لائن آف کنٹرول اوربین الااقوامی سرحدپرپاکستانی فوج کی گولہ باری اور اندھادُھند فائرنگ
4بچوں و2خواتین سمیت12عام شہری ہلاک،تقریباً50زخمی
سری نگر:جے کے این ایس : حکام نے بتایاکہ پاکستانی فوج نے بدھ کے روز جموں و کشمیر میں لائن آف کنٹرول کے ساتھ آگے کے دیہاتوں کو نشانہ بناتے ہوئے بھاری توپ خانے اور مارٹر گولہ باری کا سہارا لیا، 4بچوں اور 2خواتین سمیت کم از کم 12 افراد ہلاک اور 50 سے زیادہ زخمی ہوئے۔جے کے این ایس کے مطابق سرحد پار سے شدید گولہ باری اس کے فوراً بعد شروع ہوئی جب ہندوستانی مسلح افواج نے پہلگام میں 22 اپریل کو ہونے والے دہشت گردانہ حملے کا بدلہ لینے کے لیے پاکستان اور پاکستان کے زیر قبضہ جموں و کشمیر میں دہشت گردی کے9اہداف پر میزائل حملے کیے۔حکام نے بتایا کہ ہندوستانی فوج گولہ باری کا مناسب انداز میں جواب دے رہی ہے جس کے نتیجے میں دشمن کی جانب سے فائرنگ میں مصروف ان کی متعدد پوسٹوں کو تباہ کرنے کے بعد کئی جانی نقصان ہوا ہے۔

حکام نے بتایا کہپاکستانی گولہ باری میں سب سے زیادہ متاثر ضلع پونچھ تھا جس میں تمام9 شہریوں کی موت ہوئی، اور 28 افراد زخمی بھی ہوئے اور ان میں سے بعض کی حالت تشویشناک بتائی جاتی ہے۔عہدیداروں نے کہا کہ پاکستان کی طرف سے اندھا دھند گولہ باری نے سرحدی باشندوں میں خوف و ہراس پیدا کر دیا جو زیر زمین بنکروں میں پناہ لینے یا اپنے گاو ¿ں کے اندر یا باہر محفوظ مقامات پر منتقل ہونے پر مجبور ہو گئے۔انہوں نے بتایا کہ گولہ باری کی اطلاع پونچھ میں ایل او سی کے ساتھ ساتھ بالاکوٹ، مینڈھر، منکوٹ، کرشنا گھاٹی، گلپور، کیرنی اور یہاں تک کہ پونچھ ضلع ہیڈکوارٹر سے بھی ملی، جس کے نتیجے میں درجنوں رہائشی مکانات کو نقصان پہنچا۔حکام نے ابھی تک مرنے والوں کی شناخت33سالہ بلویندر کور عرف روبی ، 10سالہ محمد زین خان ، اس کی بڑی بہن12سالہ زویا خان ، 40سالہ محمد اکرم ، 55سالہ امریک سنگھ ، 45سالہ محمد اقبال ، 48سالہ رنجیت سنگھ ،40سالہ شکیلہ بی اور47سالہ امرجیت سنگھ کے طور پر کی ہے۔بارہمولہ ضلع کے اوڑی سیکٹر میں سرحد پار سے ہونے والی گولہ باری میں5کمسن بچوں سمیت 10 افراد زخمی بھی ہوئے، جبکہ ضلع راجوری میں 3 دیگر زخمی ہوئے، حکام نے بتایا کہ کپواڑہ ضلع کے کرناہ سیکٹر میں گولہ باری کی وجہ سے کئی گھروں میں بھی آگ لگ گئی۔اس دوران حکام نے بتایاکہ لائن آف کنٹرول (ایل او سی) اور بین الاقوامی سرحد کے ساتھ سیکڑوں رہائشیوں کو محفوظ علاقوں میں منتقل کردیا گیا کیونکہ حکام نے شہریوں کو پاکستانی گولہ باری سے بچانے کے لیے جوابی اقدامات کیے تھے۔