سی بی کے سینٹرل کنٹریکٹ کے تحت اے کیٹیگری کے ٹیسٹ ماہر کھلاڑیوں کے لیے سالانہ کم از کم چھ، اے بی کیٹیگری کے ٹیسٹ اور ون ڈے ماہر کھلاڑیوں کے لیے چار، جبکہ بی سی کیٹیگری کے وائٹ بال ماہر کھلاڑیوں کے لیے کم از کم دو فرسٹ کلاس میچ کھیلنا ضروری ہے۔ پاکستان اس وقت آئی سی سی ٹیسٹ رینکنگ میں نویں نمبر پر ہے اور ورلڈ ٹیسٹ چیمپئن شپ کی نو ٹیموں کی جدول میں آخری مقام پر ہے۔ وہ گزشتہ چار آئی سی سی ٹورنامنٹس میں ناک آؤٹ مرحلے تک بھی نہیں پہنچ سکا ہے۔

یو این آئی۔ م س