سری نگر کے ہسپتال برائے امراض سینہ کے سربراہ ڈاکٹر نوید نذیر شاہ کا کہنا ہے کہ جموں وکشمیر میں کووڈ کے یومیہ معاملات میں لگاتار اضافہ ہو رہا ہے جس کے پیش نظر ایس او پیز پر عملدرآمد ناگزیر ہے۔انہوں نے کہاکہ اگر چہ گھبرانے کی کوئی ضرورت نہیں تاہم وائرس کے پھیلاو کو روکنے کے لئے کورونا رہنما اصولوں پر من وعن عمل کرنے کی ضرورت ہے۔یو این آئی اردو کے نامہ نگار نے بتایا کہ ڈاکٹر نوید نذیر شاہ نے ہفتے کے روز بتایا کہ پچھلے کئی ہفتوں سے کورونا کے یومیہ معاملات میں لگاتار اضافہ ہو رہا ہے۔انہوں نے کہاکہ جتنے بھی نئے کیسز سامنے آر ہے ہیں ا±ن میں زیادہ تر مریضوں کو ہوم آئسولیشن میں ہی رکھا گیا ہے۔ا±ن کے مطابق اگر چہ گھبرانے کوئی ضرورت نہیں تاہم کووڈ کا کوئی بھروسہ نہیں لہذا سبھی لوگوں سے تاکید ہے کہ وہ ماسک کے ساتھ ساتھ دوسرے احتیاطی تدابیر پر بھی عمل کریں تاکہ وائرس کو پھیلنے سے روکا جاسکے۔ڈاکٹر نوید شاہ نے کہاکہ جتنے بھی نئے معاملات رپورٹ ہو رہے ہیں ا±ن میں زیادہ تر ایسے مریض ہیں جنہیں بخار ، گلے کی سوجن وغیرہ علامات پائی گئیں اور ایسے مریضوں کو گھروں میں ہی الگ تھلگ رہنے کی تاکید کی گئی ہے۔قابل ذکر ہے کہ جموں و کشمیر میں گذشتہ کئی روز سے کورونا کے یومیہ معاملات میں اضافہ درج ہو رہا ہے۔ماہرین کے مطابق کورونا کیسز میں اضافہ چوتھی لہر کی نوید ہوسکتی ہے۔ٰیو این آئی

نئی دہلی، 4فروری (یو این ائی) سپریم کورٹ نے کورونا وبا سے مرنے والوں کے اہل خانہ کو ایک طے شدہ مدت کے دوران معاوضہ دینے کا عمل تیز کرنے کے لئے جمعہ کو ریاستی حکومتوں کو احکامات دیئے جج ایم آر شاہ کی صدارت والی سنگل بنچ نے ریاستوں سے کہاکہ کووڈ 19سے ہوئی اموات کی تفصیلات اسٹیٹ لیگل سروسز اتھارٹی (ایس ایل ایس اے) کود ستیاب کرائیں تاکہ معاوضہ دینے کے عمل میں تیزی لائی جاسکے اور اہل کنبوں کو رقم جلد دی جائے۔ عدالت نے اس کے لئے تمام ریاستوں کو ایک ایک نوڈل افسر (جو ڈپٹی سکریٹری کی سطح سے نیچے کا نہ ہو) مقرر کرنے کیلئے کہا ہے۔

بنچ نے کہاکہ اگر ایس ایل ایس اے کے رکن۔سکریٹری کو کسی بھی مشکلات کا سامنا کرنا پڑتا ہے تو وہ ریاست کی طرف سے مقررنوڈل افسر سے رابطہ کرکے مدد لے سکتے ہیں۔

عدالت عظمی نے ریاستوں کی طرف سے بڑی تعدا د میں معاوضہ سے متعلق دعووں کو خارج کرنے کے سلسلہ میں زور دیکر کہا کہ تکنیکی طورپر کسی بھی دعوے کو خارج نہیں کیا جانا چاہئے اور نقص والی درخواستوں کے معاملہ میں ضروری اصلاح کا موقع دیا جانا چاہئے۔

جے پور، 4فروری (یو این آئی)راجستھان میں عالمی وبا کورونا کی تیسری لہر کا قہر تھوڑا کم ہونے کے بعد ریاستی حکومت نے کورونا پابندیوں میں نرمی دیتے ہوئے نئی گائڈ لائنس جاری کی ہیں جن کے تحت ا ب عوامی، سماجی، شادی کی تقریب وغیرہ میں زیادہ سے زیادہ 250لوگوں کے شامل ہونے کی اجازت ہوگی اور نائٹ کرفیو ختم کردیا گیا ہے۔

اس سلسلہ میں محکمہ داخلہ کی آج جاری ہدایت کے مطابق کسی طرح کے عوامی، سماجی، سیاسی، کھول کود سے متعلق، تفریحی، تعلیم، ثقافتی اور مذہبی تقریب کے انعقاد میں زیادہ سے زیادہ 250لوگوں کے شامل ہونے کی اجازت ہوگی۔ شادی کی تقریب میں بینڈ باجابجانے والوں کو اس تعدا د سے الگ رکھا گیا ہے۔ تقریب کے انعقاد کے دوران سوشل ڈسٹینسنگ یقینی بنائی جائے گی اور کووڈ پروٹوکول جیسے ڈبل ڈوز، ویکسنیشن، نو ماسک نواینٹری، اسکریننگ اور صفائی اور سینی ٹائزیشن پر عملدرآمد یقینی بنانا ہوگا۔

اسی طرح تمام مذہبی مقامات کو ان کے وقت کے مطابق عقیدت مندوں اور درشن کے لئے کھولے جانے کی اجازت دی گئی ہے۔ اس دوران مذہبی مقام پر پھول۔مالا، پرساد، چادر اور دیگر پوجا سے متعلق لے جانے او ر چڑھانے کی اجازت ہوگی۔
نئی گائڈ لائنس کے مطابق رات کا کرفیو (یومیہ رات گیارہ سے صبح پانچ بجے تک) کو ختم کردیا گیا ہے۔ نئی گائڈ لائنس پانچ فروری سے نافذ ہوں گی