اہم خبریں

جموں کشمیر میں ڈی ڈی سی انتخابات کے نام پر جمہوریت کا قتل ہوا:محبوبہ مفتی

Published

6 years ago

November 30, 2020

جموں و کشمیر کی سابق وزیر اعلیٰ اور پیپلز ڈیموکریٹک پارٹی کی سربراہ محبوبہ مفتی نے بتایا جموں کشمیر میں ڈی ڈی سی انتخابات کے نام پر جمہوریت کا قتل کیا جا رہا ہے جبکہ ملک میں زبان کھولنے والوں کو بلا وجہ بھی ’یوپی اے‘ لگا کرجیل میں بند کیا جاتا ہے۔انہوں نے کہا جموں کشمیر میں روشنی ایکٹ ایک سکیم تھی جس کو یہاں کی اسمبلی نے پاس کیا تھا کو ’سکیم‘(سکنڈل)بنایا گیا ہے۔انہوں نے کہا اگر دفعہ 370کے خاتمے سے تمام مسائل حل ہوئے ہیں پھر جمو وکشمیر میں 9لاکھ فوجیں کیا کر رہی ہے۔؟کشمیر نیوز سروس(کے این ایس) کے مطابق جموں و کشمیرکی سابق خاتون وزیر اعلیٰ اورپیلز ڈیموکریٹک پارٹی کی سربراہ محبوبہ مفتی نے بتایا جموں و کشمیر میں جاریڈی ڈی سی انتخابات کے نام پر جمہوریت کا قتل کیا جا رہا ہے۔

انہوں نے بتایا جب سے گپکار ایلانس کی جانب سے انتخابات میں حصہ لینے کا فیصلہ کیا ہے تب سے جو جموں کشمیر میں زیادتیاں ہو رہی تھی انہیں اور زیادہ بڑہا یا گیا ہے۔محبوبی مفتی نے الزام لگایاہے ایلائنس کے امیدواروں کو گھروں میں بند رکھ کر انہیں گھروں سے باہر جانے نہیں دیا جاتا ہے۔

آخر وہ کیسے انتخابی مہم چلائیں گے َ؟ انہوں نے کہا اس ملک کی جمہوریت کو ایک مزاق ابنا لیا گیا ہے۔انہوں نے کہابھارتیہ جنتا پارٹی نے ملک کو ٹکڑوں میں تقسیم کیا ہے ایک دوسرے کے ساتھ لوگوں کو لڑایا جا رہا ہے جبکہ کبھی لو جہاد کے نام پر لڑایا جا رہا ہے۔انہوں نے کہا جس کے خلاف کوئی ثبوت نہیں ملتا ہے انہوں نے کہا یہاں کوئی احتجاج کر تا ہے اگر مسلمان ہیں تو یہ پاکستانی ہیں،سردار کو خالستانی کہتے ہیں جو ایکٹوسٹ ہے انہیں اربن نکسالزء کہتے ہیں طلباء چاہے لڑکیاں ہیں انہیں گینگ کہا جاتاہے انہیں انٹی نیشنل کہتے ہیں۔

سابق وزیر اعلیٰ نے کہا اگر سب انٹی نیشنل ہیں تو پھر یہاں ہندوستانی کون ہے۔صرف بی جے پی؟۔مفتی نے کہایہاں جس کے خلاف کوئی ثبوت نہیں ہے اسکے خلاف یو اے پی لگاتے اورجیل بیج دیا جاتا ہے۔محبوبہ مفتی نے بتایا ابھی ایک80سال شخص کو بند رکھا ہے۔ابھی اسی کو ہم سہ رہے ہیں تو روشنی ایکٹ کی سکیم کو سکیم بنا دیا گیا ہے۔انہوں نے کہا اصلی سکنڈل ان ہی کا ہے جس کا سپریم کورٹ ڈیڈ سال سے ہیرنگ نہیں دے رہا ہے۔سابق وزیراعلیٰ ایک پریس کانفرنس سے خطاب کر رہی تھی۔انہوں نے کہا اگر کسی نے غلط کیا ہے اس کے خلاف قانی کارروائی ہونی چاہے لیکن پہلے میں یہ جاننے سے قاصر ہوں کہ اس قانونی کو نیشنل کانفرنس کی حکومت تیار کیا گیا ہے جس کو بعد میں غلام نبی آزاد کے دور اقتدار میں یہاں لاگوں کیا گیااوربعد میں یہاں کی اسمبلی نے پاس کیا ہے یہ سکنڈل کہاں سے آگیا ہے؟۔

