سرینگر: سرینگر سے چندکلومیٹر کے فاصلے پر واقع ہے اچھن سعد پورہ کا علاقہ – اس علاقے کے لوگ معمول کی زندگی گزرانے نظر آر ہے ہیں ۔ مگر ایسا نہیں ہے ۔یہاں کے لوگوں کی زندگی دن بدن بدتر ہوتی جارہی ہے۔ وجہ ہے سرینگر میونسپل کارپوریشن کی Dumping site جہاں پر دن بھر شہر اور قصہ جات سے نکلنے والے اس کوڑاکرکٹ کو ٹنوں کے حساب سے غیر سائنسی طریقوں پر یہاں ڈیمپ کیا جاتاہے۔
اس سے ا ب نہ صرف اچھن سعدپورہ کے سا تھ ساتھ اس کے متصل علاقوں کا ماحول مکمل طور غلیظ اور آلود ہ ہوگیا ہے ۔بلکہ اس Dumping site کی آلودگی کے اثرات کو صورہ تک محسوس کیے جارہےہیں ۔
سرینگر میونسپل کارپوریشن کی جانب کوڑاکرکٹ کو ٹھکانے لگانے کے لئے جدید سائنسی طریقے اختیار نہ کرنے سے علاقے کی بہت بڑی آبادی طرح طرح کی مہلک بیماریوں میں مبتلا ہوگئی ہے۔

اس کوڑاکرکٹ سے نکلنے والا گندہ مواد جو پانی کی صورت بعد میں نکلتا ہے اُس سے میونسپل کارپوریشن کے کارندے رات کے اندھیرے میں علاقے کے نالوں اور کوہلوں میں ڈالتے ہیں ۔جس کی بد بو پوری علاقے میں پھیل جاتی ہے اور پانی ہاتھ میں لینا دور کی بات ہے اس کے سونگنے سے بھی کئی بیماریوں کو دعوت دینی ہے۔

اس حوالے سے جب خبر اردو نے اچھن سعد پورہ کے ایک نوجوان شہری محمد اقبال بٹ سے بات کی توانہوں نے کہا کہ اس کوڑاکرکٹ کی گندگی سے مہلک بیماریاں پھوٹ پڑی ہے اور کئی ساری خواتین کینسر میں بھی مبتلا ہوگئی ہیں۔ انہوں کہا کہ ایم ایل اے اور ایم ایل سی صاحبان صرف ووٹ لینے کے وقت ہمیں اس مصیبت سے نجات دلانے کے لئے بلندو باگ دعوے کرتے ہہیں مگر ووٹ لینے کے بعد یہاں کی اور پیچھے مڈ کر کبھی نہیں دیکھتے ۔انہوں نے مزید بتایا کہ یاتو میونسپل کارپوریشن اس ڈیمپنگ سائٹ کو ہماری اس بستی سے تبدیل کریں یااس بستی کو ہی یہاں سے منتقل کیا جائے۔

اچھن سعد پورہ کے غلام محمد ڈار نے کہا کہ ہماری کافی آبادی زراعت سے وابستہ تھی مگر اب اس کوڑے کی ڈیمپنگ سے ہماری زمین کاشت کاری کے قابل نہیں رہی ہے ۔ اور ہم اب زرعی پیداوار سے بھی ہاتھ دھو بیٹھے ہیں۔ان کا کہنا تھا کہ ہم نے میویشوں کو بھی پالنا اب بند کیا ہے کیونکہ یہاں کی خودرو گھاس پھوس بھی اتنی آلودہ ہوگئی ہے کہ اس کے کھانے سے میویشی بھی مر جاتے ہیں ۔انہوں نے کہا ہم سرکار سے انصاف چاہتے ہیں۔

اس کوسنے کے لئے کلک کیجئے:

ماہرینِ صحت نے بھی اس بات کی تصدیق کی ہے کوڑاکرکٹ ٹھکانے لگانے والے علاقوںمیں رہنے والے لوگوں کو کئی بیماریوں میں مبتلا کردیاہے۔

اسکے علاوہ Dumping site سے اچھن سعد پورہ میں قابل کاشت اور آبی اول کی اراضی بھی بری طرح متاثر ہوئی ہے۔

خبر اردو سے بات کرنے کے دوران محمد جبار بٹ نے کہا کہ اس کوڑا کرکٹ کی ڈیمپنگ سے پورے علاقے میں بدبو پھیل جاتی ہے ۔گھر کے اندر اب بیٹھنا اور باہر نکلنا محا ل ہوگیا ہے۔اس بزرگ شہری نے کہا کہ یہاں بہت سے لوگ کینسر میں مبتلا ہیں ۔انہوں نے کہاکہ ہمارے یہاں کوئی بھی رشتہ دار آناپسند نہیں کرتا ہے۔

خبر اردو کے ٹیم نے اس Dumping site کو دیکھنے کی اجازت یہاں پر معمور انچارج سے مانگی ۔مگر ہمیں یہاں اند ر جانے کی اجازت نہیں دی گی ۔وجہ صاف ہے یہاں پر غیر سائنسی طریقوں پر کوڑا کرکٹ ٹھکانے لگایا جارہا ہے۔
تاہم جب خبر اردو نے میونسپل کارپوریشن کے سینیٹیشن آفسر سے رابطہ قایم کیا تو انہوں نے اس مسئلے پر بات کرنے سے انکار کیا.

ضرورت اس امر کی ہے کہ سرکار اس نہایت ہی سنگین اور حساس مسئلے کی طرف خصوصی توجہ دے ۔ خاص کر سرینگر میونسپل کارپوریشن اس اچھن سعد پورہ کے لوگوں کی زندگی پر رحم کھا کر اس Dumping site کو یاتو اس جگہ سے تبدیل کرے یا سائنسی طور طریقے اپنا کر اس کی کثافت اور آلودگی سے لوگوں کی زندگیوں کو مہلک بیماریوں سے نجات دلوائے۔