کھیل

مغربی بنگال نے ٹیبل ٹینس میں ڈبل گولڈ جیتا

Published

2 years ago

February 11, 2025

دہرادون، اتراکھنڈ میں 38 ویں نیشنل گیمز میں مغربی بنگال نے مردوں اور خواتین دونوں ٹیبل ٹینس ٹیم ایونٹس میں جیت حاصل کی۔

ان کے کھلاڑیوں نے پیر کو دونوں زمروں میں شاندار کارکردگی کا مظاہرہ کرتے ہوئے گولڈ میڈل حاصل کیا۔ مردوں کی ٹیم نے فائنل میں مہاراشٹرا کو 3-0 سے شکست دی، جبکہ خواتین کی ٹیم نے مہاراشٹرا کو 3-1 سے ہراکرٹاپ پوڈیم فنش کا دعویٰ کیا۔

فائنل کا آغاز مغربی بنگال کی سوتیرتھا مکھرجی نے مہاراشٹر کی سواستیکا گھوش سے کیا۔ ایک سخت لڑائی میں، مکھرجی نے 11-8، 6-11، 14-12، 2-11 اور 11-5 کے اسکور کے ساتھ جیت حاصل کرتے ہوئے اپنی ٹیم کے لئے پہلا پوائنٹ حاصل کیا۔

دوسرے میچ میں مہاراشٹرا کی دیا پراگ چتالے نے تیزی سے جوابی حملہ کرتے ہوئے مغربی بنگال کی آیہیکا مکھرجی کو شکست دی۔ چتالے نے میچ میں اپنا دبدبہ بنایا اور 12-10، 11-6 اور 11-5 کے اسکور کے ساتھ فیصلہ کن جیت حاصل کرکے برابری پر پہنچ گئیں۔

تیسرے میچ میں مغربی بنگال نے لے حاصل کرلی۔ پویمنتی بیسیا نے مہاراشٹر کی تنیشا سنجے کوٹیچا کا سامنا کیا اور 11-8، 11-7، 6-11 اور 11-6 کے اسکور کے ساتھ جیت حاصل کرتے ہوئے ایک قریبی مقابلے کے بعد فتحیاب ہوئیں۔

خواتین ٹیم کے فائنل میچ میں اس بار سواستیکا گھوش کے خلاف ایہیکا مکھرجی کی ٹیبل میں واپسی ہوئی۔ مکھرجی نے مغربی بنگال کی مضبوط کارکردگی کو جاری رکھا اور 11-8، 11-6 اور 13-11 کے اسکور کے ساتھ اپنی ٹیم کی جیت کو یقینی بنایا۔

اس جیت کے ساتھ ہی مغربی بنگال نے پورے مقابلے میں اپنی مہارت اور عزم کا مظاہرہ کرتے ہوئے خواتین کی ٹیم ٹیبل ٹینس ایونٹ میں طلائی تمغہ جیتا۔ مہاراشٹرا نے زبردست مقابلہ کیا۔

مردوں کے فائنل میں، مغربی بنگال نے مہاراشٹر پر یکطرفہ مقابلے میں 3-0 سے غلبہ حاصل کیا۔ پہلے میچ میں انیربان گھوش نے جیش امت مودی کو 11-7، 10-12، 6-11، 11-6، 11-4 سے ہرا کر مغربی بنگال کو ابتدائی برتری دلائی۔ آکاش پال نے ریجن البوکرک کو 11-5، 11-8، 12-10 سے شکست دے کر اپنا فائدہ بڑھایا۔ جیت اس وقت پکی ہوگئی، جب سوربھ ساہا نے مہاراشٹر کے چنمے سومیا کو 11-7، 11-8، 8-11، 11-6 سے ہراکر مغربی بنگال کے لیے کلین سویپ کردیا۔ اس جیت کے ساتھ ہی مغربی بنگال کو طلائی تمغہ ملا جبکہ مہاراشٹر کو چاندی کے تمغے پر اکتفا کرنا پڑا۔ اس کے علاوہ تمل ناڈو اور تلنگانہ نے کانسی کے تمغے جیتے۔

