اسامہ القصیبی نے مختلف ملکوں میں بارودی سرنگیں صاف کرنے کیلئے زندگی وقف کردی

Published

4 years ago

October 20, 2022

دنیا بھر میں بارودی سرنگوں کو صاف کرنے کے آپریشنز میں حصہ لینے والے سعودی عرب کے اسامہ القصیبی نے کہا ہے کہ اپنی زندگی دنیا کے بہت سے ممالک میں مائننگ آپریشنز میں حصہ لینے کیلئے وقف کر دی تھی۔”
’العربیہ ڈاٹ نیٹ‘سے خصوصی گفتگو کرتے ہوئے انہوں نے بتایا کہ دسمبر 2017 میں مجھے یمنی زمینوں سے بارودی سرنگوں کو ہٹانے اور صاف کرنے کے لیے ”مسام” پراجیکٹ کا انتظام کرنے کا اعزاز حاصل ہوا جو اب مسلسل پانچویں سال یمنی زمینوں کے اندر بغیر کسی رکاوٹ کے کام کر رہا ہے۔ کورونا بحران کے دوران بھی مسام پراجیکٹ نے معصوم جانوں کو بچانے کے آپریشنز جاری رکھے۔ اور انسانی ہمدردی کے اس کام کو بہتر بنایا۔ یہ پراجیکٹ سعودی عرب کی طرف سے یمنی عوام کو فراہم کیے جانے والے اہم ترین انسانی کاموں میں سے ایک ہے۔
بات چیت کے دوران اسامہ القصیبی نے وضاحت کی کہ ”مسام” منصوبے کا خیال یمنی عوام کی مدد کرنے کے لیے آیا ہے تاکہ یمن کی متعدد گورنریوں میں بارودی سرنگوں اور دھماکہ خیز آلات کے پھیلاؤ کی وجہ سے پیدا ہونے والے سانحات پر قابو پایا جا سکے۔ ”مسام“ کا آغاز جون 2018 کے وسط میں یمن میں بارودی سرنگوں کو ہٹانے کے لیے شاہ سلمان سینٹر فار ریلیف اینڈ ہیومینٹیرین ایکشن کی چھتری تلے کیا گیا تھا۔ سعودی اور بین الاقوامی ماہرین اور یمنی کیڈرز نے ان بارودی سرنگیں ہٹانے کی تربیت لی جن کو حوثی ملیشیا نے یمنی زمینوں پر لگایا تھا۔
اسامہ نے بات آگے بڑھاتے ہوئے کہا کہ ”مسام“ پراجیکٹ ’بارودی سرنگوں کے بغیر زندگی‘ ہے۔ یہ جملہ یمنی زمینوں کو بارودی سرنگوں سے پاک کرنے کے منصوبے کے بلند مقصد کا خلاصہ ہے۔ یہ بنیادی طور پر ایک انسان دوست منصوبہ ہے۔ یہ بارودی سرنگیں کئی بے گناہ شہریوں، بچوں، خواتین اور بوڑھوں کی جانیں لے چکی ہیں۔
القصیبی نے انکشاف کیا کہ ”جب سے یہ منصوبہ جون 2018 کے وسط میں شروع ہوا ہے، ”مسام” پروجیکٹ کی انجینئرنگ ٹیمیں 3 لاکھ 58 ہزار 863 بارودی سرنگیں، نہ پھٹنے والے آرڈنینس اور دھماکہ خیز آلات کو صاف کرنے میں کامیاب ہو چکی ہیں۔ ان میں 467 بارودی سرنگیں بھی شامل ہی۔ 2 لاکھ 13 ہزار 930 نہ پھٹنے والے آرڈنینس، ایک لاکھ 31 ہزار 890 اینٹی ٹینک بارودی سرنگیں، 5 ہزار 576 اینٹی پرسنل بارودی سرنگیں بھی صاف کی گئی ہیں۔ انجینئرنگ ٹیمیں یمن میں 38 ہزار 488 مربع کلومیٹر زمین کو صاف کرنے میں کامیاب ہوئی ہیں۔ان تمام بارودی سرنگوں، آئی ای ڈیز اور گولوں کو ”مسام” پروجیکٹ کی انجینئرنگ ٹیموں نے یمن کے 11 علاقوں سے ہٹاٹا ہے۔ ان گیارہ علاقوں میں صنعاء، الجوف، شبوۃ، مأرب، الحدیدۃ، تعز، عدن، البیضاء، صعدۃ، الضالع، لحج شامل ہیں۔