اور اگر کسی نے اس قانونی کے تحت زمین کو اپنے نام کیا ہے تو سکیم کیسے ہے؟۔پی ڈی پی سرپرست نے بتایا بد قسمتی سے جو یہ(بی جے پی) خود نہیں کر پاتے ہیں تو یہ لوگ عدالے کی مدد سے کرواتے ہیں۔انہوں نے بتایا جب کسی غریب کو مصیبت آتی تھی تو وہ عدالت چلا جاتا تھا۔انہوں نے کہا یہ بد قسمتی سے جتنے بھی ہمارے یہاں انسٹچیوٹ تھے جنہیں یہاں کی جمہوریت کو یہاں بچانا تھا وہ آئین کا قسم کھاتے ہیں لیکن وہ یہاں بی جے پی کا یجنڈلاگوں کرتے ہیں۔ہمیں کچھ سمجھ نہیں آتاہے یہاں ہو کیا رہا ہے۔

انہوں نے بتایا ڈی ڈی سی انتخابات کے حوالے سے ہمارے امیدواروں کو گھروں سے باہر نکلنے نہیں دیا جا تا ہے جس کے حوالے سے ڈاکٹر فاروق عبد اللہ نے بھی الیکشن کمیشن سے بات کی ہے،اور ہمارے ملک کے حزب اختلاف کو کچھ بھولنے نہیں دیا جاتا ہے انہیں ملک دشمن کی لیبل لگائی جاتی ہے۔انہوں نے کہاہم بجبہاڑہ میں اپنی راضی بیچ دی ہے تو انہیں چھاپہ مارا ہے اگر ہم نے کسی جگہ لون لیا تو انہیں چھاپہ مارا جاتے ہیں۔انہوں نے کہا ابھی الزام لگایا کہ جموں اور کشمیر کا پی ڈی پی کا دفتر کو روشنی کے ذریعے منتقل کیا گیاہے”انہوں نے میڈیا نمائندوں سے مخاطب ہو کر کیا کہ آپ سب جانتے ہیں اس بارے میں۔

انہوں نے بتایا وہ یہاں بھارتیہ جنتا پارٹی اپناایکو سسٹم بنانا چاتے ہیں اور اس وقت جمہوریت کی دھجیاں اڑائی جا ری ہے۔پریس کانفرنس میں محبوبہ مفتی نے سوالیہ انداز میں پوچھا ہے کیایہ ملک بی جے پی کے ایجنڈے سے چلے گا۔انہوں نے بتایا ہمیں کہا جاتا ہے کہ370پر بات مت کروں لیکن ان کے منسٹریہاں آتے ہیں اور بات کرتے ہیں۔سابق وزیر اعلیٰ نے بتایا مجھ سے کہا جاتا ہے کہ جب سے آپ کو آزاد چھوڑا ہے،تب سے دفعہ سے متعلق باتیں ہونے لگی ہے۔انہوں نے کہا جب میرے بارے میں انہیں کچھ نہیں ملا تو اب میری پارٹی کو بند کرنا چاہتے ہیں میرے پیچھے پڑنا چاہتے ہیں۔مجھے باربار کہا جاتا ہے کہ آپ کو آزاد کیا ہے تب سے لوگوں میں باتیں ہوتی ہیں۔میں اس کا کیا کروں لوگ بات کریں گے اس میں میرا کیا قصور ہے۔

