23منٹوںمیں دہشت گردوں کے9ٹھکانے زمین بوس
لوگوں کو ناشتہ کرنے میں جتنا وقت لگتا ہے، اتنے میں فضائیہ نے دہشت گردی کو کچل ڈالا
بین الاقوامی مالیاتی فنڈ کو پاکستان کو دی جانے والی امداد پر نظر ثانی کرنی چاہیے: راج ناتھ سنگھ
سری نگر :جے کے این ایس: وزیر دفاع راج ناتھ سنگھ نے جمعہ کو بھج ایئربیس سے پاکستان کو سخت پیغام دیتے ہوئے کہا ہے کہ آپریشن سندور ابھی ختم نہیں ہوا ہے۔انہوں نے کہا کہ وقت آنے پر پوری پکچر دکھائیں گے۔راجناتھ سنگھ نےبین الاقوامی مالیاتی فنڈ( IMF) سے پاکستان کو دی جانے والی ایک بلین امریکی ڈالر کی امداد پر نظر ثانی کرنے کا مطالبہ کرتے ہوئے خبردارکیاکہ اسلام آباد اسے دہشت گردی کی مالی معاونت کےلئے استعمال کر سکتا ہے۔جے کے این ایس مانٹرینگ ڈیسک کے مطابق جمعرات کو سری نگرکا دورہ کرنے کے بعد وزیر دفاع راج ناتھ سنگھ آپریشن سندور کے بعد جمعہ کو بھج گجرات ایئربیس پہنچے۔ انہوں نے یہاں فوجیوں سے ملاقات کی۔ راج ناتھ سنگھ نے پاکستان کو سخت پیغام دیتے ہوئے کہا کہ آپریشن سندور ابھی ختم نہیں ہوا۔ انہوں نے کہا کہ وقت آنے پر پوری پکچر دکھائیں گے۔ وزیر دفاع نے ہندوستانی فضائیہ کی تعریف کی ہے۔وزیر دفاع راج ناتھ سنگھ نے بھج میں کہا کہ یہ کوئی چھوٹی بات نہیں ہے کہ ہماری فضائیہ کو پاکستان کے کونے کونے تک رسائی حاصل ہے، یہ بات پوری طرح سے ثابت ہو چکی ہے۔

انہوںنے کہاکہ آج صورتحال یہ ہے کہ ہندوستان کے لڑاکا طیارے سرحد پارکئے بغیر یہاں سے ملک کے کونے کونے پر حملہ کرنے کی صلاحیت رکھتے ہیں۔ وزیر دفاع راج ناتھ سنگھ نے کہاکہ پوری دنیا نے دیکھا کہ کس طرح آپ نے پاکستانی سرزمین پر دہشت گردوں کے9 اڈوں کو تباہ کیا اور اس کے بعد کی کارروائی میں ان کے کئی ائیر بیس تباہ کر دئیے۔ وزیر دفاع راج ناتھ سنگھ نے اپنی تقریر میں پاکستان پر طنز کرتے ہوئے کہا کہ لوگوں کو ناشتہ کرنے میں جتنا وقت لگتا ہے،اتنے وقت میں آپ(بھارتی فضائیہ) نے دشمنوں کو ختم کر دیا ہے۔ انہوں نے کہاکہ آپریشن سندور کے دوران آپ(بھارتی فضائیہ) نے جو کچھ بھی کیا اس سے تمام ہندوستانیوں کو فخر ہوا، چاہے وہ ہندوستان میں ہوں یا بیرون ملک۔انہوںنے کہاکہ پاکستان میں بڑھتی ہوئی دہشت گردی کو کچلنے کےلئے بھارتی فضائیہ کے لیے صرف 23 منٹ ہی کافی تھے۔ بھج ایئر بیس پربھارتی فضائیہ کے جوانوں سے خطاب کرتے ہوئے وزیر دفاع راج ناتھ سنگھ نے کہاکہ کل ہی میں نے سری نگر میں اپنے بہادر فوجی جوانوں سے ملاقات کی۔ آج میں یہاں ہوائی جنگجوو ¿ں سے مل رہا ہوں۔

