خبراردو:

۵ اگست سے حکومت کی جانب سے مختلف جگہوں پر سابق وزرائے اعلیٰ سے لے سابق ایم ایل ایزاور معتبر سیاسی لیڈران تک دو سو سے زائد افراد حکومت کی جانب سے نظر بند رکھے گئے ہیں ۔ ان ۱۰۰ سو سے زائد دنوں میں ان لیڈران کے متعلق میڈیا کی آنکھ سے دور رہنے کے باوجود بھی بہت کچھ باہر آیا ۔ جبکہ دوسری جانب ان لیڈران کی رہائی کا فی الحال کوئی بھی امکان نظر نہیں آرہا ہے۔ادھر بھاجپا کے کار گزار صدر جے پی نڈا نے ایک بیان میں این سی ، پی ڈی پی اور کانگریس کو نشانہ بناتے ہوئے کہا کہ جنہوں نے کشمیر کو لوٹا انہیں اب جیل بھیج دیا جائے گا۔

خیر گزشتہ روز پولیس کی جانب سے دو روز قبل ہی سنتور ہوٹل سے ایم ایل اے ہوسٹل منتقل کئے گئے ۳۴ سیاسی مین سٹریم لیڈران کے کمروں کی تلاشی لی گی،جہاں پولیس کے ایک خصوصی دستے نے چھاپے کے دوران ۳۴ میں سے بعض کے زیر استعمال ۱۱ موبائل فون ضبط کئے ۔ پولیس کی جانب سے کہا گیا ہے کہ یہ جیل قوانین کی خلاف ورزی ہے ، جن سے یہ فون ضبط کئے گئے ہیں ان کے خلاف کارروائی کی جائے گی۔ایڈیشنل ڈائرکٹر جنرل آف پولیس ،سیکورٹی و لائاینڈ آرڈر منیر احمد خان کا کہنا تھا کہ انہیں شبہ ہوا تھا، جب کچھ نظر بندوں نے منتقلی کے دوران تلاشیوں کی اجازت نہیں دی اور بعد میں ان کے رشتہ داروں نے احتجاج کیا ۔

واضح رہے منتقلی کے دوران ان نظر بند سیاسی لیڈران کے رشتہ داروں نے پویس پر ہراساں کرنے کا الزام لگاتے ہوئے احتجاج کیا تھا ۔ محبوبہ مفتی کی بیٹی التجا مفتی جو آج انہی کا ٹوئٹر اکاونٹ استعمال کر رہی ہیں نے ایک ٹوئٹ کے زریعے کہا کہ منتقلی کے دوران سجاد لون ، وحید رحمان پرہ اور شاہ فیصل کے ساتھ پولیس کی جانب سے بر ا سلوک کیا گیا ،انہوں نے وزیر اعظم مودی سے ذاتی طور اس معاملے میں مداخلت کرنے کی اپیل کی ۔

ادھر ایس ایس پی (سیکورٹی) امتیاز حسین نے ان تمام الزامات کو مستر د کر دیا ہے ۔ قبل ازیں بڑھتی سردی کو دیکھتے ہوئے انتظامیہ نے گزشتہ اتوار کو ایس کے آئی سی سی اور سنتورہوٹل میں نظر بند سیاسی لیڈران کو ایم ایل اے ہوسٹل منتقل کیا تھا ۔

اس سے پہلے قومی اخبار کی ایک رپورٹ نے بھی نظر بند لیڈران میں کھلبلی مچا دی تھی ۔ ٹیلی گراف نامی اخبار میں سیاسی لیڈران کے ساتھ ہوئے کچھ واقعات کا انکشاف کیا گیا ہے ۔

پہلی یہ کہ ایک غیر مقامی شخص کی جانب سے پیپلز کانفرنس چیئر مین سجاد لون کے ساتھ برا برتاﺅ کرنا جب سجا د لون ہوٹل کے کاریڈور میں چہل قدمی کر رہے تھے ۔
وہیں اخبار نے سجادلون کے ساتھ پیش آئے ایک اور واقعے کا ذکر کیا ہے جس میں سجاد لون ایک پولیس افسر کا موبائل فون استعمال کرتے ہیں اور مبینہ طور پر وزیر داخلہ امیت شاہ سے بات کرتے ہیں ، اخبار کے مطابق لون انہیں ایک بچے کی طرح اپنے خاندان کی جانب سے ملک اور بھاجپا کےلئے سابقہ ریاست میں دی گئی قربانیاں یاد کراتے ہیں ۔ اسکے بعد پولیس چیف کو جانکاری ملنے کے بعد پولیس افسر کو معطل کیا گیا ۔

ادھر محبوبہ مفتی کے متعلق یہ بیان کیا گیا ہے کہ وہ ایک بار خاتون پویس کانسٹیبل سے لر پڑی تھیں ، اور جھگڑے کے دوران ان کے سر اور چہرے پر تھپڑ رسید کئے گئے ۔ وہیں بشیر ویری ، نظام الدین بٹ اور شاہ فیصل کو ایک بار چوہوں نے بھی کاٹا ۔

دوسری جانب سجاد لون نے ان خبروں کو پوری طرح سے مسترد کر دیا ہے وہیں التجا مفتی نے ایک ٹوئٹ میں ان خبروں کو جھوٹ قرار دے کر کہا کہ اس سے محبوبہ مفتی کی ساکھ نقصان پہنچانے کی کوشش کی گئی ۔

اس بیچ پبلک سیفٹی ایکٹ کے تحت اپنے گھر میں نظر بند این صدر اور رکن پارلیمان فاروق عبداللہ کے لئے ایک اچھی خبر آئی ہے۔ مرکزی سرکار کی جانب سے انہیں مشاورتی دفاعی کمیٹی میں شامل کیا گیا ہے اور ان کا نام سر فہرست ہے ۔ اکیس ممبران پر مشتمل اس کمیٹی میں بھاجپا کی متنازعہ ایم پی پرگیہ سنگھ ٹھاکر بھی ہیں ، جس کی کانگریس نے شدید مذمت کی ہے ۔

آپکو بتادیں انتظامیہ کی جانب سے ان لیڈارن بانڈ لیا جا تا ہے جو رہا ہونا چاہتے ہیں اس شرط کےساتھ کہ وہ باہر آکر خاموش رہیں گے ۔ اب تک اطلاعات کے مطابق پی سی کے عمران رضا نصاری ، پی ڈی پی کے رفیع احمد میر اور این سی خالد نجیب سہروردی کے علاوہ کچھ دیگر لیڈران نے بانڈ پر دستخط کرتے ہوئے رہائی حاصل کی ہے ۔
ادھر سنیچر کو اپنے ایک ٹوئٹ میں التجا مفتی نے انتظامیہ پر یہ الزام بھی عائد کیا کہ ایڈیشنل ڈی جی پی نے حال ہی میں ایس کے آئی سی سی سے ایک سابق ایم ایل اے کو انکی رہائی میں سہولیت فراہم کی ، اور نظر بندوں کی رہائی کی شرط یہ بتائی کہ اگر وہ جموں کشمیر میں نئے سیاسی محاز میں شامل ہونے میں حامی بھر لیں۔
اب یہ اگلے ماہ میں ہی پتہ چل پائے گا کہ ان سیاسی لیڈران کی نظر بندی کتنی لمبی ہوتی ہے۔