خبراردو: عرب وعجم کیساتھ ساتھ منقسم ریاست جموں وکشمیر میں بھی نزول قرآن کی رات یعنی شب قدرانتہائی عقیدت واحترام اورتزک واحتشام کیساتھ منائی گئی ،اوراس سلسلے میں جگہ جگہ فرزندان توحید،مسلم خواتین اورچھوٹے بچوں نے مساجد،خانقاہوں ،درگاہوں ،امام باڑوںدارالعلومو ں اورگھروں میں شب بیداری کرکے بارگاہِ الٰہی میں عاجزی اورانکسار ی کیساتھ عبادت کی ۔

ریاست جموں وکشمیر کے پانچوں خطوں بشمول وادی ،جموں ،لداخ ،مظفرآباداورگلگت وبلتستان میں شب قدر کی تقاریب انتہائی جوش و جذبے کے ساتھ منائی گئی جس دوران فرزندان توحید کے اژدھام نے رات بھر مساجد، خانقاہوں اور زیارت گاہوں میںلوگوں نے اللہ کے حضور اپنے گناہوں کی مغفرت کے علاوہ اسلام کی سربلندی، امت مسلمہ میںاتحاد و اتفاق، نصرت الٰہی کے ساتھ ساتھ ریاست میں امن و آشتی کے لئے خصوصی دعائیں مانگیں۔ اس سلسلے میں تاریخی جامع مسجدسری نگر،درگاہ حضرتبل اور وادی کی دیگر تمام مساجد و خانقاہوں،درگاہوں ،دارالعلومو ں اورگھروں میں روح پرور اجتماعات کا انعقاد ہوا جن میں لاکھوں فرزندان توحید بشمول خواتین کی ایک بڑی تعدا دنے شرکت کی۔شہروقصبہ جات اورسبھی دیہات میں واقع جامع مساجد،خانقاہوں ،درگاہوں اوردینی درسگاہوں میں شب قدرکے پیش نظرنمازعشاءاوراسکے ساتھ نمازتراویح رات 10بجے اوراسکے بعداداکی گئی ۔

نمازتراویح کی ادائیگی کے دوران علمائے دین ،مبلغین اوردیگرمقررین نے حاضرین کوشب قدرکی فضیلت کیساتھ ساتھ عیدالفطر کے بارے میں بھی جانکاری فراہم کی جبکہ اس دوران بیچ بیچ میں حاضرین نے اللہ کے حضوراپنے گناہوں کی معافہ کیلئے عاجزی وانکساری کیساتھ خصوصی دعائیں کیں ۔ وادی میں شب قدرکی سب سے بڑی تقا ریب مرکزی جامع مسجد اوردرگاہ حضرت بل میں منعقد ہوئیں، جہاں لاکھوں فرزندان توحیداورہزاروں مسلم خواتین اورلڑکیوں نے دوردورعلاقوں سے آکر رات بھر شب خوانی کی اور اللہ کے حضور اپنے گناہوں کی مغفرت کے علاوہ اسلام کی سربلندی، امت مسلمہ میںاتحاد و اتفاق، نصرت الٰہی کےلئے خصوصی دعائیں مانگیں ۔اجتماعی طورپرمانگی گئیںخصوصی دعاﺅں کے دوران درگاہ حضرتبل سری نگر،مرکزی جامع مسجدسری نگراوردیگرمقامات پر رقت آمیز مناظر بھی دیکھنے کو ملے۔ اللہ اکبراللہ اکبرکے فلک شگاف ورد کی وجہ سے تاریخی جامع مسجد اور درگاہ حضرت بل کا پورا علاقہ رات بھر گونجتا رہا۔آثار شریف حضرتبل درگاہ میں شب خوانی کے دوران درود و اذکار ، ختمات المعظمات اور توبہ استغفار کی خصوصی محفلیں آراستہ کی گئیں،اور رات بھر فرزندان توحید نے اپنے گناہوں کی بخشش طلب کی۔ درگاہ حضرتبل جانے والے راستوں کو سجانے کے ساتھ ساتھ درگاہ میں چراغاں کیا گیا تھا۔

اُدھر وادی کے اطراف و اکناف سے آئے ہوئے عقیدت مندوں کو لینے اور لیجانے کے لئے انتظامیہ نے پیشگی انتظامات کئے تھے جبکہ حضرتبل کے گرد نواح میں زائرین کو سہولیت بہم پہنچانے کے لئے طبی کیمپ لگائے گئے تھے، کسی بھی ہنگامی صورتحال سے نمٹنے کے لئے سیکورٹی عملے کو چوکنا رکھاگیا تھا۔جامع مسجد سرینگر میں بھی شب قدر کے سلسلے میں بڑی تقریب منعقد ہوئی جہاںمیرواعظ عمر فاروق نے شب قدرکی فضیلت اور اہمیت پر تفصیل سے روشنی ڈالی۔ وادی کے دیگر اضلاع اور قصبہ جات جن میں آثار شریف پنجورہ شوپیان،درگاہ ژریف کعبہ مرگ ، اور خانقاہ فیض پناہ ڈورو ویری ناگ کے ساتھ ساتھپلوامہ ، کولگام ، اننت ناگ،شوپیان ، بارہمولہ ،کپوارہ،بانڈی پورہ ، بدگام ،گاندربل اضلاع کے اطراف واکناف میں بھی لوگوں نے چھوٹی بڑی جامع مساجداورامام باڑوںمیں شب خوانی کی خصوصی مجالس کااہتمام کیاگیا۔ادھر صوبہ جموں او رلداخ میں بھی شب قدر کی مناسبت سے مختلف مساجد اور خانقاہوں میں روح پرور اجتماعات منعقد ہوئے جہاں لوگوں نے رات بھر اللہ کے حضور دعائیں گیں۔اس موقعہ پر مقررین نے شب قدر کی اہمیت و فضیلت پر روشنی ڈالنے کے علاوہ ریاست میں دیرپا امن کے لیے دعائیں بھی مانگیں