خبراردو:
اوڑی کے کمل کوٹ سیکٹرمیں حدمتارکہ پرقائم ایک چوکی پرپاکستانی فوج کی گولی باری کے نتیجے میں فوج کی 8آرآرسے وابستہ 2 اہلکاروں نائیک ایم ویلیم اورسپاہی دیپوویشواناتھ کے زخمی ہوجانے کے بعدشمالی کشمیرمیں سرحدوں پرسخت کشیدگی پیداہوئی ہے۔معلوم ہواکہ کمل کوٹ اوڑی سیکٹرمیں ہندوپاک افواج کے درمیان وقفہ وقفہ سے گولی باری کاسلسلہ بدھ سے جاری ہے ۔دفاعی ذرائع نے اس سیکٹرمیں تناؤاورٹکراؤکی صورتحال ہونے کااعتراف کرتے ہوئے بتایاکہ جمعرات کوصبح 9بجے پاکستانی فوج نے کمل کو ٹ سیکٹرمیں پھرجنگ بندی کی خلاف ورزی کی ۔انہوں نے کہاکہ پاکستانی فوج نے ایل اؤسی پرقائم دفاعی ونگرانی چوکیوں کیساتھ ساتھ آبادی والے علاقوں کوبھی نشانہ بنایا،جسکے باعث سرحدی دیہات میں رہنے والے عام شہریوں میں سخت خوف وہراس پیداہوئی ہے ۔

ذرائع نے بتایاکہ کمل کوٹ سیکٹرمیں پاکستانی فوج کوبلاجوازفائرنگ وشلنگ کابھرپورجواب دیاگیا۔پولیس وسیول حکام نے بتایاکہ جمعرات کوصبح ساڑھے 9بجے سے 11بجے تک گولی باری اورشلنگ کاسلسلہ جاری رہاجس دوران کمل کوٹ میں حکیم علی میرساکنہ بتارکھنڈی بارجااوڑی کے رہائشی مکان اورنزدیک ہی قائم ٹین کے شیڈکونقصان پہنچا۔ایس ڈی ایم اوڑی بصیرالحق نے بتایاکہ کمل کوٹ سیکٹرکے نزدیکی گاؤں میں سرحدپارسے فائرنگ اورمارٹرشلنگ کی گئی ،جسکے نتیجے میں دوڈھانچوں کونقصان پہنچنے کی اطلاع ملی ہے۔مقامی لوگوں کاحوالہ دیتے ہوئے پولیس وسیول حکام نے بتایاکہ لگ بھگ 2گھنٹے تک ہندوپاک افواج کے درمیان شدیدگولی باری کاتبادلہ ہواجبکہ اس دوران کئی مارٹرشل بھی زورداردھماکوں کیساتھ پھٹ گئے ۔انہوں نے کہاکہ کمل کوٹ سیکٹرکے قریب واقع آبادی والے علاقوں میں سخت خوف ودہشت پائی جاتی ہے اورلوگ گھروں میں سہم کررہ گئے ہیں ۔ انہوں نے کہاکہ گولی باری سے متاثرہ کنبے کومحفوظ جگہ منتقل کیاگیاجبکہ دیگرلوگوں کوبھی محفوظ مقامات پرلیجانے کی ہدایت دی گئی ۔اس دوران حکا م نے سلا م آبادی اوڑی اورچکوٹی مظفرآبادکے درمیان تجارتی سرگرمیاں روک دیں ۔اسبارے میں ایس ڈی ایم اوڑی کاکہناتھاکہ کما ن پوسٹ کاعلاقہ چونکہ کمل کوٹ سیکٹرکے نزدیک واقع ہے،اسلئے احتیاطی طورپرمال بردارگاڑیوں کی روانگی اورسرحدپارسے آمدکومعطل رکھاگیا۔انہوں نے کہاکہ سرحدی صورتحال تجارتی سرگرمیوں کے حوالے سے موافق نہیں تھی ،اسلئے گاڑیوں کی آواجاہی کوروک دیاگیا۔

اس دوران شمالی کشمیرکے مژھل سیکٹرمیں بھی ہندوپاک افواج کے درمیان گولی باری کاتبادلہ ہوا۔دفاعی ذرائع نے بتایاکہ پاکستانی فوج نے مژھل سیکٹرمیں ایل اؤسی کے نزدیک قائم دفاعی ونگرانی چوکیوں کونشانہ بناتے ہوئے بغیرکسی اشتعال کی گولہ باری شروع کردی۔مقامی لوگوں نے اسکی تصدیق کرتے ہوئے بتایاکہ مژھل سیکٹرمیں رنگ پائین ،تانترے اورخان بستی کے نزدیک فائرنگ اورگولہ باری ہوئی ،جسکے باعث شہریوں میں سخت خوف وہراس پھیل گیا۔دفاعی ذرائع نے بتایاکہ پاکستانی فوج نے جمعرات کوصبح 10بجکر45منٹ پر مژھل سیکٹرمیں جنگ بندی معاہدے کی خلاف ورزی کرتے ہوئے بلاجوازطورپرگولی باری شروع کردی ،جسکافوری اوربھرپوراندازمیں جواب دیاگیا۔دفاعی ذرائع نے بتایاکہ پاکستانی فوج کی جانب سے کی گئی فائرنگ کے نتیجے میں ایک فوجی جوان شدیدزخمی ہوگیا،جوبعدازاں زخموں کی تاب نہ لاکردم توڑبیٹھ ا۔

اُدھرپاکستانی فوج کے ذرائع نے بتایاکہ بھارت کی فوج نے اوڑی اورمژھل سیکٹروں میں بغیرکسی جوازکے گولی باری کی ۔انہوں نے بتایاکہ جنگ بندی معاہدے کی خلاف ورزی کرتے ہوئے بھارتی فوج کی جانب سے کی گئی گولی باری کابھرپورجواب دیاگیا۔ذرائع نے بتایاکہ تازہ گولی باری کے نتیجے میں ایل اؤسی کے پارسرحدی علاقو ں میں سخت تناؤاورخوف وہراس پایاجاتاہے۔ پاکستانی فوج کے ترجمان میجر جنرل آصف غفور نے کہا کہ بھارت کی جانب سے رواں سال بہت تیزی کے ساتھ سیز فائر کی خلاف ورزی کی جارہی ہے، جن میں عام شہریوں کی تعداد زیادہ ہے۔ان کا کہنا تھا کہ بھارتی فوج کی جانب سے عام شہریوں کو خصوصی طور پر نشانہ بنایا جاتا ہے تاہم پاکستان ایسی جوابی کارروائی نہیں کرتا جس میں عام شہریوں کا قتل عام ہو۔