خبراردو: مرکزی سرکار کی طرف سے گورنر ستیہ پال ملک کیلئے حال میں مقرر کئے گئے پانچوے مشیر اور سابق ڈی آئی جی فاروق خان کا کہنا ہے کشمیریوں کا اندرون ہندوستانی ہے لیکن کھلے عام وہ ’بھارت ماتا کی جے‘ جیسے نعرے لگانے سے ڈر محسوس کررہے ہیں۔

مرکزی سرکار کی طرف سے گورنر ستیہ پال کیلئے حال ہی میں مقرر کئے گئے پانچوے مشیر اور سابق ڈی آئی جی فاروق احمد خان نے جموں ائرپورٹ پر استقبالی تقریب کے دوران بتایا کہ کشمیریوں کا اندرون ہندوستانی ہے لیکن کھلے عام وہ ’بھارت ماتا کی جے‘ جیسے نعرے بلند کرنے میں ڈر محسوس کررہے ہیں۔انہوں نے کہا کشمیریوں کے اندر موجود اس ڈر کو دور کرنے کی ضرورت جس کیلئے مختلف سطحوں پر کام کرنے کی ضرورت ہے۔

تقریب سے خطاب کے دوران گورنر کے مشیر فاروق احمد خان کا کہنا تھا کہ کشمیریوں پر منڈلارہے خطرے کو دور کرنے کی ضرورت ہے جس کی وجہ سے وہ ’بھارت ماتا کی جے‘ جیسے نعرے بلند کرنے سے کتراتے ہیں۔ انہوں نے کہا کہ ہمیں کشمیریوں کی حوصلہ افزائی اور سراہنا کرنے کی ضرورت ہے تاکہ وہ سیکورٹی فورسز کے بغیر ہی جنگجوؤں کا مقابلہ کرسکیں۔ انہوں نے کہا کہ کشمیریوں کو اتنا حوصلہ دینے کی ضرورت ہے کہ ہمیں جنگجوؤں کے مقابلے کیلئے فورسز کی کوئی ضرورت نہ پڑجائے۔ ہمیں جنگجوؤں کے مقابلے کیلئے کشمیریوں کو حوصلہ فراہم کرنا چاہیے تاکہ خطے میں پائی جارہی غیر یقینی صورتحال کا مقامی ذرائع سے ہی کاتمہ ممکن ہوجائے۔کشمیری پنڈٹوں کی وطن واپسی پر جاری بحث کو چھیڑتے ہوئے فاروق احمد خان کا کہنا تھا کہ پنڈتوں کے بغیر کشمیر ادھورا ہے۔مرکزی و ریاستی سرکاریں پنڈتوں کی وطن واپسی اور بازآبادکاری کیلئے کئی سطحوں پر کام کررہی ہے۔ حکومت چاہتی ہے کہ پنڈت برادری واپس کشمیر میں آکر معمول کے مطابق زندگی گزر بسر کرسکیں۔

انہوں نے کہا کہ وزیر اعظم نریندر مودی کے نعرہ ’سب کا ساتھ، سب کا وکاس‘ جموں وکشمیر میں زمینی سطح پر من و عن عملایا جائیگا تاہم انہوں نے صاف کردیا کہ بعض عناصر وزیر اعظم کے نعرے کو سیاسی پینترہ بازی قرار دیتی ہے جو کہ سراسر غلط ہے۔انہوں نے کہا کہ یہ نعرہ اصل میں وزیر اعظم مودی کی طرف سے ایک یقین دہانی ہے تاکہ سماج کے سبھی طبقوں کی فلاح و بہبور کو یقینی بنایا جائے۔خان کا کہنا تھا کہ میرے لیے کشمیر اور جموں دونوں اہم ہے اور اس میں کوئی بھی تفریق نہیں پائی جائیگی۔ انہوں نے کہا کہ یہاں پائی جارہی اضطرابی اور غیر یقینی صورتحال کے نتیجے میں کشمیری عوام کو سخت مشکلات کا سامنا کرنا پڑا، ان کی زندگیوں اور مال و جائیداد کو ناقابل تلافی نقصان پہنچا۔اس موقعے پر فاروق احمد خان نے بتایا کہ مرکز اور کشمیر کے درمیان رابطوں کو مستحکم اور اُستوار کرنے کیلئے ماضی میں کئی سطحوں پر کام کیا گیا تاہم حکومت نے ایسی کوششوں کو ثمر آور ہونے نہیں دیا۔

جن لوگوں نے کشمیریوں اور نئی دہلی کے درمیان رشتوں کو مضبوط کرنے کی کوشش کی، انہیں سرکار نے انتہائی طور پر مایوس کردیا۔انہوں نے بتایا کہ مرکز اور ریاستی عوام کے درمیان پائی جارہی دوریوں کو پاٹنے کیلئے کئی اقدامات اُٹھانے کی ضرورت ہے تاکہ کشمیری عوام کے اندر پائی جارہی اجنبیت کو ختم کیا جائے۔کشمیر نیوز سروس کے مطابق فاروق احمد خان کا کہنا تھا کہ وہ لوگوں کی فلاح و بہبود کیلئے ہر ممکنہ کوشش کریں گے تاکہ وہ لوگوں کی توقعات پر کھرا اُترسکے۔ریاست میں منشیات کے بڑھتے کاروبار پر فکر و تشویش کا اظہار کرتے ہوئے فاروق احمد خان نے بتایا کہ میں بیرون ریاست رہ کر بھی اس وفا کر فکر