جموں وکشمیر میں 6ہزار274 افرادمہلک مرض میں مبتلاء
خبراردو:-
سرینگر: برازیل سے تعلق رکھنے والا ایک شخص دنیا کا پہلا فرد بننے والا ہے، جو صرف تجرباتی ادویات کے طریقہ علاج سے مہلک مریض ایڈز’ایچ آئی وی‘ سے شفایاب ہوجائے گا ۔ ادھر جموں وکشمیر ایڈز کنٹرول سوساءٹی (جے کے اے سی ایس) کے اعداد وشمار کے مطابق جموں وکشمیر میں مارچ2020تک رجسٹرڈ ’ایچ آئی وی ‘ کیسوں کی تعداد6ہزار274ہے جبکہ یہ تعداد زیادہ بھی ہوسکتی ہے ۔

کشمیر نیوز سروس کے مطابق برازیل سے تعلق رکھنے والا ایک شخص دنیا کا پہلا فردبننے جارہا ہے ،جو مہلک مرض ایڈز کو شکست دینے جارہا ہے ۔ ایک میڈیا رپورٹ کے مطابق اس34 سالہ شخص میں 2012 میں ایچ آئی وی کی تشخیص ہوئی تھی اور اسے ایک سال تک اے وی آر ادویات کا استعمال کرایا گیا اور اب وہ پہلا فرد بننے والا ہے جو ناقابل علاج سمجھے جانے والی بیماری کو شکست دینے کے قریب ہے ۔ اس شخص کے ساتھ 4دیگر افراد کو بھی تجرباتی طریقہ علاج کا حصہ بنایا گیا تھا مگر صرف وہی شفا پانے میں کامیاب ہوا ۔

محققین کی جانب سے اس کے نتاءج انٹرنیشنل ایڈز سوساءٹی کانفرنس میں پیش کیے جائیں گے، تاہم ان کا کہنا تھا کہ اس حوالے سے مزید تجزیے کی ضرورت ہے ۔ برازیل سے تعلق رکھنے والا دنیا کے ان3 افراد میں سے ایک ہے جو اس بیماری سے نجات پانے میں کامیاب ہوئے ۔ اس مریض کو پہلے 2ماہ تک روایتی اے وی آر طریقہ علاج سے گزارا گیا اور پھر ایک کلینیکل ٹرائل کا حصہ بنایا گیا جس میں اسے اے آر ٹی کے ساتھ ساتھ ایچ آئی وی ادویات(;68;olutegravirاور;77;arivoc) استعمال کرائی گئیں جبکہ وٹامن بی کی ایک قسم نکوٹینمائیڈ بھی دی گئی ۔ نکوٹینمائیڈ متاثرہ خلیات میں وائرس سے لڑنے میں کردار ادا کرنے کے ساتھ انہیں تباہ کرنے پر مجبور کرتی ہے جبکہ مدافعتی نظام کو متحرک کرتی ہے ۔ یہ مریض اس طریقہ علاج سے ایک سال تک گزرا اور مارچ 2019 میں ٹرائل سے نکال لیا گیا ۔

ا سکے بعد سے ہر 3ہفتے بعد اس کے ٹیسٹ ہوئے اور ایک سال بعد بھی کسی قسم کا وائرل لوڈ یا اینٹی باڈیز کو دیکھا نہیں جاسکا ۔ میلبورن یونیورسٹی کے ایچ آئی وی اور وبائی امراض کی ماہر پروفیسر شیرون لیون، جو اس تحقیق کا حصہ نہیں تھے، کا کہنا تھا کہ یہ حقیقت کہ مریض میں کوئی اینٹی باڈیز نہیں ، بہت اہم ہے ۔ انہوں نے کہا کہ جب کوئی کسی وائرس سے متاثر ہوتا ہے تو اینٹی باڈیز بنتی ہیں اور اس مریض میں کسی قسم کی اینٹی باڈیز کی عدم موجودگی سے اس خیال کو تقویت ملتی ہے کہ وہ صحتیاب ہوچکا ہے ۔

اگر یہ نیا تجرباتی طریقہ علاج دیگر مریضوں میں کام کرا تو یہ ایک بہت بڑی پیشرفت ہوگی ۔ اس وقت ایچ آئی وی کے مریضوں کو زندگی بھر وائرل لوڈ کو دبانے کے لیے ادویات کا استعمال کرنا ہوتا ہے ۔ یہ پہلی بار نہیں جب سائنسدانوں نے ایچ آئی وی وائرس کے خاتمے کا ذریعہ تلاش کیا ہے ۔ اس سے پہلے 2007 میں ٹموتھی براوَن نامی ایک مریض کو صحتیاب قرار دیا گیا تھا جو خون کے کینسر کے علاج کے لیے بون میرو ٹرانسپلانٹ سے گزارا اور ایک دہائی کے بعد بھی وہ اس بیماری سے محفوظ ہے ۔

اسی طرح گزشتہ سال ایک اور مریض ایڈ کاسٹیلجو کو شہہ سرخیوں میں اس وقت جگہ ملی جب اسے ایچ آئی وی سے پاک قرار دیا گیا، جس کا اس بیماری کے خلاف جینیاتی مزاحمت رکھنے والے ایک ڈونر کے اسٹیم سیلز کے ذریعے کیا گیا تھا ۔ اس دوران جموں وکشمیر میں مہلک مرض ایڈز کے حوالے سے بیداری پھیلنے والا ادارہ جموں وکشمیر ایڈز کنٹرول سوساءٹی (جے کے اے سی ایس) میں رجسٹرڈ مریضوں کی تعدادمارچ2020تک 6ہزار274ہے ۔ ایک میڈیا رپورٹ کے مطابق اس جموں وکشمیر میں 2756مریضوں کا علاج ہورہا ہے جن میں 2454مریضوں کا تعلق جموں جبکہ302کا تعلق کشمیر سے ہے ۔ اعداد وشمار کے مطابق سال2018 میں 365افراد ’ایچ آئی وی‘ پازیٹیو پائے گئے جبکہ گزشتہ برس ستمبر تک187افراد کو وائرس میں مبتلاء پایا گیا ۔

جموں وکشمیر میں مہلک مرض ایڈز سے1060اموات بھی ہوئی ہیں ۔ جموں وکشمیر ایڈز کنٹرول سوساءٹی (جے کے اے سی ایس) کے ذراءع کے مطابق سماجی خوف کی وجہ سے لوگ اس بیماری کو چھپا رہے ہیں جسکی وجہ سے یہاں کیسوں کی تعداد زیادہ بھی ہوسکتی ہے ۔