خبراردو:

محکمہ موسمیات کے حکام کی قبل ازوقت جاری کردہ پیشگوئی کے عین مطابق کشمیروادی ،وادی چناب ،خطہ پہرپنچال اورلداخ کے میدانی اوربالائی علاقوں میں جمعہ کوصبح سے ہی برف باری کاتازہ سلسلہ شروع ہوگیاجبکہ گرمائی راجدھانی شہرسری نگرمیں رواں موسم سرماکی پہلی برف باری دوپہرکے وقت شروع ہوگئی ۔اس دوران پوری کشمیروادی میں شبانہ سردی میں پھراضافہ ہوا،اورسری نگرسمیت بیشترمقامات پررات کاکم سے کم درجہ حرارت منفی3سے7ڈگری سیلیشیس ریکارڈکیاگیا۔

اُدھرجموں کے بیشتراضلاع میں بھی بارشوں اوربرف باری کاسلسلہ شروع ہوگیا۔جواہرٹنل کے آرپاربرف باری کاتازہ سلسلہ شروع ہونے کے بعدبھی گرچہ سری نگرجموں شاہراہ پریک طرفہ طورپرگاڑیاں چلتی رہیں تاہم کشمیرکوباقی دنیاسے ملانے والے اس واحدزمینی رابطے کے بندہوجانے کااندیشہ لاحق ہواہے ۔اس دوران سری نگرمیں قائم محکمہ موسمیات کے علاقائی دفترکے حکام نے بتایاکہ دوسرے مرحلے میں جمعہ سے اتوارتک جواہرٹنل کے آرپاربیشترعلاقوں کیساتھ ساتھ لداخ خطے میں بھی درمیانہ تابھاری برف باری کاامکان ہے ۔ادھرصوبائی انتظامیہ نے برفانی تودے گرآنے سے متعلق تازہ ایڈوائزری جاری کرتے ہوئے بالائی علاقوں میں رہنے والے لوگوں سے تلقین کی کہ وہ دگرگوں موسمی صورتحال میں اپنی نقل وحمل کومحدودرکھیں ۔

گرمائی راجدھانی سری نگرشہرمیں صبح سے مطلع ابروآلودرہنے کے بعدجمعتہ المبارک کودوپہر2بجے اچانک برف باری کاسلسلہ شروع ہوگیاجوکہ رواں موسم سرمامیں یہاں پہلی برف باری تھی ۔گشتی برف باری کاسلسلہ شروع ہونے کے بعدلالچوک سمیت پورے شہرمیں لوگ گھروں کی جانب روانہ ہونے میں جلدی کرتے نظرآئے ۔لالچوک میں پہلی برف باری سے لطف اندوزہونے والے لوگوں نے بتایاکہ اُنھیں برف باری سے تکالیف کاسامناکرناپڑے گالیکن وہ خوش ہیں کیونکہ سفیدچادرمیں لپٹ جانے کے بعدکشمیرکی خوبصورتی دوبالاہوجاتی ہے ۔سیول اورٹریفک حکام نے بتایاکہ سری نگرجموں شاہراہ کوجمعہ کے روزبعددوپہرتک یک طرفہ ٹریفک کیلئے کھلارکھاگیاتاہم انہوں نے واضح کیاکہ اس شاہراہ کوگاڑیوں کی آمدورفت کیلئے کھلارکھنے کادارومداراسبات پرہے کہ موسمی صورتحال کیسی رہتی ہے ۔انہوں نے کہاکہ جواہرٹنل کے آرپارمزیدبرف باری ہونے کی صورت میں شاہراہ پرپھسلن بڑھ جائیگی اوربرفانی تودوں کاخطرہ بڑھ جائیگا،اوراس صورت میں شاہراہ کوبندرکھنے کے سواکوئی چارہ نہیں ہوگا۔اُدھرشمال وجنوب سے ملنے والی اطلاعات کے مطابق وادی کے سبھی باقی 9اضلاع بشمول بڈگام ،گاندربل ،بارہمولہ ،بانڈی پورہ ،کپوارہ ،اسلام آباد،پلوامہ ،کولگام اورشوپیان میں بھی جمعہ کوصبح اوردن کے وقت برف باری کاتازہ سلسلہ شروع ہوگیا۔بعددوپہرتک ملنے والی اطلاعات کے مطابق سری نگرمیں تھوڑی برف باری جاری تھی لیکن وادی کے باقی قصبہ جات اوردیہات وسرحدی علاقوں میں 3تا10انچ تک برف کی تہہ جم چکی تھی ۔تازہ برف باری ہونے کے بعدسری نگرجموں شاہراہ کے بندہونے کااندیشہ لاحق ہوگیاتاہم دوپہرکے بعدبھی اس شاہراہ پرگاڑیاں چل رہی تھیں ۔اُدھرسری نگرلیہہ شاہراہ ،مغل روڑ،کپوارہ کرناہ ،کپوارہ کیرن ،کپوارہ ،مژھل شاہراہیں اوربانڈی پورہ گریزشاہراہ آمدورفت کیلئے متواتربندپڑ ی ہیں۔