پاکستانی فوج نے جموں خطے کے پونچھ اور راجوری اور شمالی کشمیر کے بارہمولہ اور کپواڑہ کے آگے دیہاتوں پر دن کے اوائل میں توپ خانے اور مارٹر گولوں سے گولہ باری کی جس میں 4بچوں اور 2خواتین سمیت کم از کم 12 افراد ہلاک اور 50 سے زیادہ زخمی ہوئے۔ لیاقت علی، آئی بی کے قریب جوریاں گاو ¿ں کے رہائشی نے کہاکہ اگرچہ ہمارے گاو ¿ں میں سرحد پار سے فائرنگ نہیں ہوئی تھی، لیکن ہمیں آر ایس پورہ کے آئی ٹی آئی کالج میں منتقل ہونے کے لیے کہا گیا ہے جہاں موجودہ کشیدہ صورت حال کے پیش نظر حکومت کی طرف سے ہمارے قیام کے لیے ضروری انتظامات کیے گئے ہیں ۔علی نے کہا کہ گاوں کو بہت زیادہ نقصان اٹھانا پڑا تھا اور ماضی میں بھی پاکستانی گولہ باری سے اسے زمین بوس کر دیا گیا تھا۔انہوں نے کہاکہ ہمیں اپنی حفاظت کے لیے باہر جانے کے لیے کہا گیا ہے، اور ہم حکومت کی ہدایات پر عمل کر رہے ہیں۔انہوں نے مزید کہا کہ گاو ¿ں کی آبادی ایک ہزار سے زیادہ ہے، زیادہ تر دودھ اور دودھ کی مصنوعات بیچ کر اپنی روزی روٹی کماتے ہیں۔

انہوں نے کہا کہ پہلگام میں دہشت گردوں کے ذریعہ حالیہ شہری ہلاکتوں کے بعد وہ ہندوستان اور پاکستان کے درمیان مکمل جنگ سے خوفزدہ ہیں۔اکھنور سیکٹر میں ایل او سی کے قریب پرگوال سمیت گگریاں اور ملحقہ دیہات کے مکینوں نے بتایا کہ انہیں بھی حکام نے محفوظ مقامات پر منتقل ہونے کی اطلاع دی ہے۔منشی رام نے کہاکہ ہم سرحدوں کو محفوظ بنانے کے لیے ہمیشہ اپنی سیکورٹی فورسز کے ساتھ کندھے سے کندھا ملا کر کھڑے رہے ہیں۔ ایک پولیس اہلکار گاو ¿ں میں آیا اور لوگوں سے کہا کہ وہ کسی سرکاری رہائش گاہ میں پناہ لیں یا فی الحال کسی رشتہ دار کے گھر۔انہوں نے کہا کہ مقامی باشندے سیکورٹی اداروں کی آنکھ اور کان ہیں لیکن موجودہ جنگ جیسی صورتحال نے سرحدوں پر رہنے والے لوگوں کے لیے شدید پریشانی کا باعث بنا ہوا ہے۔منشی رام نے کہاکہ حالات معمول پر آنے تک اس وقت کے لیے باہر نکلنا محفوظ ہے۔عہدیداروں نے کہا کہ ضلعی انتظامیہ نے لوگوں بالخصوص خواتین کی سہولت کے لئے ضروری انتظامات کرنے کے لئے اپنے تمام وسائل کو متحرک کیا ہے تاکہ انہیں عارضی پناہ گاہوں میں کسی قسم کی پریشانی کا سامنا نہ کرنا پڑے۔تاہم، پونچھ جیسے متاثرہ علاقوں میں صورتحال بالکل مختلف تھی جہاں لوگوں کو اپنے طور پر محفوظ علاقوں میں منتقل ہوتے دیکھا گیا۔سب سے زیادہ متاثرہ منکوٹ کے ایک رہائشی محمد ارشد نے کہاکہ ہماری رات بے خواب گزری۔انہوںنے بتایاکہ میں اپنے چھ افراد کے خاندان کو ایک رشتہ دار کے گھر منتقل کرنے کے لیے گولہ باری کے رکنے کا انتظار کر رہا تھا۔بدھ کی علی الصبح گاو ¿ں میں شدید گولہ باری سے ایک خاتون اپنی جان سے ہاتھ دھو بیٹھی، اور اس کی نابالغ بیٹی سمیت کئی دیگر زخمی ہوگئے۔