کورونا وائرس کی تباہ کاریوں سے محفوظ رہنے کےلئے نئے رنگ روپ میں چوتھے مرحلے کے ملک لاک ڈاءون کے وادی کشمیر میں رمضان المبارک کے آخری جمعہ یعنی جمعتہ الوداع کو بھی تما م چھوٹی بڑی مسا جد کے منبر ومحراب خاموش رہے اور مسلسل9ویں ہفتے بھی لوگوں نے نمازجمعہ گھروں میں ہی ادا کی ۔ کشمیر نیوز سروس کے مطابق جموں وکشمیر میں کورونا وائرس کیسوں کی تعداد1400سے زیادہ ہوگئی اور ہر روز اس تعداد میں غیر معمولی وتشویشناک اضافے کے پیش نظر جہاں انتظامیہ لاک ڈاءون کو سخت سے سخت تر کررہی ہے ،وہیں لوگ بھی صورتحال کی نزاکت کو سمجھتے ہوئے گھروں میں بیٹھ کر سما جی دور ی کو یقینی بنارہے ہیں ،تاکہ لوگ عالمی وبا سے محفوظ رہ سکے ۔

اگرچہ گزشتہ ہفتوں کے مقابلے میں کورونا لاک ڈاءون میں کسی حد تک نرمی لائی گئی اور نجی گاڑیوں کی تعداد میں غیر معمولی اضافہ دیکھنے کو مل رہا ہے ۔ اور عید الفطر کے پیش نظر بھی گزشتہ چند روز کے دوران لوگوں کی نقل وحرکت میں اضافہ دیکھنے کو ملا ۔ تاہم شہر ودیہات میں ہنوز ہر طرح کے بازار بند ہیں جبکہ پبلک ٹرانسپورٹ مکمل طور ٹھپ ہے ۔ چہار سو خاموشی چھا ئی ہوئی اور لوگ گھروں میں مقید ہو کر رہ گئے ۔ وادی کی تمام چھوٹی بڑی مساجد میں ماہ رمضان کے دوران مساجد پوری طرح سے آباد رہتی ہیں ،تاہم رواں ماہ رمضان پر عالمگیر وبا کا سیاہ سائیہ رہا ۔ ماہ رمضان میں نماز کی ادائیگی کے دوران لوگوں کی بھیڑ کافی رہتی ہے اور خاص طور پر جمعتہ الوداع کو نماز کی ادائیگی کےلئے ہر چھوٹی بڑی مساجد میں نمازیوں سے بھری ہوئی تھیں اور یہ عالم ہو تا تھا کہ مساجد کے صحنوں کے باہر سڑکوں پر بھی مصلے بچھتے تھے لیکن امسال تمام چھوٹی بڑی مساجد خالی ہیں ۔ شہر خاص کے نوہٹہ علاقے میں واقع تاریخی جامع مسجد میں لوگ جمعہ کے روز صبح سے ہی انتظار میں بیٹھے رہتے تھے تاکہ انہیں اندر جگہ ملے اور لوگوں کو صبح 11 بجے سے ہی نماز کی تیاریوں میں مصروف دیکھا جاتاتھا،یہاں جمعتہ الوداع کو وادی کا سب سے بڑا اور عظیم المشان اجتماع منعقد ہوتا تھا ،لیکن امسال کورونا وائرس نے اس پر روک لگا دی ۔

گزشتہ 4 جمعے سے کورونا وائرس کی وجہ سے تمام مساجد بند ہیں اور ان میں خال ہی کسی کو نماز ادا کرتے ہوئے دیکھا جاتا ہے کہیں بھی باقاعدگی کیسا تھ پنجگانہ نمازیں بھی باجماعت ادا نہیں کی جارہی ہیں ۔ مسلسل چوتھے اورماہ رمضان کے آخری جمعہ یعنی جمعتہ الوداع کو بھی وادی کی تمام چھوٹی بڑی مساجد کے منبر ومحراب خاموش رہے اور مسلسل9ویں ہفتے بھی لوگوں نے نما زجمعہ مساجد کی بجائے گھروں میں ادا کی ۔ مرکزی جامع مسجد سرینگر کیساتھ ساتھ آچار شریف حضرت بل جسے مدینہ ثانی بھی کہا جاتا ہے، میں بھی ماہ رمضان خاص طور پر جمعتہ الوداع کو کافی بھیڑ دیکھنے کو ملتی تھی ،لیکن امسال ایساکچھ نہیں دیکھنے کو مل رہا ۔