اس دوران صبح سے مطلع ابروآلودرہنے اوردوپہرکے وقت برف باری کاسلسلہ شروع ہونے کے بعدسری نگرہوائی اڈے سے فضائی سروس معطل کردی گئی ۔ائرپورٹ ذرائع نے اسکی تصدیق کرتے ہوئے بتایاکہ دوپہرکے وقت بف باری شروع ہوجانے کے بعددھندمیں اضافہ ہوگیااورروشنی اسقدرکم ہوتی چلی گئی کہ جہازوں کی آواجاہی کوبندکرناپڑا۔انہوں نے کہاکہ صبح کے وقت کچھ جہازیہاں سے پروازکرگئے اوردلی سے کچھ جہازیہاں آئے لیکن دوپہرکے بعدروشنی اتنی کم ہوگئی کہ پورے دن کیلئے سبھی پروازوں کومعطل کیاگیا۔ائرپورٹ ذرائع نے بتایاکہ متعلقہ حکام وماہرین صورتحال پرنظررکھے ہوئے ہیں

اوراگرموسمی صورتحال بالخصوص روشنی میں بہتری آئی توسنیچرکی صبح سے پروازوں کی آواجاہی کوبحال کیاجائیگا۔دریں اثناء جمعرات اورجمعہ کی درمیانی رات ریاست کے تینوں خطوں میں درجہ حرارت میں پھرکمی واقعہ ہوئی ۔سری نگرمیں قائم محکمہ موسمیات کے ترجمان نے ایک بیان میں اسکی تصدیق کرتے ہوئے بتایاکہ سری نگرمیں شبانہ درجہ حرارت منفی3.2ڈگری ،پہلگام میں منفی6.8اورسیاحتی مقام گلمرگ میں رات کاکم سے کم درجہ حرارت منفی10ڈگری سیلشیس درج کیاگیا۔انہوں نے کہاکہ وادی کے باقی سبھی اضلاع میں بھی رات کادرجہ حرارت کم ریکارڈکیاگیا۔موسمیاتی حکام کاکہناتھاکہ لداخ کاپوراخطہ سخت ترین سردی کی لپیٹ میں ہے ،اوریہاں کرگل اورلیہہ میں شبانہ درجہ حرارت بالترتیب منفی18.6اورمنفی14.5ڈگری سیلشیس ریکارڈکیاگیا۔

محکمہ موسمیات کے ترجمان نے بتایاکہ جموں شہر،کٹرہ ،بٹوٹ،بانہال اوربھدرواہ میں جمعرات اورجمعتہ المبار ک کی درمیانی رات درج حرارت بالترتیب 4.5،5.8،1.1،2.7اورمنفی2ڈگری سیلشیس درج کیاگیا۔اس دوران سری نگرمیں قائم محکمہ موسمیات کے علاقائی دفترکے حکام نے بتایاکہ دوسرے مرحلے میں جمعہ سے اتوارتک جواہرٹنل کے آرپاربیشترعلاقوں کیساتھ ساتھ لداخ خطے میں بھی درمیانہ تابھاری برف باری کاامکان ہے ۔ادھرصوبائی انتظامیہ نے برفانی تودے گرآنے سے متعلق تازہ ایڈوائزری جاری کرتے ہوئے بالائی علاقوں میں رہنے والے لوگوں سے تلقین کی کہ وہ دگرگوں موسمی صورتحال میں اپنی نقل وحمل کومحدودرکھیں ۔