نئی دہلی، جموں وکشمیر، ہماچل پردیش اوراتراکھنڈجیسی پہاڑی ریاستیں بھی قدرتی آفات کا شکارہیں جس سے ان ریاستوں میں بھی بڑاجانی ومالی نقصان ہواہے وہیں دوسری طرف پنجاب کو تاریخ کے ایسے بدترین سیلاب کا سامنا ہے جس کولفظوں میں بیان نہیں کیاجاسکتا جمعیۃ آج یہاں جاری ایک ریلیز کے مطابق ریاست کے تقریبا1998گاؤں سیلاب کی زدمیں ہیں بیس لاکھ سے زیادہ لوگ اس سے متاثرہیں،فصلیں تباہ ہوچکی ہیں اورلاکھوں لوگ بے گھر ہوچکے ہیں، اب بھی بہت سے علاقے زیرآب ہیں، اہم بات یہ ہے کہ وہاں مدداورراحت رسانی کے لئے سب سے پہلے میوات کے مسلمان پہنچے۔ صدرجمعیۃعلماء ہند مولانا ارشدمدنی کو جب پنجاب کی اس صورتحال کا علم ہواتوانہوں نے سیلاب زدگان کی مددکے لئے ایک اپیل جاری کی اورپھر کیا تھا پنجاب کی طرف مسلمانوں کی مددکا ایک سیلاب رواں ہوگیا۔ مولانا مدنی کی اپیل کے بعد جگہ جگہ مسجدوں اورمدرسوں سے مددکے لئے اعلان جاری ہوااوردیکھتے دیکھتے مسلمانوں کے امدادی قافلے بڑی تعدادمیں پنجاب کی طرف روانہ ہوگئے ہر چندکہ اب دوسرے لوگ بھی مددکے لئے آگے آئیں ہیں لیکن یہ بات ہمیشہ یادرکھی جائے گی کہ پنجاب کے سیلاب زدگان کی مددکے لئے سب سے پہلے مسلمان آگے آئے۔

مولانا مدنی کی اپیل پر دوسری ریاستوں سے بھی وہاں امدادپہنچ رہی ہے اترپردیش کے مغربی اضلاع سے بھی بڑی تعدادمیں امدادپنجاب پہنچ چکی ہے، جمعیۃعلماء اتراکھنڈنے سیلاب زدگان کی مددکے لئے پچاس لاکھ روپے کی مددکا اعلان کیا ہے، جمعیۃعلماء مدھیہ پردیش کے ایک وفد نے بھی اپنے صدرکے ہمراہ ضلع شوپورمیں واقع گرودوارے کے ذمہ داران کو ایک لاکھ چھ ہزاردوسوروپے نقد، سوعددکٹ راشن،اورایک ٹرالی گندم سیلاب زدگان کی مددکی مدمیں سپردکیا، گزشتہ روزجمعیۃعلماء مظفرنگر کی ٹیم اپنے نائب صدرکے ہمراہ جب امدادی سامان لیکر پنجاب پہنچی توسکھ برادری کے معززافرادنے ان کا استقبال کیا ان لوگوں نے مولانا مدنی کی قیادت میں جمعیۃعلماء ہند کی طرف سے کی جانے والی فلاحی وامدادی خدمات کی یک زبان ہوکر ستائش کی اورکہا کہ مولانا مدنی مظلوموں کے لئے جدوجہد کرنے والے رہنماہیں وہ اس تاریخی تنظیم کے قائد ہے جس نے ملک کی آزادی کی لڑائی میں نمایاں کرداراداکیا ہے، سکھ برادری کے ان مذہبی پیشواؤں نے یہ بھی کہا کہ مولانا مدنی کی خدمات ایک مذہب تک محدودنہیں بلکہ وہ ہر مظلوم اورضرورت مند انسان کی مددکے لئے کھڑے ہوتے ہیں۔ سوشل میڈیا پر ایسے لاتعدادویڈیووائرل ہیں جن میں پنجاب کے لوگ مصیبت کے اس گھڑی میں مددکے لئے مسلمانوں کے انسانی جذبہ کی تعریف کررہے ہیں،جمعیۃعلماء ہند کی مختلف ریاستوں کی اکائیاں ہی نہیں وہاں کی ضلعی اورگاؤں سطح کی اکائیاں بھی سیلاب زدہ علاقوں میں امداداورراحت رسانی کے کام میں دن رات مصروف ہیں، یہ لوگ ان علاقوں تک بھی امدادلیکر پہنچ رہے ہیں جو پانی سے پوری طرح گھرے ہوئے ہیں اورجہاں ہزاروں کی تعدادمیں لوگ اب بھی پھنسے ہوئے ہیں۔