انہوں نے کہا اگر دفعہ370سے تمام مسائل حل ہوئے ہیں جموں و کشمیر میں پھر9لاکھ فوجیں یہاں کیا کر رہی ہے؟پی ڈی پی سربراہ نے بتایا اب مئیر کا انتخابات ہیں انہوں نے کہا کوڈ آف کنڈکٹ میں آپ کیسے کر سکتے ہیں۔انہوں نے بتایابد قسمتی سے ملک کا سب سے معتبر ادارہ الیکشن کمشن آف انڈیا جو جمہوریت کو بچانا چاہے تھا لیکن وہ بھی ان کے ساتھ ہاں میں ہاں ملاتے ہیں۔انہوں نے کہا میں نے پہلے بھی بتایا یہاں کا میڈیا مشکل حالات میں کام کرتا ہے ہمارے پاس میڈیا کے بہت کم لوگ باقی رہ گئے ہیں جو واقعی کام کرتے ہیں باقی سب گودی گینگ بن گیا ہے انہوں نے کہا میرا دفتر جموں میں ہے جا کے خسرہ نمبر چیک کر کے دیکھو اگر غلط ہو گا میں معافی مانگ لوں گی۔

انہوں نے کہانو بجے کا پرائم ٹائم اب یہی ہوتا ہے۔انہوں نے بتایا ڈی ڈی سی انتخابات کے نام پر جمہوریت کا قتل کیا جا رہا ہے۔انہوں نے کہا جو ہمارے انسٹچوٹ ہیں بچا سکتے تھے لیکن وہ بھی صیح انداز میں کام نہیں کر سکتے انہوں نے بھی سمجھوتہ کیا ہے۔محبوبہ مفتی نے بتایایہاں حزب اخلافات بات نہیں کرتا ہے کیوں کہ انہیں پتہ ہے یہاں یو اے پی لگائے گے کیوں یہاں 6ماہ تک ضمانت نہیں ہے۔ انہوں نے بتایا اس قانون کا بھی غلط استعمال ہو رہا ہے۔

اہم خبریں

اسکولی لائبریریوں میں مبینہ ‘علیحدگی پسند مواد’ پر جموں و کشمیر حکومت کی بڑی کارروائی، 8 تعلیمی افسران معطل، اعلیٰ سطحی تحقیقات کا حکم

Published

1 month ago

July 5, 2026

Online Desk

جموں و کشمیر حکومت نے سرکاری اسکولوں کی لائبریریوں میں مبینہ طور پر علیحدگی پسند مواد پر مشتمل کتابوں کی شمولیت کے معاملے میں بڑی کارروائی کرتے ہوئے محکمہ اسکولی تعلیم کے آٹھ افسران کو معطل کر دیا ہے، ایک کنٹریکچول ملازم کی خدمات ختم کر دی ہیں، دو کتابوں کے مصنفین اور پبلشرز کو بلیک لسٹ کرنے کا حکم دیا ہے اور پورے معاملے کی اعلیٰ سطحی تحقیقات شروع کر دی ہیں۔

یہ کارروائی جموں و کشمیر پیپلز فورم (جے کے پی ایف) کی جانب سے ان کتابوں کے خلاف سخت اعتراضات سامنے آنے کے چند روز بعد عمل میں آئی ہے۔ فورم نے اپنی تفصیلی رپورٹ میں دعویٰ کیا تھا کہ سرکاری اسکولوں کی لائبریریوں کے لیے منتخب کی گئی ایک کتاب میں سزا یافتہ دہشت گرد مقبول بٹ کو “شہید” قرار دیا گیا ہے، بھارت کو “قابض ریاست” کہا گیا ہے، “انڈین آکیوپائیڈ کشمیر (IOK)” کی اصطلاح استعمال کی گئی ہے اور متعدد علیحدگی پسند رہنماؤں کے بارے میں ایسا مواد شامل کیا گیا ہے جسے فورم نے ملک مخالف قرار دیا۔ فورم نے یہ سوال بھی اٹھایا تھا کہ سمگر شکشا اسکیم کے تحت ایسی کتابوں کو آخر کس بنیاد پر اسکولی طلبہ کے لیے موزوں قرار دے کر سرکاری لائبریریوں کے لیے منظور کیا گیا۔

اس معاملے پر کارروائی کرتے ہوئے محکمہ اسکولی تعلیم نے حکومتی حکم نامہ نمبر 257-JK(Edu) آف 2026 جاری کیا، جس میں کہا گیا کہ متعلقہ کتابوں میں “انتہائی نامناسب مواد” موجود ہے اور ابتدائی طور پر ایسا محسوس ہوتا ہے کہ ان کتابوں کی سفارش کرنے والی ماہرین کمیٹی کے ارکان نے سنگین غفلت، فرائض میں کوتاہی اور مطلوبہ جانچ پڑتال نہیں کی۔

