خبراردو:

تازہ برف باری اور بارشوں کے بعد سرینگر جموں شاہراہ مختلف مقامات پر ڈھہ جانے کی بعد گاڑیوں کے آمدورفت کے لیے پھر سے 25ویں مرتبہ بند کردی گئی جس دوران قاضی گنڈ،جواہرٹنل کے آرپار،بانہال اوردیگرمقامات پرلگ بھگ 2ہزارچھوٹی مسافرگاڑیاں ،ٹرکیں ،تیل ٹینکراورفورسزکی گاڑیاوں میں 20ہزار سے زائد مسافر درماندہ ہوکر رہ گئے ہیں۔ادھر سرکاری ذرائع نے تصدیق کرتے ہوئے بتایاکہ تازہ برف باری اوربارشیں ہونے کے بعدرام بن ،رام سو،انوکھی فال ،بیٹری چشمہ اوردیگرکچھ مقامات پرپسیاں ،مٹی کے تودے اورپتھرگرآنے کے بعدسڑک کوجگہ جگہ نقصان پہنچاہے جس کے نتیجے میں شاہراہ پر ٹریفک کی نقل و حمل ناممکن بن گئی۔ادھر سرینگر انٹرنیشنل ہوائی اڈے پر گہری دھند اور کم روشنی کی وجہ سے کم از کم 8پروازوں کوملتوی کرنا پڑا۔

قاضی گنڈ،جواہرٹنل کے آرپار،بانہال اوردیگرمقامات پرلگ بھگ 2ہزارچھوٹی مسافرگاڑیاں ،ٹرکیں ،تیل ٹینکراورفورسزکی گاڑیاں بدھ کی شام سے سرراہ پڑی ہوئی ہیں ،اوران گاڑیوں میں لگ بھگ20ہزارعام شہری ،مقامی وغیرمقامی ڈرائیور،کنڈیکٹراورفورسزاہلکاردرماندہ پڑے ہوئے ہیں ۔ٹریفک پولیس کے ذرائع نے بتایاکہ بدھ کی صبح چونکہ یک طرفہ ٹریفک کے تحت گاڑیوں کوسرینگرسے جموں روانہ ہونے کی اجازت دی گئی توکشمیروادی کے مختلف علاقوں سے 2200چھوٹی مسافربردارونجی گاڑیاں،700مال بردارٹرک وتیل ٹینکراورمختلف فورسزایجنسیوں کی 300چھوٹی بڑی گاڑیاں جموں کیلئے روانہ ہوگئیں جبکہ پہلے ہی لاتعدادمسافرومال بردار گاڑیاں شاہراہ پردرماندہ پڑی ہوئی تھیں ۔ آئی جی پی ٹریفک آلوک کمارنے اسکی تصدیق کرتے ہوئے بتایاکہ لگ بھگ 3ہزارگاڑیوں نے بدھ کی شا م جواہرٹنل عبورکرلی ۔جواہرٹنل پرتعینات ٹریفک افسروں اوراس ٹنل کی دیکھ ریکھ کرنے والی ایجنسی کے ذرائع ے بتایاکہ مخالف سمت سے آنے والی درماندہ پڑی گاڑیوں کے آنے کی وجہ سے ٹنل کے آرپار ٹریفک جام کی بدترین صورتحال پیداہوئی۔انہوں نے بتایاکہ بدھ کی صبح سے سہ پہر تک لگ بھگ ایسی1500گاڑیوں کوٹنل کے اسپارآنے کی اجازت دی گئی ،جن میں ایک ہزارکے لگ بھگ وہ مال برداربڑی گاڑیاں بھی شامل ہیں جوبانہال کے نزدیک درماندہ پری ہوئی تھیں۔انہوں نے بتایاکہ اس دوران سری نگرسے آنے والی اتنی ہی تعدادمیں چھوٹی بڑی گاڑیوں نے ٹنل کوعبورکیا۔