خواتین کے زمرے میں مغربی بنگال نے سیمی فائنل میں دہلی کو 3-0 سے ہرایا جبکہ مہاراشٹر نے ہریانہ کو 3-0 سے شکست دے کرحتمی جدوجہد کی ۔ مردوں کی طرف سے، مہاراشٹر نے تلنگانہ کو 3-0 سے پیچھے چھوڑ دیا، جب کہ مغربی بنگال نے سنسنی خیز مقابلے میں تمل ناڈو کو 3-2 سے شکست دی۔

ڈبلز اور مکسڈ ڈبلز راؤنڈز میں بھی سخت مقابلہ دیکھنے میں آیا۔ خواتین کے ڈبلز پری کوارٹر فائنل میں کیرالہ کی ماریہ رونی اور پرنتی پی نائر نے کرناٹک کی ترپتی پروہت اور سہانا مورتی کو 11-8، 11-1، 11-7 سے شکست دی، جب کہ گجرات کی جیسوال نمنا اور اوشیکی جورادار نے اتراکھنڈ کی ودوشی جوشی اور کھیاتی پانڈے کو 4-11، 8-11، 11-7، 6-11 سے ہرایا۔

مکسڈ ڈبلز پری کوارٹر فائنل میں تمل ناڈو کے پریش ایس اور شریا اے نے اتراکھنڈ کے سکشم متل اور آدیتری بھردواج کو 13-11، 11-9، 11-5 سے شکست دی۔ دہلی کے شیو جیت سنگھ لامبا اور لکشیتا نارنگ نے اتراکھنڈ کے آرو نیگی اور لگن کو 11-4، 11-8، 11-5 سے شکست دی۔

مغربی بنگال نے مکسڈ ڈبلز میں بھی اپنی شاندار کارکردگی کو جاری رکھا جس میں انیربن گھوش اور آیہکا مکھرجی نے اتراکھنڈ کے آکاش گپتا اور کھیاتی پانڈے کو 11-3، 11-7، 11-4 سے ہرایا۔ بنگال کی ایک اور جوڑی سوربھ ساہا اور پرپتی سین نے اتراکھنڈ کے گوتم دھروونش اور ودوشی جوشی پر 11-7، 15-13، 11-4 سے جیت درج کی۔

دہلی کے سدھانشو مینی اور ونشیکا بھگوان نے بھی پانچ سیٹ کے تھرلر (9-11، 9-11، 13-11، 11-9، 12-10) میں مہاراشٹر کے سدیش مکند پانڈے اور پرتھا پریا ورتیکر کوشکست دے کر لچک دکھائی۔ مینز ڈبلز پری کوارٹر فائنل میں بنگال کے سوگت سرکار اور روہت چکرورتی نے اتراکھنڈ کے سکشم متل اور آرو نیگی کو 11-4، 11-5، 11-9 سے ہرایا۔

یواین آئی۔الف الف

کھیل

سروچی سنگھ اور کمل جیت سنگھ نے ہندوستان کو ایشیائی کھیلوں میں دوسرا طلائی تمغہ دلایا

Published

3 days ago

September 25, 2026

Online Desk

آئیچی-ناگویا (جاپان)، ہندوستان کی سروچی سنگھ اور کمل جیت سنگھ کی جوڑی نے جمعہ کو ایشیائی کھیلوں کے نشانہ بازی مقابلے میں 10 میٹر ایئر پسٹل مکسڈ مقابلے میں جنوبی کوریا کو پیچھے چھوڑتے ہوئے طلائی تمغہ حاصل کیا۔ یہ ایشیائی کھیلوں میں ہندوستان کا دوسرا تمغہ ہے۔

