غربت کو ختم کرنا، معاشی ترقی لانا اور ایک ترقی یافتہ ملک بننا بھارت کے اہداف
بھارت سے نفرت اور دشمنی پاکستان کا مقصدِحیات
سری نگر: جے کے این ایس : وزیراعظم مودی نے پیر کے روز کہاکہ تقسیم کے بعد ایک ساتھ آزاد ہونے کے باوجود ہندوستان اور پاکستان کے مقاصد ایک دوسرے سے مختلف ہیں۔

انہوںنے کہاکہ بھارت سے نفرت اور دشمنی پاکستان کا مقصد ہے جبکہ بھارت کے مقاصد غربت کو ختم کرنا، معاشی ترقی لانا اور ایک ترقی یافتہ ملک بننا ہے۔جے کے این ایس کے مطابق 22اپریل کو پہلگام میں ہوئے دہشت گردانہ حملے اور پھر7مئی کو اسکے جواب میں بھارت کے آپریشن سندور کے بعدوزیراعظم مودی نے پیرکواپنی آبائی ریاست گجرات کا دورہ کیا ،جہاں انہوںنے لوکوموٹیو مینوفیکچرنگ پلانٹ سمیت 24ہزار کروڑ روپے کی لاگت کے ترقیاتی پروجیکٹوں کا آغازکیااور احمد آباد ویراول وندے بھارت سروس اور ولساڈ داہود ایکسپریس ٹرین کو جھنڈی دکھا کر روانہ کیا ۔وزیراعظم نریندرمودی نے داہودمیں کئی پروجیکٹوںکاافتتاح کرنے کے بعد یہاں ایک بڑے عوامی اجتماع سے خطاب کرتے ہوئے کہاکہ پاکستان کا واحد مقصد بھارت سے دشمنی ہے۔انہوںنے کہاکہ ہماری بہنوں کے سندوروں کو مٹانے کی ہمت کرنے والوں کا خاتمہ قریب ہے ۔وزیر اعظم نریندر مودی نے کہا کہ پاکستان کا واحد مقصد ہندوستان سے نفرت کرنا اور اسے نقصان پہنچانے کے طریقے سوچنا ہے، جب کہ ہماری قوم نے غربت کو دور کرنے اور معاشی ترقی کے اہداف طے کیے ہیں۔گجرات کے داہود میں ریلی سے خطاب کرتے ہوئے، وزیر اعظم نے آپریشن سندور کی تعریف کی اور کہا کہ ہماری بہنوں کے سیندوروں کو مٹانے کی ہمت کرنے والوں کو معلوم ہونا چاہیے کہ ان کا انجام قریب ہے۔پاکستان پر طنز کرتے ہوئے وزیر اعظم نے کہاکہ تقسیم کے بعد وجود میں آنے والا ملک بھارت کیلئے نفرت پر جیتا ہے، وہ صرف بھارت کو نقصان پہنچانا چاہتا ہے، تاہم، بھارت کے مقاصد غربت کو ختم کرنا، معاشی ترقی لانا اور ایک ترقی یافتہ ملک بننا ہے۔انہوں نے مزید کہا کہ ہماری حکومت کی پالیسی ترقی کو ان علاقوں تک لے جانا ہے جو پسماندہ رہ گئے ہیں۔وزیراعظم مودی نے لوگوں سے ہولی، دیوالی اور گنیش پوجا جیسے تہواروں کے دوران ہندوستان میں تیار کردہ مصنوعات خریدنے اور استعمال کرنے پر بھی زور دیا، انہوں نے مزید کہا کہ ہمارے ملک کی ترقی کےلئے ہمیں جو کچھ بھی درکار ہے وہ یہیں ہندوستان میں ہونا چاہئے ۔مودی نے کہا کہ جب پاکستان ہندوستان کے آپریشن سندور سے پریشان ہوا تو انہوں نے جوابی کارروائی کا فیصلہ کیا اور جب انہوں نے ایسا کیا تو ہندوستانی فوج نے انہیں شکست دی۔وزیر اعظم نریندر مودی نے حب الوطنی اور عزم کا جذبہ روشن کرتے ہوئے ان لوگوں کو خبردار کیا جو ہندوستان کے وقار اور سلامتی کو چیلنج کرنے کی جرات کرتے ہیں۔ غیر متزلزل عزم کے ساتھ، انہوں نے اعلان کیا،جب کوئی ہماری بہنوں کی عزت کو مٹانے کی کوشش کرتا ہے، تو اس کی اپنی قسمت پر مہر لگ جاتی ہے۔انہوں نے مزید زور دے کر کہا، جو ملک تقسیم (پاکستان) کے بعد پیدا ہوا ہے، اس کا واحد مقصد ہندوستان کے ساتھ دشمنی ہے، اور ہندوستان کو نقصان پہنچانا ہے، لیکن ہمارا مقصد غربت کو ختم کرنا، معیشت کو مضبوط کرنا اور خود کو ترقی دینا ہے۔ وکشت بھارت تبھی ممکن ہے جب ہماری سیکورٹی فورسز اور معیشت مضبوط ہو۔وزیر اعظم نے پہلگام دہشت گردانہ حملے کے جواب میں شروع کیے گئے فوجی آپریشن ’آپریشن سندور‘ کے دوران ہندوستان کی مسلح افواج کی بہادری کی بھی تعریف کی، اور زور دے کر کہا کہ جب پاکستانی فوج نے ہمت کی ، تو ہماری افواج نے پاکستانی فورس کو بھی دھول چٹا دی۔بھارت کی کارروائی سے پریشان، جب پاکستانی فوج نے جوابی کارروائی کی، تو ہماری افواج نے پاکستانی فوج کو بھی شکست دی۔وزیر اعظم نریندر مودی اپنی آبائی ریاست گجرات کا دورہ 2روزہ دورہ کررہے ہیں جس کے دوران وزیر اعظم82ہزار کروڑ روپے سے زیادہ کے متعدد بنیادی ڈھانچے کے منصوبوں کا افتتاح اور سنگ بنیاد رکھیں گے۔