کل میں نے شمالی علاقے میں اپنے فوجیوں سے ملاقات کی اور آج میں ملک کے مغربی حصے میں فضائی جنگجوو ¿ں اور دیگر سیکورٹی اہلکاروں سے ملاقات کر رہا ہوں۔ وزیر دفاع راج ناتھ سنگھ نے کہاکہ میں دونوں محاذوں پر بلند حوصلہ اور توانائی دیکھ کر بہت پرجوش ہوں۔ مجھے یقین ہے کہ آپ ہندوستان کی سرحدوں کو محفوظ رکھیں گے۔وزیر دفاع نے کہا کہ آپ نے آپریشن سندور کے دوران جو کچھ کیا اس سے پوری قوم کا سر فخر سے بھر گیا ہے۔ بھارتی فضائیہ کےلئے صرف23 منٹ پاکستانی سرزمین پر بڑھتے ہوئے دہشت گردی کو کچلنے کےلئے کافی تھے۔انہوںنے کہاکہ اگر میں یہ کہوں تو غلط نہ ہوگا کہ لوگوں کو ناشتہ کرنے اور پینے میں جتنا وقت لگتا ہے، آپ نے اپنے دشمنوں سے نمٹا ہے۔

دشمن کے علاقے میں آپ کے گرائے گئے میزائلوں کی گونج پوری دنیا نے سنی۔ اور درحقیقت وہ بازگشت صرف میزائل کی نہیں تھی، وہ بازگشت آپ کی بہادری اور ہندوستان کی بہادری کی تھی۔راجناتھ سنگھنے کہا کہ آپریشن سندور میں ہندوستانی فضائیہ کے موثر کردار کو نہ صرف اس ملک میں بلکہ دیگر ممالک میں بھی سراہا جا رہا ہے۔ آپ نے اس آپریشن میں نہ صرف دشمن پر غلبہ حاصل کیا بلکہ ان کا قلع قمع کرنے میں بھی کامیابی حاصل کی۔ دہشت گردی کے خلاف اس آپریشن کی قیادت ہماری فضائیہ نے کی۔ ہماری فضائیہ ایک ایسی ”اسکائی فورس“ ہے، جس نے اپنی بہادری، ہمت اور جاہ و جلال سے آسمان کی نئی اور بلندیوں کو چھو لیا ہے۔وزیردفاع نے بین الاقوامی مالیاتی فنڈ (IMF) سے پاکستان کو دی جانے والی ایک بلین امریکی ڈالر کی امداد پر نظر ثانی کرنے کا مطالبہ کرتے ہوئے خبردارکیاکہ اسلام آباد اسے دہشت گردی کی مالی معاونت کے لیے استعمال کر سکتا ہے۔ فوجی اہلکاروں سے خطاب میں وزیر دفاع راج ناتھ سنگھ نے کہا کہ ہندوستان نہیں چاہتا کہ وہ آئی ایم ایف کو جو فنڈنگ دیتا ہے اس کا استعمال براہ راست یا بالواسطہ طور پر پاکستان یا کسی دوسرے ملک میں دہشت گردی کا بنیادی ڈھانچہ بنانے کے لیے کیا جائے۔انہوں نے کہا کہ مجھے یقین ہے کہ آج کے دور میں پاکستان کو کسی بھی قسم کی مالی امداد دہشت گردی کی مالی معاونت سے کم نہیں۔وزیردفاع نے کہا کہ بھارت چاہے گا کہ آئی ایم ایف پاکستان کو دی جانے والی ایک ارب ڈالر کی امداد پر نظر ثانی کرے اور مستقبل میں کسی قسم کی امداد دینے سے گریز کرے ۔راجناتھ سنگھ نے کہا کہ آپریشن سندورمیں ہندوستان کی مسلح افواج نے نہ صرف دشمن پر غلبہ حاصل کیا بلکہ انہیں ختم کرنے میں بھی کامیابی حاصل کی۔انہوں نے کہا کہ دہشت گردی کے خلاف مہم کو مو ثر طریقے سے آگے بڑھانے پر ہندوستانی فضائیہ کی تعریف کی۔وزیردفاع نے کہاکہ ہماری فضائیہ نے اپنی بہادری، ہمت اور شان سے نئی اور عظیم بلندیوں کو چھو لیا ہے۔