خبراردو:
جنو بی کشمیر کو لگام کے لار رو علاقے میں اتوار کو فوج اور جنگجوؤں کے در میان پیش آنے والی جھڑپ کے دوران مارے گئے 3مقامی جنگجوؤں اور ما بعد جھڑپ جائے مقام پر ہوائی فائرنگ ،پیلٹ اور بارودی مواد پھٹ جانے کے نتیجے میں مزید 7عام شہریوں کی ہلاکت کے خلاف سوموار کو مزاحمتی قیادت کی کال پر وادی سمیت خطہ چناب اور پیر پنچال کے بیشتر علاقوں میں مکمل اور ہمہ گیر ہڑتال رہی جس کے نتیجے میں یہاں تمام کاروباری ،تجارتی اور تعلیمی سر گر میاں مکمل طور مفلوج ہو کر رہ گئی جب کہ اس دوران سڑکوں پر بھی سناٹا چھایا رہا ۔
شہری ہلاکتوں کے خلاف ہڑ تال کے نتیجے میں سر ینگر ،بڈگام ،گاندر بل ،بارہمولہ ،بانڈی پورہ ،کپوارہ ،کولگام ،اننت ناگ،شو پیاں ،پلوامہ ،بانہال ،ڈوڈہ ،کشتوار سمیت دیگر کئی علاقوں میں کولگام سانحے کے خلاف عوام نے سخت غم و غصے کا اظہار کرتے ہو ئے زند گی کی جملہ سر گر میوں کو معطل رکھا ۔ادھر شہر سرینگرمیں کسی بھی امکانی گڑ بڑ سے نمٹنے اور ممکنہ عوامی احتجاج پر قابو پانے کے لئے انتظامیہ نے شہر کے 7حساس پولیس تھانوں جن میں رعنا واری ،خانیار ،نو ہٹہ ،صفا کدل ،کر ن نگر ،کرال کھڈ ،مائسمہ ،اور مہاراج گنج کے تحت آنے والے علاقوں میں بندشیں عائد رکھیں جس دوران یہاں سیکورٹی فورسز کے اضافی دستوں کو جگہ جگہ تعئنات کیا گیا تھا ۔

دھر وسطی ضلع بڈگام اور گاندر بل میں بھی شہری ہلاکتوں کے خلاف مکمل ہڑتال رہی جس کے دوران یہاں پر بھی بازاروں اور سڑکوں پر سنا تا چھایا رہا ۔ بڈگام کے چرار علاقے میں کو لگام ہلاکتوں کے خلاف مکمل بند رہا جس دوران یہاں معمولات زندگی بر ی طرح متاثر رہی ۔
ہڑتال کی وجہ سے یہاں بازار سنسان اور سڑکیں ویرانی کا منظر پیش کر رہی تھیں۔ادھر گاندر بل کے کنگن ،لار ،ددر ہامہ ،بہامہ سمیت در جنوں مقامات پر نو جوانوں نے احتجاجی مظاہرے کرتے ہو ئے فورسز کے خلاف جم کر نعرے بازی کی ۔معلوم ہوا ہے کہ کئی مقامات پر نو جوانوں نے پولیس و سی آر پی ایف کے دستوں پر سنگ باری کی جس کے جواب میں فورسز نے کاروائی کرتے ہو ئے مظاہرین کو منتشر کر دیا ۔

ادھر جنوبی کشمیر کے کولگام، اننت ناگ، شوپیان اور پلوامہ میں ہڑتال کی وجہ سے مکمل خاموشی چھائی رہی جس دوران یہاں جگہ جگہ فورسزاہلکاروں کو تعینات کردیا گیا تھا۔ انتظامیہ نے کولگام کے مین قصبہ میں سیکورٹی فورسز کی مشترکہ پارٹیوں کو کسی بھی گڑ بڑ سے نمٹنے کے لیے تیاری کی حالت میں رکھا گیا تھا۔ یہاں فوج، سی آر پی ایف اور ایس او جی کے اہلکارروں کو جگہ جگہ تعینات کیا گیا تاہم راہ چلتے لوگوں کی آمدو رفت میں کسی بھی قسم کی خلل نہیں ڈالی گئی۔ انہوں نے بتایا کہ سوموار کو کولگام اور مضافاتی علاقوں سے لوگوں کی بڑی تعداد نے اتوار کے روز جاں بحق ہوئے شہریوں کے گھروں کا رخ کرتے ہوئے اُن کے لواحقین کیساتھ دلی تعزیت کا اظہار کیا۔ادھر پلوامہ میں بھی مزاحمتی قیادت کی کال پر مکمل ہڑتال رہی جس دوران یہاں تجارتی و کارباری سرگرمیاں کلی طور پر ٹھپ رہی۔ نمائندے کے مطابق پلوامہ کے بیشتر علاقوں میں انتظامیہ نے سیکورٹی اہلکاروں کی اضافی نفری کو تعینات کیا تھا جس دوران یہاں کسی بھی شخص کو پرمارنے کی اجازت نہیں دی۔ انہوں نے بتایا کہ ہڑتال کی وجہ سے کاروباری، تجارتی اور عوامی سرگرمیاں ٹھپ ہوکر رہ گئیں۔ہڑتال کا اثر اس بات سے بخوبی لگایا جاسکتا ہے کہ یہاں ادویات فروش اور نانوانی کی دکانیں بھی بند رہیں جس دوران مختلف مریضوں کو ادویات کے حصول میں مشکلات درپیش رہیں۔ شوپیان میں بھی ہڑتالی کال سے زندگی کی رفتار تھم سی گئی جس دوران یہاں سیکورٹ کے غیر معمولی انتظامات کئے گئے تھے۔

