خبراردو: جموں کشمیر واحد ریاست ہے جہاں وزیر اعلی چھ سال کے لئے رہتا ہے ۔ شیخ عبداللہ کے پانچ سال پورے کرنے کے بعد ہی ان انتقال ہو گیا ، اسکے بعد انکی جگہ ان کے فرزند ڈاکٹر فاروق عبداللہ براجمان ہوئے ۔

ریاست میں اسمبلی انتخابات سے پہلے سب سے اہم سوال یہ ہے کہ کیا اس بار ریاست کو ایک مستحکم حکومت مل پائے گی جو ریاست میں ترقی بھی لائے امن بھی قائم کرے اور ہلاکتیں بھی نہ ہوں ۔ اور اس سے بھی اہم کہ کیا اگلی بننے والی سرکار اپنے چھ سال حکومت کے پورے کرے گی ، جو کہ آج تک ریاست میں کم ہی دیکھنے کو ملا ہے ۔ اور آج تک ریاست میں سرکار کے چھ سال پورے نہ کرنے کے کیا وجوہات رہے ان پر نظر ڈالتے ہےں ۔

1971 میں ریاست کے پہلے وزیر اعلی غلام محمد صادق کے انتقال کے بعد کانگریس کے ہی دوسرے لیڈر سید میر قاسم کو وزیر اعلی بنایا گیا ، جو تین سال تک رہے ۔ تین سال ہی رہنے کی وجہ بنی اندرا ۔ عبداللہ ایکارڈ اس معاہدے کے فوراََ بعد مرکز میں موجود کانگریس نے میر قاسم کو استعفی دینے کا حکم دیا اسکے بعد کانگریس ممبران اسمبلی کے ساتھ سے شیخ عبداللہ کو وزیرا علی بنایا گیا ۔ لیکن اسکے دو سال کے بعد ہی کانگریس نے اپنا ساتھ واپس لے لیا ۔ لیکن پھر سو دن کے بعد اسمبلی انتخابات ہوئے ، جو ریاست میں پہلے صاف شفاف انتخابات تصور کئے جاتے ہےں ، ان چناﺅ میں نیشنل کانفرنس کانگریس کے مقابلے میں کھڑی تھی جہاں تب 72 سےٹوں میں سے اےن سی نے 47 سیٹوں پر جیت درج کر کے شیخ محمد عبداللہ پھر سے وزیراعلی بنے ۔

جموں کشمیر واحد ریاست ہے جہاں وزیر اعلی چھ سال کے لئے رہتا ہے ۔ شیخ عبداللہ کے پانچ سال پورے کرنے کے بعد ہی ان انتقال ہو گیا ، اسکے بعد انکی جگہ ان کے فرزند ڈاکٹر فاروق عبداللہ براجمان ہوئے ۔

لیکن وہ بھی ۲ سال کے قریب ہی وزیر اعلی رہ پائے، وجہ ان کے اپنے ہی غلام محمد شاہ نے کانگریس کے ساتھ مل کر فاروق عبداللہ کی 44 ممبران پر مشتمل اکثرےت کو کم کر کے 34 پر لا دیا اور کانگریس کے ساتھ گٹھ جوڑ کر کے وزیر اعلی کی کرسی حاصل کر لی ۔لیکن وہ بھی ڈھیڑسال تک ہی رہی جس کی وجہ بنی کشمیر کے اننت ناگ میں فرقہ وارانہ تشدد کے بعد انہیں استعفی دینا پڑا ۔