جمعیۃعلماء متحدہ پنجاب کے صدرمولانا حکیم الدین قاسمی ونائب صدرمفتی محمد خلیل قاسمی اورمفتی محمد یوسف مالیرکوٹلہ کی نگرانی میں متاثرہ علاقوں میں گھر گھر امدادپہنچائی جارہی ہے اس کی طرف سے عارضی پناہ گاہیں بھی قائم کی گئی ہیں جہاں سے خوراک کے پیکٹ تقسیم کئے جارہے ہیں اس کے علاوہ جمعیۃعلماء متحدہ پنجاب کی طرف سے طبی کیمپ بھی لگائے جارہے ہیں کیونکہ سیلاب کا پانی جوں جوں گھٹ رہاہے طرح طرح کی بیماریوں کے پھوٹ پڑنے کا خطرہ بھی لاحق ہے امداد اورراحت رسانی میں مصروف جمعیۃعلماء ہند کے ذمہ داران اوررضاکاروں کا کہنا ہے کہ مولانا مدنی کی اپیل پر چند دنوں کے اندراتنی امداد پنجاب آچکی ہیں کہ اب یہاں مزید امدادپہنچانے کی ضرورت نہیں رہی چونکہ اب بھی بہت سے علاقے غرقاب ہیں اس لئے نقصان کااندازہ نہیں لگایا جاسکتاالبتہ پانی کے اترجانے کے بعد بازآبادکاری ایک بڑامسئلہ ہوگی،جمعیۃعلماء ہند کے لوگ اس کے لئے بھی تیارہیں۔

صدرجمعیۃعلماء ہند مولانا ارشدمدنی نے کہا کہ جمعیۃعلماء ہند سیلاب متاثرین سے اپنی ہمدردی کااظہارکرتی ہے اورانہیں اس بات کا یقین دلاتی ہے کہ اس مصیبت کی گھڑی میں جمعیۃعلماء ہند بلاتفریق مذہب وملت آپ کے ساتھ کھری ہے، ہم مالک کائنات کے بندے ہیں لہذااس کے ہر فیصلہ پرسرتسلیم خم کردینا ہی ہماری بندگی کاتقاضاہے، وہی ہماری پریشانی کا مداواکریگا، پھر بھی بطوراسباب کے جمعیۃعلماء ہند اوراس کے خدام اوراس کی شاخیں اپنی بساط کے مطابق سیلاب متاثرین کی مددواعانت کے لئے سرگرم عمل ہیں۔ مولانا مدنی نے جمعیۃعلماء کے ذمہ داران کو یہ ہدایت بھی دی ہے کہ وہ متاثرین کی بازآبادکاری کے لئے پیشگی حکمت عملی تیارکریں اپنے ایک بیان میں انہوں نے ان تمام لوگوں اورخاص طورپر اہل میوات کا شکریہ اداکیا جو سیلاب متاثرین کی مدداورراحت رسانی کے کام بڑھ چڑھ کر حصہ لے رہے ہیں۔

انہوں نے کہا کہ کسی کی پریشانی میں کام آنا اورضرورت مند کے کام آنا بڑے ثواب کا کام ہے، پنجاب کے سیلاب متاثرین کی مددکے لئے شہر شہر اورگاؤں گاؤں مسلمانوں اورجمعیۃعلماء کے رضاکاروں نے جس طرح مہم چلائی وہ قابل رشک ہے، اوراس بات کا ثبوت بھی کہ مسلمان اپنے اندرایک دردمند دل رکھتے ہیں وہ کسی کی پریشانی کو دیکھ نہیں سکتے مولانا مدنی نے آگے کہا کہ جمعۃعلماء ہند کا شروع سے یہی کرداررہا ہے وہ اپنا ہر کام مذہب سے اوپر اٹھ کر محض انسانیت کی بنیادپر کرتی ہے ملک میں جہاں کہیں بھی قدرتی آفات کی صورت میں تباہی آتی ہے جمعیۃعلماء ہند وہاں امدادلیکر سب سے پہلے پہنچتی ہے۔

مولانا مدنی نے اخیرمیں کہاکہ ملک میں جو فرقہ پرست طاقتیں سرگرم ہیں لوگوں کو مذہب اورذات کی بنیادپر تقسیم کرکے ان کے اندرنفرت کازہربھرنے کا کام کررہی ہیں لیکن جمعیۃعلماء ہند کا پیغام محبت ہے کہ انسانیت کی سربلندی اورانسانوں کی خدمت ہے جو اسے اس کے بزرگوں کے ذریعہ ورثہ میں ملاہے، مولانا مدنی نے کہا کہ ملک میں ایسے لوگ بھی ہیں جو مذہب اورکپڑوں سے انسان کی شناخت کرتے ہیں جمعیۃعلماء ہند ایسے لوگوں سے کہنا چاہتی ہے کہ وہ پنجاب آئیں مذہب اورکپڑوں سے انسانوں کی شناخت کریں اوردیکھ لیں کہ ایسے لوگوں کا عمل وکردارکیاہے۔

یو این آئی۔ ع ا۔