حکم نامے کے مطابق “Personalities and Legends of J&K” اور “Great Personalities of Jammu and Kashmir” نامی کتابیں سمگر شکشا کے تحت خریدی گئی سینکڑوں کتابوں میں سے ہائر سیکنڈری (سریز-4) ایکسپرٹ کمیٹی نے منتخب کی تھیں، تاہم اعتراضات سامنے آنے کے بعد انہیں فوری طور پر واپس لے لیا گیا۔

حکومت نے تحقیقات مکمل ہونے تک اس انتخابی عمل سے وابستہ آٹھ افسران، جن میں کوآرڈینیٹرز، اکیڈمک افسران، پرنسپلز اور لیکچررز شامل ہیں، کو معطل کر دیا ہے، جبکہ سمگر شکشا سے وابستہ ایک کنٹریکچول ملازم کی خدمات بھی ختم کر دی گئی ہیں۔ اس کے علاوہ ایک سینئر آئی اے ایس افسر کو انکوائری آفیسر مقرر کرتے ہوئے 30 دن کے اندر رپورٹ پیش کرنے کی ہدایت دی گئی ہے۔

حکومت نے دونوں کتابوں کے مصنفین اور پبلشرز کو جموں و کشمیر میں بلیک لسٹ کرنے کے ساتھ ساتھ ان کے شائع کردہ تمام مواد کو بھی یونین ٹیریٹری سے واپس لینے کا حکم دیا ہے۔ اس پورے معاملے نے سرکاری فنڈز سے خریدی جانے والی تعلیمی کتابوں کی جانچ پڑتال کے نظام اور انہیں منظور کرنے والی ماہرین کمیٹیوں کی جوابدہی پر بھی سنگین سوالات کھڑے کر دیے ہیں۔

ادھر وزیر تعلیم، صحت اور سماجی بہبود سکینہ ایتو نے اس معاملے کو “ناقابل برداشت اور ناقابل قبول” قرار دیتے ہوئے وقت مقررہ تحقیقات کا حکم دیا ہے۔ انہوں نے کہا کہ محکمہ اسکولی تعلیم کے سیکریٹری کو فوری طور پر تحقیقات شروع کرنے کی ہدایت دے دی گئی ہے تاکہ یہ معلوم کیا جا سکے کہ متنازع مواد سرکاری اسکولوں کی کتابوں تک کیسے پہنچا۔ سکینہ ایتو نے واضح کیا کہ جو بھی اس معاملے میں قصوروار پایا جائے گا اسے قانون کے مطابق سخت سزا دی جائے گی اور کسی کو بھی بخشا نہیں جائے گا۔ انہوں نے کہا کہ حکومت تعلیمی نظام کی ساکھ برقرار رکھنے اور طلبہ کو معیاری اور ذمہ دارانہ تعلیمی مواد فراہم کرنے کے لیے پوری طرح پرعزم ہے۔

دوسری جانب جموں و کشمیر اسمبلی میں قائد حزب اختلاف اور بھارتیہ جنتا پارٹی (بی جے پی) کے سینئر رہنما سنیل شرما نے کتاب “Personalities and Legends of J&K” پر فوری پابندی عائد کرنے اور اسے تمام سرکاری لائبریریوں اور تعلیمی اداروں سے واپس لینے کا مطالبہ کیا ہے۔ انہوں نے ڈاکٹر نریندر سنگھ، سنیل سیٹھی اور زوراور سنگھ جموال کے ہمراہ پریس کانفرنس سے خطاب کرتے ہوئے کہا کہ یہ کتاب دہشت گردی، علیحدگی پسندی اور بھارت مخالف نظریات کو فروغ دینے کی کوشش ہے اور اسے سرکاری لائبریریوں تک پہنچانا ایک منظم سازش کی عکاسی کرتا ہے۔

