خبراردو:

سرمائی راجدھانی جموں میں اتوار کو مسلسل تیسرے روز کرفیو کا نفاذ سختی سے جا ری رہاجس دوران علاقے میں پولیس اور فورسز کی بھاری نفری کو چپے چپے پر چوکنارکھا گیا۔اس دوران علاقے میں امن قانون کی صورتے حال کو بر قرار رکھنے کے لئے کسی کو بھی گھروں سے باہر آنے کی اجازت نہیں دی گئی۔

تاہم حکام نے بتایا اہم خدمات چلانے والے لوگوں کو انتظامیہ کی جانب سے خصوصی کرفیو پاس فراہم کرنے کے بعد ایک جگہ سے دوسری جگہ جانے کی اجازت دی جا رہی تھی ۔ ادھر جانی پور علاقے میں سخت سیکورٹی کے باوجود حلات پر تناو رہے جس دوران یہاں رہائش پزیر کشمیریوں کو ڈرایا دھمکایا گیا۔ اس دوران حکام نے بتایا علاقے میں سیکورٹی کو کرفیو سختی سے نافذ کرنے کی ہدایت دی گئی ہے تاکہ علاقے میں کوئی نا خوش گوار واقعہ پیش نہ آئے۔ انہوں نے مذید بتایا علاقے میں حالات کا جائزہ لینے کے بعد ہی علاقے میں کسی نرمی یا کرفیو ہٹانے کے بارے میں سوچا جا سکتا ہے تاہم معلوم ہوا کہ علاقے میں اتوار کو بھی کرفیو میں کسی قسم کی نرمی کا کوئی امکان نہیں ہے ۔ اس دوران جموں کے مختلف علاقوں میں رہائش پزیر لوگوں جن میں خاص کر عارزی طور رہائش اختیار کرنے والے لوگوں کے گھروں میں غذائی اجناس اور بچوں کے لئے دود اور ادویات می شدید قلت پیدا ہوئی ہے جس کے نتیجے میں مزکورہ لوگ خوف کے مارے گھروں سے باہر نکلنے میں بھی زبردست خوف محسوس کر رہے ہیں۔

ادھر وادی کشمیر میں جموں کے مسلمانوں کے ساتھ اظہار یکجہتی اور بیرون وادی میں کشمیریوں پر حملواور انہیں خوف ذدہ کرنے کے خلاف کشمیر کی سب سے بڑے تجارتی انجمنوں کشمیر ٹریڈرس اینڈ مینو چکچیرس فیڈریشن اور کشمیر اکنامک ائیلانس نے سنیچر کو کشمیر بند کی کال دی تھی جس کے نتیجے میں پوری وادی میں سخت ہڑتال جا ری رہی اور تمام دکانیں اور کار باری ادارے بند رہنے کے علاوہ سڑکوں سے ٹرانسپوٹ غائب رہا۔ ہڑتال کے دوران یہاں تمام نجی کار باری ادارے مکمل بند رہے جبکہ سرکاری دفاتر میں ملازمین کی حاضری صفر کے برابر رہی ہے ۔ ادھر وادی کشمیر کے شہر سرینگر کے حساس مقامات کے ساتھ ساتھ جنوبی کشمیر کے ضلع پلوامہ ،شوپیان ،اننت ناگ،پلوامہ،اونتی پورہ ،ترال ،پانپور، کوگام ،قاضی گنڈ ، بڈگام ،گاند بل ،کپوارہ ،ہندوارہ،سوپور،بارہمولہ ،بانڈی پورہ میں علاقوں سے نامہ نگاروں نے جو اطلاعات فراہم کی ہے ۔ ان کے مطابق یہاں مکمل ہڑتال کی وجہ سے معمولات کی زندگی بری طرح متاثر رہی ہے ۔ جبکہ اکثر مقامات پر فورسز کی اضافی نفری کو امن و قانون کی صورت حال کو برقرار رکھنے کے لئے تعینات رکھا گیا ۔ اس دوران وادی کے کسی بھی علاقے سے کسی ناخوشگوار واقعے کی اطلاع موصول نہیں ہوئی ہے ۔

