سرینگر۔جموں شاہراہ پھر بند،سیکڑوں گاڑیاں درماندہ
گریز میں 100درماندہ شہریوں کو ائرلفت کیا گیا،جمعرات سے موسمی تبدیلی کا امکان

سرینگر:  وادی کشمیر جاری شدید سردی کے پہلے مرحلے (چلہ کلان) میں منگلوار کو چوتھی مرتبہ برف وباراں کا سلسلہ شروع ہوا،جسکی وگہ سے سردی نے پورے کشمیر کو اپنی گرفت میں لیا جبکہ تازہ برفباری اور رامسو کے مقام پر پسیاں گرآنے کے نتیجے میں سرینگر۔جموں شاہراہ آمد ورفت کیلئے دوبارہ بند کردی گئی۔

کشمیر شاہراہ بند رہنے سے کئی مقامات پر سیکڑوں گاڑیاں درماندہ ہو کر رہ گئیں۔ادھر فوج نے گریز میں 100 درماندہ شہریوں کو ’ائر لفٹ‘ کیا۔دریں اثناء محکمہ موسمیات کے ترجمان نے بتایا کہ جمعرات سے موسمی تبدیلی کا امکان ہے۔

کشمیر نیوز سروس(کے این ایس) کے مطابق برف وباراں کا تازہ سلسلہ: وادی کشمیر میں 7نومبر 2019کو موسم سرما کی پہلی برفباری ہوئی،جب سے لیکر آج تک یہ سلسلہ وقفے وقفے سے جاری ہے۔محکمہ موسمیات نے گذشتہ ایک اور برف وباراں کے ’اسپیل‘ کی پیش گوئی کی تھی اور پیش گوئی کے عین مطابق منگلوار کی صبح سرینگر کے علاوہ شمال وجنوب میں برف وباراں کا سلسلہ صبح سویرے شروع ہوا،جو وقفے وقفے سے دن بھر جاری رہا۔

وسطی کشمیر:وسطی کشمیر کے تین اضلاع سرینگر،بڈگام اور گا ندر بل میں منگلوار کی صبح میدانی علاقوں میں بارشوں کیساتھ ساتھ ہلکی برفباری بھی ہوئی جبکہ بڈگام اور گاندر بل کے بعض بالائی علاقوں میں درمیانہ درجے کی بر ف باری ہوئی۔گاندر بل کے کنگن،سونہ مرگ،نارا ناگ،گگن گیر،زوجیلا پاس اور دیگر علاقوں میں 6انچ سے10انچ برفباری ہونے کی اطلاعات ہیں جبکہ بڈگام ضلعے میں واقع سیاحتی مقام دودھ پتھری سمیت دیگر کئی بالائی علاقوں میں 4سے5برفباری ہونے کی اطلاعات ہیں۔

کشمیر کے دارالحکومت سرینگر میں ہلکی برفباری ہوئی،تاہم دن بھر بوندا باندی کا سلسلہ جاری رہا۔شمالی کشمیر:شمالی کشمیر کے تین اضلاع کپوارہ،بانڈی پورہ اور بارہمولہ میں بھی ہلکی برفباری ہونے کی اطلاعات ہیں۔شما لی کشمیر کے تینوں اضلاع کے میدانی علاقوں میں بارشوں کیساتھ ساتھ ہلکی برفباری ہوئی جبکہ بالائی و سرحدی علاقوں میں درمیانہ درجے کی برفباری کا امکان ہے۔

بارہمولہ ضلع کے حدود میں واقع شہرہ آفاق سیاحتی مقام گلمرگ اور ٹنگمرگ میں بھی موسم کی تازہ برفباری ہوئی ہے۔جنوبی کشمیر:جنوبی کشمیر کے4اضلاع پلوامہ،کولگام،اننت ناگ اور شوپیان میں بھی منگلوار کو برف وباراں کا تازہ سلسلہ ہونے کی اطلاعات ہیں۔نمائندوں کے مطابق جنوبی کشمیر کے چاروں اضلاع میں ہلکی سے لیکر درمیانہ درجے کی برفباری ہوئی۔جنوبی کشمیر کے نامہ نگار نے بتایا کہ ٹنل کے آر پار برفباری ہوئی۔تاہم میدانوں علاقوں میں زیادہ تر بارشیں ہوئیں جبکہ بالائی علاقوں میں جن میں سیاحتی مقام پہلگام بھی شامل ہے،میں نصف انچ برفباری ہوئی۔

