رضوان سلطان:
ریاستی سرکار نے کشمیر کی تاریخ کا سب سے حیران کن اور غیر معمولی حکم نامہ جاری کیا ہے سرکار کی جانب سے ایک ایساحکم نامہ جس نے تمام سیاسی و علیحدگی جماعتوں کو چونکا دیا ہے ۔
دراصل ریاستی سرکار کے داخلہ سیکر ٹری کی طرف سے جمعرات کو جاری کئے گئے حکمنامے میں بتایا گیا ہے کہ ادھم پور سے بارمولہ تک صبح چار بجے سے شام پانچ بجے تک بدھ اور اتوار کے روزکسی بھی سویلین ٹریفک کو ہائی وے پر چلنے کی اجازت نہیں ہو گی ۔ اس کا مقصد فورسز گاڑیوں انتخابات کے دوران بغیر کسی رکاوٹ کے بغیر اپنی منزل تک پہنچے ۔لیکن اس حکم نامے کی تمام سیاسی و حریت پسند جماعتوں نے شدید مذمت کرتے ہوئے اسے واپس لینے کی مانگ کی ہے ۔

نیشنل کانفرنس کے نائب صدر عمر عبداللہ نے اسے تغلقی فیصلہ قرار دے کر مودی حکومت پر نشانہ سادھتے ہوئے کہا کہ آپ لوگوں نے کشمیر میں مسائل کے انبار کھڑے کر دئے ہیں ۔اور جب آپ لوگ حکومت کرنے میں ناکام ہوئے تو آپ نے سڑکوں کو بند کرنا شروع کیا ۔
پارٹی صدر فاروق عبداللہ نے ردعمل ظاہر کرتے ہوئے کہا کہ کرگل جنگ کید وران بھی اسطرح کا فیصلہ نہیں لیا۔
پی ڈی پی صدر محبوبہ مفتی نے اپنے ردعمل کرتے ہوئے کہا کہ نئی دلی کو کشمیری نہیں بلکہ کشمیر کی سر زمین سے سروکار ہے ۔ انہوں نے کہا کہ کشمیری جمہوری حکومت میں رہتے ہیں یہاں کوئی بھی مارشل لاء نہیں ہے ۔کانگریس کے سینئر لیڈر اور سابق ریاستی وزیر اعلی غلام نبی آزاد نے حکومت سے کہا کہ وہ جموں سرینگر شاہراہ کے حوالے سے عوام دوست حکمت عملی مرتب کریں ،حکومت ایسا کوئی حل ڈھونڈے کہ آدھے دن سڑک سیکورٹی فورسز اور آدھے دن عام لوگوں کیلئے کھلی رہے ۔سجاد لون نے کہا کہ حکومت کواپنے لئے ایک فوجی شناخت تخلیق نہیں کرنی چاہیے ۔اور فوجی ضروریات کو ہمیشہ شہری ضروریات کے ماتحت یا تابع رہنا پڑے گا ۔

سی پی آئی ایم کے محمد یوسف تاریگامی نے اس فیصلے کی مذمت کرتے ہوئے کہاکہ حکام کو دوسرا متبادل راستہ تلاش کرنا چاہیے تاکہ فورسز کی نقل و حمل میں خلل نہ پڑے ۔ شاہ فیصل نے کہاکہ اسرائیل سے لائی گئی پالیسیاں کشمیر کو فلسطین بنا دیں گی۔

حریت کانفرنس چےئر مین سید علی شاہ گیلانی نے اسے عامرانہ حکم نامہ قرار دیتے ہوئے شدید الفاظ میں مذمت کی ۔
میر واعظ عمر نے اسے عوام مخالف قرار دے کر کہا کہ اس سے لوگوں میں بد گمانی پیدا ہو گی ۔کے سی سی آئی نے اسے غیر جمہوری عمل قرار دیا۔

اب لوگوں کے شدید ردعمل کے بعد صوبائی کمشنر کشمیر بصیر احمد خان نے ایک پریس کانفرنس کرتے ہوئے کہا کہ مریضوں ، طلاب ، سیاحوں اور دیگر ایمرجنسی کے معاملات سے متعلق جانچ کے بعد انہیں شاہراہ پر آمدو رفت کی اجازت ہو گی ۔
پلوامہ حملے کے بعد وادی کے دورے پر آئے وزیر داخلہ راجناتھ سنگھ نے اعلان کیا تھا کہ اب ہائی وے پر فورسز کانوائے کے دوران سویلین ٹریفک کو روکا جائے گا ۔ ۲۷۰ کلو میٹر سرینگر جموں نیشنل ہائی وے واحد راستہ جو ریاست کو ملک کے دوسری ریاستوں سے جوڑتا ہے ۔ اور اشیاء خوردونوش بھی وادی اسی راستے سے پہنچائی جاتی ہیں ۔

دوسری اہم بات یہی واحد راستہ جو سرینگر کو شمالی اور جنوبی اظلاع سے ملاتا ہے اور یہ راستہ وادی کے دس اضلاع میں سے پانچ اضلاع کے بیچ سے گزرتا ہے ۔ اس سے پہلے بھی اگر چہ کانوائے کے دوران کچھ منٹوں کیلئے سویلن ٹریفک کو رکنا پڑتا تھا ، وہیں ۹۰ کی دہائی وادی میں فورسز پر بڑھتے جنگجو حملوں کے دوران بھی ہائی وے کھلا ہی تھا ۔
اب ہائی وے کے دو روز بند رہنے سے کیا اثرات مرتب ہونگے ؟

اعدادوشمار کے مطابق ہائی وے پر دس ہزار گاڑیاں ہر گھنٹے چلتی ہیں ۔جن میں چھوٹی گاڑیاں بھی شامل ہیں ۔
بدھ کو اب پورا دن ہائی وے بند رکھنے کا مطلب بہت سارے سرکاری ونجی ادارے ، بنک ، سکول اور کالج جیسے اداروں پر کافی اثر پڑ سکتا ہے ۔
جبکہ دوسری طرف ہائی پر آنے والے بڑے ہسپتال جن میں ڈسٹرکٹ ہسپتال بارمولہ ، ٹرومہ ہسپتال پٹن ، سکمز ہسپتال بمنہ شامل ہیں کو جانے والے لوگوں کو مشکلات کا سامنا کرنا پڑے گا ۔

لوگوں کے پاس صرف ٹرین ایک متبادل بچا ہے ، جس سے وہ دوسرے اظلاع کیلئے جا سکتے ہیں ۔
اب اگلے آنے والے دنوں میں پتہ چل پائے گا کہ ان اقدامات سے زمینی سطح پر کیا اثرات مرتب ہو تے ہیں ۔