ادھر بیرون ریاستوں میں کاروی باری افراد جن میں خاص کر طلباء اور مختلف علاقوں میں کام کر رہے لوگوں پر حملوں اور خوف ذدہ کرنے کی کاروائیاں برابر جاری ہے ۔ادھرراجھستان ایک غیر سرکاری یونیورسٹی ’نیشنل انسٹچوٹ آف میڈیکل سانسز ‘میں زیر تعلیم 4کشمیری طالبات کو پلوامہ حملے کے سلسلے میں اپنے کمنٹس تحریر کرنے کی پاداش میں ادارے سے معطل کر کے بے دخل کر دیا گیا۔ ایک قومی اخبار میں شائع رپوٹ کے مطابق معطل شدہ طالبات میں تلوین منظور ،اقراء،ظہرا نذید اور عظمی نذیر شامل ہیں جو مختلف شعبہ جات میں زیر تربیت ہیں ۔بتایا جاتا ہے کہ چاروں کشمیری طالبا ت کی جانب سے وٹس اپ چیٹ وائرل ہوا ہے جس کے بعد ادارے میں زیر تعلیم کچھ طلباء اور عام شہری سنیچر کے روز مزکورہ طالبات کے خلاف کارروائی کا مطالبہ کر رہے تھے جس کے بعد انہیں ادارے سے بے دخل کیا گیا۔

ذرائع نے بتایا چاروں کشمیری طالبات کمپس میں موجود نہیں ہیں اور ان کے بارے میں کسی کو معلوم نہیں ہے کہ وہ کہاں ہیں ۔ادھر چند واجی پولیس اسٹیشن کے ایس ایچ او نے بتایا کمپس میں احتجاج کی اطلاع کے بعد پولیس پارٹی کو یہاں روانہ کیا گیا تاہم انہوں نے بتایا علاقے میں حالات کنڑول میں ہیں ۔جبکہ پولیس میں اس بارے میں طالبات کے خلاف کیس درج کے لرنے کے حوالے سے کسی نے کوئی شکایت نہیں کی ہے ۔اور ناہی کوئی ایف آئی درج کیا گیا۔ادھر ملک کے مختلف ریاستوں سے کشمیری طلبا کو اشیاء فراہم نہ کرنے اور انہیں مزکورہ علاقے چھوڈنے کی دہمکیاں مسلسل مل رہی ہیں ۔ادھر کچھ طلبا نے بتایا ہم وادی واپس لوٹنا چاہتے ہیں تاہم جموں میں کرفیو اور ہوائی کرائیوں میں اضافے کی وجہ سے انہیں سخت مشکلات کا سامنا کرنا پڑ رہا ہے ۔انہوں نے بتایا خراب حالات کے بعد ان کی تعلیم بھی متاثر ہوئی ہے ۔

ادھر وادی سے باہر جموں یا بیرون ریاست میں اس وقت مقیم لوگوں کے افراد خانہ اور والدین شدید ذہنی پریشانیوں میں مبتلا ہوئیں ہیں ۔ ادھر ریاستی انتظامیہ نے ملک طلباء اور کشمیر سے باہر مقیم لوگوں کے لئے خصوصی ہیلپ لائن نمبرات جاری کئے ہیں تاکہ ضرورت مند لوگ کسی بھی وقت پولیس کے یا انتظامیہ کے ساتھ رابطہ قائم کر سکیں گے ۔ خیال رہے جنوبی کشمیر کے ضلع پلوامہ کے لتتہ پورہ اونتی پورہ میں شرینگر جموں شاہراہ پر جنگجوؤں کے خود کش حملے میں 49سی آر پی ایف اہلکارہلاک ہوئے جس دوران 30سے زیادہ زخمی ہوئے ۔جس کے بعد پورے ہندوستان میں واقعے پر مذمت کر کے مہلوکین کے رشتہداروں کے ساتھ ہمدردی کا اظہار کیا گیا۔

اس دوران جموں میں ’جموں چیمبر آف کامرس اینڈ انڈسٹریز ‘نے جموں بند کی کال دی تھے جس دوران یہاں جمعہ کے روز تشدد بھڑک اٹھا ۔جس میں بلوائیوں نے سینکڑوں کشمیریوں کی گاڑیوں کی توڑ پھوڑ کیا اور ان میں بعض کو آگ کے حوالے کیا۔جبکہ کئی مقامات پر مسلم اکثر یتی علاقوں میں پتھراو اور حملے بھی کئے ہیں۔ اس دوران علاقے میں مذہبی بھائی چارے کو نقصان پہنچانے اور لاکھوں کی املاک کو راکھ کرنے کے بعد کرفیو کا نٖاز عمل میں لایا ہے جو اس رپوٹ کو مکمل کرنے تک جاری تھا۔