مسام پروجیکٹ کی ٹیمیں دو قسم کی معروف بارودی سرنگوں سے نمٹتی ہیں۔ مقامی بارودی سرنگیں جو ملیشیا اپنی فیکٹریوں میں تیار کرتی ہے۔ یہ کل بارودی سرنگوں کا 85 فیصد ہیں۔ تیار کیے گئے دھماکہ خیز آلات سے بھی نمٹا جاتا ہے۔ اسے بغاوت کرنے والی ملیشیا نے پتھروں، لوہے کے کنکریٹ اور دیگر جانی پہچانی اور دھوکہ دینے والی شکل میں چھپایا ہوتا ہے۔ دھماکہ خیز مواد کو ایک الیکٹرک کیپسول سے منسلک کردیا جاتا ہے۔کار کے ٹائروں میں دھماکا خیز آلات سے بھی نمٹا جاتا ہے۔ ٹیمیں بڑی مقدار میں چھپائی گئی اور خطرناک دھماکہ خیز بارودی سرنگوں کو ہٹانے میں کامیاب رہی ہیں۔ حالیہ دنوں میں باغی ملیشیاؤں کے ذریعہ استعمال کی جانے والی خطرناک شکلوں میں گانٹلیٹ بارودی سرنگیں بھی صاف کی گئی ہیں۔ اسی طرح فش مائنز اور دیگر مائنز کو ہٹایا گیا۔
اسامہ القصیبی نے مزید کہا کہ آج ہمیں روایتی معنوں میں ڈیمائننگ آپریشنز کا سامنا نہیں ہے، بلکہ ہمیں بارودی سرنگوں اور دھماکہ خیز آلات کی جنگ کا سامنا ہے جس سے ہم جدید تکنیکوں کا استعمال کرتے ہوئے نمٹتے ہیں۔ نئی بارودی سرنگوں سے سے نمٹنے کے لیے ٹیموں کی مسلسل تربیت کی ضرورت ہوتی ہے۔ کیمو فلاج کی گئی بارودی سرنگیں سامنے آرہی ہیں، نئی اور جدید طرز کی بارودی سرنگیں سامنے آتی رہتی ہیں۔ عالمی معیار کے مطابق ان بارودی سرنگوں سے نمٹنا ہوتا ہے۔ مثال کے طور پر جو سرنگ گزشتہ سال بچھائی گئی تھی وہ آج کی سرنگ سے مختلف ہوگی۔ آج کی سرنگ اس سے زیادہ پیچیدہ اور بہتر کام کرنے والی ہوگی۔
انہوں نے اپنی تقریر کا اختتام یہ کہہ کر کیا کہ ”جب بھی میرا کوئی ساتھی بارودی سرنگوں سے زمین صاف کرنے اور صاف کرنے کی کارروائیوں میں شہید ہوتا ہے، میں اپنا ایک حصہ کھو بیٹھتا ہوں اور یہ صورت حال یاد میں اٹکی رہتی ہے جسے برسوں بھلایا نہیں جا سکتا۔ ہم سب کا ماننا ہے کہ بارودی سرنگیں ہٹانے کے میدان میں ہم وہ قربانی دیتے ہیں جو کام کو جاری رکھنے کے لیے دکھوں کو دفن کر دیتے ہیں۔ یہ انسانی جانوں کو بچانے کے لیے قربانی اور اخلاص کی اعلیٰ ترین شکل ہے۔ ڈیمائننگ کا میدان ایک خطرناک میدان ہے، اور ہم اس صورتحال کی سنگینی کو جانتے ہوئے ہر روز میدان میں جاتے ہیں جہاں ہمیں اپنی جان سے ہاتھ دھونے، مہلک چوٹ یا مستقل معذوری کا خطرہ ہوتا ہے۔ لیکن جب آپ جانتے ہیں کہ ہر نہ پھٹنے والا بم یا گولہ بارود سے بدلے میں آپ زمین پر ایک جان بچا رہے ہیں تو آپ کو اپنا مقصد حاصل ہوجاتا ہے۔
اساامہ نے بتایا کہ 2018 میں اس منصوبے کے آغاز سے لے کر اب تک مائننگ آپریشنز کے نتیجے میں 5 غیر ملکی ماہرین سمیت 30 ”مسام“ ورکرز ہلاک ہوچکے ہیں۔ 52 دیگر زخمی ہوئے ہیں۔
یہ وہ اسامہ ہیں جنہوں نے زندگی کو درپیش خطرات کے باوجود اپنے کام کو جاری رکھنے کی ترجیح دی ہے۔ خلیجی جنگ کے دوران انہوں نے برطانوی بارودی سرنگوں اور دھماکہ خیز مواد کے ماہر گائے لاکز سے تربیت حاصل کرکے وہ دس سال تک بارودی سرنگوں کو صاف کرنے کے کام میں لگے رہے۔ یہ سلسلہ اس کے بعد بھی چلتا رہا اور اس وقت وہ یمنی زمینوں کو بارودی سرنگوں سے پاک کرنے کے منصوبے ”مسام“ کے جنرل مینجر کے عہدے پر فائز ہیں۔
اسامہ نے اکتوبر 2001 میں جنوبی لبنان میں اقوام متحدہ کے ساتھ کام کیا۔ انہوں نے اقوام متحدہ سے مائننگ آپریشنز کے انتظام میں سرٹیفکیٹ حاصل کرنے والے پہلے عرب کے طور پر العربیہ ڈاٹ نیٹ کو اپنا تجربہ بتایا۔ انہوں نے اپنے سائنسی اور عملی کیریئر کے بارے میں آگاہ کیا۔ انہوں نے العربیہ ڈاٹ نیٹ سے گفتگو میں ”مسام“ پروجیکٹ کے انتظام سنبھالتے ہوئے پیش آنے والے چیلنجز سے بھی آگاہ کیا ہے۔

