وادی کشمیر میں سوموار کو کوروناوائرس نے2 خواتین سمیت مزید3افراد کی جان لی۔اس طرح گزشتہ24گھنٹوں کے دوران وادی کشمیر میں عالمی وبا سے4ہلاکتیں ہوئیں جبکہ جموں وکشمیر میں اب متوفین کی تعداد بڑھ کر 16ہوگئی۔ہلاکتوں اور مثبت کیسوں میں مسلسل اضافے کی وجہ سے عوامی اضطراب میں مزید اضافہ ہوا۔کشمیر نیوز سروس کے مطابق جنوبی ضلع اننت ناگ کے ہلڑ کو کرناگ سے تعلق رکھنے والا معمر شخص عالم گیر وبا سے متاثر ہو کر اسپتال میں زندگی کی جنگ ہار گیا۔مرحو م کو گزشتہ دنوں نے سی ڈی اسپتال سرینگر (امراض چھاتی) داخل کیا گیا تھا،جہاں اُسکی موت سوموار کی علی الصبح ہوئی۔فوت ہونے والے مریض کے کئی کورونا ٹیسٹ کئے گئے،جو مثبت آئے،جسکے بعد اُسے کورونا پازیٹیو قرار دیا۔انگریزی خبررساں ایجنسی جی این ایس کی ایک رپورٹ کے مطابق ہنگامی طبی صورتحال اور مزید علاج ومعالجہ کی خاطر مریض کو صدر اسپتال سرینگر (ایس ایم ایچ ایس) منتقل کیا گیا،جہاں مریض کے پھیپڑوں تک ہوا پہنچا نے کیلئے شہ رگ میں ایک ٹیوب نصب کیا گیا۔

اس دوران مریض کا کورونا ٹیسٹ کرنے کیلئے نمونے لئے گئے،جو مثبت آیا۔مریض کو پھر دوبارہ سی ڈی اسپتال ڈلگیٹ سرینگر(امراض چھاتی) منتقل کیا گیا،جہاں اُس نے زند گی کی آخری سانس لی۔میڈیکل سپر انٹنڈنٹ سی ڈی اسپتال،ڈاکٹر سلیم ٹاک نے مریض کی موت کی تصدیق کی۔ان کا کہناتھا کہ متاثرہ شخص کا آج اور ٹیسٹ کیا گیا،جو پازیٹیو آیا۔ان کا کہناتھا کہ مریض مسلسل8روز سے وینٹی لیٹر پر تھے۔ انہوں نے کہا کہ مریض نمونیا کے مرض میں مبتلاء تھا۔انہوں نے کہا کہ گزشتہ ہفتے صدر اسپتال سرینگرمیں مریض کا (Tracksmisty) کیا گیا تھا یعنی اُنکے حلق میں ایک ٹیوب ڈالا گیا،جسکے ذریعے پھیپڑوں تک ہوا(آکسیجن) پہنچا ئی جارہی تھی۔ادھر سی ڈی اسپتال میں ہی ایک اور مریض کی موت سوموار کو ہی ہوئی۔معلوم ہوا ہے کہ کولگام سے تعلق رکھنے والی65سالہ کووڈ۔19 مریضہ کی موت ہوئی۔

جی این ایس کی ایک اور رپورٹ کے مطابق کولگام سے تعلق رکھنے والی مریضہ کو ایس ایم ایچ ایس اسپتاک کے آئی سی یو سرجیکل وارڈ میں داخل کیا گیا تھا جوکہ (Sub dural Heamorrhage) ”ایس ڈی ایچ“ میں مبتلاء تھی،کا کووڈ۔19ٹیسٹ آج (سوموار کو) مثبت آیا تھا،جسے کے بعد اُسے سی ڈی اسپتال سرینگر منتقل کیا گیا تھا۔رپورٹ کے مطابق اسپتال میں داخل کرنے کیساتھ ہی مریضہ کی حرکت قلب بند ہونے سے موت ہوگئی۔ڈاکٹر سلیم،جوکہ نوڈل افسر نے مریضہ کی موت کی تصدیق کی۔ادھر خبر رساں کے این او نے شام دیر گئے ایک رپورٹ میں کہا کہ اننت ناگ ضلعے سے تعلق رکھنے والی ایک خاتون مریضہ کی سی ڈی اسپتال میں ہی موت ہوگئی،جو مہلک مرض میں مبتلاء تھی اور اُس کورونا ٹیسٹ بھی مثبت آیا۔رپورٹس کے مطابق منگلوار کو سی ڈی اسپتال میں تیسری موت اُس وقت ہوئی جب شام کو 75سالہ مہلک مرض کینسر میں مبتلاء مریضہ نے زندگی کی آخری سانس لی۔

نوڈل افسر ڈاکٹر سلیم نے اسکی تصدیق کی اور کہا کہ مریضہ تھائیرائڈ کینسر کی آخر ی اسٹیج میں مبتلاء تھی جبکہ اس کا کورونا ٹیسٹ بھی مثبت آیا۔مذکورہ مریضہ کو بھی صدر اسپتال سے کورونا ٹیسٹ مثبت آنے کے بعد سی ڈی اسپتال منتقل کیا گیا تھا۔مذکورہ مریضوں کی موت سی ڈی اسپتال میں ہی زیر علاج حبہ کدل کی29سالہ خاتون کی موت کے بعد محض ایک دن بعد ہوئی۔

مذکورہ خاتون جموں وکشمیر میں عالمی وبا سے مرنے والے افراد میں سب سے کم عمر تھی۔اب ایک اور ہلاکت سے جموں وکشمیر میں کورونا وائرس سے ہلاکتوں کی تعداد بڑھ کر14ہوگئی،جن میں سے12کشمیر اور2 اموات جموں میں ہوئیں۔
ضلع سرینگر میں عالمی وبا سے مرنے والوں کی تعداد5ہے،جو کسی بھی ضلعے میں سب سے زیادہ ہے۔بارہمولہ میں اس مرض سے 3 جبکہ اننت ناگ میں 2اوربانڈ ی پورہ،بڈگام،ادھمپور اور جموں ضلعے میں ایک،ایک مریض کی موت ہوئی۔اس دوران کووڈ۔19کی گائیڈ لائنز (رہنما خطوط) کے تحت مذکورہ مہلوک مریض کی آخری رسومات آبائی گاؤں ہلڑ کوکر ناگ میں انجام دی گئی۔جنازے میں کووڈ۔19پروٹوکول کے تحت ہی چند افراد نے شرکت کی۔