تین ہفتوں سے جاری کورونا لاک ڈاءون کے باعث گھروں میں محصور لوگ ذہنی دباءو، چڑچڑا پن، ڈپریشن سمیت مختلف بیماریوں میں مبتلا ہونے لگے، اکثر لوگ بے خوابی کا شکار ہوکر نیندآور گولیاں کھانے پر مجبور ہوگئے ۔

تاہم نفسیاتی ما ہرین کا کہنا ہے کہ موجودہ حالات میں لوگوں کو گھروں میں اپنے آپ کو کتابیں پڑھنے ،باغبانی ،ٹیلی ویژن ،ریڈیو سننے کیسا تھ ساتھ دیگر کاموں میں خود کو مصروف رکھنا رکھنے کے علاوہ بچوں کو بھی اپنے ساتھ مصروف رکھنا چاہئے ۔ کشمیر نیوز سروس کے مطابق ماہرین نفسیات نے کورونا کی وجہ سے لوگ میں نفسیاتی عوارض، ذہنی مسائل کی تصدیق کرتے ہوئے کہا کہ لوگ میں آگاہی نہ ہونے پر مسائل بڑھ رہے ہیں ۔

مسلسل لاک ڈاءون اور گھروں میں مقید رہنے والے بیشتر لوگوں نے کے این ایس کو ٹیلی فون کرکے اپنی تشویش اورکورونا کے خوف کے باعث اپنے پیاروں کے بڑھتے ہوئے ذہنی مسائل ومشکلات سے آگاہ کیا ۔ ان کا کہنا تھا ’پہلے مہنگائی ،بیروز گاری،ہلاکتوں سمیت دیگر مسائل کی وجہ سے وہ پریشانی سے دوچار تھے اب مسلسل لاک ڈاءون اور کورونا کے خوف نے اس میں مزید اضافہ کر دیا ہے ۔

کورونا وائرس کے بارے میں مصدقہ اور غیر مصدقہ معلومات کی بہتات سے لوگ نفسیاتی مسائل کا شکار ہو گئے ہیں اور اس کے لیے ماہرین نفسیات نے ٹیلی کلینک یا ٹیلی سائیکاٹری شروع کی ہے جہاں لوگ فون اور ویڈیو کالز کے زریعے ڈاکٹروں سے رابطہ کر سکتے ہیں ۔

اس ٹیلی کلینک یا ٹیلی سائیکاٹری میں لوگوں کو ان کی الجھنوں کے حل اور ان سے نمٹنے کے لیے مشورے دیے جائیں گے ۔ ماہرین کے مطابق اگر ضرورت ہو تو ادویات بھی تجویز کی جا سکتی ہیں ۔ ٹیلی کلینک کیا ہے;238;:جب مریض ہسپتال یا ڈاکٹر کے پاس خود نہ جا سکے یا جہاں متعلقہ ڈاکٹر کی سہولت نہ ہو تو وہاں لوگ ٹیلی فون یا ویڈیو کال یا سکاءپ کے ذریعے اپنے معالج یا کسی بھی ماہر ڈاکٹر سے رابطہ کر سکیں ، مشورہ کرسکیں یا ڈاکٹر مریضوں کو ادویات تجویز کرسکے اس ٹیلی کلینک یا ٹیلی سائیکاٹری کہتے ہیں ۔ ماہرین نفسیات کا یہ بھی کہنا ہے کہ لوگ لاک ڈاءون کے دوران خود کو زیادہ سے زیادہ مصروف رکھنے کی کوششیں کریں ۔

