خبراردو:
جنوبی کشمیربالخصوص قصبہ بجبہاڑہ اوراسکے نواحی علاقوں ،کھنہ بل اوراسلام آبادقصبہ میں جمعہ کوعلی الصبح سے ہی افراتفری کی صورتحال پیداہوئی جب بجبہاڑہ کے ایک مضافاتی علاقہ میں کچھ مقامی جنگجوؤں میں محصورہونے اوربعداذاں 6جنگجوؤں بشمول لشکرکمانڈرآزادملک کے جاں بحق ہوجانے کی خبرپھیل گئی ۔ پولیس ذرائع نے بتایاکہ جمعرات کورات دیرگئے جب یہ مصدقہ اطلاع ملی کہ بجبہاڑہ قصبہ کے مضافاتی گاؤں شال گنڈ،دچھنی پورہ میں کچھ جنگجوچھپے بیٹھے ہیں ،توفوج کی3آرآر،سی آرپی ایف اورریاستی پولیس نیزاسکے اسپیشل آپریشن گروپ سے وابستہ اہلکاروں نے اس پورے علاقے کوچاروں اطراف سے محاصرے میں لے لیا۔مقامی لوگوں نے اسکی تصدیق کرتے ہوئے بتایاکہ جمعرات کورات دیرگئے فوج اورفورسزنے اس پورے علاقے کاگھیراؤکیا۔پولیس ذرائع نے بتایاکہ رات بھرپورے علاقے کوسخت محاصرے میں رکھنے کے بعدجمعتہ المبارک کوصبح صادق کے وقت جب فوج ،فورسزاورپولیس کے مشترکہ دستوں نے یہاں تلاشی کارروائی شروع کی تومحاصرے میں پھنسے جنگجوؤں نے محاصرہ توڑکرفرارہونے کی کوشش کے تحت سیکورٹی اہلکاروں پرفائرنگ شرو ع کردی۔

ذرائع کے مطابق سیکورٹی اہلکاروں نے بھی فوراًہی جوابی کارروائی عمل میں لائی ،جسکے نتیجے میں طرفین کے درمیان شدیدگولی باری کاسلسلہ شروع ہوگیا۔مقامی لوگوں نے بتایاکہ صبح صادق کے وقت گولی باری اوردھماکوں کی گونج کے نتیجے میں پورے علاقے میں خوف ودہشت کی لہردوڑگئی اورمقامی آبادی گھروں میں سہم کررہ گئی ۔پولیس ذرائع نے بتایاکہ جنگجوؤں اورسیکورٹی اہلکاروں کے درمیان دوبدؤلڑائی چھڑجانے کے کچھ وقت بعدیہاں کچھ لوگوں نے جنگجومخالف کارروائی میں رخنہ ڈالنے کی غرض سے سیکورٹی اہلکاروں پرسنگباری شروع کردی تاہم پولیس اورفورسزنے فوری طورنظم وضبط کے تحت ان مظاہرین کومنتشرکرنے کی کارروائی عمل میں لائی اوراُنھیں جاے جھڑپ کے قریب جانے سے روکاگیا۔پولیس ذرائع نے بتایاکہ بروقت کارروائی عمل میں لاکرفوج ،فورسزاورایس اؤجی اہلکاروں نے جنگجوؤں کے فرارہونے کی کوشش ناکام بنادی جبکہ کچھ گھنٹوں تک جاری رہنے والی اس جھڑپ کے دوران محاصرے میں موجودسبھی جنگجومارے گئے ۔انہوں نے کہاکہ گولی باری کاسلسلہ تھم جانے کے بعد6جنگجوؤں کی نعشوں ،6رائفلوں اوردیگرکچھ سامان کوبھی یہاں سے برآمدکیاگیا۔

