خبراردو:
بجبہاڑہ کے مضافاتی گاؤں میں جنگجومخالف سرجیکل آپریشن کے دوران6مقامی جنگجوؤں کے جاں بحق ہوجانے کے محض لگ بھگ42گھنٹوں بعدجنوبی ضلع شوپیان کے بٹہ گنڈکاپرن گاؤں میں ایک شبانہ خونین معرکہ آرائی کے دوران حزب المجاہدین اورلشکرطیبہ کے کچھ کمانڈروں اورایک غیرملکی جنگجوسمیت 6عسکریت پسندجاں بحق ہوگئے بٹہ گنڈکاپرن شوپیان گاؤں میں کچھ جنگجوؤں کے موجودہونے کی مصدقہ اطلاع ملتے ہی فوج کی34آرآر،سی آرپی ایف اورریاستی پولیس واسکے اسپیشل آپریشن گرؤپ کے اہلکاروں نے سنیچرکورات دیرگئے پورے علاقے کومحاصرے میں لے لیا۔ذرائع نے بتایاکہ رات کے تقریباًڈیڑھ بجے شروع کئے گئے اس جنگجومخالف آپریشن کے دوران جب سیکورٹی اہلکاروں نے محاصرہ تنگ کرکے تلاشی کارروائی شروع کردی تومحاصرے میں پھنسے جنگجوؤں نے فرارہونے کی کوشش کرتے ہوئے سیکورٹی اہلکاروں پرفائرنگ شروع کردی ،جسکے نتیجے میں دوفوجی اہلکارزخمی ہوگئے جن کوفوری طورپراسپتال منتقل کیاگیا۔

پولیس ذرائع نے بتایاکہ فوج ،فورسزاورایس اؤجی اہلکاروں کی جانب سے جوابی کارروائی شروع کئے جانے کے بعدطرفین کے درمیان شدیدگولی باری کاتبادلہ شروع ہوگیا۔مقامی لوگوں نے بتایاکہ رات کے وقت گولی باری اورکچھ دھماکوں کی آوازفوگونجنے کے نتیجے میں مقامی آبادی میں خوف ودہشت کی لہردوڑگئی اورلوگ گھروں میں سہم کررہ گئے ۔لوگوں کے مطابق فائرنگ اوردھماکوں کاسلسلہ رات بھرجاری رہا۔ادھرپولیس ذرائع نے بتایاکہ جنگجوؤں کی فائرنگ ک دوران زخمی ہونے والامقامی فوجی اہلکاراسپتال میں دم توڑبیٹھا،اوراسکی شناخت ٹریٹورئل آرمی کی162بٹالین سے وابستہ نذیراحمدساکنہ چیک عشموجی کولگام کے بطورہوئی جبکہ 34آرآرسے وابستہ زخمی فوجی کی شناخت ذرائع نے سپاہی سنیل کماربیلٹ نمبر3206464Aکے بطورکی ۔بتایاجاتاہے کہ مہلوک مقامی فوجی اہلکارنذیراحمدپہلے بدنام زمانہ اخوان کاایک کمانڈر تھا،اوربعدازاں وہ ٹریٹوریل آرمی میں شامل ہوگیا۔ذرائع نے بتایاکہ رات بھرطرفین کے درمیان شدیدنوعیت کی معرکہ آرائی جاری رہی ،اوراس دوران محصورجنگجوؤں نے فرارہونے کی کئی مرتبہ کوشش کی لیکن اُنکی ہرکوشش کوناکام بنایاگیا۔

پولیس ذرائع نے بتایاکہ دوران شب ہی کم سے کم تین جنگجومارے گئے جبکہ اتوارکوصبح صادق کے وقت طرفین کے درمیان گولی باری میں مزیدشدت آئی ۔ذرائع کے مطابق دوران شب مارے گئے4 جنگجوؤں کی نعشوں کوصبح کے وقت ہتھیاروں سمیت برآمدکیاگیاجبکہ باقی دوجنگجوؤں کیخلاف آپریشن جاری رکھاگیا۔انہوں نے کہاکہ اتوارکی صبح کچھ مقامی لوگوں نے جنگجومخالف آپریشن میں رخنہ ڈالنے کیلئے سنگباری شروع کردی تاہم ان کومنتشرکرنے کی کارروائی کیساتھ ساتھ جنگجوؤں کیخلاف بھی آپریشن جاری رکھاگیا۔ذرائع نے بتایاکہ باقی دونوں جنگجوبھی اتوارکی صبح جھڑپ کے دوران مارے گئے ،اوراس طرح سے اس بڑے آپریشن کے دوران 6جنگجوازجان ہوگئے ۔ادھرپولیس ترجمان کی جانب سے بٹہ گنڈشوپیان آپریشن کے حوالے سے ایک بیان جاری کیاگیاجس میں بتایاگیاکہ جھڑپ کے دوران مارے گئے سبھی 6جنگجوؤں کی نعشوں اورجائے جھڑپ سے برآمدکئے گئے ہتھیاروں کوضلع پولیس لائنزشوپیان لایاگیاتاکہ مارے گئے جنگجوؤں کی شناخت عمل میں لائی جاسکے ۔ ذرائع نے بتایاکہ مارے گئے جنگجوؤں میں 10دسمبر2015سے سرگرم حزب المجاہدین سے وابستہ کمانڈرعمرمجیدگنائی عرف غزالہ عرف حمزاللہ ولدعبدالمجیدگنائی ساکنہ شوژکولگام،7دسمبر2016سے سرگرم حزب کمانڈروسیم احمدوگے ولدعبدالحمیدساکنہ امشی پورہ شوپیان،27جون2014سے سرگرم لشکرکمانڈرمشتاق احمدمیرعرف حامدولدغلام حسن میرساکنہ چیک چھولان شوپیان،25ستمبر2016سے سرگرم حزب کمانڈرعباس احمدبٹ ولدعبدالزبیربٹ ساکنہ منترابگ شوپیان ،14اپریل2018سے سرگرم حزب جنگجوخالدفاروق ملک عرف ابوطلحہ ولدفاروق احمدملک ساکنہ باگندرآیال پورہ شوپیان اورایک عدم شناخت شدہ غیرملکی جنگجوشامل ہے۔

