بیورو رپورٹ خبر اردو

[embedyt] https://www.youtube.com/watch?v=Ad-2IpMtV3g[/embedyt]

جموں کشمیر میں ڈی ڈی سی انتخابات کے نتائج کا اعلان ہوا۔ اب تصویر صاف ہوئی۔ اب یہ واضح ہوا کہ کس کے دعوے کتنے سچ ثابت ہوئے۔ ڈی ڈی سی انتخابات کے لئے جموں کشمیر کی مین اسٹریم پارٹیاں ایک پلیٹ فارم پر آئیں اور الیکشن میں حصہ لیا ۔ پیپلز الائنس فار گپکار ڈکلیریشن نے انتخابات میں ایک سو دس سیٹیں اپنے نام کیں ہیں ۔ بی جے پی نے چوہتر سیٹوں پر جیت درج کی ہے۔ وہیں کانگریس نے چھپیس سیٹیں جبکہ اپنی پارٹی نے بارہ سیٹوں پر کامیابی حاصل کی ہے۔ انتخابات میں دلچسب یہ رہا کہ لوگوں نے اس بار آزاد امیدواروں کے حق میں ووٹ دیے ۔ ان انتخابات میں آزاد امیدواروں نے انچاس سیٹوں پر جیت درج کی ہے ۔

سب سے پہلے ہم بات کریں گے اننت ناگ کی ۔ اننت ناگ میں پی اے جی ڈی نے نو سیٹوں پر جیت درج کی ہے ۔ تین سیٹیں کانگریس کے کھاتے میں گئیں جبکہ دو سیٹوں پر آزاد امیدواروں نے جیت درج کی ہے۔ پیپلز الائنس نے اننت ناگ میں اچھ بل، اننت ناگ ، بجبہاڑہ، برنگ، دچھنی پورہ، کھوری پورہ لارنو پہلگام اور سگام سیٹ کو اپنے نام کیا۔ وہیں کانگریس نے ہلر شاہ آباد اور شانگس سیٹ پر جیت درج کی ۔ ویسو اور ویریناگ سیٹوں کو آزاد امیدواروں نے اپنے نام کیا ہے ۔

ضلع بڈگام میں بھی پیپلز الائنس نے زبردست کارکردگی کا مظاہرہ کیا ۔ بڈگام میں پیپلز الائنس نے دس سیٹوں پر جیت درج کی ہے ۔ دو سیٹوں پر پی ڈی ایف نے جیت درج کی جبکہ دو سیٹیں آزاد امیدواروں نے اپنے نام کیں ہے۔ بڈگام میں پی اے جی ڈی نے بی کے پٌورہ، بڈگام، چاڈورہ، خانصاحب، ناگام،ناربل، پکھرپورہ، پارنیوا، سوئبگ اور سُرسیار سیٹوں پر جیت درج کیں ہیں ۔ رٹسُن اور سُکھناگ کی سیٹوں پر پی ڈی ایف جبکہ بیروہ اور کھاگ میں آزاد امیدواروں نے جیت درج کی ہے۔

بانڈی پورہ میں پی اے جی ڈی نے سات سیٹیں اپنے نام کیں ہیں ۔ وہیں کانگریس ، اپنی پارٹی اور بی جے پی کے کھاتے میں ایک ایک سیٹ گئیں ۔ جبکہ تین سیٹوں پر آزاد امیدواروں نے جیت درج کی ہے ۔ وہیں ہاجن اے میں گنتی کے عمل کو روک دیا گیا تھا اس سیٹ پر ابھی نتائج آنے باقی ہیں ۔

ادھر بارہمولہ کی اگر بات کریں تو بارہمولہ میں پی اے جی ڈی نے پچاس فیصد سیٹیں اپنے نام کیں ہیں ۔ پی اے جی ڈی نے بارہمولہ کی سات سیٹوں پر جیت درج کی ہے ۔ دو سیٹیں اپنی پارٹی ، دو سیٹیں کانگریس جبکہ تین سیٹوں پر آزاد امیدواروں نے جیت درج کیں ہیں ۔ پی اے جی ڈی نے بارہمولہ،بونیار، نارواو پٹن،رفیع اآباد،رہامہاور سنگھ پورہ سیٹوں کو اپنے نام کیا ۔ وہیں جموں کشمیر اپنی پارٹی نے کنزر اور ٹنگمرگ سیٹوں پر جیت درج کی ہے ۔ کانگریس نے پرنپیلا اور زینہ گیر سیٹوں پر جیت درج کی ہے جبکہ آزاد امیدواروں نے سنگرامہ، تُجر شریف اور واگورہ کی سیٹوں پر جیت درج کی ہے ۔

گاندربل میں پی اے جی ڈی نے گیارہ سیٹیں اپنے نام کیں ہیں ۔ جبکہ بقیہ تین سیٹیں آزاد امیدواروں کے کھاتے میں گئیں ہیں ۔ ضلع گاندربل میں جموں کشمیر اپنی پارٹی، کانگریس اور بی جے پی کو ایک بھی سیٹ حاصل نہیں ہوئی۔

جموں ضلع میں بی جے پی نے گیارہ سیٹوں پر جیت درج کی ہے ۔ جموں میں کانگریس کا کھاتا بھی نہیں کھلا۔ پی اے جی ڈی کے حق میں ایک سیٹ گئیں جبکہ دو سیٹوں پر آزاد امیدواروں نے جیت درج کی ہے ۔