دنیا

یوکرین میں روسی حملوں میں آٹھ افراد ہلاک، درجنوں زخمی

Published

2 hours ago

September 28, 2026

Online Desk

کیف، یوکرین کے شمال مشرقی شہر خارکیف میں روسی فوج کے ایک حملے میں کم از کم 22 افراد زخمی ہوگئے، جن میں بچے بھی شامل ہیں۔ یہ حملہ ملک بھر میں روسی حملوں کے نتیجے میں آٹھ افراد کی ہلاکت کے ایک دن سے بھی کم وقت بعد ہوا۔

خارکیف کے میئر ایہور تیریخوف نے اپنے ٹیلی گرام اکاؤنٹ پر بتایا کہ پیر کی صبح روسی فوج کے ایک گائیڈڈ فضائی بم نے ایک رہائشی عمارت کو نشانہ بنایا، جس کے نتیجے میں کثیر المنزلہ عمارت کی دو منزلیں تباہ ہوگئیں۔انہوں نے بتایا کہ زخمیوں میں چھ بچے بھی شامل ہیں۔

اتوار کو بھی یوکرین بھر میں روسی حملوں کی اطلاعات موصول ہوئیں۔

یوکرین کے وزیر داخلہ ایوان ویہیوسکی نے بتایا کہ شمالی شہر سومی میں فضائی حملوں کے نتیجے میں بچوں کے ایک مرکز کو نقصان پہنچا اور تین افراد، جن میں 16 سالہ لڑکی بھی شامل ہے، ہلاک ہوگئے۔

ادھر اوڈیسا کے علاقے کے حکام نے بتایا کہ بحیرہ اسود کے جنوبی علاقے میں ایک ’’بڑے پیمانے کے حملے‘‘ میں ایک شخص ہلاک ہوگیا۔ حملے میں رہائشی عمارتوں، ایک دکان، ایک ہوٹل، ایک طبی عمارت اور اناج کے گودام کو نقصان پہنچا۔

دارالحکومت کیف میں میئر وٹالی کلِچکو نے بتایا کہ ایک خاتون اور دو 16 سالہ نوجوان زخمی ہوگئے، جنہیں اسپتال میں داخل کرایا گیا۔

شہر کی انتظامیہ نے کہا، ’’دشمن حملہ آور ڈرونز کے ذریعے کیف کے علاقے پر مسلسل حملے کر رہا ہے۔‘‘

