کھلی دھوپ کے بعددرجہ حرات میں بہتری، 3جنوری تک موسم خشک رہنے کا امکان:موسمیات
سرینگر جموں شاہراہ گھنٹوں کے بعد بحال،راجوری میں سڑک حادثے میں 9مسافر زخمی

سرینگر:ٹنل کے آر پار بالائی و میدانی علاقوں میں تازہ ہلکی برف باری ہوئی۔جس کے نتیجے میں وادی میں جاری سخت سردی میں کسی حد تک کمی واقعی ہوئی ہے جبکہ درجہ حرارت میں بھی بہتری درج ریکارڑ درج ہوئی ہے اس دوران کھلی دھوپ میں میں لوگوں نے رات کی سانس لی ہے۔

جموں کے راجوری میں سال رواں کی پہلی برف باری کی وجہ سے بیشتر رابطہ سڑکیں بند ہوئیں جن پر برف بٹا لیا گیا ہے ادھر میں پھسلن پیدا ہونے کی وجہ سے ایک گاڑی حادثے کی شکار ہوئی ہے جس میں سوار9افراد زخمی ہوئے۔ادھر سرینگر جموں شاہراہ پر پسی گر آنے کے نتیجے میں اتوار کے روز بند ہونے کے بعد اتوار کے صبح سویرے آمد رفت کے لئے بحال کیا گیا،

تاہم گزشتہ دن اور رات کے دوران مسافر درماندہ رہنے کی وجہ سے مسافروں کو سخت مشکلات کا سامنا کرنا پڑا ہے محکمہ موسمیات 28دسمبر سے 3جنوری تک موسم مجموعی طور پر خشک رہنے کی پیش گوئی کی ہے۔

کشمیر نیوز سروس (کے این ایس) کے مطابق محکمہ موسمیات کی پیش گوئی کے عین مطابق اتوار اور سوموار کی درمیانی رات کے دوران ٹنل کے آرا پار میدانی و بالائی علاقوں میں تازہ ہلکی تا بھاری برف باری ہوئی ہے جو دن کے ایک بجے تک تقریباً مختلف میدانی علاقوں میں زمین پر موجود رہی ہے جبکہ پہاڑوں اور بالائی علاقوں میں درمیانی درجے کی برف باری ہوئی ہے۔

کشمیر نیوز سروس کے نامہ نگاروں نے جو تفصیلات فراہم کئے ہیں ان کے مطابق وادی کشمیر کے تمام اضلاع میں ہلکی برف ریکاڑ ہوئی ہے۔ادھر ٹنل کے اس پا ر بھی متعدد پہاڑی علاقوں میں دوسری تازہ برف باری ہوئی ہے۔راجوری سے نمائندے نے اطلاع دی ہے کہ راجوری ضلع کے بیشتر علاقوں میں گذشتہ رات کے دوران رواں موسم کی پہلی برفباری ہوئی جس کے نتیجے میں وہاں کئی سڑکیں آمد و رفت کیلئے بند ہوئیں۔

حکام کے مطابق رات بھر خراب موسم کی اطلاعات ضلع کے سبھی علاقوں میں سے موصول ہوئیں تاہم تھنہ منڈی اور کوترانکا علاقوں میں رات بھر برفباری ہوتی رہی۔

مقامی ذرائع کے مطابق یہ راجوری میں رواں موسم کی پہلی اور بھاری برفباری ہے۔ انہوں نے مزید کہا کہ کوترانکاقصبہ میں کم و بیش ایک فٹ جبکہ قصبہ کے ارد گرد واقع مینڈھر گالا علاقوں میں کم و بیش ڈیڑھ فٹ برف جمع ہوئی ہے۔

اطلاعات کے مطابق کوترانکا کا راجوری سے رابطہ منقطع ہوا ہے تاہم سڑکوں سے برف ہٹانے کا کام شروع کیا گیا ہے۔اسی طرح تھنہ منڈی اور سرنکوٹ کے درمیان راستہ بھی بند ہوگیا ہے۔حکام کے مطابق بھاری برفباری کی وجہ سے کہیں سے بھی کسی جانی یا مالی نقصان کی کوئی اطلاع موصول نہیں ہوئی ہے۔