سنیل شرما نے دعویٰ کیا کہ ہلال احمد اور سنتوش مینا کی تصنیف اور پیراڈائز پریس کی شائع کردہ یہ کتاب تاریخ کے نام پر نوجوان نسل کے ذہنوں کو متاثر کرنے کی کوشش کرتی ہے۔ ان کے مطابق کتاب میں دہشت گردی اور علیحدگی پسند سرگرمیوں سے وابستہ بعض شخصیات کو “لیجنڈز” اور “آزادی پسند” کے طور پر پیش کیا گیا ہے جبکہ بھارت اور اس کی سیکورٹی فورسز کے خلاف سرگرمیوں کو ہمدردانہ انداز میں بیان کیا گیا ہے۔

انہوں نے الزام لگایا کہ کتاب میں مقبول بٹ، ہاشم قریشی، مسرت عالم بھٹ، سید علی شاہ گیلانی، عبدالغنی لون اور محمد فاروق رحمانی سمیت متعدد علیحدگی پسند شخصیات کو غیر معمولی اہمیت دی گئی ہے، جو نہ صرف تاریخ کو مسخ کرنے کی کوشش ہے بلکہ نوجوانوں کو گمراہ کرنے کا ذریعہ بھی بن سکتی ہے۔

بی جے پی رہنما نے مطالبہ کیا کہ کتاب کی تمام کاپیاں فوری طور پر ضبط کر کے سرکاری لائبریریوں، تعلیمی اداروں اور عوامی گردش سے ہٹا دی جائیں۔ انہوں نے کتاب کی خریداری اور منظوری دینے والے افسران، اسکریننگ کمیٹیوں اور لائبریرینز کے خلاف قانونی کارروائی کا بھی مطالبہ کیا۔ اس کے علاوہ انہوں نے جموں و کشمیر کی تمام سرکاری اور اسکولی لائبریریوں کا مکمل آڈٹ کرانے کی اپیل کی تاکہ اگر کسی اور کتاب میں بھی ایسا متنازع یا مبینہ علیحدگی پسند مواد موجود ہو تو اسے بھی فوری طور پر ہٹا دیا جائے۔

اس پورے معاملے نے جموں و کشمیر میں سرکاری تعلیمی اداروں کے لیے کتابوں کے انتخاب، ان کی جانچ پڑتال اور منظوری کے نظام پر نئی بحث چھیڑ دی ہے۔ حکومت نے 30 دن کے اندر تحقیقات مکمل کرنے کی ہدایت دی ہے، جس کے بعد ذمہ دار افراد کے خلاف مزید انتظامی اور قانونی کارروائی کیے جانے کا امکان ہے۔

جموں و کشمیر

بارہمولہ میں منشیات سے متعلق بیداری پروگرام: ماہرین نے بڑھتی ہوئی منشیات کی لت کو قومی سلامتی کے لیے خطرہ قرار دیا

Published

4 months ago

April 17, 2026

Online Desk

بارہمولہ کے بوائز ہائر سیکنڈری اسکول میں جمعرات کے روز منشیات سے متعلق ایک بیداری پروگرام کامیابی کے ساتھ منعقد کیا گیا۔ یہ پروگرام نشہ مکت بھارت ابھیان کے تحت سول ڈیفنس بارہمولہ کی جانب سے، ایس ڈی آر ایف/ڈیزاسٹر رسپانس ڈویژن بارہمولہ کے تعاون سے منعقد ہوا۔

اس پروگرام میں گیارہویں اور بارہویں جماعت کے طلبہ کی بڑی تعداد نے جوش و خروش کے ساتھ شرکت کی، جو نوجوانوں میں منشیات کے استعمال اور اس کے نقصانات کے حوالے سے بڑھتی ہوئی آگاہی اور تشویش کی عکاسی کرتا ہے۔ پروگرام کا آغاز ایک تعارفی نشست سے ہوا جس میں مقامی اور قومی سطح پر منشیات کے بڑھتے رجحان، اہم خطراتی عوامل اور بروقت روک تھام کی اہمیت پر روشنی ڈالی گئی۔

ماہرین کی ٹیم میں ڈاکٹر بالی (ڈویژنل وارڈن، سول ڈیفنس بارہمولہ)، محترمہ روحیلا (سینئر سائیکالوجسٹ)، جناب عابد سلیم (کلینیکل سائیکالوجسٹ) اور جناب ایوب (سیکٹر وارڈن، سول ڈیفنس) شامل تھے۔ ان ماہرین نے طلبہ کو منشیات کے جسمانی، نفسیاتی اور سماجی اثرات سے آگاہ کیا اور بروقت بیداری اور احتیاطی تدابیر کی اہمیت پر زور دیا۔