انتظامیہ کے مطابق حملوں میں 16 مقامات کو نقصان پہنچا، جن میں 12 مکانات، ایک گودام اور ایک پیداواری مرکز شامل ہیں۔

یوکرین کے صدر ولودیمیر زیلنسکی نے اتوار کو کہا کہ جنوبی علاقے زاپوریژیا میں روسی حملوں میں تین افراد ہلاک ہوئے، جبکہ کیف میں روسی ڈرون حملے میں ایک شخص مارا گیا۔

زیلنسکی نے اپنے ایکس اکاؤنٹ پر جاری ایک بیان میں کہا کہ روس نے گزشتہ ایک ہفتے کے دوران یوکرین کے خلاف 2,200 سے زیادہ حملہ آور ڈرون، 1,630 فضائی بم اور مختلف نوعیت کے 38 میزائل داغے۔

بعد میں اپنے ایک بیان میں زیلنسکی نے کہا، ’’اگر روس واقعی کشیدگی میں کمی کی جانب کسی حقیقی قدم کی تیاری کر رہا ہوتا، جیسا کہ وہ امریکی مذاکرات کاروں سے دعویٰ کرتا ہے، تو شہید ڈرونز کے ذریعے دہشت کی یہ لہر جاری نہ ہوتی۔‘‘

انہوں نے ان ڈرونز کا حوالہ دیا جنہیں روس یوکرین کے خلاف استعمال کرتا ہے اور جو ایران میں تیار کیے گئے ہیں۔

ماسکو میں روسی وزارت دفاع نے کہا کہ اس نے کیف میں ٹیلی کمیونیکیشن کمپنی ’کیئف اسٹار‘ کے ایک ڈیٹا سینٹر اور ’اومیگا ٹیلی کام‘ کے ایک اور ڈیٹا سینٹر کو نشانہ بنایا ہے۔ وزارت کے مطابق یہ دونوں کمپنیاں یوکرینی فوج کو خدمات فراہم کر رہی تھیں۔

روسی وزیر خارجہ سرگئی لاوروف نے ہفتے کے روز نیویارک میں اقوام متحدہ کی جنرل اسمبلی سے خطاب کرتے ہوئے کہا کہ ماسکو اپنی فوجی مہم ’’آخر تک‘‘ جاری رکھنے کا ارادہ رکھتا ہے۔

ادھر مقامی اطلاعات کے مطابق پیر کو یوکرینی ڈرونز نے روس کے کراسنودار خطے میں ایک تیل کے ڈپو کو نشانہ بنایا۔

یوکرینی ٹیلی گرام چینل ’ایگزیلینووا پلس‘ نے ایک بڑے پیمانے پر لگی آگ کی ویڈیو جاری کی اور اس مقام کی شناخت پاولوسکایا آئل ڈپو کے طور پر کی۔اب تک کسی جانی نقصان کی اطلاع نہیں ہے۔

یوکرین نے حالیہ ہفتوں کے دوران روس کے تیل کے بنیادی ڈھانچے کو نشانہ بنانے کی کارروائیوں میں اضافہ کیا ہے۔

روس اور یوکرین کے درمیان جنگ کے خاتمے کے لیے امریکہ کی قیادت میں ہونے والے مذاکرات کسی پیش رفت کا باعث نہیں بن سکے ہیں۔ یہ جنگ فروری 2022 میں روس کے یوکرین پر مکمل حملے کے بعد شروع ہوئی تھی۔ اقوام متحدہ نے جنگ کے نتیجے میں شہریوں پر پڑنے والے بڑھتے ہوئے اثرات اور جانی نقصان پر تشویش ظاہر کی ہے۔

دونوں فریق شہریوں کو نشانہ بنانے کی تردید کرتے ہیں۔

یو این آئی۔ ع ا۔

دنیا

ٹرمپ نے ایرانی ہرمز امن معاہدے کو مسترد کردیا، تیل کے بھاو 105 ڈالر سے تجاوز کر گئے

Published

2 hours ago

September 28, 2026

Online Desk

ویانا، مشرقِ وسطیٰ میں جنگ کے خاتمے کی تجویز پر اختلافات نے تیل کی قیمتوں کو ایک بار پھر ایک فیصد سے زیادہ بڑھا دیا ہے۔

