اگلی سماعت میں سپریم کورٹ سے فیصلے کی اُمید
UT کا’ سیٹ اپ‘ ناقابل برداشت، ڈیلی ویجروں کی باقاعدگی ناگزیر:سریندر چودھری
سری نگر:جے کے این ایس : نائب وزیر اعلی سریندر چودھری نے پیر کو بی جے پی پر شدید حملہ کرتے ہوئے الزام لگایا کہ وہ اپنی ناکامیوں سے توجہ ہٹانے کی کوشش کرتے ہوئے جموں و کشمیر کے بنیادی مسائل کو نظر انداز کر رہی ہے۔انہوں نے کہا کہ نیشنل کانفرنس واحد جماعت ہے جو لوگوں کے حقوق اور وقار کے لیے مسلسل بات کرتی ہے۔ نائب وزیر اعلی سریندر چودھری نے راجیہ سبھا انتخابات سے قبل نامہ نگاروں سے بات کرتے ہوئے کہا کہ نیشنل کانفرنس کے 3 اُمیدوار جو پارلیمنٹ میں داخل ہونے والے ہیں، وہ دہلی میں جموں و کشمیر کی آواز کی نمائندگی کریں گے۔ انہوں نے کہا کہ جو لوگ نیشنل کانفرنس سے جیتیں گے، وہ راجیہ سبھا میں جموں و کشمیر کےلئے بات کریں گے۔انہوں نے بی جے پی پر تنقید کی کہ وہ بے روزگاری اور دیگر عوامی خدشات کو دور کرنے میں ناکام رہی ہے۔ سریندر چودھری نے کہاکہ بی جے پی نے11 سال پہلے مسائل پر بات نہیں کی تھی، اور وہ آج ان کے بارے میں بات نہیں کرتی ہے۔ وہ صرف نیشنل کانفرنس کے منشور کی بات کرتی ہے، لوگوں کے مسائل کی نہیں۔ سریندر چودھری نے کہا کہ نیشنل کانفرنس جموں و کشمیر کی ریاستی حیثیت اور آئینی حیثیت کو بحال کرنے کےلئے پرعزم ہے۔انہوںنے کہاکہ ہمارا سب سے بڑا مطالبہ ریاست کا درجہ اور جموں و کشمیر کی کھوئی ہوئی حیثیت کو واپس حاصل کرنا ہے۔ سریندرچودھری نے کہاکہ ہم اس یونین ٹریٹری کے سیٹ اپ کو برداشت نہیں کر سکتے۔انہوں نے لداخ کو ایک مثال کے طور پر حوالہ دیا کہ کس طرح یونین ٹیریٹری کی حیثیت نے لوگوں کو مایوس کیا ہے۔ نائب وزیر اعلی سریندر چودھری نے کہاکہ وہ لوگ جنہوں نے لداخ میں یوٹی کا درجہ منایا، وہ اب غصے میں ہیں اور خود کو دھوکہ دے رہے ہیں۔ ان لوگوں کے درد کا تصور کریں جنہوں نے کبھی اس کا مطالبہ بھی نہیں کیا،۔نائب وزیر اعلیٰ نے یومیہ اجرت والے اور کنٹریکٹ پر کام کرنے والوں کا مسئلہ بھی اٹھایا۔ انہوں نے کہا کہ یومیہ اجرت والوں کا ایک بڑا مسئلہ ہے۔ انہیں ریگولرائز یا باقاعدہ کرنے کی ضرورت ہے لیکن کچھ نہیں کیا جا رہا ہے۔بی جے پی پر طنز کرتے ہوئے، سریندرچودھری نے اس کے مقامی لیڈروں پر دہلی کےلئے ماو ¿تھ پیس کے طور پر کام کرنے کا الزام لگایا۔ انہوں نے کہاکہ یہاں بی جے پی لیڈر کٹھ پتلی ہیں، دہلی سے جو بھی خط آتا ہے، وہ صبح ہی پڑھ لیتے ہیں۔سریندر چودھری نے محبوبہ مفتی اور بی جے پی لیڈروں کو بھی نشانہ بنایا، اور اشارہ دیا کہ وہ مرکز کی ہدایات پر عمل کرتے ہیں۔ انہوںنے کہاکہ اپوزیشن لیڈر سنیل شرما اور محبوبہ مفتی ایک ہی زبان بولتے ہیں۔ وہ وہی پڑھتے ہیں جو دہلی بھیجتا ہے۔نائب وزیر اعلی سریندر چودھری نے کہا کہ جموں و کشمیر میں صحافیوں کو پابندیوں کا سامنا ہے لیکن دباو ¿ کے باوجود سچ بولنا جاری ہے۔ انہوں نے کہا کہ جو صحافی سچ بولتے ہیں انہیں رکاوٹوں کا سامنا کرنا پڑتا ہے۔ ہم جانتے ہیں اور آپ بھی جانتے ہیں۔ریاستی حیثیت کے بارے میں، سریندر چودھری نے کہا کہ سپریم کورٹ کو اب فیصلہ کرنا چاہئے کیونکہ انتخابات بھی اس کی ہدایت پر ہوئے تھے۔ انہوں نے کہا کہ مرکز نے نہ صرف ہم سے بلکہ سپریم کورٹ سے ریاست کا درجہ دینے کا وعدہ کیا تھا۔چودھری نے کہاکہ ہم امید کرتے ہیں کہ اگلی سماعت کوئی فیصلہ لائے گی۔اتحاد اور سیٹوں کی تقسیم سے متعلق سوالات کے جواب میں انہوں نے تفصیلات میں جانے سے انکار کردیا۔ انہوں نے کہا کہ فارم جمع کرانے کے لیے ابھی بھی وقت ہے۔ اس کے بعد ہم سے پوچھیں، ابھی نہیں۔سریندر چودھری نے لوگوں پر زور دیا کہ وہ این سی قیادت کو سنجیدگی سے لیں۔ اگر آپ جموں و کشمیر میں کسی کو سنجیدگی سے لیتے ہیں، تو نیشنل کانفرنس، فاروق عبداللہ اور عمر عبداللہ کے کیڈر کو لیں۔ دیگر ٹیم اے، بی، سی میں تقسیم ہیں۔نائب وزیر اعلی سریندر چودھری نے کہا کہ تنقید کرنے والے جو کبھی دعوے کرتے تھے آج خاموش ہیں۔ انہوں نے کہا کہ جو لوگ پہلے50 بار چیختے تھے وہ اب سیٹیاں بجا رہے ہیں، 24اکتوبر کو آنے دو، نتیجہ بولے گا۔