آج یہاں ہوئے مقابلے میں ہندوستانی جوڑی نے مجموعی طور پر 484.6 اسکور کے ساتھ سرفہرست مقام حاصل کیا۔ کمل جیت اور سروچی نے شروعات سے ہی اچھی برتری بنا لی تھی، لیکن جنوبی کوریا مسلسل ہندوستانی نشانہ بازوں پر دباؤ بنائے ہوئے تھا۔ تاہم ہندوستانی جوڑی نے دباؤ میں کوئی غلطی نہیں کی اور جنوبی کوریا کو 6.6 پوائنٹس کے فرق سے شکست دے کر طلائی تمغہ اپنے نام کرلیا۔ جنوبی کوریا 478 اسکور کے ساتھ دوسرے جبکہ ایران 415.8 اسکور کے ساتھ تیسرے مقام پر رہا۔

یو این آئی۔ ایم جے

کھیل

سلطان واریئرز بارہمولہ نے افتتاحی چنار پریمیئر لیگ کا خطاب جیت لیا

Published

2 weeks ago

September 15, 2026

Online Desk

سری نگر، سلطان واریئرز بارہمولہ نے افتتاحی چنار پریمیئر لیگ (سی پی ایل) کرکٹ ٹورنامنٹ 2026 کا خطاب جیت لیا۔ اس نے بارہمولہ کے جنرل بپن راوت اسٹیڈیم میں کھیلے گئے شاندار فائنل میں رمزی اسپورٹس سری نگر کو شکست دی۔

پہلے بلے بازی کرتے ہوئے سلطان واریئرز نے مقررہ اوورز میں 9 وکٹوں کے نقصان پر 182 رنز بنائے، جس کے جواب میں رمزی اسپورٹس سری نگر کی پوری ٹیم 142 رنز پر آؤٹ ہوگئی۔ اس طرح سلطان واریئرز نے شاندار کامیابی کے ساتھ خطاب اپنے نام کر لیا۔

سلطان واریئرز کے عاقب کھانڈے کو میچ جیتنے والی کارکردگی پر ’مین آف دی میچ‘ قرار دیا گیا، جبکہ ان کے ساتھی کھلاڑی عاصم بشیر کو پورے ٹورنامنٹ میں مسلسل عمدہ کارکردگی پر ’مین آف دی سیریز‘ کا اعزاز دیا گیا۔

فوج کی سری نگر چنار کور کی جانب سے منعقد کیے گئے اس ٹورنامنٹ میں ریکارڈ تعداد میں ٹیموں نے شرکت کی۔ مقابلے کے لیے 130 ٹیموں نے رجسٹریشن کرائی تھی، جن میں سے کشمیر وادی کے مختلف علاقوں سے 79 ٹیموں کا انتخاب کیا گیا۔

تقریب میں جموں و کشمیر کے چیف سیکریٹری اتل ڈلو کے علاوہ بارہمولہ میں تعینات ڈیگر ڈویژن کے جنرل آفیسر کمانڈنگ اور مقامی برادری کی ممتاز شخصیات نے شرکت کی۔

منتظمین نے کہا کہ سی پی ایل 2026 نے پوری کشمیر وادی کے کرکٹ ٹیلنٹ کو اپنی صلاحیتوں کے اظہار کا موقع فراہم کیا اور خاص طور پر نوجوانوں کے درمیان ہندوستانی فوج اور مقامی برادری کے تعلقات کو مضبوط بنانے کے لیے ایک پلیٹ فارم کے طور پر کام کیا۔

دفاعی ترجمان نے کہا کہ سی پی ایل 2026 کا کامیاب انعقاد خطے کے کھیلوں کے کیلنڈر میں ایک اہم سنگِ میل ہے۔ اس کے ذریعے وادی کے مختلف علاقوں سے تعلق رکھنے والے باصلاحیت نوجوان کرکٹرز کو اپنی صلاحیتیں دکھانے کا موقع ملا۔