اسکے بعد 1987 کے انتخابات جن میں بڑے پیمانے پر دھاندلی کا الزام لگایا گیا۔این سی نے کانگریس کےساتھ مل کر سرکار بنائی ۔یہ انتخابات کشمیر میں شورش اور پنڈتوں کی انخلا کی وجہ بنے ۔ چھ سال مکمل کرنا تو دور فاروق عبداللہ نے مشکل سے تین سال پورے کئے ، استعفی کی وجہ بنی گو کدل قتل عام جہاں 200 سے زائد افراد جاں بحق کئے گئے ۔چھ سال صدر راج رہنے کے بعد پھر سے اسمبلی انتخابات ہوئے این سی 75 سیٹیں حاصل کیں ، فاروق عبداللہ پھر سے وزیراعلی بنے ، اور پہلی بار غلام محمد صادق کے بعد ڈاکٹر فاروق عبداللہ نے اپنی وزارت اعلی ٰکے چھ سال مکمل کئے ۔

اسکے بعد 2002 کے انتخابات میں باری آئی نئی پارٹی پیپلز ڈیموکریٹک کی ۔ ان انتخابات میں این سی کو ناکامی ہاتھ لگی ، کانگریس ۔ پی ڈی پی نے اتحاد بنا لیا ۔پہلے تین سال کے مفتی محمد سعید معائدے کے تحت پورے کرنے میں کامیاب ہوئے ، اور ان کے بعد تین سال کےلئے غلام نبی آزاد کو سی ایم بنایا گیا ۔ لیکن2008 میں امرناتھ زمین منتقلی تنازعے کے بعد پی ڈی پی نے کانگریس سے اتحاد واپس لے لیا ، اور غلام نبی آزاد کو2سال آٹھ ماہ کے بعد ہی استعفی دینا پڑا ۔ گورنر راج کے چھ ماہ کے بعد پھر سے اسمبلی انتخابات ہوئے اور کسی کو بھی اکثریت حاصل نہیں ہو ئی۔ کانگریس اور این سی اتحاد بنا لیا ۔ عمر عبداللہ سب سے کم عمر ریاست کے وزیراعلی رہے ۔، اور بڑی بات یہ کہ انہوں نے اپنے چھ سال مکمل کئے ۔

اسکے بعد 2015 کے چناﺅ میں پی ڈی پی نے28 سیٹیں حاصل کیں اور بھاجپا نے 25 ۔ جس کے بعد پی ڈی پی نے بھاجپا کےساتھ کبھی نہ بھولنے والا اتحاد بنا لیا ۔ اس اتحاد کے دس ماہ بعد ہی وزیر اعلی بنے مفتی محمد سعید کا انتقال ہو گیا ۔ پھر ٹھیک تین ماہ بعد پھر سے پی ڈی پی نے بھاجپا کےساتھ ہی اتحاد بنایا اور محبوبہ مفتی وزیرا علی بن گئی ۔ وہ دو سال تک رہیں ۔ جس کے بعد بھاجپا نے اتحاد واپس لے لیا ۔ اور تب سے ریاست میں صدر راج قائم ہے ۔

مجموعی طور پر دیکھا جائے تو 1965 کے بعد ریاست کو تیرہ وزیراعلی ملے ؛لیکن چھ سال کی میعاد صرف تین ہی وزیرعلی مکمل کر سکے ۔

بھارت کی آزادی کے بعد سے ریاست پر سب سے زیادہ حکم رانی شیخ خاندان کی ہی رہی ہے ۔ 1947 کے بعد سے اب تک شیخ خاندان کی تیس سال تک حکم رانی رہی ہے ۔لیکن 1998 میں پیپلز پارٹی کے وجود میں آنے کے بعد ریاست میں ووٹ بٹتے گئے اور اکثریتی سرکار نہیں مل پائی اور اس کے بعد بھی کئی نئی جماعتیں وجود میں آئی ۔

اوراب ہونے والے اسمبلی انتخابات میں سب سے اہم یہ ہو گا کہ کیا کوئی جماعت 44 کے ٹارگٹ کو حاصل کر پائے گی اور اگر نہیں تو کیا اتحا د ی حکومت ریاست کو ایک مستحکم سرکار دے پائے گی جو کہ ماضی میں کم ہی دےکھا گیا ۔