ادھر شمالی کشمیر کے بارہمولہ، بانڈی پورہ، سوپور، رفیع آباد، حاجن، ہندوارہ، کپوارہ، کلنگام، لون ہرے، لنگیٹ، نطنوسہ ،ترہگام، ریگی پورہ سمیت کئی حساس مقامات پر فورسز اہلکاروں کے اضافی دستوں کو تعینات کیا گیا تھا۔ ادھر خطہ چناب کے بانہال ، رام بن سمیت پیر پنچال کے کئی علاقوں میں شہری ہلاکتوں کے خلاف عوام نے غم و غصے کا اظہار کرتے ہوئے مکمل ہڑتال کی۔ تفصیلات کے مطابق اتوار کو جنوبی کشمیر کے کولگام علاقے میں ہوئی شہری ہلاکتوں کے خلاف بانہال، رام بن سمیت کشتوار، ڈوڈہ اور راجوری کے کئی علاقوں میں مکمل ہڑتال کی گئی جس دوران یہاں عوامی، تجارتی و کاروباری سرگرمیاں ٹھپ ہوکر رہ گئیں۔ معلوم ہوا ہے کہ ہڑتال کی وجہ سے یہاں سڑکوں پر سے ٹریفک کی نقل و حرکت مکمل طور پر معطل رہی۔ ادھر وادی سمیت بیرون وادی میں شہری ہلاکتوں پر غم و غصے کا اظہار کرتے ہوئے طلبا برادری نے احتجاجی مظاہرے کئے جس دوران انہوں نے اقتدار پر براجمان قیادت کو شہری ہلاکتوں پر باند باندھنے کی اپیل کی۔ شمالی کشمیر میں قائم زرعی یونیورسٹی کے کیمپس میں طلبا کی ایک بڑی تعداد نے سوموار کو احتجاجی مظاہرے کرتے ہوئے فورسز کارروائی کے خلاف سخت نعرہ بازی کی۔ تفصیلات کے مطابق طلبا نے کیمپس کے احاطے میں زور دار احتجاجی مظاہرے کرتے ہوئے حکومت سے مانگ کی وہ شہری ہلاکتوں پر فوری روک لگائیں۔

ادھر بیرون وادی جواہر لعل نہرو یونیور سٹی کی طلبا انجمن نے بھی کولگام میں ہوئی شہری ہلاکتوں پر حکومت کو آڑے ہاتھوں لیتے ہوئے کہا کہ نئی دہلی انتخابات میں سیاسی فائدہ حاصل کرنے کی خاطر کشمیر میں افرا تفری کو ہوا دے رہی ہے۔ انہوں نے واقعے کی شدید الفاظ میں مذمت کرتے ہوئے کہا کہ نئی دہلی ملک میں ہونے والے انتخابات میں سیاسی فائدہ حاصل کرنے کی خاطر کشمیر میں خونین کھیل کھیل رہی ہے۔ جے این یو کی طلبہ تنظیم کے سیکرٹری جنرل اعجاز احمد راتھر نے بتایا کہ لارو کولگام میں شہریوں کی ہلاکت ایک المناک سانحہ ہے جس کی جتنی بھی مذمت کی جائے کم ہے۔ موجودہ حکومت نے کشمیر میں خونین کھیل جاری رکھا ہے اور آئے روز ایسے واقعات رونما ہورئے ہیں جس سے انسانی دل چھلنی ہوتے ہیں۔ ادھر نتظامیہ نے آزادی پسند قیادت کی طرف سے دئے گئے احتجاجی پرو گرام کے پیش نظر حریت سے وابستہ اکثر لیڈران کو تھانہ و خانہ نظر بند کر دیا ۔

انتظامیہ نے مشترکہ مزاحمتی قیادت سے وابستہ سید علی شاہ گیلانی، میر واعظ عمر فاروق اور محمد یٰسین ملک سمیت حریت سے وابستہ دیگر لیڈان بشمول محمد اشرف صحرائی ، ہلال احمد وار، مختار احمد وازہ سمیت درجنوں لیڈروان و کارکنان کو قبل از وقت ہی خانہ و تھانہ نظر بند کردیا۔ادھر امن و قانون کی صور تحال کو بر قرار رکھنے اوربے لگام افوا بازی پر روک لگانے کے لئے انتظامیہ نے جنوبی کشمیر کے کولگام ،اننت ناگ ،شو پیاں اور پلوامہ میں مو بائیل انٹر نیٹ خد مات کو معطل رکھا جبکہ اس دوران ریلوے حکام نے بھی سیکورٹی خد شے کے پیش نظر بارہمولہ بانہال ریل سروس کو معطل رکھا ۔