اد ھر کشمیر وادی میں پیر کے صبح سے ہی کھلی دھوپ نکلنے کے نتیجے میں میدانی حصوں میں جمع کئی اینچ برف ختم ہوا ہے اور یہاں باقی دنوں کے نسبت درجہ حرارت میں بھی کافی حد تک اضافہ ہوا ہے۔

اھر وادی کشمیر کے مختلف علاقوں سے تعلق رکھنے والے لوگوں نے بتایا درجہ حرارت میں بہتری اور کھلی دھوپ کی وجہ سے یہاں لوگوں عوام نے راحت کی سانس لی ہے۔گلمرگ،پہلگام کے علاوہ سونہ مرگ میں بھی تازہ برف باری ہوئی ہے جس دوران یہاں سردی میں شدت دیکھی گئی ہے اور ان مقامات پر دن کو دھوپ نہیں کھلی۔کشمیر نیوز سرس سٹی رپوٹر کے مطابق محکمہ موسمیات کی پیش گوئی کے عین برعکس وادی کشمیر کے میدانی علا قوں میں جہاں موسم خشک ہے وہیں مطلع ابر آلود رہنے سے شبانہ درجہ حرارت میں بھی بہتری واقع ہوئی ہے۔

متعلقہ محکمے کی پیش گوئی کے مطابق وادی کشمیر میں 28سمبر کی شام تک کہیں کہیں موسم ناساز گار رہ سکتا ہے تایم بعد ازاں 29 دسمبر سے 3جنوری تک موسم مجموعی طور پر خشک رہنے کی توقع ہے۔وادی کشمیر میں پیر کو چلہ کلان کے آٹھویں روز بھی موسم مجموعی طور پر خشک رہا اورسورج بھی بیشتر اوقات نمودار رہا اور شبانہ درجہ حرارت میں بہتری واقع ہونے سے لوگوں کو سردی کی شدت سے قدرے راحت نصیب ہوئی۔

ادھر سرینگر جموں شاہراہ پر چندر کوٹ کے نذدیک ایک مٹی کاایک بڑا تودپ گر آیا ہے جس کے نتیجے میں شاہراہ پر اتوار کے صبح سے ہی ٹریفک آمد رفت کے لئے بند رہا ہے جس کے نتیجے میں سینکڑوں مال اور مسافر بردار گاڑیاں یہاں درماندہ ہوئیں ہیں۔اس دوران مسافروں کو ایک دن اور ایک رات شاہراہ پر درماندہ گاڑیوں میں بھوکے رہنا پڑا جس دوران چھوٹے بچو اور خواتین کو طرح طرح کے مشکلات کا سامنا کرنا پڑا ہے۔

مقامی ذرائع کے مطابق اس دوران شاہراہ کو سوموار کے صبح سویرے گاڑیوکی آمد رفت کے لئے بحال کیا گیا ہے۔ادھروادی کشمیر کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر یک طرفہ ٹریفک کی نقل و حمل جاری ہے تاہم جنوبی کشمیر کے ضلع شوپیان کو صوبہ جموں کے ضلع پونچھ کے ساتھ جوڑنے والا تاریخی مغل روڈ گذشتہ زائد از دو ہفتوں سے مسلسل بند ہے۔

ادھر خطہ پیرپنچال کے ضلع راجوری کے سوجیان منڈی علاقے میں پیر کو ایک سڑک حادثے کے نتیجے میں کم سے کم نو افراد زخمی ہوگئے۔نمائندے کے مطابق ایک مسافر گاڑی سڑک سے لڑھک کر برف سے لبریز کھائی میں جاگری جس کے نتیجے میں سومو گاڑی میں سوار سبھی نو افراد زخمی ہوگئے۔مذکورہ گاڑی سوجیان سے کنڈی کی طرف جارہی تھی جب یہ سندری نالہ کے قریب پھسلن کی وجہ سے ڈرائیور کے کنٹرول سے باہر ہوکر لڑھک گئی۔زخمیوں کو سوجیان کے اسپتال میں علاج و معالجہ کیلئے پہنچایا گیا ہے۔(کے این ایس)