جنوبی کشمیر کے دمحال ہانجی پورہ کے لون محلہ میں پولیس،فوج اور فورسزنے علاقے میں جنگجوءوں کے موجودگی کی مصدقہ اطلاع موصول ہونے کے بعد علاقے کو دوران شب محاصرے لیا،جس دوران اور جنگجوءوں اور فوج وفورسزکے درمیان سنیچر کوطلوع آفتاب سے گولیوں کا شدید تبادلہ ہوا ہے جودن کے 2بجے تک جا ری رہا ۔
اس دوران اس تصادم آرائی میں 4مقامی حزب جنگجو جاں بحق ہوئے،جبکہ جنگجوءوں کی فائرنگ میں ایک فوجی اہلکار بھی زخمی ہونے کے علاوہ 3رہائشی مکان تباہ ہو ئے ۔ جھڑپ شروع ہونے کے بعد ہی کھور بٹہ پورہ کے مقام پتھراءو اور ٹیر گیس شلنگ کا سلسلہ شام دیر گئے تک جاری رہا ہے ۔ پولیس نے جائے وارادت سے4جنگجوکی نعشیں برآمد کرنے کے علاوہ اسلحہ اور گولہ بارود برآمد کرنے کر لیا ہے ۔ پولیس نے قانونی لوازمات پورے کرنے کے بعد جنگجوءوں کی نعشوں کو لواحقین کے حوالے کیا گیا ۔ پولیس نے بتایامارے گئے جنگجو علاقے کے گزشتہ دنوں کی شہری ہلاکتوں میں ملوث تھے ۔
کشمیر نیوز سروس ( کے ا ین ایس)کے مطابق جنوبی کشمیر کے ضلع کولگام میں فوج اور فورسزنے جمعہ کی رات ایک مصدقہ اطلاع ملی کہ علاقے کے لون محلہ باغ بل دمحال ہانجی پورہ میں 3سے4جنگجوءوں ایک مکان میں چھپے ہیں ۔ اس دوران فورسز نے اطلاع موصول ہونے کے فوراً بعدفوج کے34آر آر،سی آر پی ایف اور ایس او جی اہلکاروں نے گاءوں سے معمولی دورچار کنبوں والی بستی لون محلہ کو دوران شب سخت محاصرے میں لے کرتمام راستوں کو سیل کیا اور کئی سیکورٹی کور کئے ،تاکہ یہاں موجود جنگجوکسی طرح فرار نہ ہو سکے ۔ پولیس ذراءع نے بتایا اس دوران سنیچر کے علی الصبح سویرے تلاشی کارروائی شروع کی ،اس دوران جب فورسز کی تلاشی پارٹی غلام محمد لون پارٹی مکان کے صحن میں داخل ہو کر افراد خانہ کو باہر نکالا تو انہیں پتہ چلا کہ مکان کے اندر4 جنگجوموجود ہیں ۔
پولیس نے بتایا فورسز نے جنگجوءوں کو سرنڈر کرنے کے کی پیشکش کی ہے جس کو انہوں ٹھکرا کر فورسز پرشدیدفائرنگ شروع کی اور فرار ہونےکی کوشش کی ۔ ذراءع نے بتایاکہ فورسزنے بھی جوابی فائرنگ کر کے مکان کو گھیرے میں لے کر فرار ہونے والے راستوں پر مزید نفری کو تعینات کیا ۔ اس دوران طرفین کے درمیان گولیوں کا تبادلہ کافی مدت تک جاری رہا ۔ مقامی لوگوں نے بتایا گولیوں کا تبادلہ اس قدر شدید تھا کہ پورا علاقہ گولیوں کے گھن گرج سے لرز اٹھا ہے ۔ اس دوران اس تصادم آرائی میں ابتدائی طور3جنگجو جاں بحق ہوئے ہیں ،جن کی نعشیں مکان کے صحن میں پڑی تھیں ۔
پولیس ذراءع نے مزید بتایاکہ چوتھا جنگجو مکان میں چھپا بیٹھا تھا، جووقفے وقفے سے فورسز پر فائرنگ کرتا رہا ۔ اس دوران جب جنگجو مکان سے باہر نہیں آیا،تو فورسز نے دن کے ایک بجے کے قریب مکان کو آگ لگا دی ،جس کے ساتھ ہی پھر ایک بار پھر طرفین کے درمیان گولیوں کا شدید تبادلہ شروع ہوا ۔ اس دوران دن کے2بجے یہ جھڑپ اختتام پذیر ہوئی جس میں چوتھے جنگجو کو بھی مار گرایا گیا ہے ۔ اس طرح سے یہ تصادم 4مقامی جنگجوءوں کی ہلاکت کے بعد ختم ہوئی ۔ جھڑپ میں ولی محمد لون ،غلام محی الدین لون ولد عبدال وحب اور غلام احمد لون ولد عبدا لخالق لون کے دو اور تین منزلہ مکانات مکمل طور تباہ ہوئے ۔
اس طرح سے تین مکانات میں رہائش پزیر 6کنبے مکمل طور کھلے آسمان تلے آ گے ۔ بتایا یاجاتا ہے تینوں مکانوں میں تمام مال وا سباب ختم ہوا ۔ تصادم ختم ہونے کے فوراً بعد پولیس نے جائے ورادات سے چار مقامی جنگجوءوں کی لاشیں برآمد کر لی ۔ ذراءع نے جاں بحق جنگجوءوں کی شناخت صدام اشرف ملک ولد محمد اشرف ساکن آرونی بجبہارہ، اعجاز احمد نائیکوعرف موسٰی ولد محمد اقبال نائیکو ساکن چمر نور باد ،شاہد صدیق ملک عرف ازان بھائی ولد محمد صادق ملک ساکن کھلاحمد آباد نور آباد کولگام،وقار احمد ساکن چیول گام کولگام کے طور کی ہے ۔
ذراءع سے معلوم ہوا ہے کہ شاہد احمد میکنیکل انجینئرنگ کا طالب علم تھا اور گزشتہ سال سے سرگرم تھا،جبکہ باقی مارے گئے دیگر جنگجو بھی ایک سال سے سرگرم تھے ۔ اس دوران پولیس نے جائے واردات سے چاروں جنگجوءوں کی نعشوں کو اپنے تحویل میں لے کر ان کا طبی اور قانونی لوازمات پورے کرنے کے بعد لواحقین کے سپرد کردیا ۔
پولیس نے جائے جھڑپ سے ایک اے کے47راءفل ،ایک پستول ،ایک ایس ایل آر اور انساس راءفل برآمد کر لی ہے ۔ علاقے میں پہلے سے جاری لاک ڈاءون کے نتیجے میں مکمل بند تھا ،تاہم جنگجوءوں کی ہلاکت کے بعد بند میں مزید سختی دیکھی گئی ہے ۔
پولیس نے جھڑپ کو ایک بڑی کامیابی سے تعبیر کرتے ہوئے بتایا کہ مارے گئے، جنگجو حالیہ شہری ہلاکتوں میں ملوث تھے،جنہوں نے علاقے میں کئی عام شہریوں کو گولی مار کر ہلاک کیا تھا ۔ خیال رہے کولگام جنگجوئیت کے لحاظ سے 18اورسال2019 میں زبردست گرم رہا، جہاں 11ماہ کی خاموشی کے بعد یہ جھڑپ ہوئی ہے ۔
پولیس نے واقعے کے حوالے سے ایک کیس درج کر کے تحقیقات شروع کر دی ہے ۔