بتایاجاتاہے کہ حزب کمانڈرعمرمجیدکچھ ماہ قبل بٹہ مالوسری نگرمیں جنگجومخالف آپریشن کے دوران بچ نکلنے میں کامیاب ہواتھا،اورگزشتہ دنوں اسی حزب کمانڈرکی ایک تصویروائرل ہوئی تھی ،جس میں یہ دعویٰ کیاگیاتھاکہ یہ تصویرگھنٹہ گھرلالچو ک کے نزدیک اُسوقت لی گئی جب یہاں مبینہ طورپرحزب کمانڈروں کی ایک میٹنگ چل رہی تھی ۔بتایاجاتاہے کہ بٹہ گنڈشوپیان میں جاں بحق ہوئے مقامی جنگجونوجوان محمدعباس حزب المجاہدین کاضلع کمانڈرشوپیان اورعمرمجیدتنظیم کاضلع کمانڈرکولگام تھا۔اُدھرمعلوم ہواکہ جنگجومخالف آپریشن کے دورا ن بٹہ گنڈشوپیان میں جب احتجاجی مظاہرے شروع ہوئے اورمشتعل نوجوانوں نے سنگباری کی توپولیس وفورسزنے مظاہرین کومنتشرکرنے کیلئے آنسوگیس کے گولے داغے ،پیلٹ فائرنگ اورگولی باری بھی کی ،جسکے نتیجے میں یہاں لگ بھگ 20افرادزخمی ہوگئے ۔میڈیکل سپرانٹنڈنٹ ضلع اسپتال کولگا م ڈاکٹرجی این بٹ نے بتایاکہ یہاں15زخمیوں کولایاگیاجوپیلٹ اورگولیاں لگنے سے زخمی ہوئے تھے ۔انہوں نے کہاکہ نصف درجن شدیدزخمیوں کوسری نگرمنتقل کیاگیاجن میں گولی لگنے سے زخمی ہواایک نوعمرلڑکااورپیلٹ فائرلگن سے زخمی ہوئی ایک پانچ سالہ بچی بھی شامل تھی ۔

ادھرمعلوم ہواکہ گولی لگنے سے زخمی ہوادسویں جماعت میں زیرتعلیم 17سالہ طالب علم نعمان اشرف ولدمحمداشرف بٹ ساکنہ بلوس یاری پورہ کولگام سری نگرمیں زخموں کی تاب نہ لاکردم توڑبیٹھا۔معلوم ہواکہ فیضان گلزارساکنہ ڈانگرپورہ شوپیان نامی ایک اورنوجوان کوبھی لگی ہے اوراسکی حالت بھی نازک بنی ہوئی ہے۔بتایاجاتاہے کہ جن نصف درجن زخمیوں کوسری نگرمنتقل کیاگیاہے ،اُن میں سے تین کوگولیاں اورباقی تین کوپیلٹ لگے ہیں ۔دریں اثناء شوپیان کے بٹہ گنڈعلاقہ میں ایک طویل خونین معرکہ آرائی کے دوران 6جنگجوؤں ،ایک عام شہری اورایک مقامی فوجی اہلکارکے ازجان ہوجانے کے کچھ گھنٹے بعدکھریوپانپورمیں ایک مختصرجھڑپ ہوئی ۔پولیس ترجمان نے بتایاکہ کھریوپانپورمیں ہوئی مختصرجھڑپ کے دوران جیش محمد سے وابستہ ایک غیرملکی جنگجووسیم ماراگیا۔ترجمان نے بتایاکہ باتھین کھریومیں پولیس اور50آرآرکے مشترکہ آپریشن کے دوران ایک غیرملکی جنگجوماراگیاجسکی نعش اورہتھیاریہاں سے برآمدکیاگیا۔KNS