امریکی صدر ڈونلڈ ٹرمپ نے ایران کے ساتھ جنگی تنازعے کے حل اورآبنائے ہرمز کو دوبارہ کھولنے کی امن تجویز مسترد کر دی۔

عالمی معیار کے مطابق برینٹ خام تیل کی قیمت بڑھ کر تقریباً ایک سو پانچ ڈالر فی بیرل ہو گئی ہے، جبکہ امریکی خام تیل، جسے ‘ویسٹ ٹیکساس انٹرمیڈیٹ’ کہا جاتا ہے، ترانوے ڈالر تک پہنچ گیا ہے۔

کیپلر کے تجزیہ کاروں کا کہنا ہے کہ ستمبر میں مشرقِ وسطیٰ سے خام تیل کی برآمدات ایک کروڑ اٹھائیس لاکھ بیرل یومیہ تک پہنچ گئیں، جو فروری میں جنگ شروع ہونے کے بعد سے اب تک کی بلند ترین سطح ہے۔

ایران نے گزشتہ ہفتے نیویارک میں اقوامِ متحدہ کی جنرل اسمبلی کے دوران اس امن اقدام کا اعلان کیا تھااور تصدیق کی تھی کہ یہ قطری ثالثوں کے ذریعے واشنگٹن تک پہنچایا گیا ہے۔

ٹرمپ نے ہفتے کو اعلان کیا کہ انہوں نے اس روڈ میپ کو مسترد کر دیا، اگرچہ انہوں نے اتوار کو ایک فون انٹرویو میں خبر رساں ادارے ‘ایکسیوس’ کو بتایا کہ انہیں توقع ہے کہ امریکی مذاکرات کار اس ہفتے مزید بات چیت کریں گے۔

ہفتے کے اوائل میں یمن میں سعودی قیادت والے اتحاد نے تصدیق کی کہ اس نے حوثیوں کی طرف سے مملکت کی جانب داغے گئے دو بیلسٹک میزائل اور دو ڈرونز کو روک لیا تھا۔

امریکی انتظامیہ کے ریکارڈ ملکی ایندھن قیمتوں کو کم کرنے کے لیے ڈیزل برآمدات پر پابندی عائد کر سکنے کے احتمال کے پیش نظر برینٹ کی قیمتیں پچھلے ہفتے 0.4 فیصد بڑھیں، جبکہ WTI 7.9 فیصد گر ا۔
دریں اثنا، کلیدی مشرقِ وسطیٰ کے پیداواری ممالک کی خام تیل کی برآمدات ستمبر میں دوبارہ بڑھ کر یومیہ 12.8 ملین بیرل تک پہنچ گئیں، جو فروری میں جنگ کے آغاز کے بعد سے ریکارڈ شدہ سب سے زیادہ مقدار ہے، یہ اعداد و شمار پیر کو Kpler کے ابتدائی شپنگ ڈیٹا کے اعلان کے بعد آئے ، جب سعودی عرب اور متحدہ عرب امارات نے ترسیلات میں اضافہ کیا۔

یہ تبدیلی اس وقت رونما ہوئی جب سعودی عرب نے ریڈ سی کے بندرگاہ ینبع سے اپنی برآمدات کو ہٹاتے ہوئے مشرقی ٹرمینل راس تنورہ کی طرف منتقل کر دیا، اس کے بعد کہ عسکری حملوں نے اس کی ایسٹ-ویسٹ پائپ لائن کو نقصان پہنچایا تھا۔

یو این آئی۔ ع ا۔

جموں و کشمیر

جموں و کشمیر کی ریاستی حیثیت کی بحالی سے متعلق قرارداد میں آرٹیکل 370، 35اے اور خود اختیاری کے حوالوں کے لیے 10 ترامیم پیش

Published

2 hours ago

September 28, 2026

Online Desk

سری نگر، جموں و کشمیر اسمبلی میں مرکز کے زیر انتظام خطے کی مکمل ریاستی حیثیت فوری طور پر بحال کرنے سے متعلق قرارداد میں 10 ترامیم پیش کی گئی ہیں۔ ان میں سے پانچ ترامیم حکمراں نیشنل کانفرنس کے ارکان اسمبلی نے پیش کی ہیں۔ متعدد ارکان نے مجوزہ قرارداد میں آرٹیکل 370، آرٹیکل 35اے اور خود اختیاری کے حوالے شامل کرنے کی تجویز دی ہے۔

