فوجی حکام نے دی صورتحال کی تفصیلی جانکاری
صحافیوں کاگروپ بھی سفارتکاروں سے ملاقی،اصل صورتحال بیان کردی
سری نگر:۳۱،فروری:بدھ کی صبح سری نگروارد ہوئے21ممالک کے25رُکنی وفدمیں شامل سفارتکاروں نے جمعرات کوبادامی باغ کنٹونمنٹ میں اعلیٰ فوجی حکام سے کشمیرکی اندرونی اورسرحد ی صورتحال کے بارے میں تفصیلی جانکاری حاصل کی۔فوجی حکام نے غیرملکی سفارتکاروں کوبتایاکہ جموں وکشمیر بالخصوص وادی میں بدامنی اورتشدد کوہوادیناپاکستان کی پالیسی رہی ہے،اوراسی پالیسی کے تحت سرحدپار سے تربیت یافتہ جنگجوؤں کوکشمیر میں دھکیلاجاتاہے۔اُدھربدھ کی شام صحافیوں کاجوگروپ غیرملکی سفارتکاروں سے ملاقی ہوا،اُن کوسفارتکاروں کے سوالات کاجواب دیناپڑا۔غیرملکی سفارتکاروں نے صحافیوں کوبتایاکہ دفعہ370و35Aکی منسوخی اورزمینی صورتحال کے حوالے سے آپ لوگوں کے تاثرات سیول سوسائٹی کارکنوں کی جانب سے فراہم کی گئی جانکاری سے بالکل مختلف ہیں۔معلوم ہواکہ جمعرات کودوسرے پڑاؤ کیلئے جموں روانہ ہونے سے قبل غیر ملکی سفارتکاروں کے 25رُکنی وفد نے سری نگرکے بادامی باغ علاقہ میں قائم فوج کی پندرہویں کور کے ہیڈکوارٹر یعنی کنٹونمنٹ کادورہ کیا۔خیال رہے ماہ اگست2019کے اوائل میں مرکزی سرکارکی جانب سے دفعہ370اور35Aکی تنسیخ نیز جموں وکشمیرکی تقسیم وتنظیم نو عمل میں لائے جانے کے بعدکشمیر کادورہ کرنے والایہ غیرملکی سفارتکاروں کاتیسراوفد ہے،کیونکہ اسے پہلے اکتوبر2019اورجنوری2020میں پہلے ہی 2غیرملکی سفارتی وفود کشمیرکادورہ کرکے یہاں کی زمینی صورتحال کامشاہدہ کرچکے ہیں۔غورطلب ہے کہ اپوزیشن جماعتوں اوردیگرحلقوں کی سخت مخالفت کے باوجود مرکزی سرکارکی اس پالیسی پرکاربندہے کہ غیرملکی سفارتکاروں کوکشمیر کادورہ کرایاجائے تاکہ وہ خود یہ دیکھ سکیں کہ وادی میں کیسی صورتحال پائی جاتی ہے،اوریہاں کے لوگوں کے بدلتی صورتحال کے حوالے سے کیاتاثرات اورخیالات ہیں،اوراپنے مشاہدے کے بارے میں اپنے اپنے ممالک کی حکومتوں کوجانکاری فراہم کرسکیں۔معلوم ہواکہ جمعرات کی صبح بادامی باغ کنٹونمنٹ کادورہ کرنے والے غیرملکی سفارتکاروں کویہاں فوج کی پندرہویں کور کے سربراہ لیفٹنٹ جنرل ڈھلون اوردوسرے اعلیٰ فوجی حکام نے کشمیروادی کی مجموعی صورتحال کے بارے میں جانکاری فراہم کی۔فوجی حکام نے غیرملکی سفارتکاروں کوبتایاکہ جموں وکشمیر بالخصوص وادی میں بدامنی اورتشدد کوہوادیناپاکستان کی پالیسی رہی ہے،اوراسی پالیسی کے تحت سرحدپار سے تربیت یافتہ جنگجوؤں کوکشمیر میں دھکیلاجاتاہے۔