ذرائع نے بتایاکہ مارے گئے سبھی 6جنگجوؤں کی نعشوں اورضبط شدہ اسلحہ وگولی بارودکوضلع پولیس لائنزاننت ناگ پہنچایاگیا۔ذرائع نے مزیدبتایاکہ پولیس لائنزمیں مارے گئے جنگجوؤں کی شناخت اورتنظیمی وابستگی کے بارے میں چھان بین شروع کی گئی ۔انہوں نے کہاکہ مکمل چھا ن بین اورتحقیقات کے بعدمارے گئے جنگجوؤں کی شناخت کاعمل مکمل کیاگیا۔ذارائع نے بتایاکہ قصبہ بجبہاڑہ کے ایک مضافاتی گاؤں شال گنڈدچھنی پورہ میں جھڑپ کے دوران مارے گئے جنگجوؤں میں لشکرکمانڈرآزاداحمدملک عرف آزادداداولدنذیراحمدملک ساکنہ عیدگاہ محلہ آرونی بجبہاڑہ ،باسط احمدمیرولداشفاق احمدساکنہ پوشوارہ کھنہ بل ،یونس عرف انیس شفیع ولدمحمدشفیع بٹ ساکنہ تکیہ مقصودشاہ،آطف احمدنجارساکنہ واگہامہ بجبہاڑہ ،فردوس احمدنجارساکنہ مچھی پورہ پلوامہ اورشاہدبشیرساکنہ کاونی اونتی پورہ شامل ہیں ۔ذرائع نے بتایاکہ آزادملک اورانیس شفیع کاتعلق لشکرطیبہ سے تھا،اورآزادملک لشکرکمانڈرنویدجاٹ کاقریبی ساتھی بھی تھا۔انہوں نے کہاکہ جھڑپ کے دوران مارے گئے باقی چاروں جنگجوؤں کاتعلق حزب المجاہدین کیساتھ تھا۔پولیس ترجمان کی جانب سے جاری کردہ بیان میں بتایاگیاکہ لشکرکمانڈرآزادملک سیکورٹی فورسزکوکافی وقت سے مطلوب تھاکیونکہ وہ نویدجاٹ اوردوسرے کچھ جنگجوؤں کیساتھ سری نگرکی پریس کالونی میں سینئرصحافی شجاعٹ بخاری کی ہلاکت کے واقعے میں شامل اورملوث تھا۔

پولیس بیان میں بتایاگیاکہ مارے گئے جنگجوؤں کی شناخت کاعمل اورلازمی قانونی کارروائی کے بعدانکی نعشیں لواحقین کے سپردکی گئیں ۔بیان میں مقامی لوگوں پرزوردیاگیاکہ وہ جائے جھڑپ کے نزدیک تب تک نہ جائیں جب تک پولیس وفورسزکی ٹیم اس جگہ کامعائنہ نہیں کرتی ہے۔اُدھرجمعہ کوعلی الصبح جھڑپ شروع ہوونے کے کچھ دیربعدشال گنڈدچھنی پورہ بجبہاڑہ میں نوجوان گھروں سے باہرآئے اورانہوں نے انکاؤنٹرمخالف مظاہرے کرنے کے بعدسنگباری بھی کی ۔تاہم ان کوجلدہی منتشرکیاگیا۔ اس دوران جب یہاں 6جنگجوؤں کے جاں بحق ہوجانے کی خبرپھیل گئی توقصبہ بجبہاڑہ اوردیگرکچھ نواحی علاقوں کے علاوہ کھنہ بل میں بھی نوجوانوں نے گھروں سے نکل کرمظاہرے شروع کردئیے اورجب پولیس وفورسزنے ان کومنتشرکرنے کی کوشش کی تونوجوانوں نے مشتعل ہوکرسنگباری شروع کردی ۔مقامی لوگوں نے بتایاکہ نوجوان مظاہرین اورخشت باری کرنے والوں کومنتشرکرنے کیلئے پولیس وفورسزاہلکاروں نے ٹیرگیس شلنگ اورپیلٹ فائرنگ کے بعدگولیوں ے کچھ راؤنڈبھی فائرکئے ،جسکے نتیجے میں کم سے کم نصف درجن افرادزخمی ہوگئے ۔انہوں نے کہاکہ تین زخمیوں کواسپتال منتقل کیاگیاجہاں سے ایک نوجوان کوسری نگرروانہ کیاگیاکیونکہ اُسکی بازؤمیں گولی لگی ہے۔اُدھربیک وقت 6جنگجوؤں کے جاں بحق ہوجانے کے بعدجنوبی ضلع اسلام آبادکے ضلع صدرمقام،کھنہ بل اوربجبہاڑہ سمیت دوسرے قصبوں میں بھی مکمل ہڑتال کی گئی جبکہ اسے پہلے ہی ممکنہ افواہوں اورمظاہروں کے پیش نظرسیکورٹی حکام کی ہدایت پرضلع اسلام آبادمیں موبائل انٹرنیٹ خدمات کومنقطع کردینے کیساتھ بانہال اورسری نگرکے درمیان چلنے والی ریل سروس کوبھی معطل رکھاگیا۔