اس پروگرام کا مقصد طلبہ کو منشیات کی بڑھتی ہوئی وبا کے خطرات سے آگاہ کرنا، انہیں معلومات سے بااختیار بنانا اور ایک منشیات سے پاک معاشرے کی تعمیر میں فعال کردار ادا کرنے کی ترغیب دینا تھا۔

اپنے بیان میں ڈاکٹر عنایت میر، چیف وارڈن سول ڈیفنس بارہمولہ، نے کہا کہ منشیات کی لت کو جو روایتی طور پر ایک صحت عامہ کا مسئلہ سمجھا جاتا تھا، اب ایک سنجیدہ سماجی، تزویراتی اور قومی سلامتی کے چیلنج کے طور پر دیکھنا ضروری ہے۔ انہوں نے کہا کہ خاص طور پر سرحدی اور حساس علاقوں میں ابھرتے رجحانات اس بات کی نشاندہی کرتے ہیں کہ منشیات کا پھیلاؤ محض اتفاقی نہیں بلکہ ایک منظم حکمت عملی کے تحت معاشروں کو اندر سے کمزور کرنے کے لیے استعمال کیا جا سکتا ہے، جو ہائبرڈ جنگ کا حصہ ہے۔

انہوں نے مزید کہا کہ منشیات کے منظرنامے میں تبدیلی فردی مسئلے سے بڑھ کر اجتماعی کمزوری کی شکل اختیار کر چکی ہے۔ نوجوانوں کی صلاحیتوں کا زوال، سماجی ڈھانچے کی کمزوری اور انسانی کمزوریوں کا استعمال اس بات کی طرف اشارہ کرتا ہے کہ معاشرتی استحکام کو متاثر کرنے کی کوشش کی جا رہی ہے۔ اس تناظر میں منشیات کا پھیلاؤ ایک ایسا ہتھیار بن چکا ہے جو کم نظر آتا ہے مگر اس کے اثرات انتہائی گہرے ہوتے ہیں۔

ڈاکٹر میر نے زور دیا کہ منشیات کی لت کو صرف طبی مسئلہ سمجھنے کے بجائے ایک سماجی اور تزویراتی خطرہ سمجھا جائے جس کے لیے فوری اور مربوط اقدامات ناگزیر ہیں۔ انہوں نے کہا کہ کسی بھی قوم کی طاقت صرف اس کی سرحدوں میں نہیں بلکہ اس کے معاشرے کی صحت، مضبوطی اور یکجہتی میں ہوتی ہے۔ نوجوانوں کا تحفظ، سماجی ہم آہنگی کا فروغ اور منشیات کے نیٹ ورکس کا خاتمہ قومی سلامتی کے اہم تقاضے ہیں۔ انہوں نے خبردار کیا کہ اگر بروقت اقدامات نہ کیے گئے تو یہ خاموش وبا ایک مستقل خطرے میں تبدیل ہو سکتی ہے۔

پروگرام کے اختتام پر طلبہ اور ماہرین کے درمیان ایک باہمی تبادلہ خیال ہوا، جس میں اجتماعی ذمہ داری، باشعور فیصلے اور نوجوانوں کی فعال شرکت کی اہمیت کو اجاگر کیا گیا۔

اہم خبریں

عالمی توانائی بحران کے خدشات کے باوجود دہلی کے گردواروں میں لنگر کی روایت جاری

Published

5 months ago

March 13, 2026

Online Desk

امریکہ، اسرائیل اور ایران کے درمیان جاری کشیدگی اور عالمی توانائی بحران کے باعث شہر میں کُکنگ گیس کی قلت کے خدشات بڑھنے کے باوجود دہلی کے گردواروں نے فیصلہ کیا ہے کہ ان کے لنگر خانے چوبیس گھنٹے جاری رہیں گے اور صدیوں پرانی لنگر کی روایت کسی بھی صورت میں متاثر نہیں ہونے دی جائے گی۔