سری نگرسے بدھ کی صبح روانہ ہونے والی گاڑیوں میں سوارمسافروں نے بتایاکہ اُنھیں قاضی گنڈسے بانہال پہنچنے میں لگ بھگ12گھنٹے لگے ۔انہوں نے کہاکہ جواہرٹنل کے آرپاربدترین ٹریفک جام کی وجہ سے چھوٹی مسافرگاڑیاں بدھ کوشام کے تقریباً8بجے بانہال پہنچیں ۔اُدھرٹریفک پولیس کے ذرائع نے یہ حیرت انگیزانکشاف کیاکہ جب بدھ کی صبح گاڑیوں کوسری نگراوروادی کے دوسرے مقامات سے جموں کی جانب سفرکرنے کی اجازت دی گئی تواُسوقت رام بن اوردیگرمقامات پردرماندہ پری لگ بھگ4000چھوٹی بڑی گاڑیاں جواہرٹنل کی جانب اپناسفرشروع کرچکی تھیں اورجب دونوں اطراف سے آنے والی ہزاروں گاڑیوں کاجواہرٹنل کے آرپارسامناہواتوبدترین قسم کے ٹریفک جام کی صورتحال پیداہونایقینی تھا،اورایساہی ہوگیا۔اُدھر معلوم ہواکہ بدھ کی شام لگ بھگ 8بجے اوراسکے بعدکشمیرسے بانہال پہنچیں 2ہزارسے زیادہ چھوٹی مسافربرداراورنجی گاڑیوں میں سے کچھ سوکوجمعرات کوعلی الصبح یہاں سے جموں کی جانب روانہ ہونے کی اجازت دی گئی ،اورلگ بھگ200ایسی چھوٹی گاڑیاں جمعرات کی دوپہرجموں پہنچنے میں کامیاب رہیں تاہم بتایاجاتاہے کہ اب بھی سری نگرجموں شاہراہ پرجگہ جگہ لگ بھگ 2ہزارچھوٹی بڑی نجی ،کاروباری اورفورسزکی گاڑیا ں سرراہ پڑی ہوئی ہیں اوران میں لگ بھگ 20ہزارعام شہری اورفورسزاہلکارانتہائی کسمپرسی کی حالت میں درماندہ پڑے ہوئے ہیں ۔

ادھر بدھ اورجمعرات کی درمیانی رات جواہرٹنل کے آرپارتازہ برف باری اوربارشیں ہونے کے بعدسری نگرجموں شاہراہ کوپھررواں موسم سرماکے دوران25ویں مرتبہ ٹریفک کیلئے بندکردیاگیا۔سرکاری ذرائع نے اسکی تصدیق کرتے ہوئے بتایاکہ تازہ برف باری اوربارشیں ہونے کے بعدرام بن ،رام سو،انوکھی فال ،بیٹری چشمہ اوردیگرکچھ مقامات پرپسیاں ،مٹی کے تودے اورپتھرگرآنے کے بعدسڑک کوجگہ جگہ نقصان پہنچاجبکہ جواہرٹنل سے بانہال تک شاہراہ پرکافی پھسلن پائی جاتی ہے۔انہوں نے بتایاکہ بیکن حکام نے پسیوں ،مٹی کے تودوں اورپتھروں کوراستے سے ہٹانے کیلئے مشینیں اورمزدورلگادئیے ہیں تاکہ کم سے کم ایسی درماندہ پڑی گاڑیوں کوجموں کی جانب روانہ کیاجاسکے جوسری نگرسے روانہ ہونے کے بعدبانہال اوردیگرمقامات پردرماندہ پڑی ہیں ۔اُدھرمعلوم ہواکہ قاضی گنڈ،جواہرٹنل کے آرپار،بانہال اوررام بن ضلع کی حدودمیں مختلف مقامات پرسینکڑوں مسافراورمال بردارگاڑیاں اورٹینکرپھنسے پڑے ہیں ۔حکام نے بتایاکہ خراب موسمی صورتحال شاہراہ پرجاری بحالی کے کام میں اڑچن کاباعث بن رہی ہے ۔اس دوران خراب موسمی صورتحال ،گہری دھنداورکم روشنی ہونے کے نتیجے میں جمعرات کوسری نگرکاباقی ملک سے فضائی رابطہ کٹ گیا۔

سری نگرہوائی اڈے کے حکام نے بتایاکہ جمعرات کوصبح سے ہی ہوائی اڈے کے گردونواح میں گہری اور روشنی بھی کم رہی ،جسکے نتیجے میں اس ہوائی اڈے سے روانہ ہونے والی کم سے کم 8پروازوں کوملتوی کیاگیاجن میں ائرایشیاء کی فلائٹ15-716،انڈیگوکی فلائٹس زیرنمبر6E-2554،6E-576،6E-653،گوائرکی فلائٹ128/129 SXR-DEL،ویستارایوکے کی فلائٹ611 SXR-IXJاورسپائس جٹ کی فلائٹSG 161 SXR-IXJبھی شامل ہے۔حکام نے مزیدبتایاکہ اس دوران نئی دہلی ،جموں ،ممبئی یاکسی دوسرے شہرسے کوئی بھی جہازسری نگرکیلئے اُڑان نہیں بھرسکاکیونکہ سری نگرہوائی اڈے کے گردونواح میں اُفق پرروشنی کافی کم ہے ۔ائرپورٹ ذرائع نے بتایاکہ خراب موسمی صورتحال کے چلتے روشنی میں کوئی بہتری نہ آنے کے بعدجمعرات کوسری نگرہوائی اڈے کوپروازوں کی آواجاہی کیلئے بندکیاگیا۔