نیشنل کانفرنس کے پانچ ارکان اسمبلی جاوید بیگ، تنویر صادق، اعجاز احمد جان، الطاف احمد وانی اور ہلال اکبر لون نے آرٹیکل 370 اور آرٹیکل 35اے کے حوالوں کو قرارداد میں شامل کرنے کے لیے ترامیم پیش کی ہیں، جبکہ دو آزاد ارکان اسمبلی نے بھی اسی نوعیت کی ترامیم پیش کی ہیں۔

پیپلز ڈیموکریٹک پارٹی (پی ڈی پی) کے دو ارکان اسمبلی نے بھی آرٹیکل 370 اور آرٹیکل 35اے سے متعلق ترامیم پیش کی ہیں۔ پی ڈی پی کے رکن اسمبلی وحید الرحمٰن پرہ نے واضح طور پر قرارداد میں خود اختیاری کا مطالبہ شامل کرنے کی تجویز دی ہے۔

پرہ کی ترمیم میں ریاستی حیثیت کی بحالی سے متعلق قرارداد کے ساتھ خود اختیاری کی بحالی کا مطالبہ بھی شامل کرنے کی تجویز دی گئی ہے۔ اس کے علاوہ آرٹیکل 370 اور 35اے کو ان کی اصل شکل میں بحال کرنے کی بات بھی کہی گئی ہے۔ اسمبلی میں اس معاملے پر پی ڈی پی کے موقف میں یہ ایک نمایاں تبدیلی سمجھی جا رہی ہے۔

کانگریس کے رکن اسمبلی نظام الدین بھٹ نے بھی ایک ترمیم پیش کی ہے، جس میں مرکز کو مختلف فورمز پر کیے گئے اپنے وعدوں اور جموں و کشمیر کے عوام سے کیے گئے وعدوں کی یاد دہانی کرانے کی تجویز دی گئی ہے۔

ان ترامیم سے پیر کو وزیر اعلیٰ عمر عبداللہ کی جانب سے جمعہ کو پیش کی گئی قرارداد پر ہونے والی بحث میں ایک نیا پہلو شامل ہونے کا امکان ہے۔ اس قرارداد کو پہلے ہی نیشنل کانفرنس اور بی جے پی کے درمیان اسمبلی کی 2000 کی خود اختیاری سے متعلق قرارداد اور 2024 کی خصوصی حیثیت اور آئینی ضمانتوں سے متعلق قرارداد کے حوالوں پر شدید اختلاف کا سامنا ہے۔

عمر عبداللہ کی جانب سے پیش کی گئی قرارداد میں کہا گیا ہے کہ’’26 جون 2000 اور 6 نومبر 2024 کو اس ایوان کی جانب سے منظور کی گئی قراردادوں کے علاوہ، یہ ایوان حکومتِ ہند سے جموں و کشمیر کی مکمل ریاستی حیثیت فوری طور پر بحال کرنے کا مطالبہ کرتا ہے اور فیصلہ کرتا ہے کہ اس قرارداد کو حکومتِ ہند کو بھیجا جائے۔‘‘

2000 کی خود اختیاری سے متعلق قرارداد کے حوالے پر عمر عبداللہ کی جانب سے جمعہ کو قرارداد پیش کیے جانے کے وقت بی جے پی نے سخت اعتراض کیا تھا۔ بی جے پی ارکان اسمبلی ایوان کے وسط میں آ گئے، نعرے لگائے اور قرارداد کی نقول پھاڑ دیں، جبکہ نیشنل کانفرنس کے ارکان نے جوابی نعرے لگائے۔ اس کے نتیجے میں اسمبلی میں شدید ہنگامہ برپا ہوگیا۔

پیر کے لیے جاری سرکاری کارروائی کے ایجنڈے میں وزیر اعلیٰ کی قرارداد کو چوتھے نمبر پر رکھا گیا ہے اور ایوان میں اس پر بحث کی گنجائش رکھی گئی ہے۔

پیر کے ایجنڈے میں کہا گیا ہے کہ’’25 ستمبر 2026 کو معزز وزیر اعلیٰ کی جانب سے ایوان میں پیش کی گئی قرارداد پر بحث۔‘‘

یواین آئی۔ ط ا