جموں، جموں و کشمیر کے پونچھ اور اودھم پور اضلاع میں اسٹیٹ انویسٹی گیشن ایجنسی (ایس آئی اے) کی ایک ٹیم نے ہفتے کے دن کئی مقامات پر چھاپے مارے۔

واقعات سے جڑے ذرائع نے بتایا کہ پونچھ کے منڈی اور سرنکوٹ علاقوں نیز اودھم پور ضلع کے رام نگر علاقے میں تلاشی مہم چلائی جا رہی ہے۔

انہوں نے کہا، “یہ چھاپے جانچ کے تحت چل رہے ایک معاملے کے سلسلے میں مارے گئے ہیں۔” ذرائع نے بتایا کہ مہم مکمل ہونے کے بعد اس کے متعلق تفصیلی معلومات شیئر کی جائیں گی۔

یواین آئی۔الف الف

سرینگر، جموں و کشمیر کے ضلع اننت ناگ میں پولیس نے ہفتے کے دن واگھاما کے 20 مقامات پر بڑے پیمانے پر منشیات مخالف مہم چلائی۔ واگھاما کو ضلع میں منشیات کے ہاٹ اسپاٹ کے طور پر نشان زد کیا گیا ہے۔ مہم کے دوران پولیس نے منشیات کی اسمگلنگ میں مشتبہ 13 افراد کو پوچھ گچھ اور آگے کی قانونی کارروائی کے لیے حراست میں لے لیا۔

پولیس نے بتایا کہ منشیات کی اسمگلنگ میں ملوث مقامی نیٹ ورک کی شناخت کرنے اور اسے ختم کرنے، نیز سپلائی چین کو اس کے سورس پر ہی ختم کرنے کے مقصد سے یہ یہ مربوط نارکو گھیرابندی اور تلاشی مہم چلائی گئی۔ پولیس نے بتایا کہ ایک مربوط مہم کے دوران، پوچھ گچھ اور آگے کی قانونی کارروائی کے لیے مشتبہ 13 منشیات اسمگلروں کو حراست میں لیا گیا۔

حکام نے بتایا کہ یہ مہم منشیات کے خلاف پولیس کی سخت کارروائی کا حصہ ہے اور منشیات کی اسمگلنگ کے تئیں اس کی ‘زیرو ٹالرینس’ کی پالیسی کو ظاہر کرتی ہے۔ پولیس نے کہا کہ منشیات کے پھیلاؤ کو روکنے اور نوجوانوں کی حفاظت کے لیے، غیر قانونی منشیات کے کاروبار میں ملوث لوگوں اور نیٹ ورک کے خلاف مسلسل اور انٹیلی جنس معلومات پر مبنی مہمات جاری رہیں گی۔

پولیس نے کہا کہ “منشیات سے پاک اننت ناگ” کا ہدف حاصل کرنے کی کوششوں کے تحت ایسی مہمات کو مزید تیز کیا جائے گا۔

یواین آئی۔الف الف

جموں، جموں و کشمیر کے ضلع ڈوڈہ میں سکیورٹی فورسز کی ایک مشترکہ ٹیم نے ہفتے کے دن جیش محمد کے ایک دہشت گرد کی باقیات برآمد کیں۔

جموں و کشمیر پولیس نے ایکس پر ایک پوسٹ میں کہا، “تم بھاگ تو سکتے ہو لیکن چھپ نہیں سکتے!”
پولیس نے کہا، “ایس او جی ڈوڈہ، آر آر اور سی آر پی ایف نے پاکستانی جیش محمد دہشت گرد کی باقیات برآمد کیں، جسے پہلے ایک مشترکہ آپریشن میں مار گرایا گیا تھا۔ نائٹ ویژن کی صلاحیت والی ایف4 رائفل بھی برآمد کی گئی۔”

یواین آئی۔الف الف