کھیل

ہندوستان انگلینڈ سے گزشتہ ٹی ٹوئنٹی ورلڈ کپ کی شکست کا بدلہ لے گا

Published

2 years ago

June 26, 2024

نئی دہلی، روہت شرما کی قیادت والی ہندوستانی کرکٹ ٹیم جمعرات کو گیانا میں گزشتہ ٹی -20 ورلڈ کپ کے سیمی فائنل میں انگلینڈ کے ہاتھوں شکست کا بدلہ لے کر فائنل میں داخل ہونے کے ارادے سے میدان میں اترے گی۔

ہندوستانی بلے بازوں اور گیند بازوں نے اب ورلڈ کپ ٹورنامنٹ میں بہترین کارکردگی کا مظاہرہ کیا ہے۔ جس کی وجہ سے جنوبی افریقہ کے بعد یہ واحد ٹیم ہے جسے اب تک اس ایڈیشن میں شکست کا سامنا نہیں کرنا پڑا۔ حالات کو دیکھ کر ایسا لگتا ہے کہ ہندوستانی ٹیم تاریخ بنانے کے قریب ہے اور اسے سال 2022 میں ٹی-20 سیمی فائنل میں انگلینڈ کے خلاف اپنی شکست کا بدلہ لینا ہے۔

موسم کو دیکھتے ہوئے خیال کیا جا رہا ہے کہ ہندوستان اور انگلینڈ کے میچ میں بارش ہو سکتی ہے۔ اس میچ کے لیے کوئی ریزرو ڈے نہیں ہے۔ اگر میچ بارش کی وجہ سے ضائع ہو جاتا ہے تو پوائنٹس ٹیبل پر سرفہرست ہونے کی وجہ سے ہندستانی ٹیم براہ راست فائنل میں پہنچ جائے گی۔

ہندوستان کی جانب سے وراٹ کوہلی کے بلے سے ٹاپ آرڈر پر رنز کی توقع ہے۔ تاہم اعلیٰ معیار کے مطابق اس ٹورنامنٹ میں ان کی کارکردگی اچھی نہیں رہی۔ سیمی فائنل میں ان کے اوپننگ ساتھی اور کپتان روہت سے زیادہ توقعات ہیں۔ روہت پہلے ہی واضح کر چکے ہیں کہ انفرادی کامیابیوں سے قطع نظر وہ پاور پلے میں جارحانہ بلے بازی کرنے کا ارادہ رکھتے ہیں۔

ہندوستانی تیز گیند باز جسپریت بمراہ کا انگلینڈ کے خلاف شاندار ریکارڈ ہے اور وہ اس ورلڈ کپ میں فارم میں ہیں۔ وہ انگلش بلے بازوں کے خلاف اور بھی زیادہ مہلک ثابت ہوئے ہیں۔ جوس بٹلر اب تک ٹی-20 میں 12 اننگز میں بمراہ کا سامنا کر چکے ہیں اور صرف 5.19 کے رن ریٹ سے رن بناتے ہوئے چار بار آؤٹ ہو چکے ہیں۔ جبکہ سیم کرن پانچ اننگز میں چار بار بمراہ کا شکار بن چکے ہیں۔ اسی طرح لیام لیونگسٹن اور معین علی جیسے کھلاڑیوں کے نام ہیں جن کا بلے بمراہ کے خلاف خاموش رہا۔ اس کے علاوہ ارشدیپ سنگھ نے اپنی تیز گیند بازی سے سب کو متاثر کیا ہے اور ہاردک پانڈیا نے اپنی آل راؤنڈ کارکردگی سے سب کو متاثر کیا ہے۔ رویندر جڈیجہ، اکسر پٹیل اور کلدیپ کی اسپن تکڑی سے بھی اچھی کارکردگی کی امید ہے۔

جوس بٹلر، اگر ہم ٹی-20 ورلڈ کپ میں 900 سے زیادہ رنز بنانے والے کھلاڑیوں کی فہرست بنائیں تو وہ سب سے زیادہ اسٹرائیک ریٹ کے معاملے میں بہت آگے ہیں۔ اس ٹورنامنٹ میں اب تک وہ 45 کی اوسط اور 147.1 کے اسٹرائیک ریٹ سے 990 رنز بنا چکے ہیں۔ بٹلر نے 2016 کے بعد سے ہر T20 ورلڈ کپ میں اچھی کارکردگی کا مظاہرہ کیا ہے۔ بٹلر نے انگلینڈ کے آخری سپر ایٹ میچ میں رن بنائے ہیں اور وہ ہندوستانی حملے سے اچھی طرح واقف ہیں۔ ان کا اوپننگ پارٹنر سالٹ بہت جلد مخالف سے کھیل کو چھین سکتا ہے اور ہندوستان کو پاور پلے میں اسے آؤٹ کرنا ہوگا۔ انگلینڈ کو جونی بیرسٹو اور معین علی سے مزید رنز کی توقع ہے۔ معین ایک آف اسپن باؤلر ہیں اور لیام لیونگسٹون لیگ اور آف اسپن دونوں میں ماہر ہیں۔