کٹھوعہ کی اگر ہم بات کریں تو یہاں ایک طرح سے بی جے پی نے کلین سویپ کیا، بی جے پی نے ضلع کی تیرہ سیٹوں کو اپنے نام کیا وہیں بقیہ ایک سیٹ بی ایس پی کے کھاتے میں گئی۔ پی اے جی ڈی یہاں کھاتا کھولنے میں بھی ناکام رہی۔

ڈوڈہ میں بی جے پی نے آٹھ سیوٹوں کو اپنے نام کیا ۔ کانگریس کے کھاتے میں چار سیٹیں گئیں جبکہ پی اے جی ڈی نے ایک سیٹ کو اپنے نام کیا وہیں ایک سیٹ آزاد امیدوار کے حق میں گئی۔

کشتواڑ میں پی اے جی ڈی نے چھ سیٹیں اپنے نام کیں ہیں ۔ وہیں بی جے پی اور کانگریس کے کھاتے میں تین تین سیٹیں گئیں جبکہ دو سیٹوں پر آزاد امیدواروں نے جیت درج کی ہے ۔

کولگام میں پی اے جی ڈی نے بارہ سیٹوں پر جیت درج کی ہے ۔ وہیں کانگریس دو سیٹیں اپنے نام کرنے میں کامیاب ہوئی۔ بی جے پی اور اپنی پارٹی یہاں اپنا کھاتا تک نہیں کھول پائی ۔

کپواڑہ ضلع کی اگر بات کریں تو یہاں پی اے جی ڈی نے نو سیٹیں جبکہ آزاد امیدواروں نے تین سیٹیں اپنے نام کیں ہیں ۔ وہیں اپنی پارٹی ٹنگڈار سیٹ کو اپنے نام کرنے میں کامیاب رہی ۔

پونچھ میں بی جے پی اپنا کھاتا کھولنے میں ناکام رہی ۔ پونچھ میں کانگریس چار سیٹیں اپنے نام کرنے میں کامیاب رہی وہیں پیپلز الائنس کے کھاتے میں دو سیٹیں گئیں جبکہ سات سیٹوں پر آزاد امیدواروں نے جیت درج کی ہے ۔
پلوامہ میں پی اے جی ڈی نے نو سیٹوں پر جیت درج کی ہے ۔ وہیں آزاد امیدواروں کے حق میں چار سیٹیں گئیں جبکہ بی جے پی نے ایک سیٹ پر جیت درج کی ہے۔

راجوری کی اگر بات کریں تو یہاں بھی پی اے جی ڈی نے چھ سیٹیں اپنے نام کیں ہے ۔ وہیں بی جے پی کے کھاتے میں دو سیٹیں گئیں جبکہ کانگریس نے تین سیٹوں پر جیت درج کی ہے ۔ راجوری میں اپنی پارٹی نے ایک سیٹ جبکہ ایک سیٹ کو آزاد امیدوار نے اپنے نام کیا ہے ۔

رامبن میں بھی پی اے جی ڈی نے چھ سیٹیں اپنے نام کیں ہیں ۔ یہاں بی جے پی کے کھاتے میں تین سیٹیں گئیں جبکہ کانگریس کے حق میں دو اور آزاد امیدواروں نے تین سیٹوں پر جیت درج کی ہے۔

ریاسی میں بی جے پی نے سات سیٹیں اپنے نام کیں ہیں ۔ اپنی پارٹی نے دو سیٹوں پر جیت درج کی ہے ۔ پیپلز الائنس کے حق میں تین سیٹیں آئیں جبکہ ایک سیٹ پر آزاد امیدوار نے جیت درج کی ہے ۔

وہیں سانبہ میں بی جے پی نے کلین سویپ کیا ۔ سانبہ کی تیرہ سیٹوں پر بی جے پی نے جیت درج کی ہے جبکہ پیپلز الائنس کے کھاتے میں یہاں ایک سیٹ آئی ۔ باری برہمنا سیٹ پر این سی امید وار نے جیت درج کی ہے ۔

ضلع شوپیاں میں پی اے جی ڈی نے سات سیٹوں پر جیت درج کی ہے۔ یہاں آزاد امیدواروں نے چار سیٹیں اپنے نام کیں وہیں اپنی پارٹی کے کھاتے میں دو سیٹیں جبکہ کانگریس کے کھاتے میں ایک سیٹ آئی۔

سرینگر میں آزاد امیدواروں نے سات سیٹوں پر جیت درج کی ۔ یہاں پی اے جی ڈی اور اپنی پارٹی کے حق میں تین تین سیٹیں آئی جبکہ ایک سیٹ بی جے پی کے نام رہی۔

ادھمپور میں بی جے پی نے گیارہ سیٹوں پر جیت درج کی ہے ۔ وہیں پینتھرس پارٹی کے حق میں دو سیٹیں جبکہ ایک سیٹ آزاد امیدوار کے نام رہی۔

انتخابات کے نتائج کے دوران کچھ ایسی سیٹین بھی تھیں جن پر گنتیکا عمل کسی وجہ سے روک دیا گیا تھا۔ ان سیٹوں پر ابھی نتائج آنے باقی ہیں۔