فوجی حکام نے غیرملکی سفارتکاروں کوبتایاکہ کشمیر کے عام لوگ بشمول نوجوان تشدداوربدامنی سے اُکتاچکے ہیں،اوروہ امن وامان چاہتے ہیں،جس کے سیکورٹی ایجنسیاں کام کررہی ہیں۔انہوں نے غیرملکی سفارتکاروں کوبتایاکہ کشمیرمیں جنگجوئیانہ سرگرمیاں کافی کم ہوئی ہیں،اوراب نوجوانوں میں ملی ٹنسی کارُجحان بھی کافی کم ہواہے،لیکن پاکستان کی فوج اورخفیہ ادارے اسبات کیلئے کوشاں ہیں کہ کشمیرمیں ملی ٹنٹ گروپ سرگرم رہیں تاکہ یہاں تشددکالامتناعی سلسلہ جاری رکھاجاسکے۔فوجی حکام نے غیرملکی سفارتکاروں کوبتایاکہ پاکستانی فوج اوررینجرس کی جانب سے جموں وکشمیرمیں لائن آف کنٹرول اوربین الااقوامی سرحدپرناجنگ معاہدے کی خلاف ورزیوں یعنی بلاجواز فائرنگ اورشلنگ کاایک مقصد یہ بھی ہے کہ گولی باری کی آڑ میں جنگجوؤں کوجموں وکشمیرمیں داخل ہونے کاموقعہ فراہم کیاجائے۔اس حوالے سے فوجی حکام نے غیرملکی سفارتکاروں کو5اگست2020کیبعدسیزفایر خلاف ورزیوں اوردراندازی کے واقعات کے بارے میں اعدادوشمار فراہم کئے۔خیال رہے 25رکنی غیرملکی سفارتی وفد میں 21ممالک کے سفارتکار شامل ہیں۔بادامی با غ فوجی کنٹونمنٹ کادورہ کرنے کے بعدغیرملکی سفارتکاروں کاگروپ جموں روانہ ہوگیا،جہاں وہ لیفٹنٹ گورنر گریش چندرمرمو اوراعلیٰ سیول وسیکورٹی حکام کیساتھ تبادلہ خیال کریں گے۔اس دوران بدھ کی شام کشمیری صحافیوں کاایک گروپ جب غیرملکی سفارتکاروں سے ملاقی ہوا،گروپ میں شامل صحافیوں کوغیرملکی سفارتکاروں کے سوالات کاجواب دیناپڑا۔میڈیارپورٹ کے مطابق صحافیوں کے گروپ نے سفارتکاروں کوبتایاکہ کشمیر میں زیادہ ترلوگ دفعہ370اور35Aکی تنسیخ نیز جموں وکشمیرکی تقسیم وتنظیم نوسے ناخوش ہیں۔انہوں نے غیرملکی سفارتکاروں کوبتایاکہ 5اگست2019کے بعدکشمیری عوام کوجن مشکلات اورمصائب کاسامناکرناپڑا،اُس سے لوگ ناراض ہیں۔غیرملکی سفارتکاروں نے صحافیوں سے استفسار کیاکہ آپ لوگوں کے تاثرات سیول سوسائٹی کارکنوں کی جانب سے فراہم کی گئی جانکاری سے بالکل مختلف ہیں۔انہوں نے صحافیوں کوبتایاکہ ہم نے دیکھاکہ آپ لوگ کتنی مشکل صورتحال میں کام کرتے ہیں،کیونکہ کشمیرمیں انٹرنیٹ خدمات سات ماہ بعدبھی پوری طرح سے بحال نہیں ہوئی ہیں۔تاہم غیرملکی سفارتکاروں نے صحافیوں کی جانب سے کشمیرکی صورتحال کے حوالے سے پوچھے گئے سوالات پرکوئی بھی رائے زنی کرنے سے احتراض کیا۔