یواین آئی۔ ظ ا

کھیل

سروچی سنگھ اور کمل جیت سنگھ نے ہندوستان کو ایشیائی کھیلوں میں دوسرا طلائی تمغہ دلایا

Published

4 days ago

September 25, 2026

Online Desk

آئیچی-ناگویا (جاپان)، ہندوستان کی سروچی سنگھ اور کمل جیت سنگھ کی جوڑی نے جمعہ کو ایشیائی کھیلوں کے نشانہ بازی مقابلے میں 10 میٹر ایئر پسٹل مکسڈ مقابلے میں جنوبی کوریا کو پیچھے چھوڑتے ہوئے طلائی تمغہ حاصل کیا۔ یہ ایشیائی کھیلوں میں ہندوستان کا دوسرا تمغہ ہے۔

آج یہاں ہوئے مقابلے میں ہندوستانی جوڑی نے مجموعی طور پر 484.6 اسکور کے ساتھ سرفہرست مقام حاصل کیا۔ کمل جیت اور سروچی نے شروعات سے ہی اچھی برتری بنا لی تھی، لیکن جنوبی کوریا مسلسل ہندوستانی نشانہ بازوں پر دباؤ بنائے ہوئے تھا۔ تاہم ہندوستانی جوڑی نے دباؤ میں کوئی غلطی نہیں کی اور جنوبی کوریا کو 6.6 پوائنٹس کے فرق سے شکست دے کر طلائی تمغہ اپنے نام کرلیا۔ جنوبی کوریا 478 اسکور کے ساتھ دوسرے جبکہ ایران 415.8 اسکور کے ساتھ تیسرے مقام پر رہا۔

یو این آئی۔ ایم جے

کھیل

سلطان واریئرز بارہمولہ نے افتتاحی چنار پریمیئر لیگ کا خطاب جیت لیا

Published

2 weeks ago

September 15, 2026

Online Desk

سری نگر، سلطان واریئرز بارہمولہ نے افتتاحی چنار پریمیئر لیگ (سی پی ایل) کرکٹ ٹورنامنٹ 2026 کا خطاب جیت لیا۔ اس نے بارہمولہ کے جنرل بپن راوت اسٹیڈیم میں کھیلے گئے شاندار فائنل میں رمزی اسپورٹس سری نگر کو شکست دی۔

پہلے بلے بازی کرتے ہوئے سلطان واریئرز نے مقررہ اوورز میں 9 وکٹوں کے نقصان پر 182 رنز بنائے، جس کے جواب میں رمزی اسپورٹس سری نگر کی پوری ٹیم 142 رنز پر آؤٹ ہوگئی۔ اس طرح سلطان واریئرز نے شاندار کامیابی کے ساتھ خطاب اپنے نام کر لیا۔

سلطان واریئرز کے عاقب کھانڈے کو میچ جیتنے والی کارکردگی پر ’مین آف دی میچ‘ قرار دیا گیا، جبکہ ان کے ساتھی کھلاڑی عاصم بشیر کو پورے ٹورنامنٹ میں مسلسل عمدہ کارکردگی پر ’مین آف دی سیریز‘ کا اعزاز دیا گیا۔

فوج کی سری نگر چنار کور کی جانب سے منعقد کیے گئے اس ٹورنامنٹ میں ریکارڈ تعداد میں ٹیموں نے شرکت کی۔ مقابلے کے لیے 130 ٹیموں نے رجسٹریشن کرائی تھی، جن میں سے کشمیر وادی کے مختلف علاقوں سے 79 ٹیموں کا انتخاب کیا گیا۔

تقریب میں جموں و کشمیر کے چیف سیکریٹری اتل ڈلو کے علاوہ بارہمولہ میں تعینات ڈیگر ڈویژن کے جنرل آفیسر کمانڈنگ اور مقامی برادری کی ممتاز شخصیات نے شرکت کی۔

منتظمین نے کہا کہ سی پی ایل 2026 نے پوری کشمیر وادی کے کرکٹ ٹیلنٹ کو اپنی صلاحیتوں کے اظہار کا موقع فراہم کیا اور خاص طور پر نوجوانوں کے درمیان ہندوستانی فوج اور مقامی برادری کے تعلقات کو مضبوط بنانے کے لیے ایک پلیٹ فارم کے طور پر کام کیا۔