درجہ حرارت:محکمہ موسمیات کے ترجمان نے درجہ حرارت کے حوالے سے تفصیلات فراہم کرتے ہوئے کہا کہ منگلوار کی شب سرینگر میں منفی0.6ڈگری سیلسیس درج کیا گیا جبکہ پہلگام میں شبانہ درجہ حرارت منفی3اور شہرہ آفا سیاحتی مقام گلمرگ میں رات کا درجہ حرارت منفی8ڈگری سیلسیس درج کیا گیا۔لہیہ میں یہ درجہ حرارت منفی13.5ڈگری سیلسیس درج کیا گیا۔محکمہ موسمیات کے تر جمان نے بتایا کہ بدھ کو بھی کہیں کہیں موسم ’تر‘ رہنے کا امکان ہے جبکہ مجموعی طور مطلع ابر وآلود رہے گا۔

چلہ کلان کی مدت :وادی کشمیر میں 40روزہ چلہ کلان کی مدت جمعہ یعنی31جنوری کو اختتام پذیر ہوگی۔کشمیر میں شدید سردیوں کے ایام تین مراحل پر محیط ہوتے ہیں۔ پہلے مرحلے کو سردیوں کا شہنشاہ ’چلہ کلان‘ کہا جاتا ہے،جسکی مدت40روز تک ہوتی ہے،دوسرے مرحلے کو ’چلہ خرد‘کہا جاتا ہے اور اسکی مدت 20روز تک رہتی ہے تیسرے اور آخری مرحلے کو ’چلہ بچہ‘ کہا جاتا ہے،جسکی مدت10روز کی ہوتی ہے۔

رواں چلہ کلان کی 40روزہ مدت کے دوران 4مرتبہ برفباری ہوئی،جس دوران کشمیر میں درمیانہ درجے سے لیکر بھاری برفباری ہوئی۔آمد ورفت:تازہ برف وباراں کے باعث رامسو کے مقام پر پسیاں گرآئیں جسکے نتیجے میں سرینگر۔جموں شاہراہ پر آمد ورفت بند رہی۔ٹریفک حکام نے بتایا کہ برفباری سے ایک تو شاہراہ پر پھسلن پیدا ہوگئی ہے جبکہ رامسو کے مقام بھاری پسیاں بھی گر آئیں،جسکے بعد احتیاطی اقدامات کے تحت شاہراہ پر گاڑیوں کی آ مدو رفت کو روک دیا گیا۔انہوں نے کہا کہ منگلوار کو جموں سے سرینگر کی طرف گاڑیوں کو آنے کی اجازت دی تھی،تاہم خراب موسم اور شاہراہ کی خستہ حالی کے سبب اسے معطل کیا گیا۔

حکام نے بتایا کہ شاہراہ پر تعینات افسران اور متعلقہ تعمیراتی ایجنسی کی جانب سے ہری جھنڈی ملنے کے بعد ہی شاہراہ پر گاڑیوں کی آ مدورفت بحال کی جائیگی۔انہوں نے اعتراف کیا کہ شاہراہ پر سیکڑوں گاڑیاں درماندہ ہیں۔دریں اثناء گریز میں فوج نے100درماندہ شہریوں کو ائر لفٹ کرکے اپنی منزل مقصود پر پہنچا دیا۔دفاعی ترجمان کے مطابق درماندہ شہریوں میں مریض اور بزرگ شہری بھی شامل تھے۔ان کا کہناتھا کہ 27جنوری کو فوج کو سیول انتظامیہ کی جانب سے ایک ہنگامی در خواست ملی تاکہ درماندہ مریضوں اور دیگر شہریوں کو نکالا جاسکے۔ان کا کہناتھا کہ27کنبوں میں 81مرد 6بچے اور3شدید بیمار تھے،جنہیں ائر لفٹ کیا گیا۔(کےاین ایس)