سردی کی شدید لہر سے عوام کا جینا دشوار
آنے والے دنوں میں راتیں مزید سرد رہنے کا امکان

خبراردو

سرینگر:شدید سردی اور خشک موسم کے بیچ وادی میں سرد ترین موسم کا بادشاہ ”چلہ کلان“ 20دسمبر کی درمیانی شب جلوہ افروزہوگیاجس کے ساتھ ہی شبانہ درجہ حرارت میں مزیدنمایاں کمی واقع ہو نے ہوئی ہے۔

”شہنشاہِ زمستان“ یعنی چلہ کلان کے نام سے مشہور سرد ترین موسم کاآغاز اآج سے ہورہا ہے تاہم چلہ کلان سے قبل سے وادی میں سردی کی شدید لہر نے عام لوگوں کا جینا دوبھر کیا ہوا ہے۔

اس دوران لوگوں نے شہنشاہ چلہ کلان کا خیر مقدم کرتے ہوئے لوگوں نے خشک سبزیوں،دالوں، اشیائے خوردنی کے علاوہ راشن، رسوائی گیس اور تیل خاکی کو بھی ذخیرہ کیا۔ادھر محکمہ موسمیات نے پیش گوئی کرتے ہوئے کہا کہ آنے والے دنوں میں وادی کشمیر میں راتیں مزیدسرد ہونے کا امکان ہے۔

محکمہ موسمیات کا کہن اتھا کہ گزشتہ رات کے دوان وادی بھر میں شبانہ درجہ حرارت میں مزید گراوٹ ریکارڈ کی گئی۔

کشمیر نیوز سروس (کے این ایس) کے مطابق 21دسمبر سے شروع ہونے والے 70دنوں پر محیط شدید ترین سردی کا آج سے آغاز ہونے جارہا ہے جس میں چلہ کلان، چلہ خرد اور چلہ بچہ کے ایام شامل ہیں۔

70دنوں پر مشتمل ایام میں سے 40چلہ کلان، 20چلہ خرد اور 10روز چلہ بچہ کے ہوتے ہیں جس دوران وادی سردی انتہائی سردی کی لپیٹ میں آتی ہے۔وادی میں 40دن کے سرد ترین موسم ”چلہ کلان“ نے اتوار اور پیر کی درمیانی شب کو دستک دی تاہم گزشتہ برسوں کے برعکس اس بار ”چلہ کلان“ کا استقبال بارشوں اور برفباری کے بجائے خشک موسم اور کھلی دھوپ نے کیا تاہم وادی میں گزشتہ کئی دنوں سے جاری سردی کی شدید لہر نے آج رات بھیانک رخ اختیار کیا اور درجہ حرارت معمول کے کئی ڈگری نیچے گرگیا۔

واضح رہے ”چلہ کلان“ کی وادی میں صدیوں سے ایک انفرادی اہمیت ہے اور اس موسم کی آمد سے ہی کئی دہائی قبل کی یادیں بزرگوں کے دل و دماغ میں تازہ ہوجاتی ہیں جب اس موسم میں پوری وادی برف کی لپیٹ میں آچکی ہوتی تھی اور چاروں طرف سفید برف کی چادریں لپٹی ہوئی نظر آرہی تھیں جبکہ گھروں اور دوسری عمارتوں کی چھتوں سے ٹپکتا پانی منفی درجہ حرارت کی وجہ سے جم جاتا تھا جسکے نتیجے میں ہوا میں ہی پانی جم کر معلق ہوجاتا تھا اور کشمیری میں اس کو ”ششر گانٹھ“ کہتے تھے جبکہ اس موسم میں کئی دیہات ہفتوں تک قصبہ جات اور شہروں سے کٹ کے رہ جاتے تھے البتہ دیہات میں پوری طرح سے ان ایام کی تیاریاں ہوتی تھی اور لوگ اپنے گھروں میں خشک سبزیاں اور دالیں ذخیرہ کرنے کے علاوہ بھیڑ اور پولٹری پرندے پالتے تھے تاکہ ضرورت پڑنے پر ان کا استعمال کیا جا سکے۔تاہم اب گذشتہ کئی برسوں سے موسم سرما کی اس روایت میں کافی تبدیلی آگئی ہے اور برف میں کمی کے باعث لوگوں کی طرز زندگی میں بھی بدلاؤ آگیا ہے۔

چلہ کلان کو اگر چہ وادی میں خیالی تصور میں ایک بزرگ کا درجہ دیا جاتا ہے تاہم اس موقسم کے دوران وہ بچوں کی طرح نٹ کھٹ حرکات بھی کرتا ہے اور اگر حشم ناک ہو تو پھر کوئی خیر نہیں۔افسانوی تصور میں چلہ کلان کے حوالے سے کہا گیا ہے کہ اس کا کہنا ہے کہ اگر میں بزرگ نہیں ہوتا اتنی برف باری کرتا کہ لوگوں کو درختوں کے اْپر سے راستہ بنانا پڑتا۔