قومی دارالحکومت کے اہم گردواروں، جن میں گردوارہ رکاب گنج صاحب، گردوارہ بنگلا صاحب اور گردوارہ سیس گنج صاحب شامل ہیں، کے کمیونٹی کچن ہر ہفتے تقریباً 40 ہزار افراد کو کھانا فراہم کرتے ہیں جبکہ ہفتے کے آخر میں یہ تعداد ایک لاکھ سے بھی تجاوز کر جاتی ہے۔ ان گردواروں کی انتظامیہ اور رضاکاروں نے فیصلہ کیا ہے کہ لنگر سیوا مسلسل جاری رکھی جائے گی۔ اس مقصد کے لیے گیس کے استعمال میں احتیاط، پائپ لائن گیس کی فراہمی اور ہنگامی منصوبہ بندی جیسے اقدامات کیے جا رہے ہیں تاکہ کوئی بھی زائر بھوکا واپس نہ جائے۔

یہ فیصلہ ایسے وقت میں سامنے آیا ہے جب کمرشل ایل پی جی سلنڈروں کی کمی کے باعث شہر کے کئی ہوٹل اور ریستوران اپنے کام بند کرنے پر مجبور ہو چکے ہیں جبکہ متعدد دیگر بندش کے دہانے پر ہیں۔

خبر رساں ایجنسی یو این آئی (UNI) سے بات کرتے ہوئے گردوارہ حکام نے یقین دلایا کہ سپلائی میں مشکلات کے باوجود لنگر میں کھانے کی فراہمی بلا تعطل جاری رہے گی۔

گردوارہ انتظامیہ کے رکن ہرمیّت سنگھ کالکا نے بتایا کہ گردواروں کے کچن پائپ نیچرل گیس (PNG) کی پائپ لائن سے منسلک ہیں، اس لیے فی الحال ایندھن کی کوئی فوری کمی نہیں ہے۔

انہوں نے کہا:
“جب کووڈ-19 کے دوران پوری دنیا بند تھی، تب بھی ہم نے تمام انتظامات سنبھالے اور اس وقت بھی لنگر سیوا چوبیس گھنٹے جاری رکھی۔ مارچ کے آخر اور اپریل میں ہمارے دو بڑے پروگرام بھی طے ہیں جن میں بیساخی بھی شامل ہے۔”

کالکا نے مزید بتایا کہ اگرچہ کچن پائپ نیچرل گیس پر چل رہے ہیں، لیکن احتیاط کے طور پر کمرشل گیس سلنڈروں کا ذخیرہ بھی رکھا گیا ہے۔

انہوں نے کہا:
“تمام انتظامات کے باوجود ہم نے سیواداروں کو ہدایت دی ہے کہ وسائل کا ضیاع نہ ہو۔ ہم ہر چیز کو بہتر طریقے سے سنبھال رہے ہیں اور ابھی تک کوئی مسئلہ پیش نہیں آیا۔”

احتیاطی اقدام کے طور پر گردوارہ انتظامیہ نے وزارتِ پٹرولیم و قدرتی گیس کو بھی خط لکھا ہے تاکہ گیس سلنڈروں کی فراہمی بلا تعطل جاری رکھی جا سکے اور لنگر سیوا میں کوئی رکاوٹ پیدا نہ ہو۔

مرکزی وزیر ہردیپ سنگھ پوری کے نام لکھے گئے خط میں کالکا نے کہا کہ دہلی سکھ گردوارہ مینجمنٹ کمیٹی کے زیر انتظام تمام تاریخی گردواروں میں روزانہ عقیدت مندوں کو لنگر پیش کیا جاتا ہے۔

خط میں کہا گیا ہے:
“دنیا میں موجودہ جنگی صورتحال کے باعث گیس ایجنسیوں کی جانب سے سلنڈروں کی سپلائی متاثر ہو رہی ہے جس سے گردواروں میں لنگر کی تقسیم متاثر ہونے کا خدشہ ہے۔”

انہوں نے وزارت سے اپیل کی کہ ڈی ایس جی ایم سی (DSGMC) کو گیس سلنڈروں کی مسلسل فراہمی یقینی بنائی جائے تاکہ تاریخی گردواروں میں لنگر کی روایت بغیر کسی رکاوٹ کے جاری رہ سکے۔

(مصنف: پرویندر سندھو)