یواین آئی۔ ظ ا

کھیل

بابر اعظم کی سات سال بعد ڈومیسٹک فرسٹ کلاس کرکٹ میں واپسی

Published

2 weeks ago

September 15, 2026

Online Desk

اسلام آباد، پاکستان کے ٹیسٹ کپتان بابر اعظم موجودہ پریذیڈنٹس ٹرافی گریڈ ون فرسٹ کلاس ٹورنامنٹ میں آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کی نمائندگی کریں گے۔ انہیں ٹیم نے بطور گیسٹ کھلاڑی شامل کیا ہے۔

ذرائع کے مطابق بابر نے پاکستان کرکٹ بورڈ (پی سی بی) سے درخواست کی تھی کہ انہیں کسی ٹیم میں شامل کیا جائے تاکہ وہ طویل فارمیٹ میں اپنی فارم بہتر کرسکیں۔ اس کے بعد بورڈ نے انہیں او جی ڈی سی ایل کے ساتھ جوڑ دیا۔ بابر نے دسمبر 2022 کے بعد سے ٹیسٹ کرکٹ میں کوئی سنچری نہیں بنائی۔ اس کے بعد سے 39 اننگز میں وہ صرف آٹھ نصف سنچریاں بناسکے ہیں، جبکہ 2023 کے آغاز سے ٹیسٹ میں ان کی اوسط 30.43 رہی ہے۔

ان کی خراب فارم پاکستان کرکٹ میں مسلسل بحث کا موضوع بنی ہوئی ہے۔ حالیہ انگلینڈ دورے میں پاکستان کو تین ٹیسٹ کی سیریز میں 0-3 سے شکست ہوئی، جبکہ لارڈز اور ایجبسٹن ٹیسٹ میں انگلینڈ کے تیز گیندبازوں نے شارٹ گیند کے خلاف بابر کی کمزوری کا فائدہ اٹھایا۔ تاہم گزشتہ پانچ ٹیسٹ میں وہ چار نصف سنچریاں بناچکے ہیں اور گزشتہ ماہ ویسٹ انڈیز کے خلاف دوسرے ٹیسٹ میں ان کا اسکور 88 رنز رہا، جس سے پاکستان نے جولائی 2023 کے بعد پہلی بار بیرون ملک ٹیسٹ جیتا۔

بابر نے آخری بار 2019 میں ڈومیسٹک فرسٹ کلاس ٹورنامنٹ کھیلا تھا، جب انہوں نے سینٹرل پنجاب کی کپتانی کرتے ہوئے فائنل میں ناردرن کو شکست دے کر قائداعظم ٹرافی جیتی تھی۔ حالیہ برسوں میں ٹیسٹ اور آئی سی سی ٹورنامنٹس میں پاکستان کی خراب کارکردگی کے بعد پاکستانی کھلاڑیوں کے ڈومیسٹک فرسٹ کلاس کرکٹ میں زیادہ حصہ لینے کا مطالبہ کیا جاتا رہا ہے۔ اس سیزن میں شاہین شاہ آفریدی اور سلمان آغا سمیت کئی دیگر بین الاقوامی کھلاڑی بھی پریذیڈنٹس ٹرافی میں حصہ لے رہے ہیں۔

پی سی بی کے سینٹرل کنٹریکٹ کے تحت اے کیٹیگری کے ٹیسٹ ماہر کھلاڑیوں کے لیے سالانہ کم از کم چھ، اے بی کیٹیگری کے ٹیسٹ اور ون ڈے ماہر کھلاڑیوں کے لیے چار، جبکہ بی سی کیٹیگری کے وائٹ بال ماہر کھلاڑیوں کے لیے کم از کم دو فرسٹ کلاس میچ کھیلنا ضروری ہے۔ پاکستان اس وقت آئی سی سی ٹیسٹ رینکنگ میں نویں نمبر پر ہے اور ورلڈ ٹیسٹ چیمپئن شپ کی نو ٹیموں کی جدول میں آخری مقام پر ہے۔ وہ گزشتہ چار آئی سی سی ٹورنامنٹس میں ناک آؤٹ مرحلے تک بھی نہیں پہنچ سکا ہے۔

یو این آئی۔ م س