چلہ کلان کو وادی میں سرد ترین موسم کا بادشاہ کہا جاتا ہے جو اپنا وجود بکھیر کر پہاڑوں سے لیکر میدانی علاقوں تک ہڈیوں کو پگلا دینے والی سردی بکھیر دیتا ہے۔چلہ کلان کے جلوہ افروز ہونے کے ساتھ ہی وادی کے شمال وجنوب میں سرد ترین سردی کی لہر بھی چلتی ہے جبکہ برف باری بھی اپنے جوبن پر ہوتی ہے۔

اس دوران چلہ کلان کا استقبال کرنے کیلئے شہر وگام لوگوں نے پیشگی تیاریاں بھی شروع کی ہے جبکہ خشک سبزیوں،دالوں،ضروری غذائی اجناس کے علاوہ رسوائی گیس،تیل خاکی،بالن،گرم ملبوسات سمیت دیگر چیزوں کی بھی ذخیرہ اندوزی کی گئی ہے۔ چلہ کلان میں جموں سرینگر شاہرہ بند ہونے کی وجہ سے ضروری سپلائی بھی وادی آنے سے رہ جاتی ہے جس کو مد نظر رکھتے ہوئے بھی لوگ پہلے ہی تیاریاں بھی کرتی ہے۔

ادھر سرکاری سطح پر بھی چلہ کلان کی آمد سے قبل ہی اس کے بزرگانہ نخروں سے نپٹنے کیلئے تمام تیاریوں میں جٹ جاتی ہے اور جس مدت کے دوران چلہ کلان وادی میں اپنا ڈھیرہ ڈالتا ہے،کیلئے ضروری اسٹاک کی وافر مقداری کو مہیا رکھنے کیلئے ان چیزوں کو زخیرہ کیا جاتا ہے۔ اس دوران چلہ کلان کی آمد کے ساتھ ہی وادی میں سرد ترین سردی کی لہر بھی چلی ہے جس کے دوران شبانہ درجہ حرارت میں بھی کمی آئی ہیں۔

ادھر بلائی علاقوں میں برف باری کی وجہ سے سردی میں مزید اضافہ ہوا ہے جس کی وجہ سے روزمرہ کے معمولات بھی اثر انداز ہوئے ہیں۔رواں سال کے نومبر سے ہی وادی سردی کی سخت لپیٹ میں آگئی ہے جبکہ اس وقفے کے دوران شمال و جنوب میں پہاڑی علاقوں میں کئی مرتبہ برف باری ہونے کے ساتھ ساتھ میدانی علاقوں میں بارشوں کا سلسلہ جاری رہا جس کے نتیجے قبل از وقت موسم میں آئی تبدیلی سے روز مرہ کے معمولات پر حددرجہ اثر پڑا۔۔ ادھر وادی کشمیر میں رات کے درجہ حرارت میں بھی چلہ کلان کے پیش نظر نمایاں گراوٹ دیکھنے کو مل رہی ہے جس دوران غروب آفتاب سے قبل ہی لوگ گھروں کی راہ لینے پر مجبور ہوجاتے ہیں۔ گزشتہ دو ہفتوں سے جاری سردی کی شدید لہر کے نتیجے میں سیاحتی مقامات بشمول گلمرگ، پہلگام، سونہ مرگ میں بھی ہڈیوں کو شل کردینے والی سردی جاری ہے جس دوران سیاحتی مقامات پر منفی درجہ حرارت کا پارہ تھمنے کا نام نہیں لے رہا ہے۔21دسمبر سے 30جنوری تک جاری رہے والے سرد ترین موسم چلہ کلان کے دوران عام سرد موسمی حالات کے مقابلے میں سردی کی لہر میں کئی گنا اضافہ ہوتا ہے۔

ادھر محکمہ موسمیات نے پیش گوئی کرتے ہوئے کہا کہ آنے والے دنوں میں وادی کشمیر میں راتیں مزیدسرد ہونے کا امکان ہے۔ انہوں نے کہا کہ گزشتہ رات کے دوان وادی بھر میں شبانہ درجہ حرارت میں مزید گراوٹ ریکارڈ کی گئی جس دوران لیہہ،وادی کشمیر،اوردارس میں منفی درجہ حرات ریکارڑ کیا گیا ہے۔میں منفی جبکہ خطہ چناب کے بھدرواہ میں رات کے درجہ حرارت میں مزید گراوٹ آئی ہے۔