اسی طرح شہر خاص میں واقع حضرت میر سید علی ہمدانی ;231; کی خانقاہ معلی سمیت دیگرصوفی بزرگان دین کی زیارت گاہوں سے منسلک مساجد میں بھی ماہ رمضان کے دوران نمازیوں کی کافی بھیڑ رہتی تھی ،لیکن امسال ان عبادت گاہوں کے منبر ومحراب مکمل طور خاموش ہیں اور جمعتہ الوداع کو بھی صورتحال مختلف نہیں رہی ۔ وادی کے دیگر تمام ضلع و تحصیل صدر مقامات اور دیگر علاقہ جات سے موصولہ اطلاعات کے مطابق کسی بھی چھوٹی بڑی مسجد میں جمعتہ الوداع کو بھی نماز جمعہ ادا نہیں ہوئی ہے ۔

لوگوں نے گھروں میں ہی نماز ادا کی اور مسجدوں کی طرف جانے سے احتراز کیا ۔ متحدہ مجلس علما جموں وکشمیر نے موجودہ صورتحال کو سنگین قرار دیتے ہوئے لوگوں سے اپیل کی تھی کہ کووڈ ۔ 19کے گراف اور احتیاطی تدابیر کے پیش نظر شب قدر،جمعتہ الوداع اور نماز عید کی اجتماعی تقریبات انجام نہیں دی جائیں گی ۔ انہوں نے کہا کہ رواں ماہ رمضان کے معمولات کے مطابق لوگ گھروں میں ہی انفرادی طور نمازوں ، ذکر و اذکار ، توبہ و استغفار اور دعا و مناجات کا اہتما م کرےں ۔

ایک تحریری بیان کے مطابق متحدہ مجلس علما جموں وکشمیر کے بنیادی اراکین اور اس میں شامل مقتدر دینی ادارے انجمن اوقاف جامع مسجد سرینگر ، مفتی اعظم جموں وکشمیر مفتی ناصر الاسلام ، مسلم وقف بورڈ جموں وکشمیر، جموں وکشمیر جمعیت اہلحدیث، دارالعلوم رحیمیہ ،جموں وکشمیر انجمن شریعت شیعان اور کاروان اسلامی جموں وکشمیر ، جموں وکشمیر اتحاد المسلین، انجمن تبلیغ الاسلام کے علاوہ اور دیگر دینی و ملی تنظیمات نے اپنے ایک مشترکہ بیان میں مسلمانوں سے یہ اپیل کی تھی کہ موجودہ وبا کی سنگینی آئے روز بڑھتے ہوئے (کووڈ ۔ 19)کے گراف اور احتیاطی تدابیر کے پیش نظر شب قدر،جمعتہ الوداع اور نماز عید وغیرہ کی اجتماعی تقریبات انجام نہیں دی جائیں گی بلکہ رواں ماہ رمضان کے معمولات کے مطابق لوگ گھروں میں ہی انفرادی طور نمازوں ، ذکر و اذکار ، توبہ و استغفار اور دعا و مناجات کا اہتما م کرےں ۔

مجلس علما نے موجودہ پُر آشوب حالات کے تناظر میں ایک دوسرے کی خاص طور پر ضرورتمندوں اور محتاجوں کی امداد و اعانت پر زور دیتے ہوئے لوگوں کو تلقین کی کہ دینی ،فلاحی اور امدادی اداروں کی بھر پور مالی معاونت کے ساتھ ساتھ صدقہ فطر جو امسال 55 روپے فی کس طے کیا گیا ہے اُسے سماج کے غریبوں اور محتاجوں تک پہنچا کر عید کی خوشیوں میں انہیں شامل کریں ۔

علاوہ ازیں معذور حضرات جو روزہ رکھنے پر قادر نہیں ہےں وہ ایک روزے کے بدلے بطور فدیہ 50 روپے یومیہ کے حساب سے اللہ کے راستے میں خیرات کریں ۔ ماہ رمضان کے پیش نظر خاص کر جمعتہ الوداع کو جو بازاروں میں لوگوں کی بھیڑ ہوا کرتی تھی وہ بھی کلی طور پر مفقود ہے ۔ دریں اثناء جموں میں بھی لاک ڈاءون جار ی ہے اور یہاں بھی مسلم علاقوں میں مسلسل تیسرے جمعے کو بھی مساجد میں نما زجمعہ ادا نہیں کی گئی اور لوگوں نے گھروں میں بیٹھ کر ہی نماز جمعہ ادا کرنے کو ترجیح دی ۔