ان کا کہناتھا کہ لوگوں کو کتابیں پڑھنے ،باغبانی ،ٹیلی ویژن ،ریڈیو سننے کیسا تھ ساتھ دیگر کاموں میں خود کو مصروف رکھنا رکھنے کے علاوہ بچوں کو بھی اپنے ساتھ مصروف رکھنا چاہئے ۔ لاک ڈاءون کے دورا ن ڈھیروں سوال ہر دوسرے گھر میں گونجتے رہتے ہیں ۔ کورونا وائرس کی وجہ سے بڑھتی مریضوں کی تعداد اور اموات کی وجہ سے حکومت نے تعلیمی اداروں کو قبل از وقت بند کر دیا ہے جس کی وجہ سے والدین خصوصاً مائیں بہت تشویش کا شکار ہیں ۔ ہر وقت کے سوالات، بہن بھائیوں کے آپسی جھگڑوں ، گھر میں شور شرابے، باہر جانے کی پابندی، تعلیمی سرگرمیوں کا متاثر ہونا، اور انجانے خوف جیسے بہت سے مسائل کی وجہ سے والدین پریشان ہیں ۔

تاہم اس تشویشناک صورتحال کو تھوڑی سی گفتگو، سرگرمیوں ،دن بھر کے معمولات یعنی روٹین بنانے اور مشترکہ طور پر خوشگوار ماحول بنائے رکھنے سے ممکنہ پریشانیوں اور نفسیاتی مسائل میں تبدیل ہونے سے بچا سکتے ہیں ۔ بچوں سے کیسے بات کریں ;238; یہ بات ذہن میں دہراتے جائیں کہ بچوں کا پریشان اور خوفزدہ ہونا فطری ہے، گھر میں بند رہنے کے ساتھ ساتھ ٹی وی اور موبائل سے مسلسل معلومات کا بہاوَ اس میں اہم کردار ادا کر رہا ہے ۔ اس موضوع پر خود سے پہل کریں اور بچوں سے بات کرنے کی منصوبہ بندی کریں ۔ چھوٹے بچوں کے سامنے حتی الامکان نیوز چینلز بند رکھیں تاکہ وہ دنیا بھر کی خوفناک اور خوفزدہ کردینے والی خبریں براہ راست نہ سنیں ۔

(اگر گھر میں کوئی کورونا کا مریض نہیں ہے یا بچے براہ راست کسی متاثرہ فرد کو نہیں جانتےتو) بہت سی باتیں بچوں کو بتانا ضروری نہیں ہے ۔ اگر بچہ اسکول ابھی جانا شروع ہوا ہے یا درمیانی کلاسز میں ہے تو اسے غیر مستند اور ڈرا دینے والی معلومات سے بچانے کے لیے اس کی ذہنیت اور عمر کے لحاظ سے آسان انداز اور الفاظ میں کورونا پر بات کریں ۔ ٹین ایجرز کو بڑوں کی طرح ٹریٹ کریں اور کورونا کے طبی اثرات پر بات کریں ۔

بچے جب بھی اپنی پریشانی اور خدشات کا ذکر کریں ، انہیں غور سے سنیں ۔ اگر آپ کی بیٹی یا بیٹا کوئی مبالغہ آمیز بات کریں تو ڈانٹنے یا چیخنے کے بجائے تحمل سے جواب دیں اور سوال کریں کہ انہیں یہ بات کہاں سے پتا چلی ۔ بچوں کی حوصلہ افزائی کریں کہ وہ بات کریں ، یوں آپ انہیں یقین دہانی کراتے ہیں کہ آپ ان کے خدشات اور احساسات کو سنبھال سکتے ہیں ۔

غیر مستند معلومات کے حوالے سے محتاط رہنے کا کہتے رہیں اور سائنسی اور مستند ذراءع سے معلومات حاصل کرنے پر رہنمائی دیں ۔ مثبت اقدامات پر رہنمائی دیں جیسے ہاتھ دھونا، باہر لوگوں سے ہاتھ ملانے سے گریز اور دور سے سلام کرنا، اگر بہت عرصے گھر پر رہنا ہے تو ان سے کھانے پینے اور ان کی ضروریات کی فہرست بنانے کا کہیں ۔