شاعرِ کشمیر پیر زادہ غلام احمد مہجور کی68ویں برسی ، کورونا وائرس کے پیش کوئی بھی تقریب منعقد نہیں ہو سکی ۔ تاہم شاعروں ، ادیبوں ، اداکاروں اور قلمکاروں نے سو شل میڈیا اور پیغامات کے سہارے مہجور کو اُن کی برسی پر یاد کر کے شاندار الفاظ میں خراج عقیدت پیش کیا ۔

(کے این ایس) کے مطابق شاعرِکشمیر مہجور کی برسی پر کورونا وائرس کی وجہ سے کوئی بھی تقریب منعقد نہیں ہو سکی ۔ ادبی تنظیموں ، شاعروں ، ادیبوں اور اداکاروں نے گھر بیٹھے ہی سو شل میڈیا کے ذریعے شاعرِ کشمیر کو خراج عقیدت پیش کیا ۔

اس سلسلے میں جموں و کشمیر ثقافتی مرکز بڈگام نے آن لائن پروگرام کا انعقاد کیا ۔ جس میں کئی ادیبوں ، ادب نوازوں اور اداکاروں نے گھر بیٹھے ہی ویڈیو پیغامات کے ذریعے شاعرِ کشمیر کو خراج عقیدت پیش کیا ۔ وادی کے معروف اداکار ڈائریکٹر پروڈیوسر خورشید میر جوکہ یمبر یوتھ قلب کے صدر بھی ہے نے شاعرِ کشمیر مہجور کو اُنکی برسی پر شاندار الفاظ میں خراج عقیدت پیش کیا ۔ انہوں نے کہا کہ غلام احمد مہجور کسی تعارف کے محتاج نہیں لیکن ضرورت اس بات کی ہے کہ نئی نسل کو مہجور اور انکے کلام سے روشناس کرانے کیلئے بڑے پیمانے پر ایک مہم چلائی جائے ۔

انہوں نے کہا کہ اُنکی شاعرِ کشمیر کی مانگی ہوئی دعا ۔ (لپے آتی ہے ) آج بھی تعلیموں اداروں میں بچے پڑھا کر تے ہیں ۔ سرکردہ شاعر عنایت گُل جو ضلع بڈگام کے چرار شریف سے تعلق رکھتے ہیں ، نے شاعرِ کشمیر کو خراج تحسین پیش کر تے ہوئے کہا کہ شاعرِ کشمیر پیر زادہ غلام احمد مہجور کے کلام میں جو جوش ولولہ جذبہ اور پاکیزگی ہے اُس کو سمجھنے اور اُس پر عمل کرنے کی ضرورت ہے ۔

ادھر نوجوان اداکار جاویدکشمیری جوکہ یومبر زل یوتھ قلب کے اہم ممبر ہے اور صحافت کے پیشے سے بھی وابستہ ہے نے مہجور کے اُن کی68ویں برسی پر خراج عقیدت پیش کر تے ہوئے کہا کہ ہ میں فکر ہے کہ شاعرِ کشمیر مہجور ضلع پلوامہ سے تعلق رکھتے ہیں ۔ ادھر مہجور کے آبائی ضلع پلوامہ سے تعلق رکھنے والے نامور شاعر ادیب، قلمکار عبدالرحمان فدا جوکہ نو ادبی کاروان پلوامہ کے سر پرست اعلیٰ بھی ہے، نے شاعرِ کشمیر کو اُن کی برسی پر شاندار خراج عقیدت پیش کیا ۔

اپنے ایک تحریری پیغام میں عبدالرحمان فدا نے کہا کہ پیر زادہ غلام احمد مہجور نے ضلع پلوامہ کی زرخیز مٹی سے ایک مہکتے گلاب کے مانند اُس وقت آنکھ کھوئی جب کشمیری عوام ظلم و بربریت کی چکی میں پیسا جا رہا تھا ۔ اس دلدل سے نجات ملنے کی اُمید دور دور تک دکھائی نہیں دے رہی تھی لیکن مہجور نے ہوش سنبھالتے ہی اپنی خدا داد صلاحتوں کو بروئے کار لاکر اپنے قلم کو مظلوم اور لاچار قوم کے لئے وقف کیا اور اُن کے افسر دہ دلوں میں اپنی ولولہ انگیز شاعری سے نئی روح پھُونک دی ۔

سادہ لوہو کشمیریوں کو چند کھوٹی سکھوں کے عوض غلامی کی زنجیروں سے اپنی جد و جہد کی بدولت جو کامیابی حاصل ہو ئی اُس میں مہجور صاحب کا ایک نہایت ہی اہم اورنا قابل فراموش رول رہا ہے ۔ جنوبی ضلع پلوامہ کی معروف ادبی تنظیم ڈسڑکٹ کلچرل سو ساءٹی کے صدر غلام رسول مشکور نے شاعرِ کشمیر کو خراج عقیدت پیش کر تے ہوئے کہا کہ مہجور نے اپنی شاعری کے ذریعے کشمیری زبان و ادب کو کافی اونچا مرتبہ دیا ہے ۔ انہوں نے کہا کہ مہجور کی تمام تر شاعری نہ صرف کشمیری ادب میں ایک گراں قدر اضافہ ہے بلکہ مہجور کی شاعری میں وطن پرستی، بھائی چارے اور یکجہتی کا درس جگہ جگہ ملتا ہے ۔

اس دوران کا کا پورہ پلوامہ کے معروف سو شل ورکر غلام حسن پنڈت نے مہجور کو اُن کی برسی پر شاندار خراج عقیدت پیش کرتے ہوئے کہا کہ مہجور نہ صرف ایک انقلابی اور وطن پرست شاعر تھے بلکہ وہ ایک صوفی اور خدا دوست انسان بھی تھے ۔ کرالہ چیک، باغِ حیدر چاڈورہ علاقے سے تعلق رکھنے والے نوجوان شاعر عابد فاروق نے خراج عقیدت پیش کر تے ہوئے کہا کہ مہجور نے اپنی شاعری میں بدی کا راستہ چھوڑ کر نیکی کا راستہ اپنانے کا مشورہ دیا ہے ۔ انہوں نے کہا کہ مہجور ہمارے قومی شاعر ہے ۔ اُدھر دیگر کئی ادبی تنظیموں نے سو شل میڈیا کے ذریعے شاعرِ کشمیر کو خراج عقیدت ادا کیا ۔