دفاعی ترجمان نے کہا کہ سی پی ایل 2026 کا کامیاب انعقاد خطے کے کھیلوں کے کیلنڈر میں ایک اہم سنگِ میل ہے۔ اس کے ذریعے وادی کے مختلف علاقوں سے تعلق رکھنے والے باصلاحیت نوجوان کرکٹرز کو اپنی صلاحیتیں دکھانے کا موقع ملا۔

یواین آئی۔ ظ ا

کھیل

بابر اعظم کی سات سال بعد ڈومیسٹک فرسٹ کلاس کرکٹ میں واپسی

Published

2 weeks ago

September 15, 2026

Online Desk

اسلام آباد، پاکستان کے ٹیسٹ کپتان بابر اعظم موجودہ پریذیڈنٹس ٹرافی گریڈ ون فرسٹ کلاس ٹورنامنٹ میں آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کی نمائندگی کریں گے۔ انہیں ٹیم نے بطور گیسٹ کھلاڑی شامل کیا ہے۔

ذرائع کے مطابق بابر نے پاکستان کرکٹ بورڈ (پی سی بی) سے درخواست کی تھی کہ انہیں کسی ٹیم میں شامل کیا جائے تاکہ وہ طویل فارمیٹ میں اپنی فارم بہتر کرسکیں۔ اس کے بعد بورڈ نے انہیں او جی ڈی سی ایل کے ساتھ جوڑ دیا۔ بابر نے دسمبر 2022 کے بعد سے ٹیسٹ کرکٹ میں کوئی سنچری نہیں بنائی۔ اس کے بعد سے 39 اننگز میں وہ صرف آٹھ نصف سنچریاں بناسکے ہیں، جبکہ 2023 کے آغاز سے ٹیسٹ میں ان کی اوسط 30.43 رہی ہے۔

ان کی خراب فارم پاکستان کرکٹ میں مسلسل بحث کا موضوع بنی ہوئی ہے۔ حالیہ انگلینڈ دورے میں پاکستان کو تین ٹیسٹ کی سیریز میں 0-3 سے شکست ہوئی، جبکہ لارڈز اور ایجبسٹن ٹیسٹ میں انگلینڈ کے تیز گیندبازوں نے شارٹ گیند کے خلاف بابر کی کمزوری کا فائدہ اٹھایا۔ تاہم گزشتہ پانچ ٹیسٹ میں وہ چار نصف سنچریاں بناچکے ہیں اور گزشتہ ماہ ویسٹ انڈیز کے خلاف دوسرے ٹیسٹ میں ان کا اسکور 88 رنز رہا، جس سے پاکستان نے جولائی 2023 کے بعد پہلی بار بیرون ملک ٹیسٹ جیتا۔

بابر نے آخری بار 2019 میں ڈومیسٹک فرسٹ کلاس ٹورنامنٹ کھیلا تھا، جب انہوں نے سینٹرل پنجاب کی کپتانی کرتے ہوئے فائنل میں ناردرن کو شکست دے کر قائداعظم ٹرافی جیتی تھی۔ حالیہ برسوں میں ٹیسٹ اور آئی سی سی ٹورنامنٹس میں پاکستان کی خراب کارکردگی کے بعد پاکستانی کھلاڑیوں کے ڈومیسٹک فرسٹ کلاس کرکٹ میں زیادہ حصہ لینے کا مطالبہ کیا جاتا رہا ہے۔ اس سیزن میں شاہین شاہ آفریدی اور سلمان آغا سمیت کئی دیگر بین الاقوامی کھلاڑی بھی پریذیڈنٹس ٹرافی میں حصہ لے رہے ہیں۔

پی سی بی کے سینٹرل کنٹریکٹ کے تحت اے کیٹیگری کے ٹیسٹ ماہر کھلاڑیوں کے لیے سالانہ کم از کم چھ، اے بی کیٹیگری کے ٹیسٹ اور ون ڈے ماہر کھلاڑیوں کے لیے چار، جبکہ بی سی کیٹیگری کے وائٹ بال ماہر کھلاڑیوں کے لیے کم از کم دو فرسٹ کلاس میچ کھیلنا ضروری ہے۔ پاکستان اس وقت آئی سی سی ٹیسٹ رینکنگ میں نویں نمبر پر ہے اور ورلڈ ٹیسٹ چیمپئن شپ کی نو ٹیموں کی جدول میں آخری مقام پر ہے۔ وہ گزشتہ چار آئی سی سی ٹورنامنٹس میں ناک آؤٹ مرحلے تک بھی نہیں پہنچ سکا ہے۔

یو این آئی۔ م س