وزیر دفاع نے کہا’فوجی تاریخ کے نئے دور کی شروعات ہوگئی‘
خبراردو:-

سرینگر:ہندوستانی فضائیہ کو کافی طویل عرصہ سے جس جنگی طیارے کا انتظار تھا، وہ رافیل طیارہ آج ہندوستان پہنچ گیا ہے اور بھارتی فضائیہ میں شامل ہو گئے۔وزیر دفاع نے کہا’فوجی تاریخ کے نئے دور کی شروعات ہوگئی ہے۔کشمیر نیوز سروس کے مطابق ہندوستانی فضائیہ کو کافی طویل عرصہ سے جس جنگی طیارے کا انتظار تھا، وہ رافیل طیارہ آج ہندوستان پہنچ گیا ہے اور بھارتی فضائیہ میں شامل بھی ہوگئے۔ فرانس کے ساتھ ہوئے سودے کے تحت رافیل جنگی طیارے کی پہلے کھیپ ہریانہ کے انبالہ ائیر بیس پر لینڈ ہوچکی ہے۔

ان پانچ رافیل طیاروں کو ریسیو کرنے کیلئے ائیر چیف مارشل آر کے ایس بھدوریا انبالہ ائیربیس پر موجود تھے۔ سیکورٹی کے پیش نظر انبالہ میں دفعہ 144 لاگو کیا گیا۔27 جولائی کو فرانس کے میریگراک بیس سے پانچ رافیل طیارے ہندوستان کیلئے روانہ ہوئے تھے۔ مسلسل سات گھنٹوں تک اڑان بھرنے کے بعد کل شام ابو ظہبی کے قریب الدفرہ فرینچ ائیربیس پر پہنچے۔ ان طیاروں نے بدھ کو انبالہ ائیربیس پر لینڈنگ کی۔

وزیر دفاع راجناتھ سنگھ نے کہا کہ طیارے انبالہ میں محفوظ طریقہ سے لینڈنگ کرچکے ہیں جبکہ رافیل کامبیٹ طیاروں کے ہندوستان کی زمین کو چھوتے ہی فوجی تاریخ کے نئے دور کی شروعات ہوگئی ہے اور یہ ملٹی رول طیارے ہندوستانی فضائیہ کی صلاحیتوں میں انقلابی تبدیلیاں لائیں گے‘۔قابل ذکر ہے کہ یو اے ای کی سرزمین سے جب رفیل طیاروں نے اڑان بھری تو کچھ ہی دیر بعد ہندوستانی فضائی حدود میں انٹری کرلی۔ اس موقع پر آئی این ایس کولکاتہ کنٹرول روم سے ہی ان کا خیر مقدم کیا گیا۔

اس دوران آئی این ایس کولکاتہ کنٹرول روم کی جانب سے کہا گیا ’انڈین نیول وار شپ ڈیلٹا ۶۳ ایرو لیڈر، مے یو ٹچ دی اسکائی ود گلوری، ہیپی ہنٹنگ، ہیپی لینڈنگ‘۔خیال رہے کہ رافیل کے دیدار کیلئے انبالہ کے لوگ بھی پرجوش نظر آئے۔ انبالہ میں رافیل کے استقبال کیلئے باضابطہ طور پر بینرس لگائے گئے تھے اور پوسٹرس کے ذریعہ سے رافیل کا خیر مقدم کیا گیا۔ رافیل کے آنے سے جہاں ہندوستان کی طاقت بڑھ گئی ہے، وہیں یہ لمحہ انبالہ کیلئے بھی کسی فخر سے کم نہیں ہے۔

جموں و کشمیر کے ضلع اننت ناگ سے تعلق رکھنے والے آئی اے ایف کے سینئر افسر نے فرانس سے ہندوستان کیلئے پہلے رافیل جیٹ کو لا نے کا اعزاز حاصل کیا ہے۔ یہ لڑاکا طیارے 36رافیل لڑاکا طیاروں کی پہلی کھیپ ہے جس نے ہندوستان کو 2016میں فرانس سے 59ہزارکروڑ روپے میں ہنگامی طور پر خریدا تھا۔پانچوں جیٹ طیارے پیر کے روز فرانس کے شہر میرگناک کے ڈاسالٹ ایوی ایشن فیلیٹیشن سے روانہ ہوئے تھے۔

دس طیاروں کی فراہمی شیڈول کے مطابق مکمل کر لی گئی ہے۔ پانچ فرانس میں تربیتی مشن کے لئے رہیں گے۔ فرانس میں ہندوستانی سفارتخانے نے ایک بیان میں کہا، تمام چھتیس طیاروں کی فراہمی2021کے آخر تک شیڈول کے مطابق مکمل ہو جائے گی۔فرانس نے گذشتہ سال 8اکتوبر کو میریگنک میں وزیر دفاع راجناتھ سنگھ اور ان کے فرانسیسی ہم منصب فلورنس پارلی کی ایک تقریب کے دوران ہندوستان کو اپنا پہلا رافیل لڑاکا سونپ دیا تھا۔

فرانس میں ہندوستانی مشن کے مطابق، تمام 36طیاروں کی فراہمی2021کے آخر تکمیل تک پہنچ جائے گی۔جنوبی کشمیر کے بخشی آباد اننت ناگ علاقے سے تعلق رکھنے والے ہلال احمد آرتھر اس وقت فرانس میں ائیر اٹیچ کی حیثیت سے خدمات انجام دے رہے ہیں، ایئر کموڈور ہلال احمد راتھر کشمیر سے تعلق رکھنے والے ہندوستانی فضائیہ کے ایک افسر ہیں۔انہیں 17دسمبر 1988کو فلائنگ برانچ میں بطور فائٹر پائلٹ آئی اے ایف میں کمیشن دیا گیا تھا۔

انھیں 1993میں فلائٹ لیفٹیننٹ، 2004میں ونگ کمانڈر،2010میں گروپ کیپٹن اور 2016میں ایئر کموڈور کی حیثیت سے ترقی دی گئی تھی۔ وہ ایک فائٹر کامبیٹ لیڈر اور ایک فلائنگ انسٹرکٹرہیں۔ انہوں نے میراج 2000سکواڈرن اور فرنٹ لائن ائیر فورس بیس کی کمان بھی کی ہے۔ انہوں نے ریاست ہائے متحدہ امریکہ کے ائیر وار کالج سے تعلیمی امتیاز کے ساتھ گریجویشن کیا۔انہوں نے ابتدائی تعلیم اننت ناگ کے مانٹی سوری سکول میں ہی حاصل کی ہے اور بعد میں آگے کی تعلیم سینک اسکول نگروٹہ جموں سے حاصل کی۔